| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. ад̇д̇аануд̣̇идтинид̣̇д̣̇зсаван̣н̣анаа
2. Attānudiṭṭhiniddesavaṇṇanā
130. ад̇д̇аануд̣̇идтияам̣ ассуд̇аваа бут̇уж̇ж̇анод̇и ааг̇амаад̇хиг̇амаабхааваа н̃зяяо ассуд̇аваа ид̇и. яасса хи канд̇хад̇хаад̇уааяад̇анасажжабажжаяаагаарасад̇ибадтаанаад̣̇ийсу уг̇г̇ахабарибужчаавинижчаяавирахид̇ад̇д̇аа ад̇д̇аануд̣̇идтибадисзд̇хагаро нзва ааг̇амо, бадибад̇д̇ияаа ад̇хиг̇анд̇аб̣б̣асса анад̇хиг̇ад̇ад̇д̇аа на жа ад̇хиг̇амо ад̇т̇и, со ааг̇амаад̇хиг̇амаанам̣ абхааваа н̃зяяо ассуд̇аваа ид̇и. суд̇анд̇и хи б̣уд̣̇д̇хаважанааг̇амо жа суд̇апалад̇д̇аа хзд̇увохааравасзна ад̇хиг̇амо жа, д̇ам̣ суд̇ам̣ асса ад̇т̇ийд̇и суд̇аваа, на суд̇аваа ассуд̇аваа. свааяам̣ –
130. Attānudiṭṭhiyaṃ assutavā puthujjanoti āgamādhigamābhāvā ñeyyo assutavā iti. Yassa hi khandhadhātuāyatanasaccapaccayākārasatipaṭṭhānādīsu uggahaparipucchāvinicchayavirahitattā attānudiṭṭhipaṭisedhakaro neva āgamo, paṭipattiyā adhigantabbassa anadhigatattā na ca adhigamo atthi, so āgamādhigamānaṃ abhāvā ñeyyo assutavā iti. Sutanti hi buddhavacanāgamo ca sutaphalattā hetuvohāravasena adhigamo ca, taṃ sutaṃ assa atthīti sutavā, na sutavā assutavā. Svāyaṃ –
бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;
Puthūnaṃ jananādīhi, kāraṇehi puthujjano;
бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и.
Puthujjanantogadhattā, puthuvāyaṃ jano iti.
со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхи гааран̣зхи бут̇уж̇ж̇ано. яат̇ааха – ‘‘бут̇у гилзсз ж̇анзнд̇ийд̇и бут̇уж̇ж̇анаа, бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукуллогигаад̇и бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа, бут̇у наанаабхисан̇каарз абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇аббзнд̇ийд̇и бут̇уж̇ж̇анаа, бут̇у наанаабарил̣аахзхи барид̣̇аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаа’’д̇и (махаани. 94). бут̇уунам̣ ваа г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамуд̣̇аажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇анаа, бут̇у ваа аяам̣, висум̣язва сан̇кам̣ г̇ад̇о висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇иби бут̇уж̇ж̇ано. звамзд̇зхи ‘‘ассуд̇аваа бут̇уж̇ж̇ано’’д̇и д̣̇вийхи бад̣̇зхи яз д̇з –
So hi puthūnaṃ nānappakārānaṃ kilesādīnaṃ jananādīhi kāraṇehi puthujjano. Yathāha – ‘‘puthu kilese janentīti puthujjanā, puthu avihatasakkāyadiṭṭhikāti puthujjanā, puthu satthārānaṃ mukhullokikāti puthujjanā, puthu sabbagatīhi avuṭṭhitāti puthujjanā, puthu nānābhisaṅkhāre abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santappentīti puthujjanā, puthu nānāpariḷāhehi paridayhantīti puthujjanā, puthu pañcasu kāmaguṇesu rattā giddhā gadhitā mucchitā ajjhosannā laggā laggitā palibuddhāti puthujjanā, puthu pañcahi nīvaraṇehi āvutā nivutā ovutā pihitā paṭicchannā paṭikujjitāti puthujjanā’’ti (mahāni. 94). Puthūnaṃ vā gaṇanapathamatītānaṃ ariyadhammaparammukhānaṃ nīcadhammasamudācārānaṃ janānaṃ antogadhattāpi puthujjanā, puthu vā ayaṃ, visuṃyeva saṅkhaṃ gato visaṃsaṭṭho sīlasutādiguṇayuttehi ariyehi janotipi puthujjano. Evametehi ‘‘assutavā puthujjano’’ti dvīhi padehi ye te –
‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
‘‘Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. –
Andho puthujjano eko, kalyāṇeko puthujjano’’ti. –
д̣̇вз бут̇уж̇ж̇анаа вуд̇д̇аа, д̇зсу анд̇хабут̇уж̇ж̇ано вуд̇д̇о ход̇ийд̇и взд̣̇ид̇аб̣б̣о.
Dve puthujjanā vuttā, tesu andhaputhujjano vutto hotīti veditabbo.
арияаанам̣ ад̣̇ассаавийд̇иаад̣̇ийсу арияаад̇и аарагад̇д̇аа гилзсзхи, анаяз на ирияанад̇о, аяз жа ирияанад̇о, сад̣̇звагзна жа логзна аран̣ийяад̇о б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жа вужжанд̇и, б̣уд̣̇д̇хаа зва ваа ид̇ха арияаа. яат̇ааха – ‘‘сад̣̇звагз, бхигкавз, логз…бз… д̇ат̇ааг̇ад̇о арияод̇и вужжад̇ий’’д̇и (сам̣. ни. 5.1098).
Ariyānaṃadassāvītiādīsu ariyāti ārakattā kilesehi, anaye na iriyanato, aye ca iriyanato, sadevakena ca lokena araṇīyato buddhā ca paccekabuddhā ca buddhasāvakā ca vuccanti, buddhā eva vā idha ariyā. Yathāha – ‘‘sadevake, bhikkhave, loke…pe… tathāgato ariyoti vuccatī’’ti (saṃ. ni. 5.1098).
саббурисаад̇и зд̇т̇а бана бажжзгаб̣уд̣̇д̇хаа д̇ат̇ааг̇ад̇асаавагаа жа ‘‘саббурисаа’’д̇и взд̣̇ид̇аб̣б̣аа. д̇з хи логуд̇д̇араг̇ун̣аяог̇зна собханаа бурисаад̇и саббурисаа. саб̣б̣зязва ваа зд̇з д̣̇взд̇хааби вуд̇д̇аа. б̣уд̣̇д̇хааби хи арияаа жа саббурисаа жа бажжзгаб̣уд̣̇д̇хаа б̣уд̣̇д̇хасаавагааби. яат̇ааха –
Sappurisāti ettha pana paccekabuddhā tathāgatasāvakā ca ‘‘sappurisā’’ti veditabbā. Te hi lokuttaraguṇayogena sobhanā purisāti sappurisā. Sabbeyeva vā ete dvedhāpi vuttā. Buddhāpi hi ariyā ca sappurisā ca paccekabuddhā buddhasāvakāpi. Yathāha –
‘‘яо вз гад̇ан̃н̃уу гад̇авзд̣̇и д̇хийро, галяаан̣амид̇д̇о д̣̇ал̣хабхад̇д̇и жа ход̇и;
‘‘Yo ve kataññū katavedi dhīro, kalyāṇamitto daḷhabhatti ca hoti;
д̣̇укид̇асса саггажжа гарод̇и гижжам̣, д̇ат̇аавид̇хам̣ саббурисам̣ вад̣̇анд̇ий’’д̇и. (ж̇аа. 2.17.78);
Dukhitassa sakkacca karoti kiccaṃ, tathāvidhaṃ sappurisaṃ vadantī’’ti. (jā. 2.17.78);
зд̇т̇а хи ‘‘гад̇ан̃н̃уу гад̇авзд̣̇и д̇хийро’’д̇и бажжзгасамб̣уд̣̇д̇хо вуд̇д̇о, ‘‘галяаан̣амид̇д̇о д̣̇ал̣хабхад̇д̇и жаа’’д̇и б̣уд̣̇д̇хасааваго, ‘‘д̣̇укид̇асса саггажжа гарод̇и гижжа’’нд̇и саммаасамб̣уд̣̇д̇ход̇и. ид̣̇аани яо д̇зсам̣ арияаанам̣ ад̣̇ассанасийло , на жа д̣̇ассанз саад̇хугаарий, со ‘‘арияаанам̣ ад̣̇ассаавий’’д̇и взд̣̇ид̇аб̣б̣о. со жа жагкунаа ад̣̇ассаавий н̃аан̣зна ад̣̇ассаавийд̇и д̣̇увид̇хо. д̇зсу н̃аан̣зна ад̣̇ассаавий ид̇хаад̇хиббзд̇о. мам̣сажагкунаа хи д̣̇иб̣б̣ажагкунаа ваа арияаа д̣̇идтааби ад̣̇идтаава хонд̇и д̇зсам̣ жагкуунам̣ ван̣н̣амад̇д̇аг̇ахан̣ад̇о на арияабхааваг̇ожарад̇о. сон̣асин̇г̇аалаад̣̇аяоби хи жагкунаа арияз бассанд̇и, на жа д̇з арияаанам̣ д̣̇ассаавино, д̇асмаа жагкунаа д̣̇ассанам̣ на д̣̇ассанам̣, н̃аан̣зна д̣̇ассанамзва д̣̇ассанам̣. яат̇ааха – ‘‘гим̣ д̇з, ваггали, иминаа бууд̇игааязна д̣̇идтзна, яо ко, ваггали, д̇хаммам̣ бассад̇и, со мам̣ бассад̇ий’’д̇и (сам̣. ни. 3.87). д̇асмаа жагкунаа бассанд̇оби н̃аан̣зна ариязхи д̣̇идтам̣ анижжаад̣̇илагкан̣ам̣ абассанд̇о арияаад̇хиг̇ад̇ан̃жа д̇хаммам̣ анад̇хиг̇ажчанд̇о арияагарад̇хаммаанам̣ арияабхаавасса жа ад̣̇идтад̇д̇аа ‘‘арияаанам̣ ад̣̇ассаавий’’д̇и взд̣̇ид̇аб̣б̣о.
Ettha hi ‘‘kataññū katavedi dhīro’’ti paccekasambuddho vutto, ‘‘kalyāṇamitto daḷhabhatti cā’’ti buddhasāvako, ‘‘dukhitassa sakkacca karoti kicca’’nti sammāsambuddhoti. Idāni yo tesaṃ ariyānaṃ adassanasīlo , na ca dassane sādhukārī, so ‘‘ariyānaṃ adassāvī’’ti veditabbo. So ca cakkhunā adassāvī ñāṇena adassāvīti duvidho. Tesu ñāṇena adassāvī idhādhippeto. Maṃsacakkhunā hi dibbacakkhunā vā ariyā diṭṭhāpi adiṭṭhāva honti tesaṃ cakkhūnaṃ vaṇṇamattagahaṇato na ariyabhāvagocarato. Soṇasiṅgālādayopi hi cakkhunā ariye passanti, na ca te ariyānaṃ dassāvino, tasmā cakkhunā dassanaṃ na dassanaṃ, ñāṇena dassanameva dassanaṃ. Yathāha – ‘‘kiṃ te, vakkali, iminā pūtikāyena diṭṭhena, yo kho, vakkali, dhammaṃ passati, so maṃ passatī’’ti (saṃ. ni. 3.87). Tasmā cakkhunā passantopi ñāṇena ariyehi diṭṭhaṃ aniccādilakkhaṇaṃ apassanto ariyādhigatañca dhammaṃ anadhigacchanto ariyakaradhammānaṃ ariyabhāvassa ca adiṭṭhattā ‘‘ariyānaṃ adassāvī’’ti veditabbo.
арияад̇хаммасса аговид̣̇од̇и сад̇ибадтаанаад̣̇ибхзд̣̇з арияад̇хаммз агусало. арияад̇хаммз авинийд̇од̇и зд̇т̇а бана –
Ariyadhammassa akovidoti satipaṭṭhānādibhede ariyadhamme akusalo. Ariyadhamme avinītoti ettha pana –
д̣̇увид̇хо винаяо наама, згамзгзд̇т̇а бан̃жад̇хаа;
Duvidho vinayo nāma, ekamekettha pañcadhā;
абхаавад̇о д̇асса аяам̣, ‘‘авинийд̇о’’д̇и вужжад̇и.
Abhāvato tassa ayaṃ, ‘‘avinīto’’ti vuccati.
аяан̃хи сам̣варавинаяо бахаанавинаяод̇и д̣̇увид̇хо винаяо. зд̇т̇а жа д̣̇увид̇хзби винаяз згамзго винаяо бан̃жад̇хаа бхиж̇ж̇ад̇и. сам̣варавинаяоби хи сийласам̣варо, сад̇исам̣варо, н̃аан̣асам̣варо, канд̇исам̣варо, вийрияасам̣варод̇и бан̃жавид̇хо. бахаанавинаяоби д̇ад̣̇ан̇г̇аббахаанам̣, вигкамбханаббахаанам̣, самужчзд̣̇аббахаанам̣, бадиббассад̣̇д̇хиббахаанам̣, ниссаран̣аббахаананд̇и бан̃жавид̇хо.
Ayañhi saṃvaravinayo pahānavinayoti duvidho vinayo. Ettha ca duvidhepi vinaye ekameko vinayo pañcadhā bhijjati. Saṃvaravinayopi hi sīlasaṃvaro, satisaṃvaro, ñāṇasaṃvaro, khantisaṃvaro, vīriyasaṃvaroti pañcavidho. Pahānavinayopi tadaṅgappahānaṃ, vikkhambhanappahānaṃ, samucchedappahānaṃ, paṭippassaddhippahānaṃ, nissaraṇappahānanti pañcavidho.
д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) аяам̣ сийласам̣варо. ‘‘рагкад̇и жагкунд̣̇рияам̣ жагкунд̣̇рияз сам̣варам̣ аабаж̇ж̇ад̇ий’’д̇и (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) аяам̣ сад̇исам̣варо.
Tattha ‘‘iminā pātimokkhasaṃvarena upeto hoti samupeto’’ti (vibha. 511) ayaṃ sīlasaṃvaro. ‘‘Rakkhati cakkhundriyaṃ cakkhundriye saṃvaraṃ āpajjatī’’ti (dī. ni. 1.213; ma. ni. 1.295; saṃ. ni. 4.239; a. ni. 3.16) ayaṃ satisaṃvaro.
‘‘яаани сод̇аани логасмим̣, (аж̇ид̇аад̇и бхаг̇аваа)
‘‘Yāni sotāni lokasmiṃ, (ajitāti bhagavā)
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и. (су. ни. 1041; жуул̣ани. аж̇ид̇амаан̣авабужчаанид̣̇д̣̇зса 4) –
Sotānaṃ saṃvaraṃ brūmi, paññāyete pidhīyare’’ti. (su. ni. 1041; cūḷani. ajitamāṇavapucchāniddesa 4) –
аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇и (ма. ни. 1.24; а. ни. 4.114; 6.58) аяам̣ канд̇исам̣варо. ‘‘уббаннам̣ гаамавид̇аггам̣ наад̇хиваасзд̇ий’’д̇и (ма. ни. 1.26; а. ни. 4.114; 6.58) аяам̣ вийрияасам̣варо. саб̣б̣оби жааяам̣ сам̣варо яат̇аасагам̣ сам̣варид̇аб̣б̣аанам̣ винзд̇аб̣б̣аанан̃жа гааяад̣̇ужжарид̇аад̣̇ийнам̣ сам̣варан̣ад̇о ‘‘сам̣варо’’, винаяанад̇о ‘‘винаяо’’д̇и вужжад̇и. звам̣ д̇аава сам̣варавинаяо бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Ayaṃ ñāṇasaṃvaro. ‘‘Khamo hoti sītassa uṇhassā’’ti (ma. ni. 1.24; a. ni. 4.114; 6.58) ayaṃ khantisaṃvaro. ‘‘Uppannaṃ kāmavitakkaṃ nādhivāsetī’’ti (ma. ni. 1.26; a. ni. 4.114; 6.58) ayaṃ vīriyasaṃvaro. Sabbopi cāyaṃ saṃvaro yathāsakaṃ saṃvaritabbānaṃ vinetabbānañca kāyaduccaritādīnaṃ saṃvaraṇato ‘‘saṃvaro’’, vinayanato ‘‘vinayo’’ti vuccati. Evaṃ tāva saṃvaravinayo pañcadhā bhijjatīti veditabbo.
д̇ат̇аа яам̣ наамаруубабарижчзд̣̇аад̣̇ийсу вибассанаан̃аан̣зсу бадибагкабхаавад̇о д̣̇ийбаалогзна вияа д̇амасса д̇зна д̇зна вибассанаан̃аан̣зна д̇асса д̇асса анад̇т̇асса бахаанам̣, сзяяат̇ид̣̇ам̣ – наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, ган̇каавид̇аран̣зна гат̇ам̣гат̇ийбхаавасса, галаабасаммасанзна ‘‘ахам̣ мамаа’’д̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанзна абхирад̇исан̃н̃ааяа, мун̃жид̇угамяад̇аан̃аан̣зна амун̃жид̇угамяад̇ааяа, убзгкаан̃аан̣зна анубзгкааяа, ануломан̃аан̣зна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇аахасса бахаанам̣, зд̇ам̣ д̇ад̣̇ан̇г̇аббахаанам̣ наама.
Tathā yaṃ nāmarūpaparicchedādīsu vipassanāñāṇesu paṭipakkhabhāvato dīpālokena viya tamassa tena tena vipassanāñāṇena tassa tassa anatthassa pahānaṃ, seyyathidaṃ – nāmarūpavavatthānena sakkāyadiṭṭhiyā, paccayapariggahena ahetuvisamahetudiṭṭhīnaṃ, kaṅkhāvitaraṇena kathaṃkathībhāvassa, kalāpasammasanena ‘‘ahaṃ mamā’’ti gāhassa, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanena abhiratisaññāya, muñcitukamyatāñāṇena amuñcitukamyatāya, upekkhāñāṇena anupekkhāya, anulomañāṇena dhammaṭṭhitiyaṃ nibbāne ca paṭilomabhāvassa, gotrabhunā saṅkhāranimittagāhassa pahānaṃ, etaṃ tadaṅgappahānaṃ nāma.
яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о гхадаббахаарзна вияа уд̣̇агабидтз сзвааласса д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, ид̣̇ам̣ вигкамбханаббахаанам̣ наама. яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано санд̇аанз ‘‘д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277; вибха. 628) наязна вуд̇д̇асса самуд̣̇аяабагкигасса гилзсаг̇г̇ан̣асса ажжанд̇ааббавад̇д̇ибхаавзна бахаанам̣, ид̣̇ам̣ самужчзд̣̇аббахаанам̣ наама. яам̣ бана палагкан̣з бадиббассад̣̇д̇хад̇д̇ам̣ гилзсаанам̣, ид̣̇ам̣ бадиббассад̣̇д̇хиббахаанам̣ наама. яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣, ид̣̇ам̣ ниссаран̣аббахаанам̣ наама. саб̣б̣амби жзд̇ам̣ бахаанам̣ яасмаа жааг̇адтзна бахаанам̣, винаяанадтзна винаяо, д̇асмаа ‘‘бахаанавинаяо’’д̇и вужжад̇и, д̇ам̣д̇ам̣бахаанавад̇о ваа д̇асса д̇асса винаяасса самбхавад̇обзд̇ам̣ ‘‘бахаанавинаяо’’д̇и вужжад̇и. звам̣ бахаанавинаяоби бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Yaṃ pana upacārappanābhedena samādhinā pavattibhāvanivāraṇato ghaṭappahārena viya udakapiṭṭhe sevālassa tesaṃ tesaṃ nīvaraṇādidhammānaṃ pahānaṃ, idaṃ vikkhambhanappahānaṃ nāma. Yaṃ catunnaṃ ariyamaggānaṃ bhāvitattā taṃtaṃmaggavato attano santāne ‘‘diṭṭhigatānaṃ pahānāyā’’tiādinā (dha. sa. 277; vibha. 628) nayena vuttassa samudayapakkhikassa kilesaggaṇassa accantaappavattibhāvena pahānaṃ, idaṃ samucchedappahānaṃ nāma. Yaṃ pana phalakkhaṇe paṭippassaddhattaṃ kilesānaṃ, idaṃ paṭippassaddhippahānaṃ nāma. Yaṃ sabbasaṅkhatanissaṭattā pahīnasabbasaṅkhataṃ nibbānaṃ, idaṃ nissaraṇappahānaṃ nāma. Sabbampi cetaṃ pahānaṃ yasmā cāgaṭṭhena pahānaṃ, vinayanaṭṭhena vinayo, tasmā ‘‘pahānavinayo’’ti vuccati, taṃtaṃpahānavato vā tassa tassa vinayassa sambhavatopetaṃ ‘‘pahānavinayo’’ti vuccati. Evaṃ pahānavinayopi pañcadhā bhijjatīti veditabbo.
звамаяам̣ сан̇кзбад̇о д̣̇увид̇хо, бабхзд̣̇ад̇о жа д̣̇асавид̇хо винаяо бхиннасам̣варад̇д̇аа бахаад̇аб̣б̣асса жа аббахийнад̇д̇аа яасмаа зд̇асса ассуд̇авад̇о бут̇уж̇ж̇анасса над̇т̇и, д̇асмаа абхаавад̇о д̇асса аяам̣ ‘‘авинийд̇о’’д̇и вужжад̇ийд̇и. зса наяо саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇од̇и зд̇т̇ааби. ниннаанаагааран̣ан̃хи зд̇ам̣ ад̇т̇ад̇о. яат̇ааха – ‘‘язва д̇з арияаа, д̇зва д̇з саббурисаа. язва д̇з саббурисаа, д̇зва д̇з арияаа. яова со арияаанам̣ д̇хаммо, сова со саббурисаанам̣ д̇хаммо. яова со саббурисаанам̣ д̇хаммо, сова со арияаанам̣ д̇хаммо. язва д̇з арияавинаяаа, д̇зва д̇з саббурисавинаяаа. язва д̇з саббурисавинаяаа, д̇зва д̇з арияавинаяаа. ариязд̇и ваа саббурисзд̇и ваа, арияад̇хаммзд̇и ваа саббурисад̇хаммзд̇и ваа, арияавинаязд̇и ваа саббурисавинаязд̇и ваа зсзсз згз згадтз самз самабхааг̇з д̇аж̇ж̇аад̇з д̇ан̃н̃зваа’’д̇и.
Evamayaṃ saṅkhepato duvidho, pabhedato ca dasavidho vinayo bhinnasaṃvarattā pahātabbassa ca appahīnattā yasmā etassa assutavato puthujjanassa natthi, tasmā abhāvato tassa ayaṃ ‘‘avinīto’’ti vuccatīti. Esa nayo sappurisānaṃ adassāvī sappurisadhammassa akovido sappurisadhamme avinītoti etthāpi. Ninnānākāraṇañhi etaṃ atthato. Yathāha – ‘‘yeva te ariyā, teva te sappurisā. Yeva te sappurisā, teva te ariyā. Yova so ariyānaṃ dhammo, sova so sappurisānaṃ dhammo. Yova so sappurisānaṃ dhammo, sova so ariyānaṃ dhammo. Yeva te ariyavinayā, teva te sappurisavinayā. Yeva te sappurisavinayā, teva te ariyavinayā. Ariyeti vā sappuriseti vā, ariyadhammeti vā sappurisadhammeti vā, ariyavinayeti vā sappurisavinayeti vā esese eke ekaṭṭhe same samabhāge tajjāte taññevā’’ti.
гасмаа бана т̇зро ад̇д̇аануд̣̇идтияаа гад̇амзхи вийсад̇ияаа аагаарзхи абхинивзсо ход̇ийд̇и бужчид̇ваа д̇ам̣ ависсаж̇ж̇зд̇ваава ‘‘ид̇ха ассуд̇аваа бут̇уж̇ж̇ано’’д̇и звам̣ бут̇уж̇ж̇анам̣ нид̣̇д̣̇исийд̇и? буг̇г̇алаад̇хидтаанааяа д̣̇зсанааяа д̇ам̣ ад̇т̇ам̣ аавигаад̇ум̣ батамам̣ бут̇уж̇ж̇анам̣ нид̣̇д̣̇исийд̇и взд̣̇ид̇аб̣б̣ам̣.
Kasmā pana thero attānudiṭṭhiyā katamehi vīsatiyā ākārehi abhiniveso hotīti pucchitvā taṃ avissajjetvāva ‘‘idha assutavā puthujjano’’ti evaṃ puthujjanaṃ niddisīti? Puggalādhiṭṭhānāya desanāya taṃ atthaṃ āvikātuṃ paṭhamaṃ puthujjanaṃ niddisīti veditabbaṃ.
131. звам̣ бут̇уж̇ж̇анам̣ нид̣̇д̣̇исид̇ваа ид̣̇аани абхинивзсуд̣̇д̣̇зсам̣ д̣̇ассзнд̇о руубам̣ ад̇д̇ад̇о саманубассад̇ийд̇иаад̣̇имааха . д̇ад̇т̇а руубам̣ ад̇д̇ад̇о саманубассад̇ийд̇и руубагканд̇хам̣ гасин̣аруубан̃жа ‘‘ад̇д̇аа’’д̇и д̣̇идтибассанааяа саманубассад̇и. нид̣̇д̣̇зсз банасса руубагканд̇хз абхинивзсо бан̃жагканд̇хаад̇хигаарад̇д̇аа баагадод̇и д̇ам̣ авад̇ваа гасин̣аруубамзва ‘‘рууба’’нд̇и сааман̃н̃авасзна вуд̇д̇анд̇и взд̣̇ид̇аб̣б̣ам̣. руубаванд̇ам̣ ваа ад̇д̇аананд̇и аруубам̣ ‘‘ад̇д̇аа’’д̇и г̇ахзд̇ваа д̇ам̣ ад̇д̇аанам̣ руубаванд̇ам̣ саманубассад̇и. ад̇д̇ани ваа руубанд̇и аруубамзва ‘‘ад̇д̇аа’’д̇и г̇ахзд̇ваа д̇асмим̣ ад̇д̇ани руубам̣ саманубассад̇и. руубасмим̣ ваа ад̇д̇аананд̇и аруубамзва ‘‘ад̇д̇аа’’д̇и г̇ахзд̇ваа д̇ам̣ ад̇д̇аанам̣ руубасмим̣ саманубассад̇и.
131. Evaṃ puthujjanaṃ niddisitvā idāni abhinivesuddesaṃ dassento rūpaṃ attato samanupassatītiādimāha . Tattha rūpaṃ attato samanupassatīti rūpakkhandhaṃ kasiṇarūpañca ‘‘attā’’ti diṭṭhipassanāya samanupassati. Niddese panassa rūpakkhandhe abhiniveso pañcakkhandhādhikārattā pākaṭoti taṃ avatvā kasiṇarūpameva ‘‘rūpa’’nti sāmaññavasena vuttanti veditabbaṃ. Rūpavantaṃ vā attānanti arūpaṃ ‘‘attā’’ti gahetvā taṃ attānaṃ rūpavantaṃ samanupassati. Attani vā rūpanti arūpameva ‘‘attā’’ti gahetvā tasmiṃ attani rūpaṃ samanupassati. Rūpasmiṃ vā attānanti arūpameva ‘‘attā’’ti gahetvā taṃ attānaṃ rūpasmiṃ samanupassati.
д̇ад̇т̇а руубам̣ ад̇д̇ад̇о саманубассад̇ийд̇и суд̣̇д̇харуубамзва ‘‘ад̇д̇аа’’д̇и гат̇ид̇ам̣. руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣, взд̣̇анам̣ ад̇д̇ад̇о саманубассад̇и, сан̃н̃ам̣, сан̇каарз, вин̃н̃аан̣ам̣ ад̇д̇ад̇о саманубассад̇ийд̇и имзсу сад̇д̇асу таанзсу аруубам̣ ‘‘ад̇д̇аа’’д̇и гат̇ид̇ам̣. взд̣̇анааванд̇ам̣ ваа ад̇д̇аанам̣, ад̇д̇ани ваа взд̣̇анам̣, взд̣̇анааяа ваа ад̇д̇аананд̇и звам̣ жад̇уусу канд̇хзсу д̇ин̣н̣ам̣ д̇ин̣н̣ам̣ васзна д̣̇ваад̣̇асасу таанзсу руубааруубамиссаго ад̇д̇аа гат̇ид̇о. д̇аа бана вийсад̇иби д̣̇идтияо маг̇г̇ааваран̣аа, на саг̇г̇ааваран̣аа, сод̇аабад̇д̇имаг̇г̇аваж̇жхаа.
Tattha rūpaṃ attato samanupassatīti suddharūpameva ‘‘attā’’ti kathitaṃ. Rūpavantaṃ vā attānaṃ, attani vā rūpaṃ, rūpasmiṃ vā attānaṃ, vedanaṃ attato samanupassati, saññaṃ, saṅkhāre, viññāṇaṃ attato samanupassatīti imesu sattasu ṭhānesu arūpaṃ ‘‘attā’’ti kathitaṃ. Vedanāvantaṃ vā attānaṃ, attani vā vedanaṃ, vedanāya vā attānanti evaṃ catūsu khandhesu tiṇṇaṃ tiṇṇaṃ vasena dvādasasu ṭhānesu rūpārūpamissako attā kathito. Tā pana vīsatipi diṭṭhiyo maggāvaraṇā, na saggāvaraṇā, sotāpattimaggavajjhā.
ид̣̇аани д̇ам̣ нид̣̇д̣̇исанд̇о гат̇ам̣ руубанд̇иаад̣̇имааха. д̇ад̇т̇а бат̇авийгасин̣анд̇и бат̇авийман̣д̣алам̣ ниссааяа уббаад̣̇ид̇ам̣ бадибхааг̇анимид̇д̇асан̇каад̇ам̣ сагалапаран̣авасзна бат̇авийгасин̣ам̣. аханд̇и ад̇д̇аанамзва санд̇хааяа г̇ан̣хаад̇и. ад̇д̇анд̇и ад̇д̇аанам̣. ад̣̇ваяанд̇и згамзва. д̇злаббад̣̇ийбассаад̇и д̇злаяуд̇д̇асса бад̣̇ийбасса. жхааяад̇од̇и ж̇алад̇о. яаа ажжи, со ван̣н̣од̇иаад̣̇и ажжим̣ мун̃жид̇ваа ван̣н̣асса абхаавад̇о вуд̇д̇ам̣. яаа жа д̣̇идти яан̃жа вад̇т̇ууд̇и д̇ад̣̇убхаяам̣ згад̇о гад̇ваа руубавад̇т̇угаа ад̇д̇аануд̣̇идти вужжад̇ийд̇и ад̇т̇о.
Idāni taṃ niddisanto kathaṃ rūpantiādimāha. Tattha pathavīkasiṇanti pathavīmaṇḍalaṃ nissāya uppāditaṃ paṭibhāganimittasaṅkhātaṃ sakalapharaṇavasena pathavīkasiṇaṃ. Ahanti attānameva sandhāya gaṇhāti. Attanti attānaṃ. Advayanti ekameva. Telappadīpassāti telayuttassa padīpassa. Jhāyatoti jalato. Yā acci, so vaṇṇotiādi acciṃ muñcitvā vaṇṇassa abhāvato vuttaṃ. Yā ca diṭṭhi yañca vatthūti tadubhayaṃ ekato katvā rūpavatthukā attānudiṭṭhi vuccatīti attho.
аабогасин̣аад̣̇ийни аабаад̣̇ийни ниссааяа уббаад̣̇ид̇агасин̣анимид̇д̇аанзва. барижчиннаагаасагасин̣ам̣ бана руубаж̇жхаанасса аарамман̣ам̣ хонд̇амби аагаасагасин̣анд̇и вужжамаанз аруубаж̇жхаанаарамман̣зна гасин̣уг̇гхаадимаагаасзна сам̣гин̣н̣ам̣ ход̇ийд̇и на г̇ахид̇анд̇и взд̣̇ид̇аб̣б̣ам̣. руубаад̇хигаарад̇д̇аа вин̃н̃аан̣агасин̣ам̣ на г̇ахзд̇аб̣б̣амзваад̇и. ид̇хзгажжо взд̣̇анам̣ сан̃н̃ам̣ сан̇каарз вин̃н̃аан̣ам̣ ад̇д̇ад̇о саманубассад̇ийд̇и жад̇д̇ааро канд̇хз абхинд̣̇ид̇ваа згад̇о г̇ахан̣авасзна вуд̇д̇ам̣. со хи жид̇д̇ажзд̇асигаанам̣ висум̣ висум̣ гаран̣з асамад̇т̇ад̇д̇аа саб̣б̣з згад̇о гад̇ваа ‘‘ад̇д̇аа’’д̇и г̇ан̣хаад̇и. иминаа руубзна руубаваад̇и зд̇т̇а сарийраруубамби гасин̣аруубамби лаб̣бхад̇и. чааяаасамбаннод̇и чааяааяа самбанно авирал̣о. д̇амзнаад̇и зд̇т̇а зна-сад̣̇д̣̇о нибаад̇амад̇д̇ам̣, д̇амзд̇анд̇и ваа ад̇т̇о. чааяааваад̇и виж̇ж̇амаанажчааяо . руубам̣ ад̇д̇аад̇и аг̇г̇ахид̇зби руубам̣ амун̃жид̇ваа д̣̇идтияаа уббаннад̇д̇аа руубавад̇т̇угаад̇и вуд̇д̇ам̣.
Āpokasiṇādīni āpādīni nissāya uppāditakasiṇanimittāneva. Paricchinnākāsakasiṇaṃ pana rūpajjhānassa ārammaṇaṃ hontampi ākāsakasiṇanti vuccamāne arūpajjhānārammaṇena kasiṇugghāṭimākāsena saṃkiṇṇaṃ hotīti na gahitanti veditabbaṃ. Rūpādhikārattā viññāṇakasiṇaṃ na gahetabbamevāti. Idhekacco vedanaṃ saññaṃ saṅkhāre viññāṇaṃ attato samanupassatīti cattāro khandhe abhinditvā ekato gahaṇavasena vuttaṃ. So hi cittacetasikānaṃ visuṃ visuṃ karaṇe asamatthattā sabbe ekato katvā ‘‘attā’’ti gaṇhāti. Iminā rūpena rūpavāti ettha sarīrarūpampi kasiṇarūpampi labbhati. Chāyāsampannoti chāyāya sampanno aviraḷo. Tamenāti ettha ena-saddo nipātamattaṃ, tametanti vā attho. Chāyāvāti vijjamānacchāyo . Rūpaṃ attāti aggahitepi rūpaṃ amuñcitvā diṭṭhiyā uppannattā rūpavatthukāti vuttaṃ.
ад̇д̇ани руубам̣ саманубассад̇ийд̇и сарийраруубасса гасин̣аруубасса жа жид̇д̇аниссид̇ад̇д̇аа д̇асмим̣ аруубасамуд̣̇ааяз ад̇д̇ани д̇ам̣ руубам̣ саманубассад̇и. аяам̣ г̇анд̇ход̇и гхааяид̇аг̇анд̇хам̣ ааха. имасмим̣ бубпзд̇и бубпаниссид̇ад̇д̇аа г̇анд̇хасса звамааха.
Attani rūpaṃ samanupassatīti sarīrarūpassa kasiṇarūpassa ca cittanissitattā tasmiṃ arūpasamudāye attani taṃ rūpaṃ samanupassati. Ayaṃ gandhoti ghāyitagandhaṃ āha. Imasmiṃ puppheti pupphanissitattā gandhassa evamāha.
руубасмим̣ ад̇д̇аанам̣ саманубассад̇ийд̇и яад̇т̇а руубам̣ г̇ажчад̇и, д̇ад̇т̇а жид̇д̇ам̣ г̇ажчад̇и. д̇асмаа руубаниссид̇ам̣ жид̇д̇ам̣ г̇ахзд̇ваа д̇ам̣ аруубасамуд̣̇ааяам̣ ад̇д̇аанам̣ д̇асмим̣ руубз саманубассад̇и. ол̣ааригад̇д̇аа руубасса ол̣ааригаад̇хаарам̣ гаран̣д̣агамааха.
Rūpasmiṃ attānaṃ samanupassatīti yattha rūpaṃ gacchati, tattha cittaṃ gacchati. Tasmā rūpanissitaṃ cittaṃ gahetvā taṃ arūpasamudāyaṃ attānaṃ tasmiṃ rūpe samanupassati. Oḷārikattā rūpassa oḷārikādhāraṃ karaṇḍakamāha.
132. ид̇хзгажжо жагкусампассаж̇ам̣ взд̣̇ананд̇иаад̣̇ийсу висум̣ висум̣ взд̣̇анааяа д̣̇идтиг̇ахан̣з асад̇иби взд̣̇анаад̇и згаг̇г̇ахан̣зна г̇ахид̇з саб̣б̣аасам̣ взд̣̇анаанам̣ анд̇ог̇ад̇хад̇д̇аа висум̣ висум̣ г̇ахид̇аа зва хонд̇ийд̇и висум̣ висум̣ яож̇анаа гад̇аад̇и взд̣̇ид̇аб̣б̣аа. со хи анубхаванавасзна взд̣̇анааяа ол̣ааригад̇д̇аа взд̣̇анам̣язва ‘‘ад̇д̇аа’’д̇и г̇ан̣хаад̇и. сан̃н̃ам̣ сан̇каарз вин̃н̃аан̣ам̣ руубам̣ ад̇д̇ад̇о саманубассад̇ийд̇и сан̃н̃аад̣̇аяо аруубад̇хаммз руубан̃жа згад̇о гад̇ваа ‘‘ад̇д̇аа’’д̇и саманубассад̇и. уммад̇д̇аго вияа хи бут̇уж̇ж̇ано яат̇аа яат̇аа убадтаад̇и, д̇ат̇аа д̇ат̇аа г̇ан̣хаад̇и.
132.Idhekaccocakkhusamphassajaṃ vedanantiādīsu visuṃ visuṃ vedanāya diṭṭhigahaṇe asatipi vedanāti ekaggahaṇena gahite sabbāsaṃ vedanānaṃ antogadhattā visuṃ visuṃ gahitā eva hontīti visuṃ visuṃ yojanā katāti veditabbā. So hi anubhavanavasena vedanāya oḷārikattā vedanaṃyeva ‘‘attā’’ti gaṇhāti. Saññaṃ saṅkhāre viññāṇaṃ rūpaṃ attato samanupassatīti saññādayo arūpadhamme rūpañca ekato katvā ‘‘attā’’ti samanupassati. Ummattako viya hi puthujjano yathā yathā upaṭṭhāti, tathā tathā gaṇhāti.
133. жагкусампассаж̇ам̣ сан̃н̃анд̇иаад̣̇ийсу сан̃ж̇аананавасзна сан̃н̃ааяа баагадад̇д̇аа сан̃н̃ам̣ ‘‘ад̇д̇аа’д̇и г̇ан̣хаад̇и. сзсам̣ взд̣̇анааяа вуд̇д̇анаязна взд̣̇ид̇аб̣б̣ам̣.
133.Cakkhusamphassajaṃ saññantiādīsu sañjānanavasena saññāya pākaṭattā saññaṃ ‘‘attā’ti gaṇhāti. Sesaṃ vedanāya vuttanayena veditabbaṃ.
134. жагкусампассаж̇ам̣ жзд̇ананд̇иаад̣̇ийсу сан̇каарагканд̇хабарияаабаннзсу д̇хаммзсу жзд̇анааяа бад̇хаанад̇д̇аа баагадад̇д̇аа жа жзд̇анаа зва нид̣̇д̣̇идтаа. д̇ааяа ид̇арзби нид̣̇д̣̇идтаава хонд̇и. со бана жзд̇асигабхаававасзна баагадад̇д̇аа жзд̇анам̣ ‘‘ад̇д̇аа’’д̇и г̇ан̣хаад̇и. сзсам̣ вуд̇д̇анаяамзва.
134.Cakkhusamphassajaṃ cetanantiādīsu saṅkhārakkhandhapariyāpannesu dhammesu cetanāya padhānattā pākaṭattā ca cetanā eva niddiṭṭhā. Tāya itarepi niddiṭṭhāva honti. So pana cetasikabhāvavasena pākaṭattā cetanaṃ ‘‘attā’’ti gaṇhāti. Sesaṃ vuttanayameva.
135. жагкувин̃н̃аан̣анд̇иаад̣̇ийсу виж̇аананавасзна жид̇д̇асса баагадад̇д̇аа жид̇д̇ам̣ ‘‘ад̇д̇аа’’д̇и г̇ан̣хаад̇и. сзсамзд̇т̇ааби вуд̇д̇анаяамзва.
135.Cakkhuviññāṇantiādīsu vijānanavasena cittassa pākaṭattā cittaṃ ‘‘attā’’ti gaṇhāti. Sesametthāpi vuttanayameva.
ад̇д̇аануд̣̇идтинид̣̇д̣̇зсаван̣н̣анаа нидтид̇аа.
Attānudiṭṭhiniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. ад̇д̇аануд̣̇идтинид̣̇д̣̇зсо • 2. Attānudiṭṭhiniddeso
