| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
5. අත්‌තදීපවග්‌ගො
5. Attadīpavaggo
1. අත්‌තදීපසුත්‌තවණ්‌ණනා
1. Attadīpasuttavaṇṇanā
43. ද්‌වීහි භාගෙහි ආපො එත්‌ථ ගතාති දීපො, දීපො වියාති දීපො ඔඝෙහි අනජ්‌ඣොත්‌ථරනීයතාය. යො පරො න හොති, සො අත්‌තා, ඉධ පන ධම්‌මො අධිප්‌පෙතො. අත්‌තා දීපො එතෙසන්‌ති අත්‌තදීපා. පටිසරණත්‌ථො දීපට්‌ඨොති ආහ – ‘‘අත්‌තසරණාති ඉදං තස්‌සෙව වෙවචන’’න්‌ති. ලොකියලොකුත්‌තරො ධම්‌මො අත්‌තා නාම එකන්‌තනාථභාවතො. පඨමෙන පදෙන වුත්‌තො එව අත්‌ථො දුතියපදෙන වුච්‌චතීති වුත්‌තං ‘‘තෙනෙවාහා’’තිආදි. යවති එතස්‌මා ඵලං පසවතීති යොනි, කාරණං. කිං පභුති උප්‌පත්‌තිට්‌ඨානං එතෙසන්‌ති කිං පභුතිකා. පහානදස්‌සනත්‌ථං ආරද්‌ධං. තෙනෙවාහ ‘‘පුබ්‌බෙ චෙව…පෙ.… තෙ පහීයන්‌තී’’ති. න පරිතස්‌සති තණ්‌හාපරිත්‌තාසස්‌ස අභාවතො. විපස්‌සනඞ්‌ගෙනාති විපස්‌සනාසඞ්‌ඛාතෙන කාරණෙන.
43. Dvīhi bhāgehi āpo ettha gatāti dīpo, dīpo viyāti dīpo oghehi anajjhottharanīyatāya. Yo paro na hoti, so attā, idha pana dhammo adhippeto. Attā dīpo etesanti attadīpā. Paṭisaraṇattho dīpaṭṭhoti āha – ‘‘attasaraṇāti idaṃ tasseva vevacana’’nti. Lokiyalokuttaro dhammo attā nāma ekantanāthabhāvato. Paṭhamena padena vutto eva attho dutiyapadena vuccatīti vuttaṃ ‘‘tenevāhā’’tiādi. Yavati etasmā phalaṃ pasavatīti yoni, kāraṇaṃ. Kiṃ pabhuti uppattiṭṭhānaṃ etesanti kiṃ pabhutikā. Pahānadassanatthaṃ āraddhaṃ. Tenevāha ‘‘pubbe ceva…pe… te pahīyantī’’ti. Na paritassati taṇhāparittāsassa abhāvato. Vipassanaṅgenāti vipassanāsaṅkhātena kāraṇena.
අත්‌තදීපසුත්‌තවණ්‌ණනා නිට්‌ඨිතා.
Attadīpasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. අත්‌තදීපසුත්‌තං • 1. Attadīpasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. අත්‌තදීපසුත්‌තවණ්‌ණනා • 1. Attadīpasuttavaṇṇanā
