| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. ад̇д̇ад̣̇ийбаваг̇г̇о
5. Attadīpavaggo
1. ад̇д̇ад̣̇ийбасуд̇д̇аван̣н̣анаа
1. Attadīpasuttavaṇṇanā
43. ад̇д̇ад̣̇ийбаваг̇г̇асса батамз ад̇д̇ад̣̇ийбаад̇и ад̇д̇аанам̣ д̣̇ийбам̣ д̇аан̣ам̣ лзн̣ам̣ г̇ад̇им̣ барааяан̣ам̣ бад̇идтам̣ гад̇ваа вихарат̇аад̇и ад̇т̇о. ад̇д̇асаран̣аад̇и ид̣̇ам̣ д̇ассзва взважанам̣. анан̃н̃асаран̣аад̇и ид̣̇ам̣ ан̃н̃асса саран̣абадигкзбаважанам̣. на хи ан̃н̃о ан̃н̃асса саран̣ам̣ ход̇и ан̃н̃асса вааяаамзна ан̃н̃асса асиж̇жханад̇о, вуд̇д̇амби жзд̇ам̣ –
43. Attadīpavaggassa paṭhame attadīpāti attānaṃ dīpaṃ tāṇaṃ leṇaṃ gatiṃ parāyaṇaṃ patiṭṭhaṃ katvā viharathāti attho. Attasaraṇāti idaṃ tasseva vevacanaṃ. Anaññasaraṇāti idaṃ aññassa saraṇapaṭikkhepavacanaṃ. Na hi añño aññassa saraṇaṃ hoti aññassa vāyāmena aññassa asijjhanato, vuttampi cetaṃ –
‘‘ад̇д̇аа хи ад̇д̇ано наат̇о,
‘‘Attā hi attano nātho,
го хи наат̇о баро сияаа’’д̇и. (д̇ха. ба. 160);
Ko hi nātho paro siyā’’ti. (dha. pa. 160);
д̇знааха ‘‘анан̃н̃асаран̣аа’’д̇и. го банзд̇т̇а ад̇д̇аа наама? логияалогуд̇д̇аро д̇хаммо. д̇знзвааха – ‘‘д̇хаммад̣̇ийбаа д̇хаммасаран̣аа анан̃н̃асаран̣аа’’д̇и. яонийд̇и гааран̣ам̣ – ‘‘яони хзсаа, бхуумиж̇а, паласса ад̇хиг̇амааяаа’’д̇иаад̣̇ийсу (ма. ни. 3.227) вияа. гим̣баход̇игаад̇и гим̣бабхуд̇игаа, гуд̇о бабхаванд̇ийд̇и ад̇т̇о? руубасса д̇взваад̇и ид̣̇ам̣ д̇зсам̣язва согаад̣̇ийнам̣ бахаанад̣̇ассанад̇т̇ам̣ аарад̣̇д̇хам̣. на барид̇ассад̇ийд̇и на г̇ан̣хаад̇и на г̇ахад̇и. д̇ад̣̇ан̇г̇аниб̣б̣уд̇од̇и д̇зна вибассанан̇г̇зна гилзсаанам̣ ниб̣б̣уд̇ад̇д̇аа д̇ад̣̇ан̇г̇аниб̣б̣уд̇о. имасмим̣ суд̇д̇з вибассанаава гат̇ид̇аа. батамам̣.
Tenāha ‘‘anaññasaraṇā’’ti. Ko panettha attā nāma? Lokiyalokuttaro dhammo. Tenevāha – ‘‘dhammadīpā dhammasaraṇā anaññasaraṇā’’ti. Yonīti kāraṇaṃ – ‘‘yoni hesā, bhūmija, phalassa adhigamāyā’’tiādīsu (ma. ni. 3.227) viya. Kiṃpahotikāti kiṃpabhutikā, kuto pabhavantīti attho? Rūpassa tvevāti idaṃ tesaṃyeva sokādīnaṃ pahānadassanatthaṃ āraddhaṃ. Na paritassatīti na gaṇhāti na gahati. Tadaṅganibbutoti tena vipassanaṅgena kilesānaṃ nibbutattā tadaṅganibbuto. Imasmiṃ sutte vipassanāva kathitā. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ад̇д̇ад̣̇ийбасуд̇д̇ам̣ • 1. Attadīpasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ад̇д̇ад̣̇ийбасуд̇д̇аван̣н̣анаа • 1. Attadīpasuttavaṇṇanā
