| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. ад̇д̇агаамабаарижарияасигкаабад̣̇аван̣н̣анаа
4. Attakāmapāricariyasikkhāpadavaṇṇanā
290. жад̇уд̇т̇з жийваранд̇и ниваасанаад̣̇и яам̣ гин̃жи жийварам̣. бин̣д̣абаад̇анд̇и яо гожи аахааро. со хи бин̣д̣олязна бхигкуно бад̇д̇з бад̇анад̇о д̇ад̇т̇а д̇ад̇т̇а лад̣̇д̇хабхигкаанам̣ бин̣д̣аанам̣ баад̇о саннибаад̇од̇и ваа бин̣д̣абаад̇од̇и вужжад̇и. сзнаасананд̇и саяанан̃жа аасанан̃жа. яад̇т̇а хи вихаараад̣̇игз сзд̇и нибаж̇ж̇ад̇и аасад̇и нисийд̣̇ад̇и, д̇ам̣ сзнаасанам̣. бад̇и зд̇и зд̇асмаад̇и бажжаяод̇и ааха ‘‘бад̇игаран̣адтзна бажжаяо’’д̇и. рог̇асса бад̇иаяанадтзна ваа бажжаяо, бажжанийгаг̇аманадтзнаад̇и ад̇т̇о, вуубасаманад̇т̇знаад̇и вуд̇д̇ам̣ ход̇и. д̇хаад̇угкобхалагкан̣асса хи д̇ам̣хзд̇угад̣̇угкавзд̣̇анаалагкан̣асса ваа рог̇асса бадибагкабхааво бад̇иаяанадто. яасса гассажийд̇и саббиаад̣̇ийсу яасса гассажи. саббааяассаад̇и хид̇асса вигааравуубасамзнаад̇и ад̇хиббааяо. бхисаггасса гаммам̣ д̇зна вид̇хаад̇аб̣б̣ад̇о, д̇знааха ‘‘анун̃н̃аад̇ад̇д̇аа’’д̇и. наг̇арабаригкаарзхийд̇и наг̇арам̣ бариваарзд̇ваа рагкан̣агзхи. ааваадабаригкзбо барикаа уд̣̇д̣̇аабо баагааро зсигаа балигхо баагаарамад̇т̇агаман̣д̣аланд̇и сад̇д̇а наг̇арабаригкаараад̇и вад̣̇анд̇и. сзд̇абаригкаарод̇и сувисуд̣̇д̇хасийлаалан̇гааро. арияамаг̇г̇о хи ид̇ха ‘‘рат̇о’’д̇и ад̇хиббзд̇о. д̇асса жа саммааваажаад̣̇аяо алан̇гаарадтзна ‘‘баригкааро’’д̇и вуд̇д̇аа. жаггавийрияод̇и вийрияажагго. ж̇ийвид̇абаригкаараад̇и ж̇ийвид̇асса бавад̇д̇игааран̣аани. самуд̣̇аанзд̇аб̣б̣аад̇и саммаа уд̣̇д̇хам̣ уд̣̇д̇хам̣ аанзд̇аб̣б̣аа бариязсид̇аб̣б̣аа. бариваароби ход̇и анд̇арааяаанам̣ барид̇о вааран̣ад̇о, д̇знааха – ‘‘ж̇ийвид̇а…бз… рагкан̣ад̇о’’д̇и. д̇ад̇т̇а анд̇аранд̇и виварам̣, огаасод̇и ад̇т̇о. рагкан̣ад̇од̇и взригаанам̣ анд̇арам̣ ад̣̇ад̇ваа ад̇д̇ано саамийнам̣ бариваарзд̇ваа тид̇асзвагаа вияа рагкан̣ад̇о. ассаад̇и ж̇ийвид̇асса. гааран̣абхаавад̇од̇и жираббавад̇д̇ияаа гааран̣абхаавад̇о. расааяанабхууд̇ан̃хи бхзсаж̇ж̇ам̣ сужирамби гаалам̣ ж̇ийвид̇ам̣ бавад̇д̇зд̇иязва.
290. Catutthe cīvaranti nivāsanādi yaṃ kiñci cīvaraṃ. Piṇḍapātanti yo koci āhāro. So hi piṇḍolyena bhikkhuno patte patanato tattha tattha laddhabhikkhānaṃ piṇḍānaṃ pāto sannipātoti vā piṇḍapātoti vuccati. Senāsananti sayanañca āsanañca. Yattha hi vihārādike seti nipajjati āsati nisīdati, taṃ senāsanaṃ. Pati eti etasmāti paccayoti āha ‘‘patikaraṇaṭṭhena paccayo’’ti. Rogassa patiayanaṭṭhena vā paccayo, paccanīkagamanaṭṭhenāti attho, vūpasamanatthenāti vuttaṃ hoti. Dhātukkhobhalakkhaṇassa hi taṃhetukadukkhavedanālakkhaṇassa vā rogassa paṭipakkhabhāvo patiayanaṭṭho. Yassa kassacīti sappiādīsu yassa kassaci. Sappāyassāti hitassa vikāravūpasamenāti adhippāyo. Bhisakkassa kammaṃ tena vidhātabbato, tenāha ‘‘anuññātattā’’ti. Nagaraparikkhārehīti nagaraṃ parivāretvā rakkhaṇakehi. Āvāṭaparikkhepo parikhā uddāpo pākāro esikā paligho pākāramatthakamaṇḍalanti satta nagaraparikkhārāti vadanti. Setaparikkhāroti suvisuddhasīlālaṅkāro. Ariyamaggo hi idha ‘‘ratho’’ti adhippeto. Tassa ca sammāvācādayo alaṅkāraṭṭhena ‘‘parikkhāro’’ti vuttā. Cakkavīriyoti vīriyacakko. Jīvitaparikkhārāti jīvitassa pavattikāraṇāni. Samudānetabbāti sammā uddhaṃ uddhaṃ ānetabbā pariyesitabbā. Parivāropi hoti antarāyānaṃ parito vāraṇato, tenāha – ‘‘jīvita…pe… rakkhaṇato’’ti. Tattha antaranti vivaraṃ, okāsoti attho. Rakkhaṇatoti verikānaṃ antaraṃ adatvā attano sāmīnaṃ parivāretvā ṭhitasevakā viya rakkhaṇato. Assāti jīvitassa. Kāraṇabhāvatoti cirappavattiyā kāraṇabhāvato. Rasāyanabhūtañhi bhesajjaṃ sucirampi kālaṃ jīvitaṃ pavattetiyeva.
291. убажаарзд̇и яад̇т̇а тид̇о вин̃н̃аабзд̇ум̣ саггод̇и, д̇аад̣̇исз. гаамо жзва хзд̇у жа баарижарияаа жа ад̇т̇о. сзсам̣ б̣яан̃ж̇ананд̇иаад̣̇ийсу баал̣ияам̣ ‘‘ад̇д̇агаама’’нд̇и бад̣̇ам̣ уд̣̇д̇харид̇ваа ад̇д̇ано гаамам̣, ад̇д̇ано хзд̇ум̣, ад̇д̇ано ад̇хиббааяам̣, ад̇д̇ано баарижарияанд̇и жад̇д̇ааро ад̇т̇аа бад̣̇абхааж̇анз вуд̇д̇аа. д̇зсу батамз ад̇т̇авигаббз гаамо жа хзд̇у жа баарижарияаа жа ад̇т̇о, сзсам̣ ад̇хиббааяабад̣̇амзгам̣ б̣яан̃ж̇анам̣ батамавиг̇г̇ахз д̇ад̣̇ад̇т̇асса асамбхавабхаавад̇о нирад̇т̇агад̇д̇аа. д̣̇уд̇ияз бана ад̇т̇авигаббз ад̇хиббааяо жа баарижарияаа жа ад̇т̇о, гаамо жа хзд̇у жаад̇и сзсам̣ бад̣̇ад̣̇ваяам̣ б̣яан̃ж̇анам̣ д̇зсам̣ д̇ад̇т̇а ад̇т̇аабхаавад̇од̇и звам̣ жад̇д̇аари бад̣̇аани д̣̇виннам̣ виг̇г̇ахаанам̣ васзна яож̇ид̇аанийд̇и гзжи вад̣̇анд̇и. г̇ан̣тибад̣̇з жа аяамзвад̇т̇о вуд̇д̇о. жуул̣амаж̇жхимамахааг̇ан̣тибад̣̇зсу бана ‘‘батамасмим̣ ад̇т̇авигаббз гаамо жа хзд̇у жа баарижарияаа жа ад̇хиббааяад̇т̇о, сзсам̣ мзт̇унад̇хаммасан̇каад̇зна гаамзнаад̇иаад̣̇и виг̇г̇ахаваагяам̣ агкаравиваран̣амад̇д̇ад̇о б̣яан̃ж̇анамад̇д̇ам̣. д̣̇уд̇ияз ад̇т̇авигаббз ад̇хиббааяо жа баарижарияаа жа ад̇хиббааяад̇т̇о, сзсам̣ ад̇д̇анаа гаамид̇аа ижчид̇аад̇иаад̣̇и виг̇г̇ахаваагяам̣ агкаравиваран̣амад̇д̇ад̇о б̣яан̃ж̇анамад̇д̇а’’нд̇и звамад̇т̇о вуд̇д̇о . ‘‘б̣яан̃ж̇анз аад̣̇арам̣ агад̇ваа’’д̇и важанад̇о аяамзвад̇т̇о ид̇ха яуд̇д̇ад̇арод̇и вин̃н̃ааяад̇и. б̣яан̃ж̇анз аад̣̇арам̣ агад̇ваад̇и иминаа хи адтагат̇ааяам̣ вуд̇д̇авиг̇г̇ахавасзна б̣яан̃ж̇анз аад̣̇арам̣ агад̇ваад̇и аяамад̇т̇о д̣̇ийбид̇о.
291.Upacāreti yattha ṭhito viññāpetuṃ sakkoti, tādise. Kāmo ceva hetu ca pāricariyā ca attho. Sesaṃ byañjanantiādīsu pāḷiyaṃ ‘‘attakāma’’nti padaṃ uddharitvā attano kāmaṃ, attano hetuṃ, attano adhippāyaṃ, attano pāricariyanti cattāro atthā padabhājane vuttā. Tesu paṭhame atthavikappe kāmo ca hetu ca pāricariyā ca attho, sesaṃ adhippāyapadamekaṃ byañjanaṃ paṭhamaviggahe tadatthassa asambhavabhāvato niratthakattā. Dutiye pana atthavikappe adhippāyo ca pāricariyā ca attho, kāmo ca hetu cāti sesaṃ padadvayaṃ byañjanaṃ tesaṃ tattha atthābhāvatoti evaṃ cattāri padāni dvinnaṃ viggahānaṃ vasena yojitānīti keci vadanti. Gaṇṭhipade ca ayamevattho vutto. Cūḷamajjhimamahāgaṇṭhipadesu pana ‘‘paṭhamasmiṃ atthavikappe kāmo ca hetu ca pāricariyā ca adhippāyattho, sesaṃ methunadhammasaṅkhātena kāmenātiādi viggahavākyaṃ akkharavivaraṇamattato byañjanamattaṃ. Dutiye atthavikappe adhippāyo ca pāricariyā ca adhippāyattho, sesaṃ attanā kāmitā icchitātiādi viggahavākyaṃ akkharavivaraṇamattato byañjanamatta’’nti evamattho vutto . ‘‘Byañjane ādaraṃ akatvā’’ti vacanato ayamevattho idha yuttataroti viññāyati. Byañjane ādaraṃ akatvāti iminā hi aṭṭhakathāyaṃ vuttaviggahavasena byañjane ādaraṃ akatvāti ayamattho dīpito.
ид̣̇аани яат̇аавуд̇д̇амзвад̇т̇ам̣ бад̣̇абхааж̇анзна сам̣санд̣̇ид̇ваа д̣̇ассзд̇ум̣ ‘‘ад̇д̇ано гаамам̣ ад̇д̇ано хзд̇ум̣ ад̇д̇ано баарижарияанд̇и хи вуд̇д̇з ж̇ааниссанд̇и бан̣д̣ид̇аа’’д̇иаад̣̇и аарад̣̇д̇хам̣. ид̣̇ам̣ вуд̇д̇ам̣ ход̇и – ‘‘ад̇д̇ано хзд̇у’’нд̇и вуд̇д̇з ад̇д̇ано ад̇т̇ааяаад̇и аяамад̇т̇о вин̃н̃ааяад̇и. ‘‘ад̇д̇ано гаамам̣ ад̇д̇ано баарижарияа’’нд̇и жа вуд̇д̇з гаамзна баарижарияаад̇и аяамад̇т̇о вин̃н̃ааяад̇и. д̇асмаа ад̇д̇ано гаамам̣ ад̇д̇ано хзд̇ум̣ ад̇д̇ано баарижарияанд̇и имзхи д̇ийхи бад̣̇зхи ад̇д̇ано ад̇т̇ааяа гаамзна баарижарияаа ад̇д̇агаамабаарижарияаад̇и аяамад̇т̇авигаббо вуд̇д̇од̇и вин̃н̃уу ж̇ааниссанд̇и. ‘‘ад̇д̇ано ад̇хиббааяа’’нд̇и вуд̇д̇з бана ад̇хиббааяасад̣̇д̣̇асса гаамид̇асад̣̇д̣̇зна самаанад̇т̇абхаавад̇о ад̇д̇ано баарижарияанд̇и имасса жа убхаяавиг̇г̇ахасааман̃н̃ад̇о ад̇д̇ано ижчид̇агаамид̇адтзна ад̇д̇агаамабаарижарияаад̇и аяамад̇т̇авигаббо д̣̇вийхи бад̣̇зхи д̣̇ассид̇од̇и вин̃н̃уу ж̇ааниссанд̇ийд̇и.
Idāni yathāvuttamevatthaṃ padabhājanena saṃsanditvā dassetuṃ ‘‘attano kāmaṃ attano hetuṃ attano pāricariyanti hi vutte jānissanti paṇḍitā’’tiādi āraddhaṃ. Idaṃ vuttaṃ hoti – ‘‘attano hetu’’nti vutte attano atthāyāti ayamattho viññāyati. ‘‘Attano kāmaṃ attano pāricariya’’nti ca vutte kāmena pāricariyāti ayamattho viññāyati. Tasmā attano kāmaṃ attano hetuṃ attano pāricariyanti imehi tīhi padehi attano atthāya kāmena pāricariyā attakāmapāricariyāti ayamatthavikappo vuttoti viññū jānissanti. ‘‘Attano adhippāya’’nti vutte pana adhippāyasaddassa kāmitasaddena samānatthabhāvato attano pāricariyanti imassa ca ubhayaviggahasāmaññato attano icchitakāmitaṭṭhena attakāmapāricariyāti ayamatthavikappo dvīhi padehi dassitoti viññū jānissantīti.
зд̇ад̣̇аг̇г̇анд̇и зсаа аг̇г̇аа. д̣̇удтуллаваажаасигкаабад̣̇з гин̃жааби мзт̇унаяаажанам̣ ааг̇ад̇ам̣, д̇ат̇ааби д̇ам̣ д̣̇удтуллаваажассаад̣̇арааг̇авасзна вуд̇д̇ам̣, ид̇ха бана ад̇д̇ано мзт̇унассаад̣̇арааг̇авасзнаад̇и аяам̣ висзсо. винийд̇авад̇т̇уусу ‘‘д̇зна хи бхаг̇ини аг̇г̇ад̣̇аанам̣ д̣̇зхий’’д̇и ид̣̇ам̣ ад̇д̇ано ад̇т̇ааяа вуд̇д̇анд̇и взд̣̇ид̇аб̣б̣ам̣. мануссид̇т̇ий, ид̇т̇исан̃н̃ид̇аа, ад̇д̇агаамабаарижарияааяа рааг̇о, д̇зна рааг̇зна ван̣н̣абхан̣анам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани.
Etadagganti esā aggā. Duṭṭhullavācāsikkhāpade kiñcāpi methunayācanaṃ āgataṃ, tathāpi taṃ duṭṭhullavācassādarāgavasena vuttaṃ, idha pana attano methunassādarāgavasenāti ayaṃ viseso. Vinītavatthūsu ‘‘tena hi bhagini aggadānaṃ dehī’’ti idaṃ attano atthāya vuttanti veditabbaṃ. Manussitthī, itthisaññitā, attakāmapāricariyāya rāgo, tena rāgena vaṇṇabhaṇanaṃ, taṅkhaṇavijānananti imānettha pañca aṅgāni.
ад̇д̇агаамабаарижарияасигкаабад̣̇аван̣н̣анаа нидтид̇аа.
Attakāmapāricariyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. ад̇д̇агаамабаарижарияасигкаабад̣̇ам̣ • 4. Attakāmapāricariyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
