| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. ад̇д̇анибаад̇анабан̃хо
5. Attanipātanapañho
5. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘на, бхигкавз, ад̇д̇аанам̣ баад̇зд̇аб̣б̣ам̣, яо баад̇зяяа, яат̇аад̇хаммо гаарзд̇аб̣б̣о’д̇и. буна жа д̇умхз бхан̣ат̇а ‘яад̇т̇а гад̇т̇ажи бхаг̇аваа саавагаанам̣ д̇хаммам̣ д̣̇зсаяамаано анзгабарияааязна ж̇аад̇ияаа ж̇арааяа б̣яаад̇хино маран̣асса самужчзд̣̇ааяа д̇хаммам̣ д̣̇зсзд̇и, яо хи гожи ж̇аад̇иж̇арааб̣яаад̇химаран̣ам̣ самад̇иггамад̇и, д̇ам̣ барамааяа басам̣сааяа басам̣сад̇ий’д̇и. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘на, бхигкавз, ад̇д̇аанам̣ баад̇зд̇аб̣б̣ам̣, яо баад̇зяяа, яат̇аад̇хаммо гаарзд̇аб̣б̣о’д̇и, д̇зна хи ‘ж̇аад̇ияаа ж̇арааяа б̣яаад̇хино маран̣асса самужчзд̣̇ааяа д̇хаммам̣ д̣̇зсзд̇ий’д̇и яам̣ важанам̣, д̇ам̣ мижчаа. яад̣̇и ж̇аад̇ияаа ж̇арааяа б̣яаад̇хино маран̣асса самужчзд̣̇ааяа д̇хаммам̣ д̣̇зсзд̇и, д̇зна хи ‘на, бхигкавз, ад̇д̇аанам̣ баад̇зд̇аб̣б̣ам̣, яо баад̇зяяа, яат̇аад̇хаммо гаарзд̇аб̣б̣о’’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
5. ‘‘Bhante nāgasena, bhāsitampetaṃ bhagavatā ‘na, bhikkhave, attānaṃ pātetabbaṃ, yo pāteyya, yathādhammo kāretabbo’ti. Puna ca tumhe bhaṇatha ‘yattha katthaci bhagavā sāvakānaṃ dhammaṃ desayamāno anekapariyāyena jātiyā jarāya byādhino maraṇassa samucchedāya dhammaṃ deseti, yo hi koci jātijarābyādhimaraṇaṃ samatikkamati, taṃ paramāya pasaṃsāya pasaṃsatī’ti. Yadi, bhante nāgasena, bhagavatā bhaṇitaṃ ‘na, bhikkhave, attānaṃ pātetabbaṃ, yo pāteyya, yathādhammo kāretabbo’ti, tena hi ‘jātiyā jarāya byādhino maraṇassa samucchedāya dhammaṃ desetī’ti yaṃ vacanaṃ, taṃ micchā. Yadi jātiyā jarāya byādhino maraṇassa samucchedāya dhammaṃ deseti, tena hi ‘na, bhikkhave, attānaṃ pātetabbaṃ, yo pāteyya, yathādhammo kāretabbo’’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘на, бхигкавз, ад̇д̇аанам̣ баад̇зд̇аб̣б̣ам̣, яо баад̇зяяа, яат̇аад̇хаммо гаарзд̇аб̣б̣о’д̇и. яад̇т̇а гад̇т̇ажи бхаг̇авад̇аа саавагаанам̣ д̇хаммам̣ д̣̇зсаяаамаанзна жа анзгабарияааязна ж̇аад̇ияаа ж̇арааяа б̣яаад̇хино маран̣асса самужчзд̣̇ааяа д̇хаммо д̣̇зсид̇о, д̇ад̇т̇а бана гааран̣ам̣ ад̇т̇и, язна бхаг̇аваа гааран̣зна бадигкиби самаад̣̇абзси жаа’’д̇и.
‘‘Bhāsitampetaṃ, mahārāja, bhagavatā ‘na, bhikkhave, attānaṃ pātetabbaṃ, yo pāteyya, yathādhammo kāretabbo’ti. Yattha katthaci bhagavatā sāvakānaṃ dhammaṃ desayāmānena ca anekapariyāyena jātiyā jarāya byādhino maraṇassa samucchedāya dhammo desito, tattha pana kāraṇaṃ atthi, yena bhagavā kāraṇena paṭikkhipi samādapesi cā’’ti.
‘‘гим̣ банзд̇т̇а, бханд̇з нааг̇асзна, гааран̣ам̣, язна бхаг̇аваа гааран̣зна бадигкиби самаад̣̇абзси жаа’’д̇и? ‘‘сийлаваа, махаарааж̇а, сийласамбанно аг̇ад̣̇асамо сад̇д̇аанам̣ гилзсависавинаасанз, осад̇хасамо сад̇д̇аанам̣ гилзсаб̣яаад̇хивуубасамз, уд̣̇агасамо сад̇д̇аанам̣ гилзсараж̇ож̇аллаабахаран̣з, ман̣ирад̇анасамо сад̇д̇аанам̣ саб̣б̣асамбад̇д̇ид̣̇аанз, нааваасамо сад̇д̇аанам̣ жад̇урогхабаараг̇аманз, сад̇т̇аваахасамо сад̇д̇аанам̣ ж̇аад̇иганд̇аарад̇ааран̣з, ваад̇асамо сад̇д̇аанам̣ д̇ивид̇хаг̇г̇исанд̇аабаниб̣б̣аабанз, махаамзгхасамо сад̇д̇аанам̣ маанасабарибууран̣з, аажарияасамо сад̇д̇аанам̣ гусаласигкаабанз, суд̣̇зсагасамо сад̇д̇аанам̣ кзмабат̇амаажигкан̣з. зваруубо, махаарааж̇а, б̣ахуг̇ун̣о анзгаг̇ун̣о аббамаан̣аг̇ун̣о г̇ун̣арааси г̇ун̣абун̃ж̇о сад̇д̇аанам̣ вад̣дхигаро сийлаваа ‘маа винассий’д̇и сад̇д̇аанам̣ анугамбааяа бхаг̇аваа сигкаабад̣̇ам̣ бан̃н̃абзси ‘на, бхигкавз, ад̇д̇аанам̣ баад̇зд̇аб̣б̣ам̣, яо баад̇зяяа, яат̇аад̇хаммо гаарзд̇аб̣б̣о’д̇и. ид̣̇амзд̇т̇а, махаарааж̇а, гааран̣ам̣, язна гааран̣зна бхаг̇аваа бадигкиби. бхаасид̇амбзд̇ам̣, махаарааж̇а, т̇зрзна гумаарагассабзна вижид̇рагат̇игзна бааяаасирааж̇ан̃н̃асса баралогам̣ д̣̇ийбаяамаанзна ‘яат̇аа яат̇аа ко рааж̇ан̃н̃а саман̣аб̣раахман̣аа сийлаванд̇о галяаан̣ад̇хаммаа жирам̣ д̣̇ийгхамад̣̇д̇хаанам̣ д̇идтанд̇и, д̇ат̇аа д̇ат̇аа б̣ахум̣ бун̃н̃ам̣ басаванд̇и, б̣ахуж̇анахид̇ааяа жа бадибаж̇ж̇анд̇и б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и.
‘‘Kiṃ panettha, bhante nāgasena, kāraṇaṃ, yena bhagavā kāraṇena paṭikkhipi samādapesi cā’’ti? ‘‘Sīlavā, mahārāja, sīlasampanno agadasamo sattānaṃ kilesavisavināsane, osadhasamo sattānaṃ kilesabyādhivūpasame, udakasamo sattānaṃ kilesarajojallāpaharaṇe, maṇiratanasamo sattānaṃ sabbasampattidāne, nāvāsamo sattānaṃ caturoghapāragamane, satthavāhasamo sattānaṃ jātikantāratāraṇe, vātasamo sattānaṃ tividhaggisantāpanibbāpane, mahāmeghasamo sattānaṃ mānasaparipūraṇe, ācariyasamo sattānaṃ kusalasikkhāpane, sudesakasamo sattānaṃ khemapathamācikkhaṇe. Evarūpo, mahārāja, bahuguṇo anekaguṇo appamāṇaguṇo guṇarāsi guṇapuñjo sattānaṃ vaḍḍhikaro sīlavā ‘mā vinassī’ti sattānaṃ anukampāya bhagavā sikkhāpadaṃ paññapesi ‘na, bhikkhave, attānaṃ pātetabbaṃ, yo pāteyya, yathādhammo kāretabbo’ti. Idamettha, mahārāja, kāraṇaṃ, yena kāraṇena bhagavā paṭikkhipi. Bhāsitampetaṃ, mahārāja, therena kumārakassapena vicitrakathikena pāyāsirājaññassa paralokaṃ dīpayamānena ‘yathā yathā kho rājañña samaṇabrāhmaṇā sīlavanto kalyāṇadhammā ciraṃ dīghamaddhānaṃ tiṭṭhanti, tathā tathā bahuṃ puññaṃ pasavanti, bahujanahitāya ca paṭipajjanti bahujanasukhāya lokānukampāya atthāya hitāya sukhāya devamanussāna’nti.
‘‘гзна бана гааран̣зна бхаг̇аваа самаад̣̇абзси? ж̇аад̇иби, махаарааж̇а, д̣̇угкаа, ж̇арааби д̣̇угкаа, б̣яаад̇хиби д̣̇угко, маран̣амби д̣̇угкам̣, согоби д̣̇угко, барид̣̇звоби д̣̇угко, д̣̇угкамби д̣̇угкам̣, д̣̇оманассамби д̣̇угкам̣, убааяаасоби д̣̇угко, аббиязхи самбаяог̇оби д̣̇угко, биязхи виббаяог̇оби д̣̇угко, маад̇умаран̣амби д̣̇угкам̣, бид̇умаран̣амби д̣̇угкам̣, бхаад̇умаран̣амби д̣̇угкам̣, бхаг̇инимаран̣амби д̣̇угкам̣, буд̇д̇амаран̣амби д̣̇угкам̣, д̣̇аарамаран̣амби д̣̇угкам̣, д̣̇аасамаран̣амби д̣̇угкам̣ 1, н̃аад̇имаран̣амби д̣̇угкам̣, н̃аад̇иб̣яасанамби д̣̇угкам̣, рог̇аб̣яасанамби д̣̇угкам̣, бхог̇аб̣яасанамби д̣̇угкам̣, сийлаб̣яасанамби д̣̇угкам̣, д̣̇идтиб̣яасанамби д̣̇угкам̣, рааж̇абхаяамби д̣̇угкам̣, жорабхаяамби д̣̇угкам̣, взрибхаяамби д̣̇угкам̣, д̣̇уб̣бхигкабхаяамби д̣̇угкам̣, аг̇г̇ибхаяамби д̣̇угкам̣, уд̣̇агабхаяамби д̣̇угкам̣, уумибхаяамби д̣̇угкам̣, ааваддабхаяамби д̣̇угкам̣, гумбхийлабхаяамби д̣̇угкам̣, сусугаабхаяамби д̣̇угкам̣, ад̇д̇аануваад̣̇абхаяамби д̣̇угкам̣, бараануваад̣̇абхаяамби д̣̇угкам̣, д̣̇ан̣д̣абхаяамби д̣̇угкам̣, д̣̇уг̇г̇ад̇ибхаяамби д̣̇угкам̣, барисаасаараж̇ж̇абхаяамби д̣̇угкам̣, ааж̇ийвагабхаяамби д̣̇угкам̣, маран̣абхаяамби д̣̇угкам̣, взд̇д̇зхи д̇аал̣анамби д̣̇угкам̣, гасаахи д̇аал̣анамби д̣̇угкам̣, ад̣̇д̇хад̣̇ан̣д̣агзхи д̇аал̣анамби д̣̇угкам̣, хад̇т̇ажчзд̣̇анамби д̣̇угкам̣, баад̣̇ажчзд̣̇анамби д̣̇угкам̣, хад̇т̇абаад̣̇ажчзд̣̇анамби д̣̇угкам̣, ган̣н̣ажчзд̣̇анамби д̣̇угкам̣, наасажчзд̣̇анамби д̣̇угкам̣, ган̣н̣анаасажчзд̣̇анамби д̣̇угкам̣, б̣илан̇г̇ат̇аалигамби д̣̇угкам̣, сан̇камун̣д̣игамби д̣̇угкам̣, раахумукамби д̣̇угкам̣, ж̇од̇имаалигамби д̣̇угкам̣, хад̇т̇абаж̇ж̇од̇игамби д̣̇угкам̣, зрагавад̇д̇игамби д̣̇угкам̣, жийрагаваасигамби д̣̇угкам̣, зн̣зяяагамби д̣̇угкам̣ , б̣ал̣исамам̣сигамби д̣̇угкам̣, гахаабан̣игамби д̣̇угкам̣, каараабад̇ажчигамби д̣̇угкам̣, балигхабаривад̇д̇игамби д̣̇угкам̣, балаалабийтагамби д̣̇угкам̣, д̇ад̇д̇зна д̇злзна осин̃жанамби д̣̇угкам̣, сунакзхи каад̣̇аабанамби д̣̇угкам̣, ж̇ийвасуулааробанамби д̣̇угкам̣, асинаа сийсажчзд̣̇анамби д̣̇угкам̣, зваруубаани, махаарааж̇а, б̣ахувид̇хаани анзгавид̇хаани д̣̇угкаани сам̣саараг̇ад̇о анубхавад̇и.
‘‘Kena pana kāraṇena bhagavā samādapesi? Jātipi, mahārāja, dukkhā, jarāpi dukkhā, byādhipi dukkho, maraṇampi dukkhaṃ, sokopi dukkho, paridevopi dukkho, dukkhampi dukkhaṃ, domanassampi dukkhaṃ, upāyāsopi dukkho, appiyehi sampayogopi dukkho, piyehi vippayogopi dukkho, mātumaraṇampi dukkhaṃ, pitumaraṇampi dukkhaṃ, bhātumaraṇampi dukkhaṃ, bhaginimaraṇampi dukkhaṃ, puttamaraṇampi dukkhaṃ, dāramaraṇampi dukkhaṃ, dāsamaraṇampi dukkhaṃ 2, ñātimaraṇampi dukkhaṃ, ñātibyasanampi dukkhaṃ, rogabyasanampi dukkhaṃ, bhogabyasanampi dukkhaṃ, sīlabyasanampi dukkhaṃ, diṭṭhibyasanampi dukkhaṃ, rājabhayampi dukkhaṃ, corabhayampi dukkhaṃ, veribhayampi dukkhaṃ, dubbhikkhabhayampi dukkhaṃ, aggibhayampi dukkhaṃ, udakabhayampi dukkhaṃ, ūmibhayampi dukkhaṃ, āvaṭṭabhayampi dukkhaṃ, kumbhīlabhayampi dukkhaṃ, susukābhayampi dukkhaṃ, attānuvādabhayampi dukkhaṃ, parānuvādabhayampi dukkhaṃ, daṇḍabhayampi dukkhaṃ, duggatibhayampi dukkhaṃ, parisāsārajjabhayampi dukkhaṃ, ājīvakabhayampi dukkhaṃ, maraṇabhayampi dukkhaṃ, vettehi tāḷanampi dukkhaṃ, kasāhi tāḷanampi dukkhaṃ, addhadaṇḍakehi tāḷanampi dukkhaṃ, hatthacchedanampi dukkhaṃ, pādacchedanampi dukkhaṃ, hatthapādacchedanampi dukkhaṃ, kaṇṇacchedanampi dukkhaṃ, nāsacchedanampi dukkhaṃ, kaṇṇanāsacchedanampi dukkhaṃ, bilaṅgathālikampi dukkhaṃ, saṅkhamuṇḍikampi dukkhaṃ, rāhumukhampi dukkhaṃ, jotimālikampi dukkhaṃ, hatthapajjotikampi dukkhaṃ, erakavattikampi dukkhaṃ, cīrakavāsikampi dukkhaṃ, eṇeyyakampi dukkhaṃ , baḷisamaṃsikampi dukkhaṃ, kahāpaṇikampi dukkhaṃ, khārāpatacchikampi dukkhaṃ, palighaparivattikampi dukkhaṃ, palālapīṭhakampi dukkhaṃ, tattena telena osiñcanampi dukkhaṃ, sunakhehi khādāpanampi dukkhaṃ, jīvasūlāropanampi dukkhaṃ, asinā sīsacchedanampi dukkhaṃ, evarūpāni, mahārāja, bahuvidhāni anekavidhāni dukkhāni saṃsāragato anubhavati.
‘‘яат̇аа, махаарааж̇а, химаванд̇абаб̣б̣ад̇з абхивудтам̣ уд̣̇агам̣ г̇ан̇г̇ааяа над̣̇ияаа баасаан̣а сагкара кара марумб̣а аавадда г̇аг̇г̇алага уумигаван̇гажад̣̇ига ааваран̣анийваран̣амуулагасаакаасу барияод̇т̇арад̇и, звамзва ко, махаарааж̇а, зваруубаани б̣ахувид̇хаани анзгавид̇хаани д̣̇угкаани сам̣саараг̇ад̇о анубхавад̇и. бавад̇д̇ам̣, махаарааж̇а, д̣̇угкам̣, аббавад̇д̇ам̣ сукам̣. аббавад̇д̇асса г̇ун̣ам̣ бавад̇д̇асса 3 жа бхаяам̣ д̣̇ийбаяамаано, махаарааж̇а, бхаг̇аваа аббавад̇д̇асса сажчигирияааяа ж̇аад̇иж̇арааб̣яаад̇химаран̣асамад̇иггамааяа самаад̣̇абзси, ид̣̇амзд̇т̇а, махаарааж̇а, гааран̣ам̣, язна гааран̣зна бхаг̇аваа самаад̣̇абзсий’’д̇и. ‘‘саад̇ху, бханд̇з нааг̇асзна, суниб̣б̣зтид̇о бан̃хо, сугат̇ид̇ам̣ гааран̣ам̣, звамзд̇ам̣ д̇ат̇аа самбадижчаамий’’д̇и.
‘‘Yathā, mahārāja, himavantapabbate abhivuṭṭhaṃ udakaṃ gaṅgāya nadiyā pāsāṇa sakkhara khara marumba āvaṭṭa gaggalaka ūmikavaṅkacadika āvaraṇanīvaraṇamūlakasākhāsu pariyottharati, evameva kho, mahārāja, evarūpāni bahuvidhāni anekavidhāni dukkhāni saṃsāragato anubhavati. Pavattaṃ, mahārāja, dukkhaṃ, appavattaṃ sukhaṃ. Appavattassa guṇaṃ pavattassa 4 ca bhayaṃ dīpayamāno, mahārāja, bhagavā appavattassa sacchikiriyāya jātijarābyādhimaraṇasamatikkamāya samādapesi, idamettha, mahārāja, kāraṇaṃ, yena kāraṇena bhagavā samādapesī’’ti. ‘‘Sādhu, bhante nāgasena, sunibbeṭhito pañho, sukathitaṃ kāraṇaṃ, evametaṃ tathā sampaṭicchāmī’’ti.
ад̇д̇анибаад̇анабан̃хо бан̃жамо.
Attanipātanapañho pañcamo.
Footnotes:
