| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. အတ္တကာရီသုတ္တဝဏ္ဏနာ
8. Attakārīsuttavaṇṇanā
၃၈. အဋ္ဌမေ အဒ္ဒသံ ဝာ အသ္သောသိံ ဝာတိ အက္ခီနိ ဥမ္မီလေတ္ဝာ မာ အဒ္ဒသံ, အသုကသ္မိံ နာမ ဌာနေ ဝသတီတိ မာ အသ္သောသိံ, ကထေန္တသ္သ ဝာ ဝစနံ မာ အသ္သောသိံ။ ကထဉ္ဟိ နာမာတိ ကေန နာမ ကာရဏေန။ အာရမ္ဘဓာတူတိ အာရဘနဝသေန ပဝတ္တဝီရိယံ။ နိက္ကမဓာတူတိ ကောသဇ္ဇတော နိက္ခမနသဘာဝံ ဝီရိယံ။ ပရက္ကမဓာတူတိ ပရက္ကမသဘာဝော။ ထာမဓာတူတိ ထာမသဘာဝော။ ဌိတိဓာတူတိ ဌိတိသဘာဝော။ ဥပက္ကမဓာတူတိ ဥပက္ကမသဘာဝော။ သဗ္ဗံ စေတံ တေန တေနာကာရေန ပဝတ္တသ္သ ဝီရိယသ္သေဝ နာမံ။
38. Aṭṭhame addasaṃ vā assosiṃ vāti akkhīni ummīletvā mā addasaṃ, asukasmiṃ nāma ṭhāne vasatīti mā assosiṃ, kathentassa vā vacanaṃ mā assosiṃ. Kathañhi nāmāti kena nāma kāraṇena. Ārambhadhātūti ārabhanavasena pavattavīriyaṃ. Nikkamadhātūti kosajjato nikkhamanasabhāvaṃ vīriyaṃ. Parakkamadhātūti parakkamasabhāvo. Thāmadhātūti thāmasabhāvo. Ṭhitidhātūti ṭhitisabhāvo. Upakkamadhātūti upakkamasabhāvo. Sabbaṃ cetaṃ tena tenākārena pavattassa vīriyasseva nāmaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. အတ္တကာရီသုတ္တံ • 8. Attakārīsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈-၁၁. အတ္တကာရီသုတ္တာဒိဝဏ္ဏနာ • 8-11. Attakārīsuttādivaṇṇanā
