| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၃) ၃. ဘယဝဂ္ဂော
(13) 3. Bhayavaggo
၁. အတ္တာနုဝာဒသုတ္တဝဏ္ဏနာ
1. Attānuvādasuttavaṇṇanā
၁၂၁. တတိယသ္သ ပဌမေ အတ္တာနုဝာဒဘယန္တိ အတ္တာနံ အနုဝဒန္တသ္သ ဥပ္ပဇ္ဇနကဘယံ။ ပရာနုဝာဒဘယန္တိ ပရသ္သ အနုဝာဒတော ဥပ္ပဇ္ဇနကဘယံ။ ဒဏ္ဍဘယန္တိ ဒ္ဝတ္တိံသ ကမ္မကာရဏာ ပဋိစ္စ ဥပ္ပဇ္ဇနကဘယံ။ ဒုဂ္ဂတိဘယန္တိ စတ္တာရော အပာယေ ပဋိစ္စ ဥပ္ပဇ္ဇနကဘယံ။ ဣဒံ ဝုစ္စတိ, ဘိက္ခဝေ, အတ္တာနုဝာဒဘယန္တိအာဒီသု အတ္တာနုဝာဒဘယံ တာဝ ပစ္စဝေက္ခန္တသ္သ အဇ္ဈတ္တံ ဟိရီ သမုဋ္ဌာတိ, သာသ္သ တီသု ဒ္ဝာရေသု သံဝရံ ဇနေတိ, တီသု ဒ္ဝာရေသု သံဝရော စတုပာရိသုဒ္ဓိသီလံ ဟောတိ။ သော တသ္မိံ သီလေ ပတိဋ္ဌာယ ဝိပသ္သနံ ဝဍ္ဎေတ္ဝာ အဂ္ဂဖလေ ပတိဋ္ဌာတိ။ ပရာနုဝာဒဘယံ ပန ပစ္စဝေက္ခန္တသ္သ ဗဟိဒ္ဓာ ဩတ္တပ္ပံ သမုဋ္ဌာတိ, တဒသ္သ တီသု ဒ္ဝာရေသု သံဝရံ ဇနေတိ, တီသု ဒ္ဝာရေသု သံဝရော စတုပာရိသုဒ္ဓိသီလံ ဟောတိ။ သော တသ္မိံ သီလေ ပတိဋ္ဌာယ ဝိပသ္သနံ ဝဍ္ဎေတ္ဝာ အဂ္ဂဖလေ ပတိဋ္ဌာတိ။ ဒုဂ္ဂတိဘယံ ပစ္စဝေက္ခန္တသ္သ အဇ္ဈတ္တံ ဟိရီ သမုဋ္ဌာတိ, သာသ္သ တီသု ဒ္ဝာရေသု သံဝရံ ဇနေတိ, တီသု ဒ္ဝာရေသု သံဝရော စတုပာရိသုဒ္ဓိသီလံ ဟောတိ။ သော တသ္မိံ သီလေ ပတိဋ္ဌာယ ဝိပသ္သနံ ဝဍ္ဎေတ္ဝာ အဂ္ဂဖလေ ပတိဋ္ဌာတိ။
121. Tatiyassa paṭhame attānuvādabhayanti attānaṃ anuvadantassa uppajjanakabhayaṃ. Parānuvādabhayanti parassa anuvādato uppajjanakabhayaṃ. Daṇḍabhayanti dvattiṃsa kammakāraṇā paṭicca uppajjanakabhayaṃ. Duggatibhayanti cattāro apāye paṭicca uppajjanakabhayaṃ. Idaṃ vuccati, bhikkhave, attānuvādabhayantiādīsu attānuvādabhayaṃ tāva paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Parānuvādabhayaṃ pana paccavekkhantassa bahiddhā ottappaṃ samuṭṭhāti, tadassa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Duggatibhayaṃ paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အတ္တာနုဝာဒသုတ္တံ • 1. Attānuvādasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. အတ္တာနုဝာဒသုတ္တဝဏ္ဏနာ • 1. Attānuvādasuttavaṇṇanā
