| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৪. অত্তকামসিক্খাপদৰণ্ণনা
4. Attakāmasikkhāpadavaṇṇanā
দুট্ঠুল্লোভাসনে ৰুত্তপ্পকারাযাতি দুট্ঠুল্লাদুট্ঠুল্লজাননসমত্থায। পরস্স ভিক্খুনো অত্তকামপারিচরিযায ৰণ্ণভণনে দুক্কটং, ‘‘যো তে ৰিহারে ৰসতি, তস্স অগ্গদানং মেথুনং ধম্মং দেহী’’তি পরিযাযৰচনেপি দুক্কটং, ‘‘অত্তকামপারিচরিযায ৰণ্ণং ভাসেয্য, যা মাদিসং সীলৰন্ত’’ন্তি চ ৰুত্তত্তাতি একে। পঞ্চসু অঙ্গেসু সব্ভাৰা সঙ্ঘাদিসেসোৰাতি একে, ৰিচারেত্ৰা গহেতব্বং। ‘‘ইমস্মিং সিক্খাপদদ্ৰযে কাযসংসগ্গে ৰিয যক্খিপেতীসুপি দুট্ঠুল্লত্তকআমৰচনে থুল্লচ্চযন্তি ৰদন্তি। অট্ঠকথাসু পন নাগত’’ন্তি (ৰজির॰ টী॰ পারাজিক ২৯৫) লিখিতং। উভতোব্যঞ্জনকো পন পণ্ডকগতিকোৰ।
Duṭṭhullobhāsane vuttappakārāyāti duṭṭhullāduṭṭhullajānanasamatthāya. Parassa bhikkhuno attakāmapāricariyāya vaṇṇabhaṇane dukkaṭaṃ, ‘‘yo te vihāre vasati, tassa aggadānaṃ methunaṃ dhammaṃ dehī’’ti pariyāyavacanepi dukkaṭaṃ, ‘‘attakāmapāricariyāya vaṇṇaṃ bhāseyya, yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke, vicāretvā gahetabbaṃ. ‘‘Imasmiṃ sikkhāpadadvaye kāyasaṃsagge viya yakkhipetīsupi duṭṭhullattakaāmavacane thullaccayanti vadanti. Aṭṭhakathāsu pana nāgata’’nti (vajira. ṭī. pārājika 295) likhitaṃ. Ubhatobyañjanako pana paṇḍakagatikova.
অত্তকামসিক্খাপদৰণ্ণনা নিট্ঠিতা।
Attakāmasikkhāpadavaṇṇanā niṭṭhitā.
