| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. அத்தகாமபாரிசரியஸிக்கா²பத³வண்ணனா
4. Attakāmapāricariyasikkhāpadavaṇṇanā
290. சதுத்தே² தயோ ஸங்கா⁴தி³ஸேஸவாரா ஆக³தா, ஸேஸா ஸத்தபஞ்ஞாஸ வாரா து²ல்லச்சயது³க்கடாபத்திகாய ஸங்கி²த்தாதி வேதி³தப்³பா³, ததோ அஞ்ஞதரோ அஸம்ப⁴வதோ இத⁴ ந உத்³த⁴டோ. ஸேஸயோஜனக்கமோ வுத்தனயேன வேதி³தப்³போ³. நக³ரபரிக்கா²ரேஹீதி பாகாரபரிகா²தீ³ஹி நக³ரபரிவாரேஹி. ஸேதபரிக்கா²ரோதி ஸேதாலங்காரோ, ஸீலாலங்காரோதி அத்தோ² (ஸங்॰ நி॰ அட்ட²॰ 3.5.4). சக்கவீரியோதி வீரியசக்கோ. வஸலங் து³க்³க³ந்த⁴ந்தி நிமித்தங் ஸந்தா⁴யாஹ, ததே³வ ஸந்தா⁴ய ‘‘கிங் மே பாபகங், கிங் மே து³க்³க³ந்த⁴’’ந்தி வுத்தங்.
290. Catutthe tayo saṅghādisesavārā āgatā, sesā sattapaññāsa vārā thullaccayadukkaṭāpattikāya saṃkhittāti veditabbā, tato aññataro asambhavato idha na uddhaṭo. Sesayojanakkamo vuttanayena veditabbo. Nagaraparikkhārehīti pākāraparikhādīhi nagaraparivārehi. Setaparikkhāroti setālaṅkāro, sīlālaṅkāroti attho (saṃ. ni. aṭṭha. 3.5.4). Cakkavīriyoti vīriyacakko. Vasalaṃ duggandhanti nimittaṃ sandhāyāha, tadeva sandhāya ‘‘kiṃ me pāpakaṃ, kiṃ me duggandha’’nti vuttaṃ.
291. ஸந்திகேதி யத்த² டி²தோ விஞ்ஞாபேதி. ‘‘பட²மவிக்³க³ஹே ஸசே பாளிவஸேன யோஜேதீதி காமஹேதுபாரிசரியாஅத்தோ². ஸேஸந்தி ‘அதி⁴ப்பாயோ’தி பத³ங் ப்³யஞ்ஜனங் அத்தா²பா⁴வதோ. து³தியே பாளிவஸேன காமஹேது-பதா³னி ப்³யஞ்ஜனானி தேஸங் தத்த² அத்தா²பா⁴வதோ. ஏவங் சத்தாரி பதா³னி த்³வின்னங் விக்³க³ஹானங் வஸேன யோஜிதானீதி அபரே வத³ந்தீ’’தி வுத்தங்.
291.Santiketi yattha ṭhito viññāpeti. ‘‘Paṭhamaviggahe sace pāḷivasena yojetīti kāmahetupāricariyāattho. Sesanti ‘adhippāyo’ti padaṃ byañjanaṃ atthābhāvato. Dutiye pāḷivasena kāmahetu-padāni byañjanāni tesaṃ tattha atthābhāvato. Evaṃ cattāri padāni dvinnaṃ viggahānaṃ vasena yojitānīti apare vadantī’’ti vuttaṃ.
295. ஏதேஸு ஸிக்கா²பதே³ஸு மேது²னராகே³ன வீதிக்கமே ஸதி ஸங்கா⁴தி³ஸேஸேன அனாபத்தி. தஸ்மா ‘‘கிங் ப⁴ந்தே அக்³க³தா³னந்தி. மேது²னத⁴ம்ம’’ந்தி இத³ங் கேவலங் மேது²னத⁴ம்மஸ்ஸ வண்ணப⁴ணனத்த²ங் வுத்தங், ந மேது²னத⁴ம்மாதி⁴ப்பாயேன தத³த்தி²யா வுத்தந்தி வேதி³தப்³ப³ங், பரஸ்ஸ பி⁴க்கு²னோ காமபாரிசரியாய வண்ணப⁴ணனே து³க்கடங். ‘‘யோ தே விஹாரே வஸதி, தஸ்ஸ அக்³க³தா³னங் தே³ஹீ’’தி பரியாயவசனேனபி து³க்கடங். ‘‘அத்தகாமபாரிசரியாய வண்ணங் பா⁴ஸெய்ய. யா மாதி³ஸங் ஸீலவந்த’’ந்தி ச வுத்தத்தாதி ஏகே. பஞ்சஸு அங்கே³ஸு ஸப்³பா⁴வா ஸங்கா⁴தி³ஸேஸோவாதி ஏகே. விசாரெத்வா க³ஹேதப்³ப³ங். க³ண்டி²பதே³ பன ‘‘இமஸ்மிங் ஸிக்கா²பத³த்³வயே காயஸங்ஸக்³கே³ விய யக்கி²பேதீஸு து³ட்டு²ல்லத்தகாமவசனே து²ல்லச்சய’ந்தி வத³ந்தி. அட்ட²கதா²ஸு பன நாக³த’’ந்தி லிகி²தங். ‘‘உப⁴தொப்³யஞ்ஜனகோ பன பண்ட³கக³திகோவா’’தி வத³ந்தி.
295. Etesu sikkhāpadesu methunarāgena vītikkame sati saṅghādisesena anāpatti. Tasmā ‘‘kiṃ bhante aggadānanti. Methunadhamma’’nti idaṃ kevalaṃ methunadhammassa vaṇṇabhaṇanatthaṃ vuttaṃ, na methunadhammādhippāyena tadatthiyā vuttanti veditabbaṃ, parassa bhikkhuno kāmapāricariyāya vaṇṇabhaṇane dukkaṭaṃ. ‘‘Yo te vihāre vasati, tassa aggadānaṃ dehī’’ti pariyāyavacanenapi dukkaṭaṃ. ‘‘Attakāmapāricariyāya vaṇṇaṃ bhāseyya. Yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke. Vicāretvā gahetabbaṃ. Gaṇṭhipade pana ‘‘imasmiṃ sikkhāpadadvaye kāyasaṃsagge viya yakkhipetīsu duṭṭhullattakāmavacane thullaccaya’nti vadanti. Aṭṭhakathāsu pana nāgata’’nti likhitaṃ. ‘‘Ubhatobyañjanako pana paṇḍakagatikovā’’ti vadanti.
அத்தகாமபாரிசரியஸிக்கா²பத³வண்ணனா நிட்டி²தா.
Attakāmapāricariyasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. அத்தகாமபாரிசரியஸிக்கா²பத³ங் • 4. Attakāmapāricariyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. அத்தகாமபாரிசரியஸிக்கா²பத³வண்ணனா • 4. Attakāmapāricariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. அத்தகாமபாரிசரியஸிக்கா²பத³வண்ணனா • 4. Attakāmapāricariyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. அத்தகாமபாரிசரியஸிக்கா²பத³வண்ணனா • 4. Attakāmapāricariyasikkhāpadavaṇṇanā
