| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၄. အတ္တကာမသိက္ခာပဒဝဏ္ဏနာ
4. Attakāmasikkhāpadavaṇṇanā
ဒုဋ္ဌုလ္လောဘာသနေ ဝုတ္တပ္ပကာရာယာတိ ဒုဋ္ဌုလ္လာဒုဋ္ဌုလ္လဇာနနသမတ္ထာယ။ ပရသ္သ ဘိက္ခုနော အတ္တကာမပာရိစရိယာယ ဝဏ္ဏဘဏနေ ဒုက္ကဋံ, ‘‘ယော တေ ဝိဟာရေ ဝသတိ, တသ္သ အဂ္ဂဒာနံ မေထုနံ ဓမ္မံ ဒေဟီ’’တိ ပရိယာယဝစနေပိ ဒုက္ကဋံ, ‘‘အတ္တကာမပာရိစရိယာယ ဝဏ္ဏံ ဘာသေယ္ယ, ယာ မာဒိသံ သီလဝန္တ’’န္တိ စ ဝုတ္တတ္တာတိ ဧကေ။ ပဉ္စသု အင္ဂေသု သဗ္ဘာဝာ သင္ဃာဒိသေသောဝာတိ ဧကေ, ဝိစာရေတ္ဝာ ဂဟေတဗ္ဗံ။ ‘‘ဣမသ္မိံ သိက္ခာပဒဒ္ဝယေ ကာယသံသဂ္ဂေ ဝိယ ယက္ခိပေတီသုပိ ဒုဋ္ဌုလ္လတ္တကအာမဝစနေ ထုလ္လစ္စယန္တိ ဝဒန္တိ။ အဋ္ဌကထာသု ပန နာဂတ’’န္တိ (ဝဇိရ. ဋီ. ပာရာဇိက ၂၉၅) လိခိတံ။ ဥဘတောဗ္ယဉ္ဇနကော ပန ပဏ္ဍကဂတိကောဝ။
Duṭṭhullobhāsane vuttappakārāyāti duṭṭhullāduṭṭhullajānanasamatthāya. Parassa bhikkhuno attakāmapāricariyāya vaṇṇabhaṇane dukkaṭaṃ, ‘‘yo te vihāre vasati, tassa aggadānaṃ methunaṃ dhammaṃ dehī’’ti pariyāyavacanepi dukkaṭaṃ, ‘‘attakāmapāricariyāya vaṇṇaṃ bhāseyya, yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke, vicāretvā gahetabbaṃ. ‘‘Imasmiṃ sikkhāpadadvaye kāyasaṃsagge viya yakkhipetīsupi duṭṭhullattakaāmavacane thullaccayanti vadanti. Aṭṭhakathāsu pana nāgata’’nti (vajira. ṭī. pārājika 295) likhitaṃ. Ubhatobyañjanako pana paṇḍakagatikova.
အတ္တကာမသိက္ခာပဒဝဏ္ဏနာ နိဋ္ဌိတာ။
Attakāmasikkhāpadavaṇṇanā niṭṭhitā.
