| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
4. அத்தகாமபாரிசரியஸிக்கா²பத³வண்ணனா
4. Attakāmapāricariyasikkhāpadavaṇṇanā
290. சதுத்தே² சீவரந்தி நிவாஸனாதி³ யங் கிஞ்சி சீவரங். பிண்ட³பாதந்தி யோ கோசி ஆஹாரோ. ஸோ ஹி பிண்டொ³ல்யேன பி⁴க்கு²னோ பத்தே பதனதோ தத்த² தத்த² லத்³த⁴பி⁴க்கா²னங் பிண்டா³னங் பாதோ ஸன்னிபாதோதி வா பிண்ட³பாதோதி வுச்சதி. ஸேனாஸனந்தி ஸயனஞ்ச ஆஸனஞ்ச. யத்த² ஹி விஹாராதி³கே ஸேதி நிபஜ்ஜதி ஆஸதி நிஸீத³தி, தங் ஸேனாஸனங். பதி ஏதி ஏதஸ்மாதி பச்சயோதி ஆஹ ‘‘பதிகரணட்டே²ன பச்சயோ’’தி. ரோக³ஸ்ஸ பதிஅயனட்டே²ன வா பச்சயோ, பச்சனீகக³மனட்டே²னாதி அத்தோ², வூபஸமனத்தே²னாதி வுத்தங் ஹோதி. தா⁴துக்கோ²ப⁴லக்க²ணஸ்ஸ ஹி தங்ஹேதுகது³க்க²வேத³னாலக்க²ணஸ்ஸ வா ரோக³ஸ்ஸ படிபக்க²பா⁴வோ பதிஅயனட்டோ². யஸ்ஸ கஸ்ஸசீதி ஸப்பிஆதீ³ஸு யஸ்ஸ கஸ்ஸசி. ஸப்பாயஸ்ஸாதி ஹிதஸ்ஸ விகாரவூபஸமேனாதி அதி⁴ப்பாயோ. பி⁴ஸக்கஸ்ஸ கம்மங் தேன விதா⁴தப்³ப³தோ, தேனாஹ ‘‘அனுஞ்ஞாதத்தா’’தி. நக³ரபரிக்கா²ரேஹீதி நக³ரங் பரிவாரெத்வா ரக்க²ணகேஹி. ஆவாடபரிக்கே²போ பரிகா² உத்³தா³போ பாகாரோ ஏஸிகா பலிகோ⁴ பாகாரமத்த²கமண்ட³லந்தி ஸத்த நக³ரபரிக்கா²ராதி வத³ந்தி. ஸேதபரிக்கா²ரோதி ஸுவிஸுத்³த⁴ஸீலாலங்காரோ. அரியமக்³கோ³ ஹி இத⁴ ‘‘ரதோ²’’தி அதி⁴ப்பேதோ. தஸ்ஸ ச ஸம்மாவாசாத³யோ அலங்காரட்டே²ன ‘‘பரிக்கா²ரோ’’தி வுத்தா. சக்கவீரியோதி வீரியசக்கோ. ஜீவிதபரிக்கா²ராதி ஜீவிதஸ்ஸ பவத்திகாரணானி. ஸமுதா³னேதப்³பா³தி ஸம்மா உத்³த⁴ங் உத்³த⁴ங் ஆனேதப்³பா³ பரியேஸிதப்³பா³. பரிவாரோபி ஹோதி அந்தராயானங் பரிதோ வாரணதோ, தேனாஹ – ‘‘ஜீவித…பே॰… ரக்க²ணதோ’’தி. தத்த² அந்தரந்தி விவரங், ஓகாஸோதி அத்தோ². ரக்க²ணதோதி வேரிகானங் அந்தரங் அத³த்வா அத்தனோ ஸாமீனங் பரிவாரெத்வா டி²தஸேவகா விய ரக்க²ணதோ. அஸ்ஸாதி ஜீவிதஸ்ஸ. காரணபா⁴வதோதி சிரப்பவத்தியா காரணபா⁴வதோ. ரஸாயனபூ⁴தஞ்ஹி பே⁴ஸஜ்ஜங் ஸுசிரம்பி காலங் ஜீவிதங் பவத்தேதியேவ.
290. Catutthe cīvaranti nivāsanādi yaṃ kiñci cīvaraṃ. Piṇḍapātanti yo koci āhāro. So hi piṇḍolyena bhikkhuno patte patanato tattha tattha laddhabhikkhānaṃ piṇḍānaṃ pāto sannipātoti vā piṇḍapātoti vuccati. Senāsananti sayanañca āsanañca. Yattha hi vihārādike seti nipajjati āsati nisīdati, taṃ senāsanaṃ. Pati eti etasmāti paccayoti āha ‘‘patikaraṇaṭṭhena paccayo’’ti. Rogassa patiayanaṭṭhena vā paccayo, paccanīkagamanaṭṭhenāti attho, vūpasamanatthenāti vuttaṃ hoti. Dhātukkhobhalakkhaṇassa hi taṃhetukadukkhavedanālakkhaṇassa vā rogassa paṭipakkhabhāvo patiayanaṭṭho. Yassa kassacīti sappiādīsu yassa kassaci. Sappāyassāti hitassa vikāravūpasamenāti adhippāyo. Bhisakkassa kammaṃ tena vidhātabbato, tenāha ‘‘anuññātattā’’ti. Nagaraparikkhārehīti nagaraṃ parivāretvā rakkhaṇakehi. Āvāṭaparikkhepo parikhā uddāpo pākāro esikā paligho pākāramatthakamaṇḍalanti satta nagaraparikkhārāti vadanti. Setaparikkhāroti suvisuddhasīlālaṅkāro. Ariyamaggo hi idha ‘‘ratho’’ti adhippeto. Tassa ca sammāvācādayo alaṅkāraṭṭhena ‘‘parikkhāro’’ti vuttā. Cakkavīriyoti vīriyacakko. Jīvitaparikkhārāti jīvitassa pavattikāraṇāni. Samudānetabbāti sammā uddhaṃ uddhaṃ ānetabbā pariyesitabbā. Parivāropi hoti antarāyānaṃ parito vāraṇato, tenāha – ‘‘jīvita…pe… rakkhaṇato’’ti. Tattha antaranti vivaraṃ, okāsoti attho. Rakkhaṇatoti verikānaṃ antaraṃ adatvā attano sāmīnaṃ parivāretvā ṭhitasevakā viya rakkhaṇato. Assāti jīvitassa. Kāraṇabhāvatoti cirappavattiyā kāraṇabhāvato. Rasāyanabhūtañhi bhesajjaṃ sucirampi kālaṃ jīvitaṃ pavattetiyeva.
291. உபசாரேதி யத்த² டி²தோ விஞ்ஞாபேதுங் ஸக்கோதி, தாதி³ஸே. காமோ சேவ ஹேது ச பாரிசரியா ச அத்தோ². ஸேஸங் ப்³யஞ்ஜனந்திஆதீ³ஸு பாளியங் ‘‘அத்தகாம’’ந்தி பத³ங் உத்³த⁴ரித்வா அத்தனோ காமங், அத்தனோ ஹேதுங், அத்தனோ அதி⁴ப்பாயங், அத்தனோ பாரிசரியந்தி சத்தாரோ அத்தா² பத³பா⁴ஜனே வுத்தா. தேஸு பட²மே அத்த²விகப்பே காமோ ச ஹேது ச பாரிசரியா ச அத்தோ², ஸேஸங் அதி⁴ப்பாயபத³மேகங் ப்³யஞ்ஜனங் பட²மவிக்³க³ஹே தத³த்த²ஸ்ஸ அஸம்ப⁴வபா⁴வதோ நிரத்த²கத்தா. து³தியே பன அத்த²விகப்பே அதி⁴ப்பாயோ ச பாரிசரியா ச அத்தோ², காமோ ச ஹேது சாதி ஸேஸங் பத³த்³வயங் ப்³யஞ்ஜனங் தேஸங் தத்த² அத்தா²பா⁴வதோதி ஏவங் சத்தாரி பதா³னி த்³வின்னங் விக்³க³ஹானங் வஸேன யோஜிதானீதி கேசி வத³ந்தி. க³ண்டி²பதே³ ச அயமேவத்தோ² வுத்தோ. சூளமஜ்ஜி²மமஹாக³ண்டி²பதே³ஸு பன ‘‘பட²மஸ்மிங் அத்த²விகப்பே காமோ ச ஹேது ச பாரிசரியா ச அதி⁴ப்பாயத்தோ², ஸேஸங் மேது²னத⁴ம்மஸங்கா²தேன காமேனாதிஆதி³ விக்³க³ஹவாக்யங் அக்க²ரவிவரணமத்ததோ ப்³யஞ்ஜனமத்தங். து³தியே அத்த²விகப்பே அதி⁴ப்பாயோ ச பாரிசரியா ச அதி⁴ப்பாயத்தோ², ஸேஸங் அத்தனா காமிதா இச்சி²தாதிஆதி³ விக்³க³ஹவாக்யங் அக்க²ரவிவரணமத்ததோ ப்³யஞ்ஜனமத்த’’ந்தி ஏவமத்தோ² வுத்தோ . ‘‘ப்³யஞ்ஜனே ஆத³ரங் அகத்வா’’தி வசனதோ அயமேவத்தோ² இத⁴ யுத்ததரோதி விஞ்ஞாயதி. ப்³யஞ்ஜனே ஆத³ரங் அகத்வாதி இமினா ஹி அட்ட²கதா²யங் வுத்தவிக்³க³ஹவஸேன ப்³யஞ்ஜனே ஆத³ரங் அகத்வாதி அயமத்தோ² தீ³பிதோ.
291.Upacāreti yattha ṭhito viññāpetuṃ sakkoti, tādise. Kāmo ceva hetu ca pāricariyā ca attho. Sesaṃ byañjanantiādīsu pāḷiyaṃ ‘‘attakāma’’nti padaṃ uddharitvā attano kāmaṃ, attano hetuṃ, attano adhippāyaṃ, attano pāricariyanti cattāro atthā padabhājane vuttā. Tesu paṭhame atthavikappe kāmo ca hetu ca pāricariyā ca attho, sesaṃ adhippāyapadamekaṃ byañjanaṃ paṭhamaviggahe tadatthassa asambhavabhāvato niratthakattā. Dutiye pana atthavikappe adhippāyo ca pāricariyā ca attho, kāmo ca hetu cāti sesaṃ padadvayaṃ byañjanaṃ tesaṃ tattha atthābhāvatoti evaṃ cattāri padāni dvinnaṃ viggahānaṃ vasena yojitānīti keci vadanti. Gaṇṭhipade ca ayamevattho vutto. Cūḷamajjhimamahāgaṇṭhipadesu pana ‘‘paṭhamasmiṃ atthavikappe kāmo ca hetu ca pāricariyā ca adhippāyattho, sesaṃ methunadhammasaṅkhātena kāmenātiādi viggahavākyaṃ akkharavivaraṇamattato byañjanamattaṃ. Dutiye atthavikappe adhippāyo ca pāricariyā ca adhippāyattho, sesaṃ attanā kāmitā icchitātiādi viggahavākyaṃ akkharavivaraṇamattato byañjanamatta’’nti evamattho vutto . ‘‘Byañjane ādaraṃ akatvā’’ti vacanato ayamevattho idha yuttataroti viññāyati. Byañjane ādaraṃ akatvāti iminā hi aṭṭhakathāyaṃ vuttaviggahavasena byañjane ādaraṃ akatvāti ayamattho dīpito.
இதா³னி யதா²வுத்தமேவத்த²ங் பத³பா⁴ஜனேன ஸங்ஸந்தி³த்வா த³ஸ்ஸேதுங் ‘‘அத்தனோ காமங் அத்தனோ ஹேதுங் அத்தனோ பாரிசரியந்தி ஹி வுத்தே ஜானிஸ்ஸந்தி பண்டி³தா’’திஆதி³ ஆரத்³த⁴ங். இத³ங் வுத்தங் ஹோதி – ‘‘அத்தனோ ஹேது’’ந்தி வுத்தே அத்தனோ அத்தா²யாதி அயமத்தோ² விஞ்ஞாயதி. ‘‘அத்தனோ காமங் அத்தனோ பாரிசரிய’’ந்தி ச வுத்தே காமேன பாரிசரியாதி அயமத்தோ² விஞ்ஞாயதி. தஸ்மா அத்தனோ காமங் அத்தனோ ஹேதுங் அத்தனோ பாரிசரியந்தி இமேஹி தீஹி பதே³ஹி அத்தனோ அத்தா²ய காமேன பாரிசரியா அத்தகாமபாரிசரியாதி அயமத்த²விகப்போ வுத்தோதி விஞ்ஞூ ஜானிஸ்ஸந்தி. ‘‘அத்தனோ அதி⁴ப்பாய’’ந்தி வுத்தே பன அதி⁴ப்பாயஸத்³த³ஸ்ஸ காமிதஸத்³தே³ன ஸமானத்த²பா⁴வதோ அத்தனோ பாரிசரியந்தி இமஸ்ஸ ச உப⁴யவிக்³க³ஹஸாமஞ்ஞதோ அத்தனோ இச்சி²தகாமிதட்டே²ன அத்தகாமபாரிசரியாதி அயமத்த²விகப்போ த்³வீஹி பதே³ஹி த³ஸ்ஸிதோதி விஞ்ஞூ ஜானிஸ்ஸந்தீதி.
Idāni yathāvuttamevatthaṃ padabhājanena saṃsanditvā dassetuṃ ‘‘attano kāmaṃ attano hetuṃ attano pāricariyanti hi vutte jānissanti paṇḍitā’’tiādi āraddhaṃ. Idaṃ vuttaṃ hoti – ‘‘attano hetu’’nti vutte attano atthāyāti ayamattho viññāyati. ‘‘Attano kāmaṃ attano pāricariya’’nti ca vutte kāmena pāricariyāti ayamattho viññāyati. Tasmā attano kāmaṃ attano hetuṃ attano pāricariyanti imehi tīhi padehi attano atthāya kāmena pāricariyā attakāmapāricariyāti ayamatthavikappo vuttoti viññū jānissanti. ‘‘Attano adhippāya’’nti vutte pana adhippāyasaddassa kāmitasaddena samānatthabhāvato attano pāricariyanti imassa ca ubhayaviggahasāmaññato attano icchitakāmitaṭṭhena attakāmapāricariyāti ayamatthavikappo dvīhi padehi dassitoti viññū jānissantīti.
ஏதத³க்³க³ந்தி ஏஸா அக்³கா³. து³ட்டு²ல்லவாசாஸிக்கா²பதே³ கிஞ்சாபி மேது²னயாசனங் ஆக³தங், ததா²பி தங் து³ட்டு²ல்லவாசஸ்ஸாத³ராக³வஸேன வுத்தங், இத⁴ பன அத்தனோ மேது²னஸ்ஸாத³ராக³வஸேனாதி அயங் விஸேஸோ. வினீதவத்தூ²ஸு ‘‘தேன ஹி ப⁴கி³னி அக்³க³தா³னங் தே³ஹீ’’தி இத³ங் அத்தனோ அத்தா²ய வுத்தந்தி வேதி³தப்³ப³ங். மனுஸ்ஸித்தீ², இத்தி²ஸஞ்ஞிதா, அத்தகாமபாரிசரியாய ராகோ³, தேன ராகே³ன வண்ணப⁴ணனங், தங்க²ணவிஜானநந்தி இமானெத்த² பஞ்ச அங்கா³னி.
Etadagganti esā aggā. Duṭṭhullavācāsikkhāpade kiñcāpi methunayācanaṃ āgataṃ, tathāpi taṃ duṭṭhullavācassādarāgavasena vuttaṃ, idha pana attano methunassādarāgavasenāti ayaṃ viseso. Vinītavatthūsu ‘‘tena hi bhagini aggadānaṃ dehī’’ti idaṃ attano atthāya vuttanti veditabbaṃ. Manussitthī, itthisaññitā, attakāmapāricariyāya rāgo, tena rāgena vaṇṇabhaṇanaṃ, taṅkhaṇavijānananti imānettha pañca aṅgāni.
அத்தகாமபாரிசரியஸிக்கா²பத³வண்ணனா நிட்டி²தா.
Attakāmapāricariyasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. அத்தகாமபாரிசரியஸிக்கா²பத³ங் • 4. Attakāmapāricariyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. அத்தகாமபாரிசரியஸிக்கா²பத³வண்ணனா • 4. Attakāmapāricariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. அத்தகாமபாரிசரியஸிக்கா²பத³வண்ணனா • 4. Attakāmapāricariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. அத்தகாமபாரிசரியஸிக்கா²பத³வண்ணனா • 4. Attakāmapāricariyasikkhāpadavaṇṇanā
