| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
4. අත්‌තකාමසික්‌ඛාපදවණ්‌ණනා
4. Attakāmasikkhāpadavaṇṇanā
දුට්‌ඨුල්‌ලොභාසනෙ වුත්‌තප්‌පකාරායාති දුට්‌ඨුල්‌ලාදුට්‌ඨුල්‌ලජානනසමත්‌ථාය. පරස්‌ස භික්‌ඛුනො අත්‌තකාමපාරිචරියාය වණ්‌ණභණනෙ දුක්‌කටං, ‘‘යො තෙ විහාරෙ වසති, තස්‌ස අග්‌ගදානං මෙථුනං ධම්‌මං දෙහී’’ති පරියායවචනෙපි දුක්‌කටං, ‘‘අත්‌තකාමපාරිචරියාය වණ්‌ණං භාසෙය්‍ය, යා මාදිසං සීලවන්‌ත’’න්‌ති ච වුත්‌තත්‌තාති එකෙ. පඤ්‌චසු අඞ්‌ගෙසු සබ්‌භාවා සඞ්‌ඝාදිසෙසොවාති එකෙ, විචාරෙත්‌වා ගහෙතබ්‌බං. ‘‘ඉමස්‌මිං සික්‌ඛාපදද්‌වයෙ කායසංසග්‌ගෙ විය යක්‌ඛිපෙතීසුපි දුට්‌ඨුල්‌ලත්‌තකආමවචනෙ ථුල්‌ලච්‌චයන්‌ති වදන්‌ති. අට්‌ඨකථාසු පන නාගත’’න්‌ති (වජිර. ටී. පාරාජික 295) ලිඛිතං. උභතොබ්‍යඤ්‌ජනකො පන පණ්‌ඩකගතිකොව.
Duṭṭhullobhāsane vuttappakārāyāti duṭṭhullāduṭṭhullajānanasamatthāya. Parassa bhikkhuno attakāmapāricariyāya vaṇṇabhaṇane dukkaṭaṃ, ‘‘yo te vihāre vasati, tassa aggadānaṃ methunaṃ dhammaṃ dehī’’ti pariyāyavacanepi dukkaṭaṃ, ‘‘attakāmapāricariyāya vaṇṇaṃ bhāseyya, yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke, vicāretvā gahetabbaṃ. ‘‘Imasmiṃ sikkhāpadadvaye kāyasaṃsagge viya yakkhipetīsupi duṭṭhullattakaāmavacane thullaccayanti vadanti. Aṭṭhakathāsu pana nāgata’’nti (vajira. ṭī. pārājika 295) likhitaṃ. Ubhatobyañjanako pana paṇḍakagatikova.
අත්‌තකාමසික්‌ඛාපදවණ්‌ණනා නිට්‌ඨිතා.
Attakāmasikkhāpadavaṇṇanā niṭṭhitā.
