| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
7. අත්‌තානුදිට්‌ඨිසුත්‌තං
7. Attānudiṭṭhisuttaṃ
156. සාවත්‌ථිනිදානං. ‘‘කිස්‌මිං නු ඛො, භික්‌ඛවෙ, සති, කිං උපාදාය, කිං අභිනිවිස්‌ස අත්‌තානුදිට්‌ඨි උප්‌පජ්‌ජතී’’ති? භගවංමූලකා නො, භන්‌තෙ, ධම්‌මා…පෙ.… ‘‘රූපෙ ඛො, භික්‌ඛවෙ, සති, රූපං උපාදාය, රූපං අභිනිවිස්‌ස අත්‌තානුදිට්‌ඨි උප්‌පජ්‌ජති. වෙදනාය සති… සඤ්‌ඤාය සති… සඞ්‌ඛාරෙසු සති… විඤ්‌ඤාණෙ සති, විඤ්‌ඤාණං උපාදාය, විඤ්‌ඤාණං අභිනිවිස්‌ස අත්‌තානුදිට්‌ඨි උප්‌පජ්‌ජති . තං කිං මඤ්‌ඤථ, භික්‌ඛවෙ, රූපං නිච්‌චං වා අනිච්‌චං වා’’ති? ‘‘අනිච්‌චං, භන්‌තෙ’’. ‘‘යං පනානිච්‌චං…පෙ.… අපි නු තං අනුපාදාය අත්‌තානුදිට්‌ඨි උප්‌පජ්‌ජෙය්‍යා’’ති? ‘‘නො හෙතං, භන්‌තෙ’’. ‘‘වෙදනා… සඤ්‌ඤා… සඞ්‌ඛාරා… විඤ්‌ඤාණං නිච්‌චං වා අනිච්‌චං වා’’ති? ‘‘අනිච්‌චං, භන්‌තෙ’’. ‘‘යං පනානිච්‌චං…පෙ.… අපි නු තං අනුපාදාය අත්‌තානුදිට්‌ඨි උප්‌පජ්‌ජෙය්‍යා’’ති? ‘‘නො හෙතං, භන්‌තෙ’’. ‘‘එවං පස්‌සං…පෙ.… නාපරං ඉත්‌ථත්‌තායාති පජානාතී’’ති. සත්‌තමං.
156. Sāvatthinidānaṃ. ‘‘Kismiṃ nu kho, bhikkhave, sati, kiṃ upādāya, kiṃ abhinivissa attānudiṭṭhi uppajjatī’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa attānudiṭṭhi uppajjati. Vedanāya sati… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa attānudiṭṭhi uppajjati . Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ…pe… api nu taṃ anupādāya attānudiṭṭhi uppajjeyyā’’ti? ‘‘No hetaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ…pe… api nu taṃ anupādāya attānudiṭṭhi uppajjeyyā’’ti? ‘‘No hetaṃ, bhante’’. ‘‘Evaṃ passaṃ…pe… nāparaṃ itthattāyāti pajānātī’’ti. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-9. අජ්‌ඣත්‌තසුත්‌තාදිවණ්‌ණනා • 1-9. Ajjhattasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-9. අජ්‌ඣත්‌තසුත්‌තාදිවණ්‌ණනා • 1-9. Ajjhattasuttādivaṇṇanā
