| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਅਤ੍ਤਦੀਪવਗ੍ਗੋ
5. Attadīpavaggo
੧. ਅਤ੍ਤਦੀਪਸੁਤ੍ਤવਣ੍ਣਨਾ
1. Attadīpasuttavaṇṇanā
੪੩. ਦ੍વੀਹਿ ਭਾਗੇਹਿ ਆਪੋ ਏਤ੍ਥ ਗਤਾਤਿ ਦੀਪੋ, ਦੀਪੋ વਿਯਾਤਿ ਦੀਪੋ ਓਘੇਹਿ ਅਨਜ੍ਝੋਤ੍ਥਰਨੀਯਤਾਯ। ਯੋ ਪਰੋ ਨ ਹੋਤਿ, ਸੋ ਅਤ੍ਤਾ, ਇਧ ਪਨ ਧਮ੍ਮੋ ਅਧਿਪ੍ਪੇਤੋ। ਅਤ੍ਤਾ ਦੀਪੋ ਏਤੇਸਨ੍ਤਿ ਅਤ੍ਤਦੀਪਾ। ਪਟਿਸਰਣਤ੍ਥੋ ਦੀਪਟ੍ਠੋਤਿ ਆਹ – ‘‘ਅਤ੍ਤਸਰਣਾਤਿ ਇਦਂ ਤਸ੍ਸੇવ વੇવਚਨ’’ਨ੍ਤਿ। ਲੋਕਿਯਲੋਕੁਤ੍ਤਰੋ ਧਮ੍ਮੋ ਅਤ੍ਤਾ ਨਾਮ ਏਕਨ੍ਤਨਾਥਭਾવਤੋ। ਪਠਮੇਨ ਪਦੇਨ વੁਤ੍ਤੋ ਏવ ਅਤ੍ਥੋ ਦੁਤਿਯਪਦੇਨ વੁਚ੍ਚਤੀਤਿ વੁਤ੍ਤਂ ‘‘ਤੇਨੇવਾਹਾ’’ਤਿਆਦਿ। ਯવਤਿ ਏਤਸ੍ਮਾ ਫਲਂ ਪਸવਤੀਤਿ ਯੋਨਿ, ਕਾਰਣਂ। ਕਿਂ ਪਭੁਤਿ ਉਪ੍ਪਤ੍ਤਿਟ੍ਠਾਨਂ ਏਤੇਸਨ੍ਤਿ ਕਿਂ ਪਭੁਤਿਕਾ। ਪਹਾਨਦਸ੍ਸਨਤ੍ਥਂ ਆਰਦ੍ਧਂ। ਤੇਨੇવਾਹ ‘‘ਪੁਬ੍ਬੇ ਚੇવ…ਪੇ॰… ਤੇ ਪਹੀਯਨ੍ਤੀ’’ਤਿ। ਨ ਪਰਿਤਸ੍ਸਤਿ ਤਣ੍ਹਾਪਰਿਤ੍ਤਾਸਸ੍ਸ ਅਭਾવਤੋ। વਿਪਸ੍ਸਨਙ੍ਗੇਨਾਤਿ વਿਪਸ੍ਸਨਾਸਙ੍ਖਾਤੇਨ ਕਾਰਣੇਨ।
43. Dvīhi bhāgehi āpo ettha gatāti dīpo, dīpo viyāti dīpo oghehi anajjhottharanīyatāya. Yo paro na hoti, so attā, idha pana dhammo adhippeto. Attā dīpo etesanti attadīpā. Paṭisaraṇattho dīpaṭṭhoti āha – ‘‘attasaraṇāti idaṃ tasseva vevacana’’nti. Lokiyalokuttaro dhammo attā nāma ekantanāthabhāvato. Paṭhamena padena vutto eva attho dutiyapadena vuccatīti vuttaṃ ‘‘tenevāhā’’tiādi. Yavati etasmā phalaṃ pasavatīti yoni, kāraṇaṃ. Kiṃ pabhuti uppattiṭṭhānaṃ etesanti kiṃ pabhutikā. Pahānadassanatthaṃ āraddhaṃ. Tenevāha ‘‘pubbe ceva…pe… te pahīyantī’’ti. Na paritassati taṇhāparittāsassa abhāvato. Vipassanaṅgenāti vipassanāsaṅkhātena kāraṇena.
ਅਤ੍ਤਦੀਪਸੁਤ੍ਤવਣ੍ਣਨਾ ਨਿਟ੍ਠਿਤਾ।
Attadīpasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਅਤ੍ਤਦੀਪਸੁਤ੍ਤਂ • 1. Attadīpasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਅਤ੍ਤਦੀਪਸੁਤ੍ਤવਣ੍ਣਨਾ • 1. Attadīpasuttavaṇṇanā
