| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(13) 3. ப⁴யவக்³கோ³
(13) 3. Bhayavaggo
1. அத்தானுவாத³ஸுத்தவண்ணனா
1. Attānuvādasuttavaṇṇanā
121. ததியஸ்ஸ பட²மே அத்தானுவாத³ப⁴யந்தி அத்தானங் அனுவத³ந்தஸ்ஸ உப்பஜ்ஜனகப⁴யங். பரானுவாத³ப⁴யந்தி பரஸ்ஸ அனுவாத³தோ உப்பஜ்ஜனகப⁴யங். த³ண்ட³ப⁴யந்தி த்³வத்திங்ஸ கம்மகாரணா படிச்ச உப்பஜ்ஜனகப⁴யங். து³க்³க³திப⁴யந்தி சத்தாரோ அபாயே படிச்ச உப்பஜ்ஜனகப⁴யங். இத³ங் வுச்சதி, பி⁴க்க²வே, அத்தானுவாத³ப⁴யந்திஆதீ³ஸு அத்தானுவாத³ப⁴யங் தாவ பச்சவெக்க²ந்தஸ்ஸ அஜ்ஜ²த்தங் ஹிரீ ஸமுட்டா²தி, ஸாஸ்ஸ தீஸு த்³வாரேஸு ஸங்வரங் ஜனேதி, தீஸு த்³வாரேஸு ஸங்வரோ சதுபாரிஸுத்³தி⁴ஸீலங் ஹோதி. ஸோ தஸ்மிங் ஸீலே பதிட்டா²ய விபஸ்ஸனங் வட்³டெ⁴த்வா அக்³க³ப²லே பதிட்டா²தி. பரானுவாத³ப⁴யங் பன பச்சவெக்க²ந்தஸ்ஸ ப³ஹித்³தா⁴ ஒத்தப்பங் ஸமுட்டா²தி, தத³ஸ்ஸ தீஸு த்³வாரேஸு ஸங்வரங் ஜனேதி, தீஸு த்³வாரேஸு ஸங்வரோ சதுபாரிஸுத்³தி⁴ஸீலங் ஹோதி. ஸோ தஸ்மிங் ஸீலே பதிட்டா²ய விபஸ்ஸனங் வட்³டெ⁴த்வா அக்³க³ப²லே பதிட்டா²தி. து³க்³க³திப⁴யங் பச்சவெக்க²ந்தஸ்ஸ அஜ்ஜ²த்தங் ஹிரீ ஸமுட்டா²தி, ஸாஸ்ஸ தீஸு த்³வாரேஸு ஸங்வரங் ஜனேதி, தீஸு த்³வாரேஸு ஸங்வரோ சதுபாரிஸுத்³தி⁴ஸீலங் ஹோதி. ஸோ தஸ்மிங் ஸீலே பதிட்டா²ய விபஸ்ஸனங் வட்³டெ⁴த்வா அக்³க³ப²லே பதிட்டா²தி.
121. Tatiyassa paṭhame attānuvādabhayanti attānaṃ anuvadantassa uppajjanakabhayaṃ. Parānuvādabhayanti parassa anuvādato uppajjanakabhayaṃ. Daṇḍabhayanti dvattiṃsa kammakāraṇā paṭicca uppajjanakabhayaṃ. Duggatibhayanti cattāro apāye paṭicca uppajjanakabhayaṃ. Idaṃ vuccati, bhikkhave, attānuvādabhayantiādīsu attānuvādabhayaṃ tāva paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Parānuvādabhayaṃ pana paccavekkhantassa bahiddhā ottappaṃ samuṭṭhāti, tadassa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Duggatibhayaṃ paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. அத்தானுவாத³ஸுத்தங் • 1. Attānuvādasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. அத்தானுவாத³ஸுத்தவண்ணனா • 1. Attānuvādasuttavaṇṇanā
