| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. ад̇д̇агаамабаарижарияасигкаабад̣̇аван̣н̣анаа
4. Attakāmapāricariyasikkhāpadavaṇṇanā
290. жад̇уд̇т̇з д̇аяо сан̇гхаад̣̇исзсаваараа ааг̇ад̇аа, сзсаа сад̇д̇абан̃н̃ааса ваараа т̇уллажжаяад̣̇уггадаабад̇д̇игааяа сам̣кид̇д̇аад̇и взд̣̇ид̇аб̣б̣аа, д̇ад̇о ан̃н̃ад̇аро асамбхавад̇о ид̇ха на уд̣̇д̇хадо. сзсаяож̇анаггамо вуд̇д̇анаязна взд̣̇ид̇аб̣б̣о. наг̇арабаригкаарзхийд̇и баагаарабарикаад̣̇ийхи наг̇арабариваарзхи. сзд̇абаригкаарод̇и сзд̇аалан̇гааро, сийлаалан̇гаарод̇и ад̇т̇о (сам̣. ни. адта. 3.5.4). жаггавийрияод̇и вийрияажагго. васалам̣ д̣̇уг̇г̇анд̇ханд̇и нимид̇д̇ам̣ санд̇хааяааха, д̇ад̣̇зва санд̇хааяа ‘‘гим̣ мз баабагам̣, гим̣ мз д̣̇уг̇г̇анд̇ха’’нд̇и вуд̇д̇ам̣.
290. Catutthe tayo saṅghādisesavārā āgatā, sesā sattapaññāsa vārā thullaccayadukkaṭāpattikāya saṃkhittāti veditabbā, tato aññataro asambhavato idha na uddhaṭo. Sesayojanakkamo vuttanayena veditabbo. Nagaraparikkhārehīti pākāraparikhādīhi nagaraparivārehi. Setaparikkhāroti setālaṅkāro, sīlālaṅkāroti attho (saṃ. ni. aṭṭha. 3.5.4). Cakkavīriyoti vīriyacakko. Vasalaṃ duggandhanti nimittaṃ sandhāyāha, tadeva sandhāya ‘‘kiṃ me pāpakaṃ, kiṃ me duggandha’’nti vuttaṃ.
291. санд̇игзд̇и яад̇т̇а тид̇о вин̃н̃аабзд̇и. ‘‘батамавиг̇г̇ахз сажз баал̣ивасзна яож̇зд̇ийд̇и гаамахзд̇убаарижарияааад̇т̇о. сзсанд̇и ‘ад̇хиббааяо’д̇и бад̣̇ам̣ б̣яан̃ж̇анам̣ ад̇т̇аабхаавад̇о. д̣̇уд̇ияз баал̣ивасзна гаамахзд̇у-бад̣̇аани б̣яан̃ж̇анаани д̇зсам̣ д̇ад̇т̇а ад̇т̇аабхаавад̇о. звам̣ жад̇д̇аари бад̣̇аани д̣̇виннам̣ виг̇г̇ахаанам̣ васзна яож̇ид̇аанийд̇и абарз вад̣̇анд̇ий’’д̇и вуд̇д̇ам̣.
291.Santiketi yattha ṭhito viññāpeti. ‘‘Paṭhamaviggahe sace pāḷivasena yojetīti kāmahetupāricariyāattho. Sesanti ‘adhippāyo’ti padaṃ byañjanaṃ atthābhāvato. Dutiye pāḷivasena kāmahetu-padāni byañjanāni tesaṃ tattha atthābhāvato. Evaṃ cattāri padāni dvinnaṃ viggahānaṃ vasena yojitānīti apare vadantī’’ti vuttaṃ.
295. зд̇зсу сигкаабад̣̇зсу мзт̇унарааг̇зна вийд̇иггамз сад̇и сан̇гхаад̣̇исзсзна анаабад̇д̇и. д̇асмаа ‘‘гим̣ бханд̇з аг̇г̇ад̣̇аананд̇и. мзт̇унад̇хамма’’нд̇и ид̣̇ам̣ гзвалам̣ мзт̇унад̇хаммасса ван̣н̣абхан̣анад̇т̇ам̣ вуд̇д̇ам̣, на мзт̇унад̇хаммаад̇хиббааязна д̇ад̣̇ад̇т̇ияаа вуд̇д̇анд̇и взд̣̇ид̇аб̣б̣ам̣, барасса бхигкуно гаамабаарижарияааяа ван̣н̣абхан̣анз д̣̇уггадам̣. ‘‘яо д̇з вихаарз васад̇и, д̇асса аг̇г̇ад̣̇аанам̣ д̣̇зхий’’д̇и барияааяаважанзнаби д̣̇уггадам̣. ‘‘ад̇д̇агаамабаарижарияааяа ван̣н̣ам̣ бхаасзяяа. яаа маад̣̇исам̣ сийлаванд̇а’’нд̇и жа вуд̇д̇ад̇д̇аад̇и згз. бан̃жасу ан̇г̇зсу саб̣бхааваа сан̇гхаад̣̇исзсоваад̇и згз. вижаарзд̇ваа г̇ахзд̇аб̣б̣ам̣. г̇ан̣тибад̣̇з бана ‘‘имасмим̣ сигкаабад̣̇ад̣̇ваяз гааяасам̣саг̇г̇з вияа яагкибзд̇ийсу д̣̇удтуллад̇д̇агаамаважанз т̇уллажжаяа’нд̇и вад̣̇анд̇и. адтагат̇аасу бана нааг̇ад̇а’’нд̇и ликид̇ам̣. ‘‘убхад̇об̣яан̃ж̇анаго бана бан̣д̣агаг̇ад̇иговаа’’д̇и вад̣̇анд̇и.
295. Etesu sikkhāpadesu methunarāgena vītikkame sati saṅghādisesena anāpatti. Tasmā ‘‘kiṃ bhante aggadānanti. Methunadhamma’’nti idaṃ kevalaṃ methunadhammassa vaṇṇabhaṇanatthaṃ vuttaṃ, na methunadhammādhippāyena tadatthiyā vuttanti veditabbaṃ, parassa bhikkhuno kāmapāricariyāya vaṇṇabhaṇane dukkaṭaṃ. ‘‘Yo te vihāre vasati, tassa aggadānaṃ dehī’’ti pariyāyavacanenapi dukkaṭaṃ. ‘‘Attakāmapāricariyāya vaṇṇaṃ bhāseyya. Yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke. Vicāretvā gahetabbaṃ. Gaṇṭhipade pana ‘‘imasmiṃ sikkhāpadadvaye kāyasaṃsagge viya yakkhipetīsu duṭṭhullattakāmavacane thullaccaya’nti vadanti. Aṭṭhakathāsu pana nāgata’’nti likhitaṃ. ‘‘Ubhatobyañjanako pana paṇḍakagatikovā’’ti vadanti.
ад̇д̇агаамабаарижарияасигкаабад̣̇аван̣н̣анаа нидтид̇аа.
Attakāmapāricariyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. ад̇д̇агаамабаарижарияасигкаабад̣̇ам̣ • 4. Attakāmapāricariyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
