| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১২. অত্তানুদিট্ঠিপহানসুত্তং
12. Attānudiṭṭhipahānasuttaṃ
১৬৭. অথ খো অঞ্ঞতরো ভিক্খু…পে॰… এতদৰোচ – ‘‘কথং নু খো , ভন্তে, জানতো কথং পস্সতো অত্তানুদিট্ঠি পহীযতী’’তি? ‘‘চক্খুং খো, ভিক্খু, অনত্ততো জানতো পস্সতো অত্তানুদিট্ঠি পহীযতি। রূপে অনত্ততো জানতো পস্সতো অত্তানুদিট্ঠি পহীযতি। চক্খুৰিঞ্ঞাণং অনত্ততো জানতো পস্সতো অত্তানুদিট্ঠি পহীযতি। চক্খুসম্ফস্সং অনত্ততো জানতো পস্সতো অত্তানুদিট্ঠি পহীযতি। যম্পিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি অনত্ততো জানতো পস্সতো অত্তানুদিট্ঠি পহীযতি…পে॰… জিৰ্হং অনত্ততো জানতো পস্সতো অত্তানুদিট্ঠি পহীযতি…পে॰… মনং অনত্ততো জানতো পস্সতো অত্তানুদিট্ঠি পহীযতি। ধম্মে… মনোৰিঞ্ঞাণং… মনোসম্ফস্সং… যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি অনত্ততো জানতো পস্সতো অত্তানুদিট্ঠি পহীযতী’’তি। দ্ৰাদসমং।
167. Atha kho aññataro bhikkhu…pe… etadavoca – ‘‘kathaṃ nu kho , bhante, jānato kathaṃ passato attānudiṭṭhi pahīyatī’’ti? ‘‘Cakkhuṃ kho, bhikkhu, anattato jānato passato attānudiṭṭhi pahīyati. Rūpe anattato jānato passato attānudiṭṭhi pahīyati. Cakkhuviññāṇaṃ anattato jānato passato attānudiṭṭhi pahīyati. Cakkhusamphassaṃ anattato jānato passato attānudiṭṭhi pahīyati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyati…pe… jivhaṃ anattato jānato passato attānudiṭṭhi pahīyati…pe… manaṃ anattato jānato passato attānudiṭṭhi pahīyati. Dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyatī’’ti. Dvādasamaṃ.
নন্দিক্খযৰগ্গো সোল়সমো।
Nandikkhayavaggo soḷasamo.
তস্সুদ্দানং –
Tassuddānaṃ –
নন্দিক্খযেন চত্তারো, জীৰকম্বৰনে দুৰে।
Nandikkhayena cattāro, jīvakambavane duve;
কোট্ঠিকেন তযো ৰুত্তা, মিচ্ছা সক্কায অত্তনোতি॥
Koṭṭhikena tayo vuttā, micchā sakkāya attanoti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০-১২. মিচ্ছাদিট্ঠিপহানসুত্তাদিৰণ্ণনা • 10-12. Micchādiṭṭhipahānasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০-১২. মিচ্ছাদিট্ঠিপহানসুত্তাদিৰণ্ণনা • 10-12. Micchādiṭṭhipahānasuttādivaṇṇanā
