| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. ад̇д̇анд̇абасуд̇д̇аван̣н̣анаа
8. Attantapasuttavaṇṇanā
198. адтамз аахид̇о ахам̣маано зд̇т̇аад̇и ад̇д̇аа, ад̇д̇абхааво. ид̇ха бана яо баро на ход̇и, со ад̇д̇аа, д̇ам̣ ад̇д̇аанам̣. баранд̇и ад̇д̇ад̇о ан̃н̃ам̣. д̣̇идтзд̇и бажжагкабхууд̇з. д̇хаммзд̇и убаад̣̇аанагканд̇хад̇хаммз. д̇ад̇т̇а хи ад̇д̇аа бхавад̇и, ад̇д̇асан̃н̃аад̣̇идти бхавад̇ийд̇и ад̇д̇абхаавасаман̃н̃аа. д̇знааха ‘‘д̣̇идтзва д̇хаммзд̇и имасмим̣язва ад̇д̇абхаавз’’д̇и. чаад̇ам̣ вужжад̇и д̇ан̣хаа ж̇игхажчаахзд̇уд̇ааяа. анд̇о д̇аабанагилзсаананд̇и ад̇д̇ано санд̇аанз д̣̇арат̇абарил̣аахаж̇ананзна санд̇аабанагилзсаанам̣.
198. Aṭṭhame āhito ahaṃmāno etthāti attā, attabhāvo. Idha pana yo paro na hoti, so attā, taṃ attānaṃ. Paranti attato aññaṃ. Diṭṭheti paccakkhabhūte. Dhammeti upādānakkhandhadhamme. Tattha hi attā bhavati, attasaññādiṭṭhi bhavatīti attabhāvasamaññā. Tenāha ‘‘diṭṭheva dhammeti imasmiṃyeva attabhāve’’ti. Chātaṃ vuccati taṇhā jighacchāhetutāya. Anto tāpanakilesānanti attano santāne darathapariḷāhajananena santāpanakilesānaṃ.
барзсам̣ хананагхаад̇анаад̣̇инаа род̣̇аабанад̇о луд̣̇д̣̇о. д̇ат̇аа вигхаад̇агабхаавзна гааяажид̇д̇аанам̣ вид̣̇ааланад̇о д̣̇аарун̣о. т̇ад̣̇д̇хахад̣̇аяо гагкал̣о. б̣анд̇ханааг̇аарз нияуд̇д̇о б̣анд̇ханааг̇аариго.
Paresaṃ hananaghātanādinā rodāpanato luddo. Tathā vighātakabhāvena kāyacittānaṃ vidālanato dāruṇo. Thaddhahadayo kakkhaḷo. Bandhanāgāre niyutto bandhanāgāriko.
кад̇д̇ияаабхисзгзнаад̇и кад̇д̇ияаанам̣ гаад̇аб̣б̣аабхисзгзна. сант̇ааг̇ааранд̇и сант̇ааравасзна гад̇ам̣ аг̇аарам̣ яан̃н̃ааг̇аарам̣. саббид̇злзнаад̇и саббимиссзна д̇злзна. яамагаснзхзна хи зсаа д̇ад̣̇аа гааяам̣ аб̣бхан̃ж̇ад̇и. важчабхаавам̣ д̇арид̇ваа тид̇о важчад̇аро. баригкзбагаран̣ад̇т̇ааяаад̇и навамаалаахи сад̣̇д̇хим̣ д̣̇аб̣бхзхи взд̣̇ияаа баригкибанад̇т̇ааяа. яан̃н̃абхуумияанд̇и авасзсаяан̃н̃адтаанз.
Khattiyābhisekenāti khattiyānaṃ kātabbaabhisekena. Santhāgāranti santhāravasena kataṃ agāraṃ yaññāgāraṃ. Sappitelenāti sappimissena telena. Yamakasnehena hi esā tadā kāyaṃ abbhañjati. Vacchabhāvaṃ taritvā ṭhito vacchataro. Parikkhepakaraṇatthāyāti navamālāhi saddhiṃ dabbhehi vediyā parikkhipanatthāya. Yaññabhūmiyanti avasesayaññaṭṭhāne.
д̣̇уурасамуссаарид̇амаанассзва саасанз саммаабадибад̇д̇и самбхавад̇и, на маанаж̇аад̇игассаад̇и ааха ‘‘нихад̇амаанад̇д̇аа’’д̇и. уссаннад̇д̇аад̇и б̣ахубхаавад̇о. бхог̇аарог̇яаад̣̇ивад̇т̇угаа мад̣̇аа суббахияаа хонд̇и нимид̇д̇асса авадтаанад̇о, на д̇ат̇аа гулавиж̇ж̇аамад̣̇аад̇и кад̇д̇ияаб̣раахман̣агулаанам̣ баб̣б̣аж̇ид̇аанамби ж̇аад̇ивиж̇ж̇аа ниссааяа маанаж̇аббанам̣ д̣̇уббаж̇аханд̇и ааха ‘‘язбхуяязна хи…бз… маанам̣ гаронд̇ий’’д̇и. виж̇аад̇ид̇ааяаад̇и нихийнаж̇аад̇ид̇ааяа. бад̇идтаад̇ум̣ на саггонд̇ийд̇и сувисуд̣̇д̇хам̣ гад̇ваа сийлам̣ рагкид̇ум̣ на саггонд̇и. сийлавасзна хи саасанз бад̇идтаханд̇и. бад̇идтаад̇унд̇и ваа сажжаббадивзд̇хзна логуд̇д̇арааяа бад̇идтааяа бад̇идтаад̇ум̣. язбхуяязна хи убаниссаяасамбаннаа суж̇аад̇ааязва хонд̇и, на д̣̇уж̇ж̇аад̇аа.
Dūrasamussāritamānasseva sāsane sammāpaṭipatti sambhavati, na mānajātikassāti āha ‘‘nihatamānattā’’ti. Ussannattāti bahubhāvato. Bhogārogyādivatthukā madā suppahiyā honti nimittassa avaṭṭhānato, na tathā kulavijjāmadāti khattiyabrāhmaṇakulānaṃ pabbajitānampi jātivijjā nissāya mānajappanaṃ duppajahanti āha ‘‘yebhuyyena hi…pe… mānaṃ karontī’’ti. Vijātitāyāti nihīnajātitāya. Patiṭṭhātuṃ na sakkontīti suvisuddhaṃ katvā sīlaṃ rakkhituṃ na sakkonti. Sīlavasena hi sāsane patiṭṭhahanti. Patiṭṭhātunti vā saccappaṭivedhena lokuttarāya patiṭṭhāya patiṭṭhātuṃ. Yebhuyyena hi upanissayasampannā sujātāyeva honti, na dujjātā.
барисуд̣̇д̇ханд̇и рааг̇аад̣̇ийнам̣ ажжанд̇амзва бахаанад̣̇ийбанад̇о нирубаггилзсад̇ааяа саб̣б̣асо висуд̣̇д̇хам̣. сад̣̇д̇хам̣ бадилабхад̇ийд̇и бот̇уж̇ж̇анигасад̣̇д̇хаавасзна сад̣̇д̣̇ахад̇и. вин̃н̃уж̇аад̇игаанан̃хи д̇хаммасамбад̇д̇иг̇г̇ахан̣абуб̣б̣игаа сад̣̇д̇хаасид̣̇д̇хи д̇хаммаббамаан̣ад̇хаммаббасаннабхаавад̇о. ж̇ааяамбад̇игаад̇и гхаран̣ибад̇игаа. гаамам̣ ‘‘ж̇ааяамбад̇игаа’’д̇и вуд̇д̇з гхарасаамигагхарасааминивасзна д̣̇виннам̣язва г̇ахан̣ам̣ вин̃н̃ааяад̇и, яасса бана бурисасса анзгаа баж̇аабад̇ияо хонд̇и, д̇ад̇т̇а гим̣ вад̇д̇аб̣б̣анд̇и згааяаби сам̣ваасо самб̣аад̇ход̇и д̣̇ассанад̇т̇ам̣ ‘‘д̣̇вз’’д̇и вуд̇д̇ам̣. рааг̇аад̣̇инаа сагин̃жанадтзна, кзд̇д̇авад̇т̇уаад̣̇инаа сабалиб̣од̇хадтзна рааг̇араж̇аад̣̇ийнам̣ ааг̇аманабат̇ад̇ааби уббаж̇ж̇анадтаанад̇аа зваад̇и д̣̇взби ван̣н̣анаа згад̇т̇аа, б̣яан̃ж̇анамзва наанам̣. алаг̇г̇анадтзнаад̇и асаж̇ж̇анадтзна аббадиб̣ад̣̇д̇хабхаавзна. звам̣ агусалагусалаббавад̇д̇ийнам̣ таанабхаавзна гхарааваасабаб̣б̣аж̇ж̇аанам̣ самб̣аад̇хаб̣бхогаасад̇ам̣ д̣̇ассзд̇ваа ид̣̇аани гусалаббавад̇д̇ияааязва адтаанадтаанабхаавзна д̇зсам̣ д̇ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣.
Parisuddhanti rāgādīnaṃ accantameva pahānadīpanato nirupakkilesatāya sabbaso visuddhaṃ. Saddhaṃ paṭilabhatīti pothujjanikasaddhāvasena saddahati. Viññujātikānañhi dhammasampattiggahaṇapubbikā saddhāsiddhi dhammappamāṇadhammappasannabhāvato. Jāyampatikāti gharaṇipatikā. Kāmaṃ ‘‘jāyampatikā’’ti vutte gharasāmikagharasāminivasena dvinnaṃyeva gahaṇaṃ viññāyati, yassa pana purisassa anekā pajāpatiyo honti, tattha kiṃ vattabbanti ekāyapi saṃvāso sambādhoti dassanatthaṃ ‘‘dve’’ti vuttaṃ. Rāgādinā sakiñcanaṭṭhena, khettavatthuādinā sapalibodhaṭṭhena rāgarajādīnaṃ āgamanapathatāpi uppajjanaṭṭhānatā evāti dvepi vaṇṇanā ekatthā, byañjanameva nānaṃ. Alagganaṭṭhenāti asajjanaṭṭhena appaṭibaddhabhāvena. Evaṃ akusalakusalappavattīnaṃ ṭhānabhāvena gharāvāsapabbajjānaṃ sambādhabbhokāsataṃ dassetvā idāni kusalappavattiyāyeva aṭṭhānaṭṭhānabhāvena tesaṃ taṃ dassetuṃ ‘‘apicā’’tiādi vuttaṃ.
сан̇кзбагат̇аад̇и висум̣ висум̣ бад̣̇уд̣̇д̇хаарам̣ агад̇ваа сан̇кзбад̇о ад̇т̇аван̣н̣анаа. згамби д̣̇ивасанд̇и згад̣̇ивасамад̇д̇амби. акан̣д̣ам̣ гад̇ваад̇и д̣̇уггадамад̇д̇ассаби анаабаж̇ж̇анзна акан̣д̣ид̇ам̣ гад̇ваа. гилзсамалзна амалинанд̇и д̇ан̣хаасам̣гилзсаад̣̇ивасзна асам̣гилидтам̣ гад̇ваа. барид̣̇ахид̇ваад̇и ниваасзд̇ваа жзва баарубид̇ваа жа. аг̇аараваасо аг̇аарам̣ уд̇д̇арабад̣̇алобзна, д̇асса вад̣дхиаавахам̣ аг̇аарасса хид̇ам̣.
Saṅkhepakathāti visuṃ visuṃ paduddhāraṃ akatvā saṅkhepato atthavaṇṇanā. Ekampi divasanti ekadivasamattampi. Akhaṇḍaṃ katvāti dukkaṭamattassapi anāpajjanena akhaṇḍitaṃ katvā. Kilesamalena amalinanti taṇhāsaṃkilesādivasena asaṃkiliṭṭhaṃ katvā. Paridahitvāti nivāsetvā ceva pārupitvā ca. Agāravāso agāraṃ uttarapadalopena, tassa vaḍḍhiāvahaṃ agārassa hitaṃ.
бхог̇агканд̇ход̇и бхог̇арааси бхог̇асамуд̣̇ааяо. ааб̣анд̇ханадтзнаад̇и буд̇д̇о над̇д̇аад̇иаад̣̇инаа бзмавасзна сабарижчзд̣̇авасзна б̣анд̇ханадтзна. амхаагамзд̇зд̇и н̃ааяанд̇ийд̇и н̃аад̇ий, бид̇аамахабид̇убуд̇д̇аад̣̇ивасзна баривад̇д̇анадтзна бариваддо. сааман̃н̃аваажийби сигкаа-сад̣̇д̣̇о ааж̇ийвасад̣̇д̣̇асаннид̇хаанад̇о убаривужжамаанависзсаабзгкааяа жа висзсанивидтова ход̇ийд̇и вуд̇д̇ам̣ ‘‘яаа бхигкуунам̣ ад̇хисийласан̇каад̇аа сигкаа’’д̇и. сигкид̇аб̣б̣адтзна сигкаа, саха ааж̇ийванд̇и зд̇т̇аад̇и сааж̇ийво. сигканабхаавзнаад̇и сигкааяа сааж̇ийвз жа сигканабхаавзна. сигкам̣ барибуурзнд̇од̇и сийласам̣варам̣ барибуурзнд̇о. сааж̇ийван̃жа авийд̇иггаманд̇од̇и ‘‘наамагааяо, бад̣̇агааяо, нируд̇д̇игааяо, б̣яан̃ж̇анагааяо’’д̇и (баараа. адта. 1.39) вуд̇д̇ам̣ сигкаабад̣̇ам̣ бхаг̇авад̇о жа важанам̣ авийд̇иггаманд̇о худ̇ваад̇и ад̇т̇о. ид̣̇амзва жа ‘‘сигкана’’нд̇и вуд̇д̇ам̣, д̇ад̇т̇а сааж̇ийваанам̣ авийд̇иггамо сигкаабаарибуурияаа бажжаяо. д̇ад̇о хи яаава маг̇г̇аа сигкаабаарибуурий ход̇ийд̇и.
Bhogakkhandhoti bhogarāsi bhogasamudāyo. Ābandhanaṭṭhenāti putto nattātiādinā pemavasena saparicchedavasena bandhanaṭṭhena. Amhākameteti ñāyantīti ñātī, pitāmahapituputtādivasena parivattanaṭṭhena parivaṭṭo. Sāmaññavācīpi sikkhā-saddo ājīvasaddasannidhānato uparivuccamānavisesāpekkhāya ca visesaniviṭṭhova hotīti vuttaṃ ‘‘yā bhikkhūnaṃ adhisīlasaṅkhātā sikkhā’’ti. Sikkhitabbaṭṭhena sikkhā, saha ājīvanti etthāti sājīvo. Sikkhanabhāvenāti sikkhāya sājīve ca sikkhanabhāvena. Sikkhaṃ paripūrentoti sīlasaṃvaraṃ paripūrento. Sājīvañca avītikkamantoti ‘‘nāmakāyo, padakāyo, niruttikāyo, byañjanakāyo’’ti (pārā. aṭṭha. 1.39) vuttaṃ sikkhāpadaṃ bhagavato ca vacanaṃ avītikkamanto hutvāti attho. Idameva ca ‘‘sikkhana’’nti vuttaṃ, tattha sājīvānaṃ avītikkamo sikkhāpāripūriyā paccayo. Tato hi yāva maggā sikkhāpāripūrī hotīti.
ануббад̣̇аад̇аад̇и ануб̣алаббад̣̇аад̇аа, анувад̇д̇анавасзна ваа бад̣̇аад̇аа. гасса бана анувад̇д̇анам̣ бад̣̇аанан̃жаад̇и? ‘‘сахид̇аана’’нд̇и вуд̇д̇ад̇д̇аа санд̇хаанассаад̇и вин̃н̃ааяад̇и. д̇знааха ‘‘санд̇хаанаануббад̣̇аад̇аа’’д̇и. яасмаа бана анувад̇д̇анавасзна санд̇хаанасса бад̣̇аанам̣ аад̇хаанам̣ аарагканам̣ ваа д̣̇ал̣хагаран̣ам̣ ход̇и, д̇зна вуд̇д̇ам̣ ‘‘д̣̇вз ж̇анз самаг̇г̇з д̣̇исваа’’д̇иаад̣̇и. аараманд̇и зд̇т̇аад̇и аараамо, рамид̇аб̣б̣адтаанам̣. яасмаа бана аа-гаарзна винааби аяамад̇т̇о лаб̣бхад̇и, д̇асмаа вуд̇д̇ам̣ ‘‘самаг̇г̇араамод̇иби баал̣и, аяамзвад̇т̇о’’д̇и.
Anuppadātāti anubalappadātā, anuvattanavasena vā padātā. Kassa pana anuvattanaṃ padānañcāti? ‘‘Sahitāna’’nti vuttattā sandhānassāti viññāyati. Tenāha ‘‘sandhānānuppadātā’’ti. Yasmā pana anuvattanavasena sandhānassa padānaṃ ādhānaṃ ārakkhanaṃ vā daḷhakaraṇaṃ hoti, tena vuttaṃ ‘‘dve jane samagge disvā’’tiādi. Āramanti etthāti ārāmo, ramitabbaṭṭhānaṃ. Yasmā pana ā-kārena vināpi ayamattho labbhati, tasmā vuttaṃ ‘‘samaggarāmotipi pāḷi, ayamevattho’’ti.
зд̇т̇аад̇и –
Etthāti –
‘‘нзлан̇г̇о сзд̇абажчаад̣̇о, згааро вад̇д̇ад̇ий рат̇о;
‘‘Nelaṅgo setapacchādo, ekāro vattatī ratho;
анийгхам̣ басса ааяанд̇ам̣, чиннасод̇ам̣ аб̣анд̇хана’’нд̇и. (сам̣. ни. 4.347; уд̣̇аа. 65; бздаго. 25) –
Anīghaṃ passa āyantaṃ, chinnasotaṃ abandhana’’nti. (saṃ. ni. 4.347; udā. 65; peṭako. 25) –
имиссаа г̇аат̇ааяа. сийлан̃хзд̇т̇а нзлан̇г̇анд̇и вуд̇д̇ам̣. д̇знзвааха – ‘‘жид̇д̇о г̇ахабад̇и, нзлан̇г̇анд̇и ко, бханд̇з, сийлаанамзд̇ам̣ ад̇хиважана’’нд̇и (сам̣. ни. 4.347). сугумаараад̇и абпарусад̇ааяа муд̣̇угаа. бурасса зсаад̇и зд̇т̇а бура-сад̣̇д̣̇о д̇анниваасиваажаго д̣̇адтаб̣б̣о – ‘‘г̇аамо ааг̇ад̇о’’д̇иаад̣̇ийсу вияа. д̇знзвааха ‘‘наг̇араваасийна’’нд̇и. манам̣ аббааяад̇и вад̣дхзд̇ийд̇и манаабо. д̇зна вуд̇д̇ам̣ ‘‘жид̇д̇авуд̣дхигараа’’д̇и.
Imissā gāthāya. Sīlañhettha nelaṅganti vuttaṃ. Tenevāha – ‘‘citto gahapati, nelaṅganti kho, bhante, sīlānametaṃ adhivacana’’nti (saṃ. ni. 4.347). Sukumārāti appharusatāya mudukā. Purassa esāti ettha pura-saddo tannivāsivācako daṭṭhabbo – ‘‘gāmo āgato’’tiādīsu viya. Tenevāha ‘‘nagaravāsīna’’nti. Manaṃ appāyati vaḍḍhetīti manāpo. Tena vuttaṃ ‘‘cittavuḍḍhikarā’’ti.
гаалаваад̣̇ийд̇иаад̣̇и сампаббалаабаа бадивирад̇асса бадибад̇д̇ид̣̇ассанам̣. ад̇т̇асам̣хид̇ааби хи ваажаа аяуд̇д̇агаалаббаяог̇зна ад̇т̇аавахаа на сияаад̇и анад̇т̇авин̃н̃аабанаваажам̣ ануломзд̇и, д̇асмаа сампаббалаабам̣ баж̇аханд̇зна агаалаваад̣̇ид̇аа барихарид̇аб̣б̣аад̇и вуд̇д̇ам̣ ‘‘гаалаваад̣̇ий’’д̇и. гаалзна вад̣̇анд̇знаби убхаяаанад̇т̇асаад̇ханад̇о абхууд̇ам̣ бариваж̇ж̇зд̇аб̣б̣анд̇и ааха ‘‘бхууд̇аваад̣̇ий’’д̇и. бхууд̇ан̃жа вад̣̇анд̇зна яам̣ ид̇халогабаралогахид̇асамбаад̣̇агам̣, д̇ад̣̇зва вад̇д̇аб̣б̣анд̇и д̣̇ассзд̇ум̣ ‘‘ад̇т̇аваад̣̇ий’’д̇и вуд̇д̇ам̣. ад̇т̇ам̣ вад̣̇анд̇знаби логияад̇хаммасанниссид̇амзва авад̇ваа логуд̇д̇арад̇хаммасанниссид̇ам̣ гад̇ваа вад̇д̇аб̣б̣анд̇и д̣̇ассанад̇т̇ам̣ ‘‘д̇хаммаваад̣̇ий’’д̇и вуд̇д̇ам̣. яат̇аа жа ад̇т̇о логуд̇д̇арад̇хаммасанниссид̇о ход̇и, д̇ам̣ д̣̇ассзд̇ум̣ ‘‘винаяаваад̣̇ий’’д̇и вуд̇д̇ам̣. бан̃жаннан̃хи сам̣варавинаяаанам̣ бан̃жаннан̃жа бахаанавинаяаанам̣ васзна вужжамаано ад̇т̇о ниб̣б̣аанаад̇хиг̇аманахзд̇убхаавад̇о логуд̇д̇арад̇хаммасанниссид̇о ход̇ийд̇и. звам̣ г̇ун̣ависзсаяуд̇д̇ова ад̇т̇о вужжамаано д̣̇зсанаагосаллз сад̇и собхад̇и, гижжагаро жа ход̇и, на ан̃н̃ат̇аад̇и д̣̇ассзд̇ум̣ ‘‘нид̇хаанавад̇им̣ ваажам̣ бхаасид̇аа’’д̇и вуд̇д̇ам̣. ид̣̇аани д̇ам̣ д̣̇зсанаагосаллам̣ вибхаавзд̇ум̣ ‘‘гаалзнаа’’д̇иаад̣̇имааха. бужчаад̣̇ивасзна хи од̇ин̣н̣аваажаавад̇т̇усмим̣ згам̣саад̣̇иб̣яаагаран̣авибхааг̇ам̣ саллагкзд̇ваа табанаахзд̇ууд̣̇аахаран̣асанд̣̇ассанаад̣̇им̣ д̇ам̣д̇ам̣гаалаануруубам̣ вибхаавзнд̇ияаа баримид̇абарижчиннаруубааяа вибулад̇араг̇амбхийрод̣̇аарабарамад̇т̇авид̇т̇аарасан̇г̇аахигааяа гат̇ааяа н̃аан̣аб̣алаануруубам̣ барз яаат̇аавад̇о д̇хаммз бад̇идтаабзнд̇о ‘‘д̣̇зсанаагусало’’д̇и вужжад̇ийд̇и звамзд̇т̇а ад̇т̇аяож̇анаа взд̣̇ид̇аб̣б̣аа.
Kālavādītiādi samphappalāpā paṭiviratassa paṭipattidassanaṃ. Atthasaṃhitāpi hi vācā ayuttakālappayogena atthāvahā na siyāti anatthaviññāpanavācaṃ anulometi, tasmā samphappalāpaṃ pajahantena akālavāditā pariharitabbāti vuttaṃ ‘‘kālavādī’’ti. Kālena vadantenapi ubhayānatthasādhanato abhūtaṃ parivajjetabbanti āha ‘‘bhūtavādī’’ti. Bhūtañca vadantena yaṃ idhalokaparalokahitasampādakaṃ, tadeva vattabbanti dassetuṃ ‘‘atthavādī’’ti vuttaṃ. Atthaṃ vadantenapi lokiyadhammasannissitameva avatvā lokuttaradhammasannissitaṃ katvā vattabbanti dassanatthaṃ ‘‘dhammavādī’’ti vuttaṃ. Yathā ca attho lokuttaradhammasannissito hoti, taṃ dassetuṃ ‘‘vinayavādī’’ti vuttaṃ. Pañcannañhi saṃvaravinayānaṃ pañcannañca pahānavinayānaṃ vasena vuccamāno attho nibbānādhigamanahetubhāvato lokuttaradhammasannissito hotīti. Evaṃ guṇavisesayuttova attho vuccamāno desanākosalle sati sobhati, kiccakaro ca hoti, na aññathāti dassetuṃ ‘‘nidhānavatiṃ vācaṃ bhāsitā’’ti vuttaṃ. Idāni taṃ desanākosallaṃ vibhāvetuṃ ‘‘kālenā’’tiādimāha. Pucchādivasena hi otiṇṇavācāvatthusmiṃ ekaṃsādibyākaraṇavibhāgaṃ sallakkhetvā ṭhapanāhetūdāharaṇasandassanādiṃ taṃtaṃkālānurūpaṃ vibhāventiyā parimitaparicchinnarūpāya vipulataragambhīrodāraparamatthavitthārasaṅgāhikāya kathāya ñāṇabalānurūpaṃ pare yāthāvato dhamme patiṭṭhāpento ‘‘desanākusalo’’ti vuccatīti evamettha atthayojanā veditabbā.
звам̣ бадибаадияаа сад̇д̇а мууласигкаабад̣̇аани вибхаж̇ид̇ваа абхиж̇жхаад̣̇иббахаанам̣ инд̣̇рияасам̣вараж̇ааг̇арияаануяог̇зхи вибхаавзд̇ум̣ д̇амби нийхарид̇ваа аажаарасийлассзва вибхаж̇анавасзна баал̣и бавад̇д̇аад̇и д̇ад̣̇ад̇т̇ам̣ виварид̇ум̣ ‘‘б̣ийж̇аг̇аамабхууд̇аг̇аамасамаарамбхаа’’д̇иаад̣̇и вуд̇д̇ам̣. д̇ад̇т̇а б̣ийж̇аанам̣ г̇аамо самуухо б̣ийж̇аг̇аамо. бхууд̇аанам̣ ж̇аад̇аанам̣ ниб̣б̣ад̇д̇аанам̣ ругкаг̇ажчалад̇аад̣̇ийнам̣ самуухо бхууд̇аг̇аамо. нану жа ругкаад̣̇аяо жид̇д̇арахид̇ад̇ааяа на ж̇ийваа, жид̇д̇арахид̇ад̇аа жа барибпанд̣̇аабхаавад̇о чиннз вируханад̇о висад̣̇исаж̇аад̇ибхаавад̇о жад̇уяониабарияаабаннад̇о жа взд̣̇ид̇аб̣б̣аа, вуд̣̇д̇хи бана баваал̣асилаалаван̣аанамби виж̇ж̇ад̇ийд̇и на д̇зсам̣ ж̇ийвабхаавз гааран̣ам̣, висаяаг̇г̇ахан̣ан̃жа нзсам̣ баригаббанаамад̇д̇ам̣ субанам̣ вияа жин̃жаад̣̇ийнам̣, д̇ат̇аа д̣̇охал̣аад̣̇аяо, ат̇а гасмаа б̣ийж̇аг̇аамабхууд̇аг̇аамасамаарамбхаа бадивирад̇и ижчид̇аад̇и? саман̣асааруббад̇о д̇анниваасисад̇д̇аанурагкан̣ад̇о жа. д̇знзвааха – ‘‘ж̇ийвасан̃н̃ино хи могхабуриса мануссаа ругкасми’’нд̇иаад̣̇и (баажи. 89).
Evaṃ paṭipāṭiyā satta mūlasikkhāpadāni vibhajitvā abhijjhādippahānaṃ indriyasaṃvarajāgariyānuyogehi vibhāvetuṃ tampi nīharitvā ācārasīlasseva vibhajanavasena pāḷi pavattāti tadatthaṃ vivarituṃ ‘‘bījagāmabhūtagāmasamārambhā’’tiādi vuttaṃ. Tattha bījānaṃ gāmo samūho bījagāmo. Bhūtānaṃ jātānaṃ nibbattānaṃ rukkhagacchalatādīnaṃ samūho bhūtagāmo. Nanu ca rukkhādayo cittarahitatāya na jīvā, cittarahitatā ca paripphandābhāvato chinne viruhanato visadisajātibhāvato catuyoniapariyāpannato ca veditabbā, vuddhi pana pavāḷasilālavaṇānampi vijjatīti na tesaṃ jīvabhāve kāraṇaṃ, visayaggahaṇañca nesaṃ parikappanāmattaṃ supanaṃ viya ciñcādīnaṃ, tathā dohaḷādayo, atha kasmā bījagāmabhūtagāmasamārambhā paṭivirati icchitāti? Samaṇasāruppato tannivāsisattānurakkhaṇato ca. Tenevāha – ‘‘jīvasaññino hi moghapurisa manussā rukkhasmi’’ntiādi (pāci. 89).
мууламзва б̣ийж̇ам̣ муулаб̣ийж̇ам̣, муулам̣ б̣ийж̇ам̣ зд̇ассаад̇иби муулаб̣ийж̇ам̣. сзсзсуби зсзва наяо. пал̣уб̣ийж̇анд̇и баб̣б̣аб̣ийж̇ам̣. бажжаяанд̇арасамавааяз сад̣̇исапалуббад̇д̇ияаа висзсагааран̣абхаавад̇о вируханасамад̇т̇з саарапалз нирул̣хо б̣ийж̇а-сад̣̇д̣̇о д̇ад̣̇ад̇т̇асам̣сид̣̇д̇хияаа муулаад̣̇ийсуби гзсужи бавад̇д̇ад̇ийд̇и муулаад̣̇ид̇о нивад̇д̇анад̇т̇ам̣ згзна б̣ийж̇а-сад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и ‘‘руубаруубам̣, д̣̇угкад̣̇угка’’нд̇и (сам̣. ни. 4.327) жа яат̇аа. гасмаа банзд̇т̇а б̣ийж̇аг̇аамабхууд̇аг̇аамам̣ уд̣̇д̇харид̇ваа б̣ийж̇аг̇аамо зва нид̣̇д̣̇идтод̇и? на ко банзд̇ам̣ звам̣ д̣̇адтаб̣б̣ам̣, нану авожумхаа ‘‘мууламзва б̣ийж̇ам̣ муулаб̣ийж̇ам̣, муулам̣ б̣ийж̇ам̣ зд̇ассаад̇иби муулаб̣ийж̇а’’нд̇и. д̇ад̇т̇а буримзна б̣ийж̇аг̇аамо нид̣̇д̣̇идто, д̣̇уд̇иязна бхууд̇аг̇аамо. д̣̇увид̇хобзса муулаб̣ийж̇ан̃жа муулаб̣ийж̇ан̃жа муулаб̣ийж̇анд̇и сааман̃н̃анид̣̇д̣̇зсзна, згасзсанаязна ваа уд̣̇д̣̇идтод̇и взд̣̇ид̇аб̣б̣о. д̇знзвааха ‘‘бан̃жавид̇хассаа’’д̇иаад̣̇и. нийлад̇ин̣аругкаад̣̇игассаад̇и аллад̇ин̣асса жзва алларугкаад̣̇игасса жа. аад̣̇и-сад̣̇д̣̇зна осад̇хиг̇ажчалад̇аад̣̇ийнам̣ сан̇г̇ахо.
Mūlameva bījaṃ mūlabījaṃ, mūlaṃ bījaṃ etassātipi mūlabījaṃ. Sesesupi eseva nayo. Phaḷubījanti pabbabījaṃ. Paccayantarasamavāye sadisaphaluppattiyā visesakāraṇabhāvato viruhanasamatthe sāraphale niruḷho bīja-saddo tadatthasaṃsiddhiyā mūlādīsupi kesuci pavattatīti mūlādito nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ, dukkhadukkha’’nti (saṃ. ni. 4.327) ca yathā. Kasmā panettha bījagāmabhūtagāmaṃ uddharitvā bījagāmo eva niddiṭṭhoti? Na kho panetaṃ evaṃ daṭṭhabbaṃ, nanu avocumhā ‘‘mūlameva bījaṃ mūlabījaṃ, mūlaṃ bījaṃ etassātipi mūlabīja’’nti. Tattha purimena bījagāmo niddiṭṭho, dutiyena bhūtagāmo. Duvidhopesa mūlabījañca mūlabījañca mūlabījanti sāmaññaniddesena, ekasesanayena vā uddiṭṭhoti veditabbo. Tenevāha ‘‘pañcavidhassā’’tiādi. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ saṅgaho.
згам̣ бхад̇д̇ам̣ згабхад̇д̇ам̣, д̇ам̣ асса ад̇т̇ийд̇и згабхад̇д̇иго. со бана рад̇д̇ибхож̇анзнаби сияаад̇и д̇аннивад̇д̇анад̇т̇ам̣ ааха ‘‘рад̇д̇уубарад̇о’’д̇и. звамби абаран̣хабхож̇ийби сияаа згабхад̇д̇игод̇и д̇аннивад̇д̇анад̇т̇ам̣ ‘‘вирад̇о вигаалабхож̇анаа’’д̇и вуд̇д̇ам̣. арун̣уг̇г̇аманад̇о бадтааяа яаава маж̇жханхигаа аяам̣ б̣уд̣̇д̇хаад̣̇ийнам̣ арияаанам̣ аажин̣н̣асамаажин̣н̣о бхож̇анасса гаало наама, д̇ад̣̇ан̃н̃о вигаало. адтагат̇ааяам̣ бана д̣̇уд̇ияабад̣̇зна рад̇д̇ибхож̇анасса бадигкид̇д̇ад̇д̇аа ‘‘ад̇игганд̇з маж̇жханхигз яаава суурияад̇т̇ан̇г̇аманаа бхож̇анам̣ вигаалабхож̇анам̣ наамаа’’д̇и вуд̇д̇ам̣.
Ekaṃ bhattaṃ ekabhattaṃ, taṃ assa atthīti ekabhattiko. So pana rattibhojanenapi siyāti tannivattanatthaṃ āha ‘‘rattūparato’’ti. Evampi aparaṇhabhojīpi siyā ekabhattikoti tannivattanatthaṃ ‘‘virato vikālabhojanā’’ti vuttaṃ. Aruṇuggamanato paṭṭhāya yāva majjhanhikā ayaṃ buddhādīnaṃ ariyānaṃ āciṇṇasamāciṇṇo bhojanassa kālo nāma, tadañño vikālo. Aṭṭhakathāyaṃ pana dutiyapadena rattibhojanassa paṭikkhittattā ‘‘atikkante majjhanhike yāva sūriyatthaṅgamanā bhojanaṃ vikālabhojanaṃ nāmā’’ti vuttaṃ.
д̣̇аарумаасагод̇и яз вохаарам̣ г̇ажчанд̇ийд̇и ид̇и-сад̣̇д̣̇зна звам̣багаарз д̣̇ассзд̇и. ан̃н̃зхи г̇аахаабанз убанигкид̇д̇асаад̣̇ияанз жа бадиг̇г̇ахан̣ад̇т̇о лаб̣бхад̇ийд̇и ‘‘нзва д̇ам̣ уг̇г̇ан̣хаад̇и, на уг̇г̇ахаабзд̇и, на убанигкид̇д̇ам̣ саад̣̇ияад̇ий’’д̇и вуд̇д̇ам̣. ат̇а ваа д̇ивид̇хам̣ бадиг̇г̇ахан̣ам̣ гааязна, ваажааяа, манасаад̇и. д̇ад̇т̇а гааязна бадиг̇г̇ахан̣ам̣ уг̇г̇ан̣ханам̣, ваажааяа бадиг̇г̇ахан̣ам̣ уг̇г̇ахаабанам̣, манасаа бадиг̇г̇ахан̣ам̣ саад̣̇ияананд̇и д̇ивид̇хамби бадиг̇г̇ахан̣ам̣ згаж̇жхам̣ г̇ахзд̇ваа бадиг̇г̇ахан̣аад̇и вуд̇д̇анд̇и ааха ‘‘нзва д̇ам̣ уг̇г̇ан̣хаад̇ий’’д̇иаад̣̇и. зса наяо аамагад̇хан̃н̃абадиг̇г̇ахан̣аад̇иаад̣̇ийсуби. нийваараад̣̇иубад̇хан̃н̃асса саалиаад̣̇имуулад̇хан̃н̃анд̇ог̇ад̇хад̇д̇аа вуд̇д̇ам̣ ‘‘сад̇д̇авид̇хассаа’’д̇и. ‘‘ануж̇аанаами, бхигкавз, бан̃жа васаани бхзсаж̇ж̇аани ажчавасам̣, мажчавасам̣, сусугаавасам̣, суугаравасам̣, г̇ад̣̇рабхаваса’’нд̇и (махаава. 262) вуд̇д̇ад̇д̇аа ид̣̇ам̣ од̣̇исса анун̃н̃аад̇ам̣ наама. д̇асса бана ‘‘гаалз бадиг̇г̇ахид̇а’’нд̇и (махаава. 262) вуд̇д̇ад̇д̇аа бадиг̇г̇ахан̣ам̣ ваддад̇и сад̇и бажжаязд̇и ааха ‘‘ан̃н̃ад̇ра од̣̇исса анун̃н̃аад̇аа’’д̇и.
Dārumāsakoti ye vohāraṃ gacchantīti iti-saddena evaṃpakāre dasseti. Aññehi gāhāpane upanikkhittasādiyane ca paṭiggahaṇattho labbhatīti ‘‘neva taṃ uggaṇhāti, na uggahāpeti, na upanikkhittaṃ sādiyatī’’ti vuttaṃ. Atha vā tividhaṃ paṭiggahaṇaṃ kāyena, vācāya, manasāti. Tattha kāyena paṭiggahaṇaṃ uggaṇhanaṃ, vācāya paṭiggahaṇaṃ uggahāpanaṃ, manasā paṭiggahaṇaṃ sādiyananti tividhampi paṭiggahaṇaṃ ekajjhaṃ gahetvā paṭiggahaṇāti vuttanti āha ‘‘neva taṃ uggaṇhātī’’tiādi. Esa nayo āmakadhaññapaṭiggahaṇātiādīsupi. Nīvārādiupadhaññassa sāliādimūladhaññantogadhattā vuttaṃ ‘‘sattavidhassā’’ti. ‘‘Anujānāmi, bhikkhave, pañca vasāni bhesajjāni acchavasaṃ, macchavasaṃ, susukāvasaṃ, sūkaravasaṃ, gadrabhavasa’’nti (mahāva. 262) vuttattā idaṃ odissa anuññātaṃ nāma. Tassa pana ‘‘kāle paṭiggahita’’nti (mahāva. 262) vuttattā paṭiggahaṇaṃ vaṭṭati sati paccayeti āha ‘‘aññatra odissa anuññātā’’ti.
сааруббзна ван̃жанам̣ руубагуудам̣, бад̇ируубзна ван̃жанаад̇и ад̇т̇о. ан̇г̇зна ад̇д̇ано сарийрааваяавзна ван̃жанам̣ ан̇г̇агуудам̣. г̇ан̣ханавасзна ван̃жанам̣ г̇ахан̣агуудам̣. бадижчаннам̣ гад̇ваа ван̃жанам̣ бадижчаннагуудам̣. аггамад̇ийд̇и ниббийл̣зд̇и, буб̣б̣абхааг̇з аггамад̇ийд̇и самб̣анд̇хо. хад̣̇аяанд̇и наал̣иаад̣̇имаанабхааж̇анаанам̣ аб̣бханд̇арам̣. д̇злаад̣̇ийнам̣ наал̣иаад̣̇ийхи минанагаалз уссаабид̇аа сикааязва сикаабхзд̣̇о, д̇ассаа хаабанам̣. гзжийд̇и саарасамаасаажарияаа уд̇д̇аравихаараваасино жа.
Sāruppena vañcanaṃ rūpakūṭaṃ, patirūpena vañcanāti attho. Aṅgena attano sarīrāvayavena vañcanaṃ aṅgakūṭaṃ. Gaṇhanavasena vañcanaṃ gahaṇakūṭaṃ. Paṭicchannaṃ katvā vañcanaṃ paṭicchannakūṭaṃ. Akkamatīti nippīḷeti, pubbabhāge akkamatīti sambandho. Hadayanti nāḷiādimānabhājanānaṃ abbhantaraṃ. Telādīnaṃ nāḷiādīhi minanakāle ussāpitā sikhāyeva sikhābhedo, tassā hāpanaṃ. Kecīti sārasamāsācariyā uttaravihāravāsino ca.
вад̇ход̇и мудтиббахаарагасаад̇аал̣анаад̣̇ийхи хим̣санам̣, вихзтананд̇и ад̇т̇о. вихзтанад̇т̇оби хи вад̇ха-сад̣̇д̣̇о д̣̇иссад̇и ‘‘ад̇д̇аанам̣ вад̇хид̇ваа вад̇хид̇ваа род̣̇ад̇ий’’д̇иаад̣̇ийсу. яат̇аа хи абадиг̇г̇ахабхаавасааман̃н̃з сад̇иби баб̣б̣аж̇ид̇зхи аббадиг̇г̇ахид̇аб̣б̣авад̇т̇увисзсабхаавасанд̣̇ассанад̇т̇ам̣ ид̇т̇игумаарид̣̇аасид̣̇аасаад̣̇аяо вибхааг̇зна вуд̇д̇аа, звам̣ барассахаран̣абхаавад̇о ад̣̇иннаад̣̇аанабхаавасааман̃н̃з сад̇иби д̇улаагуудаад̣̇аяо ад̣̇иннаад̣̇аанависзсабхаавад̣̇ассанад̇т̇ам̣ вибхааг̇зна вуд̇д̇аа. на звам̣ баан̣аад̇ибаад̇абарияааяасса вад̇хасса буна г̇ахан̣з баяож̇анам̣ ад̇т̇и, д̇ад̇т̇а саяам̣гааро, ид̇ха барам̣гаарод̇и жа на саггаа вад̇д̇ум̣ ‘‘гааяаважиббаяог̇асамудтаабигаа жзд̇анаа чаббаяог̇аа’’д̇и (д̣̇ий. ни. дий. 1.10) важанад̇о, д̇асмаа яат̇аавуд̇д̇о звамзд̇т̇а ад̇т̇о яуд̇д̇о. адтагат̇ааяам̣ бана ‘‘вад̇ход̇и мааран̣а’’нд̇и вуд̇д̇ам̣. д̇амби бот̇анамзва санд̇хааяаад̇и жа саггаа вин̃н̃аад̇ум̣ мааран̣асад̣̇д̣̇асса вихим̣санзби д̣̇иссанад̇о.
Vadhoti muṭṭhippahārakasātāḷanādīhi hiṃsanaṃ, viheṭhananti attho. Viheṭhanatthopi hi vadha-saddo dissati ‘‘attānaṃ vadhitvā vadhitvā rodatī’’tiādīsu. Yathā hi apaṭiggahabhāvasāmaññe satipi pabbajitehi appaṭiggahitabbavatthuvisesabhāvasandassanatthaṃ itthikumāridāsidāsādayo vibhāgena vuttā, evaṃ parassaharaṇabhāvato adinnādānabhāvasāmaññe satipi tulākūṭādayo adinnādānavisesabhāvadassanatthaṃ vibhāgena vuttā. Na evaṃ pāṇātipātapariyāyassa vadhassa puna gahaṇe payojanaṃ atthi, tattha sayaṃkāro, idha paraṃkāroti ca na sakkā vattuṃ ‘‘kāyavacippayogasamuṭṭhāpikā cetanā chappayogā’’ti (dī. ni. ṭī. 1.10) vacanato, tasmā yathāvutto evamettha attho yutto. Aṭṭhakathāyaṃ pana ‘‘vadhoti māraṇa’’nti vuttaṃ. Tampi pothanameva sandhāyāti ca sakkā viññātuṃ māraṇasaddassa vihiṃsanepi dissanato.
жийварабин̣д̣абаад̇аанам̣ яат̇ааггамам̣ гааяагужчибарихаран̣амад̇д̇аж̇од̇анааяам̣ ависзсад̇о адтаннам̣ баригкаараанам̣ д̇аббаяож̇анад̇аа самбхавад̇ийд̇и д̣̇ассзнд̇о ‘‘д̇з саб̣б̣збий’’д̇иаад̣̇имааха. зд̇збийд̇и навабаригкааригаад̣̇аяоби аббижчаа жа санд̇удтаа жа. на хи д̇ад̇д̇агзна махижчад̇аа асанд̇удтид̇аа ход̇ийд̇и.
Cīvarapiṇḍapātānaṃ yathākkamaṃ kāyakucchipariharaṇamattajotanāyaṃ avisesato aṭṭhannaṃ parikkhārānaṃ tappayojanatā sambhavatīti dassento ‘‘te sabbepī’’tiādimāha. Etepīti navaparikkhārikādayopi appicchā ca santuṭṭhā ca. Na hi tattakena mahicchatā asantuṭṭhitā hotīti.
жад̇уусу д̣̇исаасу сукам̣ вихарад̇и, д̇ад̇о зва сукавихаарадтаанабхууд̇аа жад̇ассо д̣̇исаа асса санд̇ийд̇и жаад̇уд̣̇д̣̇исо. д̇ад̇т̇а жааяам̣ сад̇д̇з ваа сан̇каарз ваа бхаязна наббадихан̃н̃ад̇ийд̇и аббадигхо. д̣̇ваад̣̇асавид̇хасса санд̇осасса васзна санд̇уссанад̇о санд̇уссамаано. ид̇арийд̇арзнаад̇и ужжааважзна бариссаяаанам̣ б̣аахираанам̣ сийхаб̣яаг̇гхаад̣̇ийнам̣, аб̣бханд̇араанан̃жа гаамажчанд̣̇аад̣̇ийнам̣ гааяажид̇д̇уубад̣̇д̣̇аваанам̣ абхибхаванад̇о бариссаяаанам̣ сахид̇аа. б̣анд̇ханабхаавагарабхаяаабхаавзна ажчамбхи. зго асахааяо. д̇ад̇о зва каг̇г̇амиг̇асин̇г̇асад̣̇исад̇ааяа каг̇г̇ависаан̣агаббо жарзяяаад̇и ад̇т̇о.
Catūsu disāsu sukhaṃ viharati, tato eva sukhavihāraṭṭhānabhūtā catasso disā assa santīti cātuddiso. Tattha cāyaṃ satte vā saṅkhāre vā bhayena nappaṭihaññatīti appaṭigho. Dvādasavidhassa santosassa vasena santussanato santussamāno. Itarītarenāti uccāvacena parissayānaṃ bāhirānaṃ sīhabyagghādīnaṃ, abbhantarānañca kāmacchandādīnaṃ kāyacittūpaddavānaṃ abhibhavanato parissayānaṃ sahitā. Bandhanabhāvakarabhayābhāvena acchambhi. Eko asahāyo. Tato eva khaggamigasiṅgasadisatāya khaggavisāṇakappo careyyāti attho.
чиннабагко, асан̃ж̇аад̇абагко ваа сагун̣о г̇анд̇ум̣ на саггод̇ийд̇и багки-сад̣̇д̣̇зна висзсзд̇ваа сагун̣о баал̣ияам̣ вуд̇д̇од̇и ааха ‘‘багкаяуд̇д̇о сагун̣о’’д̇и. яасса саннид̇хигаарабарибхог̇о гин̃жи табзд̇аб̣б̣ам̣ саабзгкаатабанан̃жа над̇т̇и, д̇аад̣̇исо аяам̣ бхигкууд̇и д̣̇ассзнд̇о ‘‘аяамзд̇т̇а сан̇кзбад̇т̇о’’д̇иаад̣̇имааха. арияанд̇и абзнд̇и д̇ад̇о д̣̇осаа, д̇зхи ваа аарагаад̇и арияод̇и ааха ‘‘ариязнаад̇и нид̣̇д̣̇осзнаа’’д̇и. аж̇жхад̇д̇анд̇и ад̇д̇ани. нид̣̇д̣̇осасуканд̇и нираамисасукам̣ гилзсаваж̇ж̇арахид̇ад̇д̇аа.
Chinnapakkho, asañjātapakkho vā sakuṇo gantuṃ na sakkotīti pakkhi-saddena visesetvā sakuṇo pāḷiyaṃ vuttoti āha ‘‘pakkhayutto sakuṇo’’ti. Yassa sannidhikāraparibhogo kiñci ṭhapetabbaṃ sāpekkhāṭhapanañca natthi, tādiso ayaṃ bhikkhūti dassento ‘‘ayametthasaṅkhepattho’’tiādimāha. Ariyanti apenti tato dosā, tehi vā ārakāti ariyoti āha ‘‘ariyenāti niddosenā’’ti. Ajjhattanti attani. Niddosasukhanti nirāmisasukhaṃ kilesavajjarahitattā.
яат̇аавуд̇д̇з сийласам̣варз бад̇идтид̇ассзва инд̣̇рияасам̣варо ижчид̇аб̣б̣о д̇ад̣̇ад̇хидтаанад̇о д̇асса жа барибаалагабхаавад̇од̇и вуд̇д̇ам̣ ‘‘со иминаа ариязна сийлагканд̇хзна саманнааг̇ад̇о бхигкуу’’д̇и. сзсабад̣̇зсууд̇и ‘‘на нимид̇д̇аг̇г̇аахий ход̇ий’’д̇иаад̣̇ибад̣̇зсу. аяам̣ банзд̇т̇а сан̇кзбад̇т̇о – на нимид̇д̇аг̇г̇аахийд̇и ид̇т̇ибурисанимид̇д̇ам̣ ваа субханимид̇д̇аад̣̇игам̣ ваа гилзсавад̇т̇убхууд̇ам̣ нимид̇д̇ам̣ на г̇ан̣хаад̇и, д̣̇идтамад̇д̇зязва сан̣таад̇и. наануб̣яан̃ж̇анаг̇г̇аахийд̇и гилзсаанам̣ ану ану б̣яан̃ж̇анад̇о баагадабхаавагаран̣ад̇о ануб̣яан̃ж̇ананд̇илад̣̇д̇хавохаарам̣ хад̇т̇абаад̣̇асид̇ахасид̇агат̇ид̇авилогид̇аад̣̇ибхзд̣̇ам̣ аагаарам̣ на г̇ан̣хаад̇и. яам̣ д̇ад̇т̇а бхууд̇ам̣, д̇ад̣̇зва г̇ан̣хаад̇и. яад̇ваад̇хигаран̣амзнанд̇иаад̣̇имхи яам̣гааран̣аа яасса жагкунд̣̇рияаасам̣варасса хзд̇у зд̇ам̣ буг̇г̇алам̣ сад̇игаваадзна жагкунд̣̇рияам̣ асам̣вуд̇ам̣ абихид̇ажагкуд̣̇ваарам̣ худ̇ваа вихаранд̇ам̣ зд̇з абхиж̇жхаад̣̇аяо д̇хаммаа анвассавзяяум̣ ануббаб̣анд̇хзяяум̣. д̇асса сам̣варааяа бадибаж̇ж̇ад̇ийд̇и д̇асса жагкунд̣̇рияасса сад̇игаваадзна бид̣̇аханад̇т̇ааяа бадибаж̇ж̇ад̇и. звам̣ бадибаж̇ж̇анд̇оязва жа ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и вужжад̇и. сод̇зна сад̣̇д̣̇ам̣ суд̇ваад̇иаад̣̇ийсуби зсзва наяо. звамид̣̇ам̣ сан̇кзбад̇о руубаад̣̇ийсу гилзсаануб̣анд̇ханимид̇д̇аад̣̇иг̇г̇аахабариваж̇ж̇аналагкан̣ам̣ инд̣̇рияасам̣варам̣ сийлам̣ взд̣̇ид̇аб̣б̣ам̣. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇асам̣ван̣н̣анаасу (висуд̣̇д̇хи. махаадий. 1.13) вуд̇д̇анаязнзва взд̣̇ид̇аб̣б̣о. гилзсзхи анавасид̇д̇асуканд̇иаад̣̇ийсу руубаад̣̇ийсу нимид̇д̇аад̣̇иг̇г̇аахабариваж̇ж̇аналагкан̣ад̇д̇аа инд̣̇рияасам̣варасса гилзсзхи анавасид̇д̇асукад̇аа авигин̣н̣асукад̇аа жасса вуд̇д̇аа.
Yathāvutte sīlasaṃvare patiṭṭhitasseva indriyasaṃvaro icchitabbo tadadhiṭṭhānato tassa ca paripālakabhāvatoti vuttaṃ ‘‘so iminā ariyena sīlakkhandhena samannāgato bhikkhū’’ti. Sesapadesūti ‘‘na nimittaggāhī hotī’’tiādipadesu. Ayaṃ panettha saṅkhepattho – na nimittaggāhīti itthipurisanimittaṃ vā subhanimittādikaṃ vā kilesavatthubhūtaṃ nimittaṃ na gaṇhāti, diṭṭhamatteyeva saṇṭhāti. Nānubyañjanaggāhīti kilesānaṃ anu anu byañjanato pākaṭabhāvakaraṇato anubyañjanantiladdhavohāraṃ hatthapādasitahasitakathitavilokitādibhedaṃ ākāraṃ na gaṇhāti. Yaṃ tattha bhūtaṃ, tadeva gaṇhāti. Yatvādhikaraṇamenantiādimhi yaṃkāraṇā yassa cakkhundriyāsaṃvarassa hetu etaṃ puggalaṃ satikavāṭena cakkhundriyaṃ asaṃvutaṃ apihitacakkhudvāraṃ hutvā viharantaṃ ete abhijjhādayo dhammā anvassaveyyuṃ anuppabandheyyuṃ. Tassa saṃvarāya paṭipajjatīti tassa cakkhundriyassa satikavāṭena pidahanatthāya paṭipajjati. Evaṃ paṭipajjantoyeva ca ‘‘rakkhati cakkhundriyaṃ, cakkhundriye saṃvaraṃ āpajjatī’’ti vuccati. Sotena saddaṃ sutvātiādīsupi eseva nayo. Evamidaṃ saṅkhepato rūpādīsu kilesānubandhanimittādiggāhaparivajjanalakkhaṇaṃ indriyasaṃvaraṃ sīlaṃ veditabbaṃ. Ayamettha saṅkhepo, vitthāro pana visuddhimaggasaṃvaṇṇanāsu (visuddhi. mahāṭī. 1.13) vuttanayeneva veditabbo. Kilesehi anavasittasukhantiādīsu rūpādīsu nimittādiggāhaparivajjanalakkhaṇattā indriyasaṃvarassa kilesehi anavasittasukhatā avikiṇṇasukhatā cassa vuttā.
абхиггаманам̣ абхигганд̇о, бурад̇о г̇аманам̣. бадиггаманам̣ бадигганд̇о, бажжааг̇аманам̣. д̇ад̣̇убхаяамби жад̇уусу ирияаабат̇зсу лаб̣бхад̇и. г̇аманз д̇аава бурад̇о гааяам̣ абхихаранд̇о абхиггамад̇и наама, бадинивад̇д̇знд̇о бадиггамад̇и наама. таанзби тид̇агова гааяам̣ бурад̇о он̣аманд̇о абхиггамад̇и наама, бажчад̇о абанаамзнд̇о бадиггамад̇и наама. нисаж̇ж̇ааяаби нисиннагова аасанасса буримаан̇г̇аабхимуко сам̣саранд̇о абхиггамад̇и наама, бажчимам̣ ан̇г̇аббад̣̇зсам̣ бажжаасам̣саранд̇о бадиггамад̇и наама. нибаж̇ж̇ааяаби зсзва наяо.
Abhikkamanaṃ abhikkanto, purato gamanaṃ. Paṭikkamanaṃ paṭikkanto, paccāgamanaṃ. Tadubhayampi catūsu iriyāpathesu labbhati. Gamane tāva purato kāyaṃ abhiharanto abhikkamati nāma, paṭinivattento paṭikkamati nāma. Ṭhānepi ṭhitakova kāyaṃ purato oṇamanto abhikkamati nāma, pacchato apanāmento paṭikkamati nāma. Nisajjāyapi nisinnakova āsanassa purimaaṅgābhimukho saṃsaranto abhikkamati nāma, pacchimaṃ aṅgappadesaṃ paccāsaṃsaranto paṭikkamati nāma. Nipajjāyapi eseva nayo.
саад̇т̇агасамбаж̇ан̃н̃анд̇иаад̣̇ийсу саманд̇ад̇о багаарзхи, багадтам̣ ваа сависзсам̣ ж̇аанаад̇ийд̇и самбаж̇аано, самбаж̇аанасса бхааво самбаж̇ан̃н̃ам̣, д̇ат̇аабавад̇д̇ам̣ н̃аан̣ам̣. д̇хаммад̇о вад̣дхисан̇каад̇зна саха ад̇т̇зна вад̇д̇ад̇ийд̇и саад̇т̇агам̣, абхигганд̇аад̣̇исаад̇т̇агасса самбаж̇ан̃н̃ам̣ саад̇т̇агасамбаж̇ан̃н̃ам̣. саббааяасса ад̇д̇ано убагаараавахасса самбаж̇ан̃н̃ам̣ саббааяасамбаж̇ан̃н̃ам̣. абхиггамаад̣̇ийсу бхигкаажаараг̇ожарз, ан̃н̃ад̇т̇ааби бавад̇д̇зсу авиж̇ахид̇агаммадтаанасан̇каад̇з г̇ожарз самбаж̇ан̃н̃ам̣ г̇ожарасамбаж̇ан̃н̃ам̣. абхиггамаад̣̇ийсу асаммуяханамзва самбаж̇ан̃н̃ам̣ асаммохасамбаж̇ан̃н̃ам̣. д̇ад̇т̇а (д̣̇ий. ни. адта. 1.214; ма. ни. адта. 1.109) абхиггаманажид̇д̇з уббаннз жид̇д̇авасзнзва аг̇анд̇ваа ‘‘гинну мз зд̇т̇а г̇ад̇зна ад̇т̇о ад̇т̇и над̇т̇ий’’д̇и ад̇т̇аанад̇т̇ам̣ бариг̇г̇ахзд̇ваа ад̇т̇абариг̇г̇ахан̣ам̣ саад̇т̇агасамбаж̇ан̃н̃ам̣. д̇ад̇т̇а жа ад̇т̇од̇и жзд̇ияад̣̇ассанаб̣од̇хид̣̇ассанасан̇гхад̣̇ассанат̇зрад̣̇ассанаасубхад̣̇ассанаад̣̇ивасзна д̇хаммад̇о вад̣дхи. жзд̇ияам̣ ваа б̣од̇хим̣ ваа д̣̇исвааби хи б̣уд̣̇д̇хаарамман̣ам̣, сан̇гхад̣̇ассанзна сан̇гхаарамман̣ам̣ бийд̇им̣ уббаад̣̇зд̇ваа д̇ад̣̇зва каяаваяад̇о саммасанд̇о арахад̇д̇ам̣ баабун̣аад̇и. т̇зрз д̣̇исваа д̇зсам̣ оваад̣̇з бад̇идтааяа асубхам̣ д̣̇исваа д̇ад̇т̇а батамаж̇жхаанам̣ уббаад̣̇зд̇ваа д̇ад̣̇зва каяаваяад̇о саммасанд̇о арахад̇д̇ам̣ баабун̣аад̇и, д̇асмаа зд̇зсам̣ д̣̇ассанам̣ ‘‘саад̇т̇ага’’нд̇и вуд̇д̇ам̣. гзжи бана ‘‘аамисад̇оби вад̣дхи ад̇т̇оязва д̇ам̣ ниссааяа б̣рахмажарияаануг̇г̇ахааяа бадибаннад̇д̇аа’’д̇и вад̣̇анд̇и.
Sātthakasampajaññantiādīsu samantato pakārehi, pakaṭṭhaṃ vā savisesaṃ jānātīti sampajāno, sampajānassa bhāvo sampajaññaṃ, tathāpavattaṃ ñāṇaṃ. Dhammato vaḍḍhisaṅkhātena saha atthena vattatīti sātthakaṃ, abhikkantādisātthakassa sampajaññaṃ sātthakasampajaññaṃ. Sappāyassa attano upakārāvahassa sampajaññaṃ sappāyasampajaññaṃ. Abhikkamādīsu bhikkhācāragocare, aññatthāpi pavattesu avijahitakammaṭṭhānasaṅkhāte gocare sampajaññaṃ gocarasampajaññaṃ. Abhikkamādīsu asammuyhanameva sampajaññaṃ asammohasampajaññaṃ. Tattha (dī. ni. aṭṭha. 1.214; ma. ni. aṭṭha. 1.109) abhikkamanacitte uppanne cittavaseneva agantvā ‘‘kinnu me ettha gatena attho atthi natthī’’ti atthānatthaṃ pariggahetvā atthapariggahaṇaṃ sātthakasampajaññaṃ. Tattha ca atthoti cetiyadassanabodhidassanasaṅghadassanatheradassanaasubhadassanādivasena dhammato vaḍḍhi. Cetiyaṃ vā bodhiṃ vā disvāpi hi buddhārammaṇaṃ, saṅghadassanena saṅghārammaṇaṃ pītiṃ uppādetvā tadeva khayavayato sammasanto arahattaṃ pāpuṇāti. There disvā tesaṃ ovāde patiṭṭhāya asubhaṃ disvā tattha paṭhamajjhānaṃ uppādetvā tadeva khayavayato sammasanto arahattaṃ pāpuṇāti, tasmā etesaṃ dassanaṃ ‘‘sātthaka’’nti vuttaṃ. Keci pana ‘‘āmisatopi vaḍḍhi atthoyeva taṃ nissāya brahmacariyānuggahāya paṭipannattā’’ti vadanti.
д̇асмим̣ бана г̇аманз саббааяаасаббааяам̣ бариг̇г̇ахзд̇ваа саббааяабариг̇г̇ан̣ханам̣ саббааяасамбаж̇ан̃н̃ам̣. сзяяат̇ид̣̇ам̣ – жзд̇ияад̣̇ассанам̣ д̇аава саад̇т̇ам̣. сажз бана жзд̇ияасса махаабууж̇ааяа д̣̇асад̣̇ваад̣̇асаяож̇ананд̇арз барисаа саннибад̇анд̇и, ад̇д̇ано вибхаваануруубам̣ ид̇т̇ияоби бурисааби алан̇гад̇абадияад̇д̇аа жид̇д̇агаммаруубагаани вияа сан̃жаранд̇и. д̇ад̇ра жасса идтз аарамман̣з лобхо, анидтз бадигхо, асамабзгканз мохо уббаж̇ж̇ад̇и, гааяасам̣саг̇г̇аабад̇д̇им̣ ваа аабаж̇ж̇ад̇и, ж̇ийвид̇аб̣рахмажарияаанам̣ ваа анд̇арааяо ход̇и. звам̣ д̇ам̣ таанам̣ асаббааяам̣ ход̇и, вуд̇д̇аббагаараанд̇арааяаабхаавз саббааяам̣. б̣од̇хид̣̇ассанзби зсзва наяо. сан̇гхад̣̇ассанамби саад̇т̇ам̣. сажз бана анд̇ог̇аамз махааман̣д̣абам̣ гаарзд̇ваа саб̣б̣арад̇д̇им̣ д̇хаммассаванам̣ гаронд̇зсу мануссзсу вуд̇д̇аббагаарзнзва ж̇анасаннибаад̇о жзва анд̇арааяо жа ход̇и. звам̣ д̇ам̣ таанам̣ асаббааяам̣, анд̇арааяаабхаавз саббааяам̣. махаабарисаабариваараанам̣ т̇зраанам̣ д̣̇ассанзби зсзва наяо. асубхад̣̇ассанамби саад̇т̇ам̣ маг̇г̇апалаад̇хиг̇амахзд̇убхаавад̇о. д̣̇анд̇агадтад̇т̇ааяа сааман̣зрам̣ г̇ахзд̇ваа г̇ад̇ад̣̇ахарабхигкуно вад̇т̇убзд̇т̇а гат̇зд̇аб̣б̣ам̣. звам̣ саад̇т̇амби банзд̇ам̣ бурисасса маад̇уг̇аамаасубхам̣ асаббааяам̣, маад̇уг̇аамасса жа бурисаасубхам̣. сабхааг̇амзва саббааяанд̇и звам̣ саббааяабариг̇г̇ан̣ханам̣ саббааяасамбаж̇ан̃н̃ам̣ наама.
Tasmiṃ pana gamane sappāyāsappāyaṃ pariggahetvā sappāyapariggaṇhanaṃ sappāyasampajaññaṃ. Seyyathidaṃ – cetiyadassanaṃ tāva sātthaṃ. Sace pana cetiyassa mahāpūjāya dasadvādasayojanantare parisā sannipatanti, attano vibhavānurūpaṃ itthiyopi purisāpi alaṅkatapaṭiyattā cittakammarūpakāni viya sañcaranti. Tatra cassa iṭṭhe ārammaṇe lobho, aniṭṭhe paṭigho, asamapekkhane moho uppajjati, kāyasaṃsaggāpattiṃ vā āpajjati, jīvitabrahmacariyānaṃ vā antarāyo hoti. Evaṃ taṃ ṭhānaṃ asappāyaṃ hoti, vuttappakāraantarāyābhāve sappāyaṃ. Bodhidassanepi eseva nayo. Saṅghadassanampi sātthaṃ. Sace pana antogāme mahāmaṇḍapaṃ kāretvā sabbarattiṃ dhammassavanaṃ karontesu manussesu vuttappakāreneva janasannipāto ceva antarāyo ca hoti. Evaṃ taṃ ṭhānaṃ asappāyaṃ, antarāyābhāve sappāyaṃ. Mahāparisāparivārānaṃ therānaṃ dassanepi eseva nayo. Asubhadassanampi sātthaṃ maggaphalādhigamahetubhāvato. Dantakaṭṭhatthāya sāmaṇeraṃ gahetvā gatadaharabhikkhuno vatthupettha kathetabbaṃ. Evaṃ sātthampi panetaṃ purisassa mātugāmāsubhaṃ asappāyaṃ, mātugāmassa ca purisāsubhaṃ. Sabhāgameva sappāyanti evaṃ sappāyapariggaṇhanaṃ sappāyasampajaññaṃ nāma.
звам̣ бариг̇г̇ахид̇асаад̇т̇агасаббааяасса бана адтад̇им̣сааяа гаммадтаанзсу ад̇д̇ано жид̇д̇аружияам̣ гаммадтаанасан̇каад̇ам̣ г̇ожарам̣ уг̇г̇ахзд̇ваа бхигкаажаараг̇ожарз д̇ам̣ г̇ахзд̇ваава г̇аманам̣ г̇ожарасамбаж̇ан̃н̃ам̣ наама.
Evaṃ pariggahitasātthakasappāyassa pana aṭṭhatiṃsāya kammaṭṭhānesu attano cittaruciyaṃ kammaṭṭhānasaṅkhātaṃ gocaraṃ uggahetvā bhikkhācāragocare taṃ gahetvāva gamanaṃ gocarasampajaññaṃ nāma.
абхиггамаад̣̇ийсу бана асаммуяханам̣ асаммохасамбаж̇ан̃н̃ам̣. д̇ам̣ звам̣ взд̣̇ид̇аб̣б̣ам̣ – ид̇ха бхигку абхиггаманд̇о ваа бадиггаманд̇о ваа яат̇аа анд̇хабут̇уж̇ж̇анаа абхиггамаад̣̇ийсу ‘‘ад̇д̇аа абхиггамад̇и, ад̇д̇анаа абхиггамо ниб̣б̣ад̇д̇ид̇о’’д̇и ваа, ‘‘ахам̣ абхиггамаами, маяаа абхиггамо ниб̣б̣ад̇д̇ид̇о’’д̇и ваа саммуяханд̇и, д̇ат̇аа асаммуяханд̇о ‘‘абхиггамаамий’’д̇и жид̇д̇з уббаж̇ж̇амаанз д̇знзва жид̇д̇зна сад̣̇д̇хим̣ жид̇д̇асамудтаанаа вааяод̇хаад̇у вин̃н̃ад̇д̇им̣ ж̇анаяамаанаа уббаж̇ж̇ад̇и, ид̇и жид̇д̇агирияавааяод̇хаад̇увибпааравасзна аяам̣ гааяасаммад̇о адтисан̇гхаадо абхиггамад̇и, д̇ассзвам̣ абхиггамад̇о згзгабад̣̇уд̣̇д̇харан̣з бат̇авийд̇хаад̇у, аабод̇хаад̇ууд̇и д̣̇вз д̇хаад̇уяо омад̇д̇аа хонд̇и манд̣̇аа, ид̇араа д̣̇вз ад̇химад̇д̇аа хонд̇и б̣алавад̇ияо. д̇ат̇аа ад̇ихаран̣авийд̇ихаран̣зсу. воссаж̇ж̇анз д̇зж̇од̇хаад̇у, вааяод̇хаад̇ууд̇и д̣̇вз д̇хаад̇уяо омад̇д̇аа хонд̇и манд̣̇аа, ид̇араа д̣̇вз ад̇химад̇д̇аа б̣алавад̇ияо. д̇ат̇аа саннигкзбанасаннирумбханзсу. д̇ад̇т̇а уд̣̇д̇харан̣з бавад̇д̇аа руубааруубад̇хаммаа ад̇ихаран̣ам̣ на баабун̣анд̇и, д̇ат̇аа ад̇ихаран̣з бавад̇д̇аа вийд̇ихаран̣ам̣, вийд̇ихаран̣з бавад̇д̇аа воссаж̇ж̇анам̣, воссаж̇ж̇анз бавад̇д̇аа саннигкзбанам̣, саннигкзбанз бавад̇д̇аа саннирумбханам̣ на баабун̣анд̇и. д̇ад̇т̇а д̇ад̇т̇зва баб̣б̣абаб̣б̣ам̣ саннисанд̇хи од̇хиод̇хи худ̇ваа д̇ад̇д̇агабаалз багкид̇д̇ад̇илам̣ вияа бадабадааяанд̇аа бхиж̇ж̇анд̇и. д̇ад̇т̇а го зго абхиггамад̇и, гасса ваа згасса абхиггаманам̣? барамад̇т̇ад̇о хи д̇хаад̇уунам̣язва г̇аманам̣, д̇хаад̇уунам̣ таанам̣, д̇хаад̇уунам̣ нисаж̇ж̇анам̣, д̇хаад̇уунам̣ саяанам̣. д̇асмим̣ д̇асмин̃хи годтаасз сад̣̇д̇хим̣ руубзна –
Abhikkamādīsu pana asammuyhanaṃ asammohasampajaññaṃ. Taṃ evaṃ veditabbaṃ – idha bhikkhu abhikkamanto vā paṭikkamanto vā yathā andhaputhujjanā abhikkamādīsu ‘‘attā abhikkamati, attanā abhikkamo nibbattito’’ti vā, ‘‘ahaṃ abhikkamāmi, mayā abhikkamo nibbattito’’ti vā sammuyhanti, tathā asammuyhanto ‘‘abhikkamāmī’’ti citte uppajjamāne teneva cittena saddhiṃ cittasamuṭṭhānā vāyodhātu viññattiṃ janayamānā uppajjati, iti cittakiriyavāyodhātuvipphāravasena ayaṃ kāyasammato aṭṭhisaṅghāṭo abhikkamati, tassevaṃ abhikkamato ekekapaduddharaṇe pathavīdhātu, āpodhātūti dve dhātuyo omattā honti mandā, itarā dve adhimattā honti balavatiyo. Tathā atiharaṇavītiharaṇesu. Vossajjane tejodhātu, vāyodhātūti dve dhātuyo omattā honti mandā, itarā dve adhimattā balavatiyo. Tathā sannikkhepanasannirumbhanesu. Tattha uddharaṇe pavattā rūpārūpadhammā atiharaṇaṃ na pāpuṇanti, tathā atiharaṇe pavattā vītiharaṇaṃ, vītiharaṇe pavattā vossajjanaṃ, vossajjane pavattā sannikkhepanaṃ, sannikkhepane pavattā sannirumbhanaṃ na pāpuṇanti. Tattha tattheva pabbapabbaṃ sannisandhi odhiodhi hutvā tattakapāle pakkhittatilaṃ viya paṭapaṭāyantā bhijjanti. Tattha ko eko abhikkamati, kassa vā ekassa abhikkamanaṃ? Paramatthato hi dhātūnaṃyeva gamanaṃ, dhātūnaṃ ṭhānaṃ, dhātūnaṃ nisajjanaṃ, dhātūnaṃ sayanaṃ. Tasmiṃ tasmiñhi koṭṭhāse saddhiṃ rūpena –
‘‘ан̃н̃ам̣ уббаж̇ж̇ад̇з жид̇д̇ам̣, ан̃н̃ам̣ жид̇д̇ам̣ нируж̇жхад̇и;
‘‘Aññaṃ uppajjate cittaṃ, aññaṃ cittaṃ nirujjhati;
авийжиманусамб̣анд̇хо, над̣̇ийсод̇ова вад̇д̇ад̇ий’’д̇и. (д̣̇ий. ни. адта. 1.214; ма. ни. адта. 1.109; сам̣. ни. адта. 3.5.368);
Avīcimanusambandho, nadīsotova vattatī’’ti. (dī. ni. aṭṭha. 1.214; ma. ni. aṭṭha. 1.109; saṃ. ni. aṭṭha. 3.5.368);
звам̣ абхиггамаад̣̇ийсу асаммуяханам̣ асаммохасамбаж̇ан̃н̃ам̣ наамаад̇и. бажжаяасамбад̇д̇инд̇и бажжаяабаарибуурим̣. имз жад̇д̇аарод̇и сийласам̣варо, санд̇осо, инд̣̇рияасам̣варо, сад̇исамбаж̇ан̃н̃анд̇и имз жад̇д̇ааро аран̃н̃аваасасса самбхаараа . вад̇д̇аб̣б̣ад̇ам̣ аабаж̇ж̇ад̇ийд̇и ‘‘асугасса бхигкуно аран̃н̃з д̇иражчаанаг̇ад̇аанам̣ вияа ванажарагаанам̣ вияа жа ниваасамад̇д̇амзва, на аран̃н̃аваасаанужчавигаа гаажи саммаабадибад̇д̇ий’’д̇и абаваад̣̇авасзна вад̇д̇аб̣б̣ад̇ам̣, ааран̃н̃агзхи ваа д̇иражчаанаг̇ад̇зхи ванажарагависабхааг̇аж̇анзхи виббадибад̇д̇ивасзна вад̇т̇аб̣б̣ад̇ам̣ аабаж̇ж̇ад̇и. бхзравасад̣̇д̣̇ам̣ саавзнд̇и, д̇аавад̇аа абалааяанд̇аанам̣ хад̇т̇зхи сийсам̣…бз… гаронд̇и. гаал̣агасад̣̇исад̇д̇аа гаал̣агам̣, вийд̇иггамасан̇каад̇ам̣ т̇уллаваж̇ж̇ам̣. д̇илагасад̣̇исад̇д̇аа д̇илагам̣, мижчаавид̇аггасан̇каад̇ам̣ ан̣умад̇д̇аваж̇ж̇ам̣. д̇анд̇и бийд̇им̣. вибхууд̇абхаавзна убадтаанад̇о каяад̇о саммасанд̇о.
Evaṃ abhikkamādīsu asammuyhanaṃ asammohasampajaññaṃ nāmāti. Paccayasampattinti paccayapāripūriṃ. Ime cattāroti sīlasaṃvaro, santoso, indriyasaṃvaro, satisampajaññanti ime cattāro araññavāsassa sambhārā . Vattabbataṃ āpajjatīti ‘‘asukassa bhikkhuno araññe tiracchānagatānaṃ viya vanacarakānaṃ viya ca nivāsamattameva, na araññavāsānucchavikā kāci sammāpaṭipattī’’ti apavādavasena vattabbataṃ, āraññakehi vā tiracchānagatehi vanacarakavisabhāgajanehi vippaṭipattivasena vatthabbataṃ āpajjati. Bheravasaddaṃ sāventi, tāvatā apalāyantānaṃ hatthehi sīsaṃ…pe… karonti. Kāḷakasadisattā kāḷakaṃ, vītikkamasaṅkhātaṃ thullavajjaṃ. Tilakasadisattā tilakaṃ, micchāvitakkasaṅkhātaṃ aṇumattavajjaṃ. Tanti pītiṃ. Vibhūtabhāvena upaṭṭhānato khayato sammasanto.
вивид̇д̇анд̇и ж̇анавивид̇д̇ам̣. д̇знааха ‘‘сун̃н̃а’’нд̇и. д̇ам̣ бана ж̇анасад̣̇д̣̇аниг̇гхосаабхаавзна взд̣̇ид̇аб̣б̣ам̣ сад̣̇д̣̇аган̣дагад̇д̇аа жхаанассаад̇и ааха ‘‘аббасад̣̇д̣̇ам̣ аббаниг̇гхосанд̇и ад̇т̇о’’д̇и. зд̇ад̣̇зваад̇и ниссад̣̇д̣̇ад̇ам̣язва. вихааро баагаарабарижчинно сагало ааваасо. ад̣дхаяог̇о д̣̇ийгхабаасаад̣̇о, ‘‘г̇арул̣асан̣таанабаасаад̣̇о’’д̇иби вад̣̇анд̇и. баасаад̣̇о жад̇урассабаасаад̣̇о. хаммияам̣ мун̣д̣ажчад̣̇анабаасаад̣̇о. аддо бадирааж̇уунам̣ бадиб̣ааханаяог̇г̇о жад̇уббан̃жабхуумаго бад̇иссаяависзсо. маал̣о згагуудасан̇г̇ахид̇о анзгагон̣аванд̇о бад̇иссаяависзсо. абаро наяо – вихааро наама д̣̇ийгхамукабаасаад̣̇о. ад̣дхаяог̇о згабассажчад̣̇анагасзнаасанам̣. д̇асса гира згабассз бхид̇д̇и ужжад̇араа ход̇и, ид̇арабассз нийжаа. зд̇зна д̇ам̣ згабассажчад̣̇анагам̣ ход̇и. баасаад̣̇о наама ааяад̇ажад̇урассабаасаад̣̇о. хаммияам̣ мун̣д̣ажчад̣̇анам̣ жанд̣̇иган̇г̇ан̣аяуд̇д̇ам̣. г̇ухаа наама гзвалаа баб̣б̣ад̇аг̇ухаа. лзн̣ам̣ д̣̇ваараб̣ад̣̇д̇хам̣ баб̣бхаарам̣. ман̣д̣абод̇и саакааман̣д̣або. аавасат̇абхууд̇ам̣ сзнаасанам̣ вихарид̇аб̣б̣адтзна вихаарасзнаасанам̣. масаарагаад̣̇и ман̃жабийтам̣ д̇ад̇т̇а ад̇т̇арид̇аб̣б̣абхиси убад̇хаанан̃жа ман̃жабийтасамб̣анд̇хад̇о ман̃жабийтасзнаасанам̣. жимилигаад̣̇и бхуумияам̣ сант̇арид̇аб̣б̣ад̇ааяа сант̇ад̇асзнаасанам̣. абхисан̇кад̇аабхаавад̇о гзвалам̣ саяанасса нисаж̇ж̇ааяа жа огаасабхууд̇ам̣ ругкамуулаад̣̇и бадиггамид̇аб̣б̣адтаанам̣ огаасасзнаасанам̣. сзнаасанаг̇г̇ахан̣зна г̇ахид̇амзваад̇и ‘‘вивид̇д̇ам̣ сзнаасана’’нд̇и иминаа сзнаасанаг̇г̇ахан̣зна г̇ахид̇амзва сааман̃н̃аж̇од̇анаабхаавад̇о.
Vivittanti janavivittaṃ. Tenāha ‘‘suñña’’nti. Taṃ pana janasaddanigghosābhāvena veditabbaṃ saddakaṇṭakattā jhānassāti āha ‘‘appasaddaṃ appanigghosanti attho’’ti. Etadevāti nissaddataṃyeva. Vihāro pākāraparicchinno sakalo āvāso. Aḍḍhayogo dīghapāsādo, ‘‘garuḷasaṇṭhānapāsādo’’tipi vadanti. Pāsādo caturassapāsādo. Hammiyaṃ muṇḍacchadanapāsādo. Aṭṭo paṭirājūnaṃ paṭibāhanayoggo catuppañcabhūmako patissayaviseso. Māḷo ekakūṭasaṅgahito anekakoṇavanto patissayaviseso. Aparo nayo – vihāro nāma dīghamukhapāsādo. Aḍḍhayogo ekapassacchadanakasenāsanaṃ. Tassa kira ekapasse bhitti uccatarā hoti, itarapasse nīcā. Etena taṃ ekapassacchadanakaṃ hoti. Pāsādo nāma āyatacaturassapāsādo. Hammiyaṃ muṇḍacchadanaṃ candikaṅgaṇayuttaṃ. Guhā nāma kevalā pabbataguhā. Leṇaṃ dvārabaddhaṃ pabbhāraṃ. Maṇḍapoti sākhāmaṇḍapo. Āvasathabhūtaṃ senāsanaṃ viharitabbaṭṭhena vihārasenāsanaṃ. Masārakādi mañcapīṭhaṃ tattha attharitabbabhisi upadhānañca mañcapīṭhasambandhato mañcapīṭhasenāsanaṃ. Cimilikādi bhūmiyaṃ santharitabbatāya santhatasenāsanaṃ. Abhisaṅkhatābhāvato kevalaṃ sayanassa nisajjāya ca okāsabhūtaṃ rukkhamūlādi paṭikkamitabbaṭṭhānaṃ okāsasenāsanaṃ. Senāsanaggahaṇena gahitamevāti ‘‘vivittaṃ senāsana’’nti iminā senāsanaggahaṇena gahitameva sāmaññajotanābhāvato.
яад̣̇и звам̣ гасмаа ‘‘аран̃н̃а’’нд̇и вуд̇д̇анд̇и ааха ‘‘имасса банаа’’д̇иаад̣̇и. бхигкунийнам̣ васзна ааг̇ад̇анд̇и ид̣̇ам̣ винаяз д̇ат̇аа ааг̇ад̇ам̣ санд̇хааяа вуд̇д̇ам̣ , абхид̇хаммзби (вибха. 529) бана ‘‘аран̃н̃анд̇и нигкамид̇ваа б̣ахи инд̣̇акилаа саб̣б̣амзд̇ам̣ аран̃н̃а’’нд̇и ааг̇ад̇амзва. д̇ад̇т̇а хи яам̣ на г̇аамаббад̣̇зсанд̇ог̇ад̇хам̣, д̇ам̣ аран̃н̃анд̇и ниббарияааяавасзна д̇ат̇аа вуд̇д̇ам̣. д̇худ̇ан̇г̇анид̣̇д̣̇зсз (висуд̣̇д̇хи. 1.31) яам̣ вуд̇д̇ам̣, д̇ам̣ яуд̇д̇ам̣, д̇асмаа д̇ад̇т̇а вуд̇д̇анаязна г̇ахзд̇аб̣б̣анд̇и ад̇хиббааяо. ругкамууланд̇и ругкасамийбам̣. вуд̇д̇ан̃хзд̇ам̣ ‘‘яаавад̇аа маж̇жханхигз гаалз саманд̇аа чааяаа парад̇и, ниваад̇з бан̣н̣аани бад̇анд̇и, зд̇д̇аавад̇аа ругкамуула’’нд̇и. сзла-сад̣̇д̣̇о ависзсад̇о баб̣б̣ад̇абарияааяод̇и гад̇ваа вуд̇д̇ам̣ ‘‘баб̣б̣ад̇анд̇и сзла’’нд̇и, на силаамаяамзва. бам̣сумаяаад̣̇иго хи д̇ивид̇хоби баб̣б̣ад̇о зваад̇и. виваранд̇и д̣̇виннам̣ баб̣б̣ад̇аанам̣ мит̇о аасаннад̇арз тид̇аанам̣ оварагаад̣̇исад̣̇исам̣ виварам̣. згасмим̣язва ваа баб̣б̣ад̇з. уман̇г̇асад̣̇исанд̇и суд̣̇ун̇г̇аасад̣̇исам̣. мануссаанам̣ анубажаарадтаананд̇и багад̇исан̃жааравасзна мануссзхи на сан̃жарид̇аб̣б̣адтаанам̣. аад̣̇и-сад̣̇д̣̇зна ‘‘ванабад̇т̇анд̇и ванасан̣д̣аанамзд̇ам̣ сзнаасанаанам̣ ад̇хиважанам̣. ванабад̇т̇анд̇и бхим̣санагаанамзд̇ам̣. ванабад̇т̇анд̇и саломахам̣саанамзд̇ам̣. ванабад̇т̇анд̇и барияанд̇аанамзд̇ам̣. ванабад̇т̇анд̇и на мануссуубажаараанамзд̇ам̣ сзнаасанаанам̣ ад̇хиважана’’нд̇и (вибха. 531) имам̣ баал̣иббад̣̇зсам̣ сан̇г̇ан̣хаад̇и. ажчаннанд̇и гзнажи чад̣̇анзна анд̇амасо ругкасаакааяаби на чаад̣̇ид̇ам̣. ниггад̣дхид̇ваад̇и нийхарид̇ваа. баб̣бхааралзн̣асад̣̇исзд̇и баб̣бхаарасад̣̇исз, лзн̣асад̣̇исз ваа.
Yadi evaṃ kasmā ‘‘arañña’’nti vuttanti āha ‘‘imassa panā’’tiādi. Bhikkhunīnaṃ vasena āgatanti idaṃ vinaye tathā āgataṃ sandhāya vuttaṃ , abhidhammepi (vibha. 529) pana ‘‘araññanti nikkhamitvā bahi indakhilā sabbametaṃ arañña’’nti āgatameva. Tattha hi yaṃ na gāmappadesantogadhaṃ, taṃ araññanti nippariyāyavasena tathā vuttaṃ. Dhutaṅganiddese (visuddhi. 1.31) yaṃ vuttaṃ, taṃ yuttaṃ, tasmā tattha vuttanayena gahetabbanti adhippāyo. Rukkhamūlanti rukkhasamīpaṃ. Vuttañhetaṃ ‘‘yāvatā majjhanhike kāle samantā chāyā pharati, nivāte paṇṇāni patanti, ettāvatā rukkhamūla’’nti. Sela-saddo avisesato pabbatapariyāyoti katvā vuttaṃ ‘‘pabbatanti sela’’nti, na silāmayameva. Paṃsumayādiko hi tividhopi pabbato evāti. Vivaranti dvinnaṃ pabbatānaṃ mitho āsannatare ṭhitānaṃ ovarakādisadisaṃ vivaraṃ. Ekasmiṃyeva vā pabbate. Umaṅgasadisanti suduṅgāsadisaṃ. Manussānaṃ anupacāraṭṭhānanti pakatisañcāravasena manussehi na sañcaritabbaṭṭhānaṃ. Ādi-saddena ‘‘vanapatthanti vanasaṇḍānametaṃ senāsanānaṃ adhivacanaṃ. Vanapatthanti bhiṃsanakānametaṃ. Vanapatthanti salomahaṃsānametaṃ. Vanapatthanti pariyantānametaṃ. Vanapatthanti na manussūpacārānametaṃ senāsanānaṃ adhivacana’’nti (vibha. 531) imaṃ pāḷippadesaṃ saṅgaṇhāti. Acchannanti kenaci chadanena antamaso rukkhasākhāyapi na chāditaṃ. Nikkaḍḍhitvāti nīharitvā. Pabbhāraleṇasadiseti pabbhārasadise, leṇasadise vā.
бин̣д̣абаад̇абариязсанам̣ бин̣д̣абаад̇о уд̇д̇арабад̣̇алобзнаад̇и ааха ‘‘бин̣д̣абаад̇абариязсанад̇о бадигганд̇о’’д̇и. баллан̇ганд̇и зд̇т̇а бари-сад̣̇д̣̇о саманд̇ад̇од̇и зд̇асмим̣ ад̇т̇з, д̇асмаа вааморум̣ д̣̇агкин̣орун̃жа самам̣ табзд̇ваа убхо баад̣̇з ан̃н̃аман̃н̃ам̣ самб̣анд̇хз гад̇ваа нисаж̇ж̇аа баллан̇ганд̇и ааха ‘‘саманд̇ад̇о ууруб̣ад̣̇д̇хаасана’’нд̇и. ууруунам̣ б̣анд̇ханавасзна нисаж̇ж̇аа баллан̇гам̣. аабхуж̇ид̇ваад̇и жа яат̇аа баллан̇гавасзна нисаж̇ж̇аа ход̇и, звам̣ убхо баад̣̇з аабхуж̇ид̇з самин̃ж̇ид̇з гад̇ваа. д̇ам̣ бана убхиннам̣ баад̣̇аанам̣ д̇ат̇аасамб̣анд̇хад̇аагаран̣анд̇и ааха ‘‘б̣анд̇хид̇ваа’’д̇и. хздтимагааяасса ануж̇угам̣ табанам̣ нисаж̇ж̇ааважанзнзва б̣од̇хид̇анд̇и уж̇ум̣ гааяанд̇и зд̇т̇а гааяа-сад̣̇д̣̇о убаримагааяависаяод̇и ааха ‘‘убаримасарийрам̣ уж̇угам̣ табзд̇ваа’’д̇и. д̇ам̣ бана уж̇угам̣ табанам̣ саруубад̇о баяож̇анад̇о жа д̣̇ассзд̇ум̣ ‘‘адтаарасаа’’д̇иаад̣̇и вуд̇д̇ам̣. на бан̣аманд̇ийд̇и на он̣аманд̇и. на барибад̇ад̇ийд̇и на виг̇ажчад̇и вийт̇им̣ на лан̇гхзд̇и, д̇ад̇о зва буб̣б̣знаабарам̣ висзсасамбад̇д̇ияаа гаммадтаанам̣ вуд̣̇д̇хим̣ паад̇им̣ г̇ажчад̇и. баримуканд̇и зд̇т̇а бари-сад̣̇д̣̇о абхи-сад̣̇д̣̇зна самаанад̇т̇од̇и ааха ‘‘гаммадтаанаабхимука’’нд̇и, б̣ахид̣̇д̇хаа бут̇уд̇д̇аарамман̣ад̇о ниваарзд̇ваа гаммадтаанам̣язва бурагкад̇ваад̇и ад̇т̇о. самийбад̇т̇о ваа бари-сад̣̇д̣̇од̇и д̣̇ассзнд̇о ‘‘мукасамийбз ваа гад̇ваа’’д̇и ааха. зд̇т̇а жа яат̇аа ‘‘вивид̇д̇ам̣ сзнаасанам̣ бхаж̇ад̇ий’’д̇иаад̣̇инаа бхааванаануруубам̣ сзнаасанам̣ д̣̇ассид̇ам̣, звам̣ нисийд̣̇ад̇ийд̇и иминаа алийнаануд̣̇д̇хажжабагкияо санд̇о ирияаабат̇о д̣̇ассид̇о. ‘‘баллан̇гам̣ аабхуж̇ид̇ваа’’д̇и иминаа нисаж̇ж̇ааяа д̣̇ал̣хабхааво. ‘‘баримукам̣ сад̇им̣ убадтабзд̇ваа’’д̇и иминаа аарамман̣абариг̇г̇ахуубааяо.
Piṇḍapātapariyesanaṃ piṇḍapāto uttarapadalopenāti āha ‘‘piṇḍapātapariyesanato paṭikkanto’’ti. Pallaṅkanti ettha pari-saddo samantatoti etasmiṃ atthe, tasmā vāmoruṃ dakkhiṇoruñca samaṃ ṭhapetvā ubho pāde aññamaññaṃ sambandhe katvā nisajjā pallaṅkanti āha ‘‘samantato ūrubaddhāsana’’nti. Ūrūnaṃ bandhanavasena nisajjā pallaṅkaṃ. Ābhujitvāti ca yathā pallaṅkavasena nisajjā hoti, evaṃ ubho pāde ābhujite samiñjite katvā. Taṃ pana ubhinnaṃ pādānaṃ tathāsambandhatākaraṇanti āha ‘‘bandhitvā’’ti. Heṭṭhimakāyassa anujukaṃ ṭhapanaṃ nisajjāvacaneneva bodhitanti ujuṃ kāyanti ettha kāya-saddo uparimakāyavisayoti āha ‘‘uparimasarīraṃ ujukaṃ ṭhapetvā’’ti. Taṃ pana ujukaṃ ṭhapanaṃ sarūpato payojanato ca dassetuṃ ‘‘aṭṭhārasā’’tiādi vuttaṃ. Na paṇamantīti na oṇamanti. Na paripatatīti na vigacchati vīthiṃ na laṅgheti, tato eva pubbenāparaṃ visesasampattiyā kammaṭṭhānaṃ vuddhiṃ phātiṃ gacchati. Parimukhanti ettha pari-saddo abhi-saddena samānatthoti āha ‘‘kammaṭṭhānābhimukha’’nti, bahiddhā puthuttārammaṇato nivāretvā kammaṭṭhānaṃyeva purakkhatvāti attho. Samīpattho vā pari-saddoti dassento ‘‘mukhasamīpe vā katvā’’ti āha. Ettha ca yathā ‘‘vivittaṃ senāsanaṃ bhajatī’’tiādinā bhāvanānurūpaṃ senāsanaṃ dassitaṃ, evaṃ nisīdatīti iminā alīnānuddhaccapakkhiyo santo iriyāpatho dassito. ‘‘Pallaṅkaṃ ābhujitvā’’ti iminā nisajjāya daḷhabhāvo. ‘‘Parimukhaṃ satiṃ upaṭṭhapetvā’’ti iminā ārammaṇapariggahūpāyo.
барийд̇и бариг̇г̇ахадто ‘‘барин̣ааяигаа’’д̇иаад̣̇ийсу (д̇ха. са. 16, 20) вияа. муканд̇и нияяаанадто ‘‘сун̃н̃ад̇авимогкамука’’нд̇иаад̣̇ийсу вияа. бадибагкад̇о ниг̇г̇аманадто хи нияяаанадто, д̇асмаа бариг̇г̇ахид̇анияяаанам̣ сад̇инд̇и саб̣б̣ат̇аа г̇ахид̇аасаммосам̣ барижжад̇д̇асаммосам̣ сад̇им̣ гад̇ваа, барамасад̇инзбаггам̣ убадтабзд̇ваад̇и ад̇т̇о.
Parīti pariggahaṭṭho ‘‘pariṇāyikā’’tiādīsu (dha. sa. 16, 20) viya. Mukhanti niyyānaṭṭho ‘‘suññatavimokkhamukha’’ntiādīsu viya. Paṭipakkhato niggamanaṭṭho hi niyyānaṭṭho, tasmā pariggahitaniyyānaṃ satinti sabbathā gahitāsammosaṃ pariccattasammosaṃ satiṃ katvā, paramasatinepakkaṃ upaṭṭhapetvāti attho.
абхиж̇жхааяад̇и г̇иж̇жхад̇и абхиган̇кад̇и зд̇ааяаад̇и абхиж̇жхаа, лобхо. луж̇ж̇анадтзнаад̇и бхиж̇ж̇анадтзна, кан̣з кан̣з бхиж̇ж̇анадтзнаад̇и ад̇т̇о. вигкамбханавасзнаад̇и зд̇т̇а вигкамбханам̣ ануббаад̣̇анам̣ аббавад̇д̇анам̣ бадибагкзна суббахийнад̇д̇аа. бахийнад̇д̇аад̇и жа бахийнасад̣̇исад̇ам̣ санд̇хааяа вуд̇д̇ам̣ жхаанасса анад̇хиг̇ад̇ад̇д̇аа. д̇ат̇ааби наяид̣̇ам̣ жагкувин̃н̃аан̣ам̣ вияа сабхаавад̇о виг̇ад̇аабхиж̇жхам̣, ат̇а ко бхааванаавасзна. д̇знааха ‘‘на жагкувин̃н̃аан̣асад̣̇исзнаа’’д̇и. зсзва наяод̇и яат̇аа жагкувин̃н̃аан̣ам̣ сабхаавзна виг̇ад̇аабхиж̇жхам̣ аб̣яаабаннан̃жа на бхааванааяа вигкамбхид̇ад̇д̇аа, на звамид̣̇ам̣. ид̣̇ам̣ бана жид̇д̇ам̣ бхааванааяа барисод̇хид̇ад̇д̇аа аб̣яаабаннам̣ виг̇ад̇ат̇инамид̣̇д̇хам̣ ануд̣̇д̇хад̇ам̣ ниб̣б̣ижигижчан̃жаад̇и ад̇т̇о. буримабагад̇инд̇и барисуд̣̇д̇хабан̣д̣арасабхаавам̣. ‘‘яаа д̇асмим̣ самаяз жид̇д̇асса агаляад̇аа’’д̇иаад̣̇инаа (д̇ха. са. 1162; вибха. 546) т̇инасса, ‘‘яаа д̇асмим̣ самаяз гааяасса агаляад̇аа’’д̇иаад̣̇инаа (д̇ха. са. 1163; вибха. 546) жа мид̣̇д̇хасса абхид̇хаммз нид̣̇д̣̇идтад̇д̇аа вуд̇д̇ам̣ ‘‘т̇инам̣ жид̇д̇аг̇злан̃н̃ам̣, мид̣̇д̇хам̣ жзд̇асигаг̇злан̃н̃а’’нд̇и. сад̇иби хи ан̃н̃аман̃н̃ам̣ авиббаяог̇з жид̇д̇агааяалахуд̇аад̣̇ийнам̣ вияа жид̇д̇ажзд̇асигаанам̣ яат̇ааггамам̣ д̇ам̣д̇ам̣висзсасса яаа д̇зсам̣ агаляад̇аад̣̇ийнам̣ висзсабажжаяад̇аа, аяамзд̇зсам̣ сабхаавод̇и д̣̇адтаб̣б̣ам̣. аалогасан̃н̃ийд̇и зд̇т̇а ад̇исаяад̇д̇ависидтаад̇т̇иад̇т̇ааваб̣од̇хагояамийгаарод̇и д̣̇ассзнд̇о ааха ‘‘рад̇д̇имби…бз… саманнааг̇ад̇о’’д̇и. ид̣̇ам̣ убхаяанд̇и сад̇исамбаж̇ан̃н̃амааха.
Abhijjhāyati gijjhati abhikaṅkhati etāyāti abhijjhā, lobho. Lujjanaṭṭhenāti bhijjanaṭṭhena, khaṇe khaṇe bhijjanaṭṭhenāti attho. Vikkhambhanavasenāti ettha vikkhambhanaṃ anuppādanaṃ appavattanaṃ paṭipakkhena suppahīnattā. Pahīnattāti ca pahīnasadisataṃ sandhāya vuttaṃ jhānassa anadhigatattā. Tathāpi nayidaṃ cakkhuviññāṇaṃ viya sabhāvato vigatābhijjhaṃ, atha kho bhāvanāvasena. Tenāha ‘‘na cakkhuviññāṇasadisenā’’ti. Eseva nayoti yathā cakkhuviññāṇaṃ sabhāvena vigatābhijjhaṃ abyāpannañca na bhāvanāya vikkhambhitattā, na evamidaṃ. Idaṃ pana cittaṃ bhāvanāya parisodhitattā abyāpannaṃ vigatathinamiddhaṃ anuddhataṃ nibbicikicchañcāti attho. Purimapakatinti parisuddhapaṇḍarasabhāvaṃ. ‘‘Yā tasmiṃ samaye cittassa akalyatā’’tiādinā (dha. sa. 1162; vibha. 546) thinassa, ‘‘yā tasmiṃ samaye kāyassa akalyatā’’tiādinā (dha. sa. 1163; vibha. 546) ca middhassa abhidhamme niddiṭṭhattā vuttaṃ ‘‘thinaṃ cittagelaññaṃ, middhaṃ cetasikagelañña’’nti. Satipi hi aññamaññaṃ avippayoge cittakāyalahutādīnaṃ viya cittacetasikānaṃ yathākkamaṃ taṃtaṃvisesassa yā tesaṃ akalyatādīnaṃ visesapaccayatā, ayametesaṃ sabhāvoti daṭṭhabbaṃ. Ālokasaññīti ettha atisayattavisiṭṭhaatthiatthāvabodhakoyamīkāroti dassento āha ‘‘rattimpi…pe… samannāgato’’ti. Idaṃ ubhayanti satisampajaññamāha.
ад̇иггамид̇ваад̇и вигкамбханавасзна баж̇ахид̇ваа. гат̇амид̣̇ам̣ гат̇амид̣̇анд̇и бавад̇д̇ияаа гат̇ам̣гат̇аа, вижигижчаа, саа зд̇асса ад̇т̇ийд̇и гат̇ам̣гат̇ий, на гат̇ам̣гат̇ийд̇и агат̇ам̣гат̇ий, ниб̣б̣ижигижчо. лагкан̣аад̣̇ибхзд̣̇ад̇од̇и зд̇т̇а аад̣̇и-сад̣̇д̣̇зна бажжаяабарихаанаббахааяагаад̣̇ийнамби сан̇г̇ахо д̣̇адтаб̣б̣о. д̇зби хи бабхзд̣̇ад̇о д̣̇адтаб̣б̣аад̇и. ужчинд̣̇ид̇ваа баад̇знд̇ийд̇и зд̇т̇а ужчинд̣̇анам̣ баад̇анан̃жа д̇аасам̣ бан̃н̃аанам̣ ануббаннаанам̣ уббаж̇ж̇ид̇ум̣ аббад̣̇аанамзва. ид̇и махаг̇г̇ад̇аануд̇д̇арабан̃н̃аанам̣ згажжааяа жа барид̇д̇абан̃н̃ааяа ануббад̇д̇ихзд̇убхууд̇аа нийваран̣ад̇хаммаа ид̇арааяа жа самад̇т̇ад̇ам̣ вихананд̇иязваад̇и ‘‘бан̃н̃ааяа д̣̇уб̣б̣алийгаран̣аа’’д̇и вуд̇д̇аа. аббзнд̇од̇и ниг̇амзнд̇о.
Atikkamitvāti vikkhambhanavasena pajahitvā. Kathamidaṃ kathamidanti pavattiyā kathaṃkathā, vicikicchā, sā etassa atthīti kathaṃkathī, na kathaṃkathīti akathaṃkathī, nibbicikiccho. Lakkhaṇādibhedatoti ettha ādi-saddena paccayaparihānappahāyakādīnampi saṅgaho daṭṭhabbo. Tepi hi pabhedato daṭṭhabbāti. Ucchinditvā pātentīti ettha ucchindanaṃ pātanañca tāsaṃ paññānaṃ anuppannānaṃ uppajjituṃ appadānameva. Iti mahaggatānuttarapaññānaṃ ekaccāya ca parittapaññāya anuppattihetubhūtā nīvaraṇadhammā itarāya ca samatthataṃ vihanantiyevāti ‘‘paññāya dubbalīkaraṇā’’ti vuttā. Appentoti nigamento.
ад̇д̇анд̇абасуд̇д̇аван̣н̣анаа нидтид̇аа.
Attantapasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. ад̇д̇анд̇абасуд̇д̇ам̣ • 8. Attantapasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ад̇д̇анд̇абасуд̇д̇аван̣н̣анаа • 8. Attantapasuttavaṇṇanā
