| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
4. ад̇д̇агаамабаарижарияасигкаабад̣̇ам̣
4. Attakāmapāricariyasikkhāpadaṃ
290. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа уд̣̇ааяий саавад̇т̇ияам̣ гулуубаго ход̇и, б̣ахугаани гулаани убасан̇гамад̇и. д̇зна ко бана самаязна ан̃н̃ад̇араа ид̇т̇ий мад̇абад̇игаа абхируубаа ход̇и д̣̇ассанийяаа баасаад̣̇игаа. ат̇а ко ааяасмаа уд̣̇ааяий буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇ассаа ид̇т̇ияаа нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко саа ид̇т̇ий язнааяасмаа уд̣̇ааяий д̇знубасан̇гами; убасан̇гамид̇ваа ааяасманд̇ам̣ уд̣̇ааяим̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ ид̇т̇им̣ ааяасмаа уд̣̇ааяий д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко саа ид̇т̇ий ааяасмад̇аа уд̣̇ааяинаа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа ааяасманд̇ам̣ уд̣̇ааяим̣ зд̇ад̣̇авожа – ‘‘вад̣̇зяяаат̇а, бханд̇з, язна ад̇т̇о. бадиб̣алаа маяам̣ аяяасса д̣̇аад̇ум̣ яад̣̇ид̣̇ам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаара’’нд̇и.
290. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṃ kulūpako hoti, bahukāni kulāni upasaṅkamati. Tena kho pana samayena aññatarā itthī matapatikā abhirūpā hoti dassanīyā pāsādikā. Atha kho āyasmā udāyī pubbaṇhasamayaṃ nivāsetvā pattacīvaramādāya yena tassā itthiyā nivesanaṃ tenupasaṅkami; upasaṅkamitvā paññatte āsane nisīdi. Atha kho sā itthī yenāyasmā udāyī tenupasaṅkami; upasaṅkamitvā āyasmantaṃ udāyiṃ abhivādetvā ekamantaṃ nisīdi. Ekamantaṃ nisinnaṃ kho taṃ itthiṃ āyasmā udāyī dhammiyā kathāya sandassesi samādapesi samuttejesi sampahaṃsesi. Atha kho sā itthī āyasmatā udāyinā dhammiyā kathāya sandassitā samādapitā samuttejitā sampahaṃsitā āyasmantaṃ udāyiṃ etadavoca – ‘‘vadeyyātha, bhante, yena attho. Paṭibalā mayaṃ ayyassa dātuṃ yadidaṃ cīvarapiṇḍapātasenāsanagilānappaccayabhesajjaparikkhāra’’nti.
‘‘на ко д̇з, бхаг̇ини, амхаагам̣ д̣̇уллабхаа яад̣̇ид̣̇ам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараа. абижа, яо амхаагам̣ д̣̇уллабхо д̇ам̣ д̣̇зхий’’д̇и. ‘‘гим̣, бханд̇з’’д̇и? ‘‘мзт̇унад̇хамма’’нд̇и. ‘‘ад̇т̇о , бханд̇з’’д̇и? ‘‘ад̇т̇о, бхаг̇иний’’д̇и. ‘‘зхи, бханд̇з’’д̇и, оварагам̣ бависид̇ваа саадагам̣ нигкибид̇ваа ман̃жагз уд̇д̇аанаа нибаж̇ж̇и. ат̇а ко ааяасмаа уд̣̇ааяий язна саа ид̇т̇ий д̇знубасан̇гами; убасан̇гамид̇ваа – ‘‘го имам̣ васалам̣ д̣̇уг̇г̇анд̇хам̣ аамасиссад̇ий’’д̇и, нидтухид̇ваа баггаами. ат̇а ко саа ид̇т̇ий уж̇жхааяад̇и кияяад̇и вибаажзд̇и – ‘‘алаж̇ж̇ино имз саман̣аа сагяабуд̇д̇ияаа д̣̇уссийлаа мусааваад̣̇ино. имз хи наама д̇хаммажаарино самажаарино б̣рахмажаарино сажжаваад̣̇ино сийлаванд̇о галяаан̣ад̇хаммаа бадиж̇ааниссанд̇и! над̇т̇и имзсам̣ сааман̃н̃ам̣ над̇т̇и имзсам̣ б̣рахман̃н̃ам̣, надтам̣ имзсам̣ сааман̃н̃ам̣ надтам̣ имзсам̣ б̣рахман̃н̃ам̣, гуд̇о имзсам̣ сааман̃н̃ам̣ гуд̇о имзсам̣ б̣рахман̃н̃ам̣, абаг̇ад̇аа имз сааман̃н̃аа абаг̇ад̇аа имз б̣рахман̃н̃аа. гат̇ан̃хи наама саман̣о уд̣̇ааяий мам̣ саамам̣ мзт̇унад̇хаммам̣ яаажид̇ваа, ‘го имам̣ васалам̣ д̣̇уг̇г̇анд̇хам̣ аамасиссад̇ий’’д̇и нидтухид̇ваа баггамиссад̇и! гим̣ мз баабагам̣ гим̣ мз д̣̇уг̇г̇анд̇хам̣, гассаахам̣ гзна хааяаамий’’д̇и? ан̃н̃ааби ид̇т̇ияо уж̇жхааяанд̇и кияяанд̇и вибаажзнд̇и – ‘‘алаж̇ж̇ино имз саман̣аа сагяабуд̇д̇ияаа д̣̇уссийлаа мусааваад̣̇ино…бз… гат̇ан̃хи наама саман̣о уд̣̇ааяий имиссаа саамам̣ мзт̇унад̇хаммам̣ яаажид̇ваа, ‘го имам̣ васалам̣ д̣̇уг̇г̇анд̇хам̣ аамасиссад̇ий’д̇и нидтухид̇ваа баггамиссад̇и! гим̣ имиссаа баабагам̣ гим̣ имиссаа д̣̇уг̇г̇анд̇хам̣, гассааяам̣ гзна хааяад̇ий’’д̇и? ассосум̣ ко бхигкуу д̇аасам̣ ид̇т̇ийнам̣ уж̇жхааяанд̇ийнам̣ кияяанд̇ийнам̣ вибаажзнд̇ийнам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасиссад̇ий’’д̇и!
‘‘Na kho te, bhagini, amhākaṃ dullabhā yadidaṃ cīvarapiṇḍapātasenāsanagilānappaccayabhesajjaparikkhārā. Apica, yo amhākaṃ dullabho taṃ dehī’’ti. ‘‘Kiṃ, bhante’’ti? ‘‘Methunadhamma’’nti. ‘‘Attho , bhante’’ti? ‘‘Attho, bhaginī’’ti. ‘‘Ehi, bhante’’ti, ovarakaṃ pavisitvā sāṭakaṃ nikkhipitvā mañcake uttānā nipajji. Atha kho āyasmā udāyī yena sā itthī tenupasaṅkami; upasaṅkamitvā – ‘‘ko imaṃ vasalaṃ duggandhaṃ āmasissatī’’ti, niṭṭhuhitvā pakkāmi. Atha kho sā itthī ujjhāyati khiyyati vipāceti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ natthi imesaṃ brahmaññaṃ, naṭṭhaṃ imesaṃ sāmaññaṃ naṭṭhaṃ imesaṃ brahmaññaṃ, kuto imesaṃ sāmaññaṃ kuto imesaṃ brahmaññaṃ, apagatā ime sāmaññā apagatā ime brahmaññā. Kathañhi nāma samaṇo udāyī maṃ sāmaṃ methunadhammaṃ yācitvā, ‘ko imaṃ vasalaṃ duggandhaṃ āmasissatī’’ti niṭṭhuhitvā pakkamissati! Kiṃ me pāpakaṃ kiṃ me duggandhaṃ, kassāhaṃ kena hāyāmī’’ti? Aññāpi itthiyo ujjhāyanti khiyyanti vipācenti – ‘‘alajjino ime samaṇā sakyaputtiyā dussīlā musāvādino…pe… kathañhi nāma samaṇo udāyī imissā sāmaṃ methunadhammaṃ yācitvā, ‘ko imaṃ vasalaṃ duggandhaṃ āmasissatī’ti niṭṭhuhitvā pakkamissati! Kiṃ imissā pāpakaṃ kiṃ imissā duggandhaṃ, kassāyaṃ kena hāyatī’’ti? Assosuṃ kho bhikkhū tāsaṃ itthīnaṃ ujjhāyantīnaṃ khiyyantīnaṃ vipācentīnaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī mātugāmassa santike attakāmapāricariyāya vaṇṇaṃ bhāsissatī’’ti!
ат̇а ко д̇з бхигкуу ааяасманд̇ам̣ уд̣̇ааяим̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа ааяасманд̇ам̣ уд̣̇ааяим̣ бадибужчи – ‘‘сажжам̣ гира д̇вам̣, уд̣̇ааяи, маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасасий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасиссаси! нану маяаа , могхабуриса, анзгабарияааязна вирааг̇ааяа д̇хаммо д̣̇зсид̇о но сарааг̇ааяа…бз… гаамабарил̣аахаанам̣ вуубасамо агкаад̇о? нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ udāyiṃ paṭipucchi – ‘‘saccaṃ kira tvaṃ, udāyi, mātugāmassa santike attakāmapāricariyāya vaṇṇaṃ bhāsasī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, mātugāmassa santike attakāmapāricariyāya vaṇṇaṃ bhāsissasi! Nanu mayā , moghapurisa, anekapariyāyena virāgāya dhammo desito no sarāgāya…pe… kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
291. ‘‘яо бана бхигку од̇ин̣н̣о вибарин̣ад̇зна жид̇д̇зна маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасзяяа – ‘зд̇ад̣̇аг̇г̇ам̣, бхаг̇ини, баарижарияаанам̣ яаа маад̣̇исам̣ сийлаванд̇ам̣ галяаан̣ад̇хаммам̣ б̣рахмажаарим̣ зд̇зна д̇хаммзна барижарзяяаад̇и мзт̇унубасам̣хид̇зна’, сан̇гхаад̣̇исзсо’’д̇и.
291.‘‘Yo pana bhikkhu otiṇṇo vipariṇatena cittena mātugāmassa santike attakāmapāricariyāya vaṇṇaṃ bhāseyya – ‘etadaggaṃ, bhagini, pāricariyānaṃ yā mādisaṃ sīlavantaṃ kalyāṇadhammaṃ brahmacāriṃ etena dhammena paricareyyāti methunupasaṃhitena’, saṅghādiseso’’ti.
292. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
292.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
од̇ин̣н̣о наама саарад̇д̇о абзгкаваа бадиб̣ад̣̇д̇хажид̇д̇о.
Otiṇṇo nāma sāratto apekkhavā paṭibaddhacitto.
вибарин̣ад̇анд̇и рад̇д̇амби жид̇д̇ам̣ вибарин̣ад̇д̇ам̣, д̣̇удтамби жид̇д̇ам̣ вибарин̣ад̇ам̣, муул̣хамби жид̇д̇ам̣ вибарин̣ад̇ам̣. абижа, рад̇д̇ам̣ жид̇д̇ам̣ имасмим̣ ад̇т̇з ад̇хиббзд̇ам̣ вибарин̣ад̇анд̇и.
Vipariṇatanti rattampi cittaṃ vipariṇattaṃ, duṭṭhampi cittaṃ vipariṇataṃ, mūḷhampi cittaṃ vipariṇataṃ. Apica, rattaṃ cittaṃ imasmiṃ atthe adhippetaṃ vipariṇatanti.
маад̇уг̇аамо наама мануссид̇т̇ий, на яагкий, на бзд̇ий, на д̇иражчаанаг̇ад̇аа. вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удталлаад̣̇удтуллам̣ ааж̇аанид̇ум̣.
Mātugāmo nāma manussitthī, na yakkhī, na petī, na tiracchānagatā. Viññū paṭibalā subhāsitadubbhāsitaṃ duṭṭhallāduṭṭhullaṃ ājānituṃ.
маад̇уг̇аамасса санд̇игзд̇и маад̇уг̇аамасса сааманд̇аа, маад̇уг̇аамасса авид̣̇уурз.
Mātugāmassa santiketi mātugāmassa sāmantā, mātugāmassa avidūre.
ад̇д̇агааманд̇и ад̇д̇ано гаамам̣ ад̇д̇ано хзд̇ум̣ ад̇д̇ано ад̇хиббааяам̣ ад̇д̇ано баарижарияам̣.
Attakāmanti attano kāmaṃ attano hetuṃ attano adhippāyaṃ attano pāricariyaṃ.
зд̇ад̣̇аг̇г̇анд̇и зд̇ам̣ аг̇г̇ам̣ зд̇ам̣ сздтам̣ зд̇ам̣ могкам̣ зд̇ам̣ уд̇д̇амам̣ зд̇ам̣ баварам̣.
Etadagganti etaṃ aggaṃ etaṃ seṭṭhaṃ etaṃ mokkhaṃ etaṃ uttamaṃ etaṃ pavaraṃ.
яаад̇и кад̇д̇ияий 1 ваа б̣раахман̣ий ваа взссий ваа суд̣̇д̣̇ий ваа.
Yāti khattiyī 2 vā brāhmaṇī vā vessī vā suddī vā.
маад̣̇исанд̇и кад̇д̇ияам̣ ваа б̣раахман̣ам̣ ваа взссам̣ ваа суд̣̇д̣̇ам̣ ваа.
Mādisanti khattiyaṃ vā brāhmaṇaṃ vā vessaṃ vā suddaṃ vā.
сийлаванд̇анд̇и баан̣аад̇ибаад̇аа бадивирад̇ам̣, ад̣̇иннаад̣̇аанаа бадивирад̇ам̣, мусааваад̣̇аа бадивирад̇ам̣.
Sīlavantanti pāṇātipātā paṭivirataṃ, adinnādānā paṭivirataṃ, musāvādā paṭivirataṃ.
б̣рахмажааринд̇и мзт̇унад̇хаммаа бадивирад̇ам̣.
Brahmacārinti methunadhammā paṭivirataṃ.
галяаан̣ад̇хаммо наама д̇зна жа сийлзна д̇зна жа б̣рахмажариязна галяаан̣ад̇хаммо ход̇и.
Kalyāṇadhammo nāma tena ca sīlena tena ca brahmacariyena kalyāṇadhammo hoti.
зд̇зна д̇хаммзнаад̇и мзт̇унад̇хаммзна.
Etenadhammenāti methunadhammena.
барижарзяяаад̇и абхирамзяяа.
Paricareyyāti abhirameyya.
мзт̇унубасам̣хид̇знаад̇и мзт̇унад̇хаммаббадисам̣яуд̇д̇зна.
Methunupasaṃhitenāti methunadhammappaṭisaṃyuttena.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
293. ид̇т̇ий жа ход̇и ид̇т̇исан̃н̃ий саарад̇д̇о жа. бхигку жа нам̣ ид̇т̇ияаа санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и сан̇гхаад̣̇исзсасса .
293. Itthī ca hoti itthisaññī sāratto ca. Bhikkhu ca naṃ itthiyā santike attakāmapāricariyāya vaṇṇaṃ bhāsati, āpatti saṅghādisesassa .
ид̇т̇ий жа ход̇и взмад̇иго…бз… бан̣д̣агасан̃н̃ий… бурисасан̃н̃ий… д̇иражчаанаг̇ад̇асан̃н̃ий саарад̇д̇о жа. бхигку жа нам̣ ид̇т̇ияаа санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и т̇уллажжаяасса.
Itthī ca hoti vematiko…pe… paṇḍakasaññī… purisasaññī… tiracchānagatasaññī sāratto ca. Bhikkhu ca naṃ itthiyā santike attakāmapāricariyāya vaṇṇaṃ bhāsati, āpatti thullaccayassa.
бан̣д̣аго жа ход̇и бан̣д̣агасан̃н̃ий саарад̇д̇о жа. бхигку жа нам̣ бан̣д̣агасса санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и т̇уллажжаяасса.
Paṇḍako ca hoti paṇḍakasaññī sāratto ca. Bhikkhu ca naṃ paṇḍakassa santike attakāmapāricariyāya vaṇṇaṃ bhāsati, āpatti thullaccayassa.
бан̣д̣аго жа ход̇и взмад̇иго…бз… бурисасан̃н̃ий… д̇иражчаанаг̇ад̇асан̃н̃ий… ид̇т̇исан̃н̃ий саарад̇д̇о жа. бхигку жа нам̣ бан̣д̣агасса санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и д̣̇уггадасса.
Paṇḍako ca hoti vematiko…pe… purisasaññī… tiracchānagatasaññī… itthisaññī sāratto ca. Bhikkhu ca naṃ paṇḍakassa santike attakāmapāricariyāya vaṇṇaṃ bhāsati, āpatti dukkaṭassa.
бурисо жа ход̇и…бз… д̇иражчаанаг̇ад̇о жа ход̇и д̇иражчаанаг̇ад̇асан̃н̃ий…бз… взмад̇иго ид̇т̇исан̃н̃ий… бан̣д̣агасан̃н̃ий… бурисасан̃н̃ий саарад̇д̇о жа. бхигку жа нам̣ д̇иражчаанаг̇ад̇асса санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и д̣̇уггадасса.
Puriso ca hoti…pe… tiracchānagato ca hoti tiracchānagatasaññī…pe… vematiko itthisaññī… paṇḍakasaññī… purisasaññī sāratto ca. Bhikkhu ca naṃ tiracchānagatassa santike attakāmapāricariyāya vaṇṇaṃ bhāsati, āpatti dukkaṭassa.
д̣̇вз ид̇т̇ияо д̣̇виннам̣ ид̇т̇ийнам̣ ид̇т̇исан̃н̃ий саарад̇д̇о жа. бхигку жа нам̣ д̣̇виннам̣ ид̇т̇ийнам̣ санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и д̣̇виннам̣ сан̇гхаад̣̇исзсаанам̣…бз… .
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ santike attakāmapāricariyāya vaṇṇaṃ bhāsati, āpatti dvinnaṃ saṅghādisesānaṃ…pe… .
ид̇т̇ий жа бан̣д̣аго жа убхиннам̣ ид̇т̇исан̃н̃ий саарад̇д̇о жа. бхигку жа нам̣ убхиннам̣ санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и сан̇гхаад̣̇исзсзна д̣̇уггадасса…бз… .
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ santike attakāmapāricariyāya vaṇṇaṃ bhāsati, āpatti saṅghādisesena dukkaṭassa…pe… .
294. анаабад̇д̇и ‘‘жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна убадтахаа’’д̇и бхан̣ад̇и, уммад̇д̇агасса аад̣̇игаммигассаад̇и.
294. Anāpatti ‘‘cīvarapiṇḍapātasenāsanagilānappaccayabhesajjaparikkhārena upaṭṭhahā’’ti bhaṇati, ummattakassa ādikammikassāti.
винийд̇авад̇т̇ууд̣̇д̣̇аанаг̇аат̇аа
Vinītavatthuuddānagāthā
гат̇ам̣ ван̃жхаа лабхз буд̇д̇ам̣, бияаа жа субхаг̇аа сияам̣;
Kathaṃ vañjhā labhe puttaṃ, piyā ca subhagā siyaṃ;
гим̣ д̣̇аж̇ж̇ам̣ гзнубадтзяяам̣, гат̇ам̣ г̇ажчзяяам̣ суг̇г̇ад̇инд̇и.
Kiṃ dajjaṃ kenupaṭṭheyyaṃ, kathaṃ gaccheyyaṃ suggatinti.
винийд̇авад̇т̇у
Vinītavatthu
295. д̇зна ко бана самаязна ан̃н̃ад̇араа ван̃жхаа ид̇т̇ий гулуубагам̣ бхигкум̣ зд̇ад̣̇авожа – ‘‘гат̇аахам̣, бханд̇з, виж̇ааязяяа’’нд̇и? ‘‘д̇зна хи, бхаг̇ини, аг̇г̇ад̣̇аанам̣ д̣̇зхий’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
295. Tena kho pana samayena aññatarā vañjhā itthī kulūpakaṃ bhikkhuṃ etadavoca – ‘‘kathāhaṃ, bhante, vijāyeyya’’nti? ‘‘Tena hi, bhagini, aggadānaṃ dehī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа виж̇ааяиний ид̇т̇ий гулуубагам̣ бхигкум̣ зд̇ад̣̇авожа – ‘‘гат̇аахам̣, бханд̇з, буд̇д̇ам̣ лабхзяяа’’нд̇и? ‘‘д̇зна хи, бхаг̇ини, аг̇г̇ад̣̇аанам̣ д̣̇зхий’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññatarā vijāyinī itthī kulūpakaṃ bhikkhuṃ etadavoca – ‘‘kathāhaṃ, bhante, puttaṃ labheyya’’nti? ‘‘Tena hi, bhagini, aggadānaṃ dehī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа ид̇т̇ий гулуубагам̣ бхигкум̣ зд̇ад̣̇авожа – ‘‘гат̇аахам̣, бханд̇з, саамигасса бияаа асса’’нд̇и? ‘‘д̇зна хи, бхаг̇ини, аг̇г̇ад̣̇аанам̣ д̣̇зхий’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññatarā itthī kulūpakaṃ bhikkhuṃ etadavoca – ‘‘kathāhaṃ, bhante, sāmikassa piyā assa’’nti? ‘‘Tena hi, bhagini, aggadānaṃ dehī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа ид̇т̇ий гулуубагам̣ бхигкум̣ зд̇ад̣̇авожа – ‘‘гат̇аахам̣, бханд̇з, субхаг̇аа асса’’нд̇и? ‘‘д̇зна хи , бхаг̇ини, аг̇г̇ад̣̇аанам̣ д̣̇зхий’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññatarā itthī kulūpakaṃ bhikkhuṃ etadavoca – ‘‘kathāhaṃ, bhante, subhagā assa’’nti? ‘‘Tena hi , bhagini, aggadānaṃ dehī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа ид̇т̇ий гулуубагам̣ бхигкум̣ зд̇ад̣̇авожа – ‘‘гяаахам̣, бханд̇з, аяяасса д̣̇аж̇ж̇аамий’’д̇и? ‘‘аг̇г̇ад̣̇аанам̣, бхаг̇иний’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññatarā itthī kulūpakaṃ bhikkhuṃ etadavoca – ‘‘kyāhaṃ, bhante, ayyassa dajjāmī’’ti? ‘‘Aggadānaṃ, bhaginī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа ид̇т̇ий гулуубагам̣ бхигкум̣ зд̇ад̣̇авожа – ‘‘гзнаахам̣, бханд̇з, аяяам̣ убадтзмий’’д̇и? ‘‘аг̇г̇ад̣̇аанзна, бхаг̇иний’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññatarā itthī kulūpakaṃ bhikkhuṃ etadavoca – ‘‘kenāhaṃ, bhante, ayyaṃ upaṭṭhemī’’ti? ‘‘Aggadānena, bhaginī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа ид̇т̇ий гулуубагам̣ бхигкум̣ зд̇ад̣̇авожа – ‘‘гат̇аахам̣,
Tena kho pana samayena aññatarā itthī kulūpakaṃ bhikkhuṃ etadavoca – ‘‘kathāhaṃ,
бханд̇з, суг̇ад̇им̣ г̇ажчзяяа’’нд̇и? ‘‘д̇зна хи, бхаг̇ини, аг̇г̇ад̣̇аанам̣ д̣̇зхий’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Bhante, sugatiṃ gaccheyya’’nti? ‘‘Tena hi, bhagini, aggadānaṃ dehī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ад̇д̇агаамабаарижарияасигкаабад̣̇ам̣ нидтид̇ам̣ жад̇уд̇т̇ам̣.
Attakāmapāricariyasikkhāpadaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
