| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. ад̇д̇агаамабаарижарияасигкаабад̣̇аван̣н̣анаа
4. Attakāmapāricariyasikkhāpadavaṇṇanā
290. жад̇уд̇т̇з барзхи бад̇д̇з баад̇ияамаанаанам̣ бхигкаабин̣д̣аанам̣ баад̇о саннибаад̇од̇и бин̣д̣абаад̇од̇и бхигкаахааро вужжад̇и, д̇ам̣сад̣̇исад̇ааяа ан̃н̃оби яо гожи бхигкаажарияам̣ винаа бхигкуухи лад̣̇д̇хо бин̣д̣абаад̇од̇взва вужжад̇и. бад̇и зд̇и зд̇асмаад̇и бажжаяод̇и ааха ‘‘бад̇игаран̣адтзна бажжаяо’’д̇и. рог̇ад̣̇угкаанам̣ ваа бадибагкабхаавзна аяад̇и бавад̇д̇ад̇ийд̇и бажжаяо. саббааяассаад̇и хид̇асса. наг̇арабаригкаарзхийд̇и наг̇арам̣ бариваарзд̇ваа рагкан̣агзхи. рааж̇уунам̣ г̇зхабаригкзбо барикаа уд̣̇д̣̇аабо баагааро зсигаа балигхо аддод̇и имз сад̇д̇а наг̇арабаригкаараад̇и вад̣̇анд̇и. сзд̇абаригкаарод̇и висуд̣̇д̇хисийлаалан̇гааро. арияамаг̇г̇о хи ид̇ха ‘‘рат̇о’’д̇и ад̇хиббзд̇о, д̇асса жа саммааваажаад̣̇аяо алан̇гаарадтзна ‘‘баригкаараа’’д̇и вуд̇д̇аа. жаггавийрияод̇и вийрияажагго. ж̇ийвид̇абаригкаараад̇и ж̇ийвид̇асса бавад̇д̇игааран̣аани. самуд̣̇аанзд̇аб̣б̣аад̇и саммаа уд̣̇д̇хам̣ аанзд̇аб̣б̣аа бариязсид̇аб̣б̣аа.
290. Catutthe parehi patte pātiyamānānaṃ bhikkhāpiṇḍānaṃ pāto sannipātoti piṇḍapātoti bhikkhāhāro vuccati, taṃsadisatāya aññopi yo koci bhikkhācariyaṃ vinā bhikkhūhi laddho piṇḍapātotveva vuccati. Pati eti etasmāti paccayoti āha ‘‘patikaraṇaṭṭhena paccayo’’ti. Rogadukkhānaṃ vā paṭipakkhabhāvena ayati pavattatīti paccayo. Sappāyassāti hitassa. Nagaraparikkhārehīti nagaraṃ parivāretvā rakkhaṇakehi. Rājūnaṃ gehaparikkhepo parikhā uddāpo pākāro esikā paligho aṭṭoti ime satta nagaraparikkhārāti vadanti. Setaparikkhāroti visuddhisīlālaṅkāro. Ariyamaggo hi idha ‘‘ratho’’ti adhippeto, tassa ca sammāvācādayo alaṅkāraṭṭhena ‘‘parikkhārā’’ti vuttā. Cakkavīriyoti vīriyacakko. Jīvitaparikkhārāti jīvitassa pavattikāraṇāni. Samudānetabbāti sammā uddhaṃ ānetabbā pariyesitabbā.
291. убажаарзд̇и яад̇т̇а тид̇о вин̃н̃аабзд̇ум̣ саггод̇и, д̇аад̣̇исз таанз. гаамо жзва хзд̇у жа баарижарияаа жа ад̇т̇од̇и баал̣ияам̣ ‘‘ад̇д̇ано гаамам̣, ад̇д̇ано хзд̇ум̣, ад̇д̇ано ад̇хиббааяам̣, ад̇д̇ано баарижарияа’’нд̇и (баараа. 292) вуд̇д̇зсу имзсу жад̇уусу бад̣̇зсу гаамо, хзд̇у, баарижарияаа жа адтагат̇ааяам̣ вуд̇д̇з батамз ад̇т̇авигаббз виг̇г̇ахаваагяаад̇хиббааяасуужанад̇о ад̇т̇о. сзсанд̇и ад̇хиббааяабад̣̇амзгам̣. б̣яан̃ж̇ананд̇и б̣яан̃ж̇анамад̇д̇ам̣, батамавигаббаанубаяог̇ид̇ааяа важанамад̇д̇анд̇и ад̇т̇о. д̣̇уд̇ияз ад̇т̇авигаббзби зсзва наяо.
291.Upacāreti yattha ṭhito viññāpetuṃ sakkoti, tādise ṭhāne. Kāmo ceva hetu ca pāricariyā ca atthoti pāḷiyaṃ ‘‘attano kāmaṃ, attano hetuṃ, attano adhippāyaṃ, attano pāricariya’’nti (pārā. 292) vuttesu imesu catūsu padesu kāmo, hetu, pāricariyā ca aṭṭhakathāyaṃ vutte paṭhame atthavikappe viggahavākyādhippāyasūcanato attho. Sesanti adhippāyapadamekaṃ. Byañjananti byañjanamattaṃ, paṭhamavikappānupayogitāya vacanamattanti attho. Dutiye atthavikappepi eseva nayo.
яат̇аавуд̇д̇амзва ад̇т̇ам̣ бад̣̇абхааж̇анзна сам̣санд̣̇ид̇ваа д̣̇ассзд̇ум̣ ‘‘ад̇д̇ано гаамам̣ ад̇д̇ано хзд̇ум̣ ад̇д̇ано баарижарияанд̇и хи вуд̇д̇з ж̇ааниссанд̇и бан̣д̣ид̇аа’’д̇иаад̣̇и аарад̣̇д̇хам̣. ид̣̇ам̣ вуд̇д̇ам̣ ход̇и – ‘‘ад̇д̇ано хзд̇у’’нд̇и вуд̇д̇з ад̇д̇ано ад̇т̇ааяаад̇и аяамад̇т̇о вин̃н̃ааяад̇и, ‘‘ад̇д̇ано гаамам̣ ад̇д̇ано баарижарияа’’нд̇и вуд̇д̇з гаамзна баарижарияаад̇и аяамад̇т̇о вин̃н̃ааяад̇и. д̇асмаа имзхи д̇ийхи бад̣̇зхи ад̇д̇ано ад̇т̇ааяа гаамзна баарижарияаа ад̇д̇агаамабаарижарияаад̇и имам̣ ад̇т̇авигаббам̣ вин̃н̃уу ж̇ааниссанд̇и. ‘‘ад̇д̇ано ад̇хиббааяа’’нд̇и вуд̇д̇з бана ад̇хиббааяа-сад̣̇д̣̇асса гаамид̇а-сад̣̇д̣̇зна самаанад̇т̇абхаавад̇о ад̇д̇анаа ад̇хиббзд̇агаамид̇адтзна ад̇д̇агаамабаарижарияаад̇и имамад̇т̇ам̣ вигаббам̣ вин̃н̃уу ж̇ааниссанд̇и.
Yathāvuttameva atthaṃ padabhājanena saṃsanditvā dassetuṃ ‘‘attano kāmaṃ attano hetuṃ attano pāricariyanti hi vutte jānissanti paṇḍitā’’tiādi āraddhaṃ. Idaṃ vuttaṃ hoti – ‘‘attano hetu’’nti vutte attano atthāyāti ayamattho viññāyati, ‘‘attano kāmaṃ attano pāricariya’’nti vutte kāmena pāricariyāti ayamattho viññāyati. Tasmā imehi tīhi padehi attano atthāya kāmena pāricariyā attakāmapāricariyāti imaṃ atthavikappaṃ viññū jānissanti. ‘‘Attano adhippāya’’nti vutte pana adhippāya-saddassa kāmita-saddena samānatthabhāvato attanā adhippetakāmitaṭṭhena attakāmapāricariyāti imamatthaṃ vikappaṃ viññū jānissanti.
зд̇ад̣̇аг̇г̇анд̇и зсаа аг̇г̇аа. д̣̇удтуллаваажаасигкаабад̣̇зби (баараа. 285) гаамам̣ ‘‘яаажад̇иби ааяаажад̇ибий’’д̇и звам̣ мзт̇унаяаажанам̣ ааг̇ад̇ам̣, д̇ам̣ бана д̣̇удтуллаваажассаад̣̇арааг̇авасзна вуд̇д̇ам̣, ид̇ха бана ад̇д̇ано мзт̇унассаад̣̇арааг̇авасзнаад̇и аяам̣ висзсо.
Etadagganti esā aggā. Duṭṭhullavācāsikkhāpadepi (pārā. 285) kāmaṃ ‘‘yācatipi āyācatipī’’ti evaṃ methunayācanaṃ āgataṃ, taṃ pana duṭṭhullavācassādarāgavasena vuttaṃ, idha pana attano methunassādarāgavasenāti ayaṃ viseso.
винийд̇авад̇т̇уусу ‘‘аг̇г̇ад̣̇аанам̣ д̣̇зхий’’д̇и ид̣̇ам̣ ад̇д̇ано ад̇т̇ааяа вуд̇д̇ам̣, д̣̇удтуллаваажаасигкаабад̣̇з бана барад̇т̇ааяаби вуд̇д̇з сийсам̣ зд̇ийд̇и взд̣̇ид̇аб̣б̣ам̣. субхаг̇аад̇и иссарияаад̣̇ийхи сунд̣̇арзхи бхаг̇зхи саманнааг̇ад̇аа. мануссид̇т̇ий, д̇ат̇аасан̃н̃ид̇аа, ад̇д̇агаамабаарижарияааяа рааг̇о, д̇зна гаамабаарижарияаяаажанам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани.
Vinītavatthūsu ‘‘aggadānaṃ dehī’’ti idaṃ attano atthāya vuttaṃ, duṭṭhullavācāsikkhāpade pana paratthāyapi vutte sīsaṃ etīti veditabbaṃ. Subhagāti issariyādīhi sundarehi bhagehi samannāgatā. Manussitthī, tathāsaññitā, attakāmapāricariyāya rāgo, tena kāmapāricariyayācanaṃ, taṅkhaṇavijānananti imānettha pañca aṅgāni.
ад̇д̇агаамабаарижарияасигкаабад̣̇аван̣н̣анаа нидтид̇аа.
Attakāmapāricariyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. ад̇д̇агаамабаарижарияасигкаабад̣̇ам̣ • 4. Attakāmapāricariyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. ад̇д̇агаамабаарижарияасигкаабад̣̇аван̣н̣анаа • 4. Attakāmapāricariyasikkhāpadavaṇṇanā
