| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. อตฺตทีปวโคฺค
5. Attadīpavaggo
๑. อตฺตทีปสุตฺตวณฺณนา
1. Attadīpasuttavaṇṇanā
๔๓. ทฺวีหิ ภาเคหิ อาโป เอตฺถ คตาติ ทีโป, ทีโป วิยาติ ทีโป โอเฆหิ อนโชฺฌตฺถรนียตายฯ โย ปโร น โหติ, โส อตฺตา, อิธ ปน ธโมฺม อธิเปฺปโตฯ อตฺตา ทีโป เอเตสนฺติ อตฺตทีปาฯ ปฎิสรณโตฺถ ทีปโฎฺฐติ อาห – ‘‘อตฺตสรณาติ อิทํ ตเสฺสว เววจน’’นฺติฯ โลกิยโลกุตฺตโร ธโมฺม อตฺตา นาม เอกนฺตนาถภาวโตฯ ปฐเมน ปเทน วุโตฺต เอว อโตฺถ ทุติยปเทน วุจฺจตีติ วุตฺตํ ‘‘เตเนวาหา’’ติอาทิฯ ยวติ เอตสฺมา ผลํ ปสวตีติ โยนิ, การณํฯ กิํ ปภุติ อุปฺปตฺติฎฺฐานํ เอเตสนฺติ กิํ ปภุติกาฯ ปหานทสฺสนตฺถํ อารทฺธํฯ เตเนวาห ‘‘ปุเพฺพ เจว…เป.… เต ปหียนฺตี’’ติฯ น ปริตสฺสติ ตณฺหาปริตฺตาสสฺส อภาวโตฯ วิปสฺสนเงฺคนาติ วิปสฺสนาสงฺขาเตน การเณนฯ
43. Dvīhi bhāgehi āpo ettha gatāti dīpo, dīpo viyāti dīpo oghehi anajjhottharanīyatāya. Yo paro na hoti, so attā, idha pana dhammo adhippeto. Attā dīpo etesanti attadīpā. Paṭisaraṇattho dīpaṭṭhoti āha – ‘‘attasaraṇāti idaṃ tasseva vevacana’’nti. Lokiyalokuttaro dhammo attā nāma ekantanāthabhāvato. Paṭhamena padena vutto eva attho dutiyapadena vuccatīti vuttaṃ ‘‘tenevāhā’’tiādi. Yavati etasmā phalaṃ pasavatīti yoni, kāraṇaṃ. Kiṃ pabhuti uppattiṭṭhānaṃ etesanti kiṃ pabhutikā. Pahānadassanatthaṃ āraddhaṃ. Tenevāha ‘‘pubbe ceva…pe… te pahīyantī’’ti. Na paritassati taṇhāparittāsassa abhāvato. Vipassanaṅgenāti vipassanāsaṅkhātena kāraṇena.
อตฺตทีปสุตฺตวณฺณนา นิฎฺฐิตาฯ
Attadīpasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. อตฺตทีปสุตฺตํ • 1. Attadīpasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. อตฺตทีปสุตฺตวณฺณนา • 1. Attadīpasuttavaṇṇanā
