| Library / Tipiṭaka / തിപിടക • Tipiṭaka / കങ്ഖാവിതരണീ-പുരാണ-ടീകാ • Kaṅkhāvitaraṇī-purāṇa-ṭīkā |
൪. അത്തകാമസിക്ഖാപദവണ്ണനാ
4. Attakāmasikkhāpadavaṇṇanā
ദുട്ഠുല്ലോഭാസനേ വുത്തപ്പകാരായാതി ദുട്ഠുല്ലാദുട്ഠുല്ലജാനനസമത്ഥായ. പരസ്സ ഭിക്ഖുനോ അത്തകാമപാരിചരിയായ വണ്ണഭണനേ ദുക്കടം, ‘‘യോ തേ വിഹാരേ വസതി, തസ്സ അഗ്ഗദാനം മേഥുനം ധമ്മം ദേഹീ’’തി പരിയായവചനേപി ദുക്കടം, ‘‘അത്തകാമപാരിചരിയായ വണ്ണം ഭാസേയ്യ, യാ മാദിസം സീലവന്ത’’ന്തി ച വുത്തത്താതി ഏകേ. പഞ്ചസു അങ്ഗേസു സബ്ഭാവാ സങ്ഘാദിസേസോവാതി ഏകേ, വിചാരേത്വാ ഗഹേതബ്ബം. ‘‘ഇമസ്മിം സിക്ഖാപദദ്വയേ കായസംസഗ്ഗേ വിയ യക്ഖിപേതീസുപി ദുട്ഠുല്ലത്തകആമവചനേ ഥുല്ലച്ചയന്തി വദന്തി. അട്ഠകഥാസു പന നാഗത’’ന്തി (വജിര॰ ടീ॰ പാരാജിക ൨൯൫) ലിഖിതം. ഉഭതോബ്യഞ്ജനകോ പന പണ്ഡകഗതികോവ.
Duṭṭhullobhāsane vuttappakārāyāti duṭṭhullāduṭṭhullajānanasamatthāya. Parassa bhikkhuno attakāmapāricariyāya vaṇṇabhaṇane dukkaṭaṃ, ‘‘yo te vihāre vasati, tassa aggadānaṃ methunaṃ dhammaṃ dehī’’ti pariyāyavacanepi dukkaṭaṃ, ‘‘attakāmapāricariyāya vaṇṇaṃ bhāseyya, yā mādisaṃ sīlavanta’’nti ca vuttattāti eke. Pañcasu aṅgesu sabbhāvā saṅghādisesovāti eke, vicāretvā gahetabbaṃ. ‘‘Imasmiṃ sikkhāpadadvaye kāyasaṃsagge viya yakkhipetīsupi duṭṭhullattakaāmavacane thullaccayanti vadanti. Aṭṭhakathāsu pana nāgata’’nti (vajira. ṭī. pārājika 295) likhitaṃ. Ubhatobyañjanako pana paṇḍakagatikova.
അത്തകാമസിക്ഖാപദവണ്ണനാ നിട്ഠിതാ.
Attakāmasikkhāpadavaṇṇanā niṭṭhitā.
