| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൨. അത്താനുദിട്ഠിപഹാനസുത്തം
12. Attānudiṭṭhipahānasuttaṃ
൧൬൭. അഥ ഖോ അഞ്ഞതരോ ഭിക്ഖു…പേ॰… ഏതദവോച – ‘‘കഥം നു ഖോ , ഭന്തേ, ജാനതോ കഥം പസ്സതോ അത്താനുദിട്ഠി പഹീയതീ’’തി? ‘‘ചക്ഖും ഖോ, ഭിക്ഖു, അനത്തതോ ജാനതോ പസ്സതോ അത്താനുദിട്ഠി പഹീയതി. രൂപേ അനത്തതോ ജാനതോ പസ്സതോ അത്താനുദിട്ഠി പഹീയതി. ചക്ഖുവിഞ്ഞാണം അനത്തതോ ജാനതോ പസ്സതോ അത്താനുദിട്ഠി പഹീയതി. ചക്ഖുസമ്ഫസ്സം അനത്തതോ ജാനതോ പസ്സതോ അത്താനുദിട്ഠി പഹീയതി. യമ്പിദം ചക്ഖുസമ്ഫസ്സപച്ചയാ ഉപ്പജ്ജതി വേദയിതം സുഖം വാ ദുക്ഖം വാ അദുക്ഖമസുഖം വാ തമ്പി അനത്തതോ ജാനതോ പസ്സതോ അത്താനുദിട്ഠി പഹീയതി…പേ॰… ജിവ്ഹം അനത്തതോ ജാനതോ പസ്സതോ അത്താനുദിട്ഠി പഹീയതി…പേ॰… മനം അനത്തതോ ജാനതോ പസ്സതോ അത്താനുദിട്ഠി പഹീയതി. ധമ്മേ… മനോവിഞ്ഞാണം… മനോസമ്ഫസ്സം… യമ്പിദം മനോസമ്ഫസ്സപച്ചയാ ഉപ്പജ്ജതി വേദയിതം സുഖം വാ ദുക്ഖം വാ അദുക്ഖമസുഖം വാ തമ്പി അനത്തതോ ജാനതോ പസ്സതോ അത്താനുദിട്ഠി പഹീയതീ’’തി. ദ്വാദസമം.
167. Atha kho aññataro bhikkhu…pe… etadavoca – ‘‘kathaṃ nu kho , bhante, jānato kathaṃ passato attānudiṭṭhi pahīyatī’’ti? ‘‘Cakkhuṃ kho, bhikkhu, anattato jānato passato attānudiṭṭhi pahīyati. Rūpe anattato jānato passato attānudiṭṭhi pahīyati. Cakkhuviññāṇaṃ anattato jānato passato attānudiṭṭhi pahīyati. Cakkhusamphassaṃ anattato jānato passato attānudiṭṭhi pahīyati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyati…pe… jivhaṃ anattato jānato passato attānudiṭṭhi pahīyati…pe… manaṃ anattato jānato passato attānudiṭṭhi pahīyati. Dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyatī’’ti. Dvādasamaṃ.
നന്ദിക്ഖയവഗ്ഗോ സോളസമോ.
Nandikkhayavaggo soḷasamo.
തസ്സുദ്ദാനം –
Tassuddānaṃ –
നന്ദിക്ഖയേന ചത്താരോ, ജീവകമ്ബവനേ ദുവേ;
Nandikkhayena cattāro, jīvakambavane duve;
കോട്ഠികേന തയോ വുത്താ, മിച്ഛാ സക്കായ അത്തനോതി.
Koṭṭhikena tayo vuttā, micchā sakkāya attanoti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦-൧൨. മിച്ഛാദിട്ഠിപഹാനസുത്താദിവണ്ണനാ • 10-12. Micchādiṭṭhipahānasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦-൧൨. മിച്ഛാദിട്ഠിപഹാനസുത്താദിവണ്ണനാ • 10-12. Micchādiṭṭhipahānasuttādivaṇṇanā
