| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. ад̇д̇агаарийсуд̇д̇ам̣
8. Attakārīsuttaṃ
38. ат̇а ко ан̃н̃ад̇аро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко со б̣раахман̣о бхаг̇аванд̇ам̣ зд̇ад̣̇авожа – ‘‘ахан̃хи, бхо г̇од̇ама, звам̣ваад̣̇ий звам̣д̣̇идти – ‘над̇т̇и ад̇д̇агааро, над̇т̇и барагааро’’’д̇и. ‘‘маахам̣, б̣раахман̣а, звам̣ваад̣̇им̣ звам̣д̣̇идтим̣ ад̣̇д̣̇асам̣ ваа ассосим̣ ваа. гат̇ан̃хи наама саяам̣ абхиггаманд̇о, саяам̣ бадиггаманд̇о звам̣ вагкад̇и – ‘над̇т̇и ад̇д̇агааро, над̇т̇и барагааро’’’д̇и!
38. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca – ‘‘ahañhi, bho gotama, evaṃvādī evaṃdiṭṭhi – ‘natthi attakāro, natthi parakāro’’’ti. ‘‘Māhaṃ, brāhmaṇa, evaṃvādiṃ evaṃdiṭṭhiṃ addasaṃ vā assosiṃ vā. Kathañhi nāma sayaṃ abhikkamanto, sayaṃ paṭikkamanto evaṃ vakkhati – ‘natthi attakāro, natthi parakāro’’’ti!
‘‘д̇ам̣ гим̣ ман̃н̃аси, б̣раахман̣а, ад̇т̇и аараб̣бхад̇хаад̇уу’’д̇и? ‘‘звам̣, бхо’’. ‘‘аараб̣бхад̇хаад̇уяаа сад̇и аараб̣бхаванд̇о сад̇д̇аа бан̃н̃ааяанд̇ий’’д̇и? ‘‘звам̣, бхо’’. ‘‘яам̣ ко, б̣раахман̣а, аараб̣бхад̇хаад̇уяаа сад̇и аараб̣бхаванд̇о сад̇д̇аа бан̃н̃ааяанд̇и, аяам̣ сад̇д̇аанам̣ ад̇д̇агааро аяам̣ барагааро’’.
‘‘Taṃ kiṃ maññasi, brāhmaṇa, atthi ārabbhadhātū’’ti? ‘‘Evaṃ, bho’’. ‘‘Ārabbhadhātuyā sati ārabbhavanto sattā paññāyantī’’ti? ‘‘Evaṃ, bho’’. ‘‘Yaṃ kho, brāhmaṇa, ārabbhadhātuyā sati ārabbhavanto sattā paññāyanti, ayaṃ sattānaṃ attakāro ayaṃ parakāro’’.
‘‘д̇ам̣ гим̣ ман̃н̃аси, б̣раахман̣а, ад̇т̇и ниггамад̇хаад̇у…бз… ад̇т̇и бараггамад̇хаад̇у… ад̇т̇и т̇аамад̇хаад̇у… ад̇т̇и тид̇ид̇хаад̇у… ад̇т̇и убаггамад̇хаад̇уу’’д̇и? ‘‘звам̣, бхо’’. ‘‘убаггамад̇хаад̇уяаа сад̇и убаггамаванд̇о сад̇д̇аа бан̃н̃ааяанд̇ий’’д̇и? ‘‘звам̣, бхо’’. ‘‘яам̣ ко, б̣раахман̣а, убаггамад̇хаад̇уяаа сад̇и убаггамаванд̇о сад̇д̇аа бан̃н̃ааяанд̇и, аяам̣ сад̇д̇аанам̣ ад̇д̇агааро аяам̣ барагааро’’.
‘‘Taṃ kiṃ maññasi, brāhmaṇa, atthi nikkamadhātu…pe… atthi parakkamadhātu… atthi thāmadhātu… atthi ṭhitidhātu… atthi upakkamadhātū’’ti? ‘‘Evaṃ, bho’’. ‘‘Upakkamadhātuyā sati upakkamavanto sattā paññāyantī’’ti? ‘‘Evaṃ, bho’’. ‘‘Yaṃ kho, brāhmaṇa, upakkamadhātuyā sati upakkamavanto sattā paññāyanti, ayaṃ sattānaṃ attakāro ayaṃ parakāro’’.
‘‘маахам̣, б̣раахман̣а 1, звам̣ваад̣̇им̣ звам̣д̣̇идтим̣ ад̣̇д̣̇асам̣ ваа ассосим̣ ваа. гат̇ан̃хи наама саяам̣ абхиггаманд̇о саяам̣ бадиггаманд̇о звам̣ вагкад̇и – ‘над̇т̇и ад̇д̇агааро над̇т̇и барагааро’’’д̇и.
‘‘Māhaṃ, brāhmaṇa 2, evaṃvādiṃ evaṃdiṭṭhiṃ addasaṃ vā assosiṃ vā. Kathañhi nāma sayaṃ abhikkamanto sayaṃ paṭikkamanto evaṃ vakkhati – ‘natthi attakāro natthi parakāro’’’ti.
‘‘абхигганд̇ам̣, бхо г̇од̇ама…бз… аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и! адтамам̣.
‘‘Abhikkantaṃ, bho gotama…pe… ajjatagge pāṇupetaṃ saraṇaṃ gata’’nti! Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ад̇д̇агаарийсуд̇д̇аван̣н̣анаа • 8. Attakārīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-11. ад̇д̇агаарийсуд̇д̇аад̣̇иван̣н̣анаа • 8-11. Attakārīsuttādivaṇṇanā
