| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੧੩) ੩. ਭਯવਗ੍ਗੋ
(13) 3. Bhayavaggo
੧. ਅਤ੍ਤਾਨੁવਾਦਸੁਤ੍ਤવਣ੍ਣਨਾ
1. Attānuvādasuttavaṇṇanā
੧੨੧. ਤਤਿਯਸ੍ਸ ਪਠਮੇ ਅਤ੍ਤਾਨੁવਾਦਭਯਨ੍ਤਿ ਅਤ੍ਤਾਨਂ ਅਨੁવਦਨ੍ਤਸ੍ਸ ਉਪ੍ਪਜ੍ਜਨਕਭਯਂ। ਪਰਾਨੁવਾਦਭਯਨ੍ਤਿ ਪਰਸ੍ਸ ਅਨੁવਾਦਤੋ ਉਪ੍ਪਜ੍ਜਨਕਭਯਂ। ਦਣ੍ਡਭਯਨ੍ਤਿ ਦ੍વਤ੍ਤਿਂਸ ਕਮ੍ਮਕਾਰਣਾ ਪਟਿਚ੍ਚ ਉਪ੍ਪਜ੍ਜਨਕਭਯਂ। ਦੁਗ੍ਗਤਿਭਯਨ੍ਤਿ ਚਤ੍ਤਾਰੋ ਅਪਾਯੇ ਪਟਿਚ੍ਚ ਉਪ੍ਪਜ੍ਜਨਕਭਯਂ। ਇਦਂ વੁਚ੍ਚਤਿ, ਭਿਕ੍ਖવੇ, ਅਤ੍ਤਾਨੁવਾਦਭਯਨ੍ਤਿਆਦੀਸੁ ਅਤ੍ਤਾਨੁવਾਦਭਯਂ ਤਾવ ਪਚ੍ਚવੇਕ੍ਖਨ੍ਤਸ੍ਸ ਅਜ੍ਝਤ੍ਤਂ ਹਿਰੀ ਸਮੁਟ੍ਠਾਤਿ, ਸਾਸ੍ਸ ਤੀਸੁ ਦ੍વਾਰੇਸੁ ਸਂવਰਂ ਜਨੇਤਿ, ਤੀਸੁ ਦ੍વਾਰੇਸੁ ਸਂવਰੋ ਚਤੁਪਾਰਿਸੁਦ੍ਧਿਸੀਲਂ ਹੋਤਿ। ਸੋ ਤਸ੍ਮਿਂ ਸੀਲੇ ਪਤਿਟ੍ਠਾਯ વਿਪਸ੍ਸਨਂ વਡ੍ਢੇਤ੍વਾ ਅਗ੍ਗਫਲੇ ਪਤਿਟ੍ਠਾਤਿ। ਪਰਾਨੁવਾਦਭਯਂ ਪਨ ਪਚ੍ਚવੇਕ੍ਖਨ੍ਤਸ੍ਸ ਬਹਿਦ੍ਧਾ ਓਤ੍ਤਪ੍ਪਂ ਸਮੁਟ੍ਠਾਤਿ, ਤਦਸ੍ਸ ਤੀਸੁ ਦ੍વਾਰੇਸੁ ਸਂવਰਂ ਜਨੇਤਿ, ਤੀਸੁ ਦ੍વਾਰੇਸੁ ਸਂવਰੋ ਚਤੁਪਾਰਿਸੁਦ੍ਧਿਸੀਲਂ ਹੋਤਿ। ਸੋ ਤਸ੍ਮਿਂ ਸੀਲੇ ਪਤਿਟ੍ਠਾਯ વਿਪਸ੍ਸਨਂ વਡ੍ਢੇਤ੍વਾ ਅਗ੍ਗਫਲੇ ਪਤਿਟ੍ਠਾਤਿ। ਦੁਗ੍ਗਤਿਭਯਂ ਪਚ੍ਚવੇਕ੍ਖਨ੍ਤਸ੍ਸ ਅਜ੍ਝਤ੍ਤਂ ਹਿਰੀ ਸਮੁਟ੍ਠਾਤਿ, ਸਾਸ੍ਸ ਤੀਸੁ ਦ੍વਾਰੇਸੁ ਸਂવਰਂ ਜਨੇਤਿ, ਤੀਸੁ ਦ੍વਾਰੇਸੁ ਸਂવਰੋ ਚਤੁਪਾਰਿਸੁਦ੍ਧਿਸੀਲਂ ਹੋਤਿ। ਸੋ ਤਸ੍ਮਿਂ ਸੀਲੇ ਪਤਿਟ੍ਠਾਯ વਿਪਸ੍ਸਨਂ વਡ੍ਢੇਤ੍વਾ ਅਗ੍ਗਫਲੇ ਪਤਿਟ੍ਠਾਤਿ।
121. Tatiyassa paṭhame attānuvādabhayanti attānaṃ anuvadantassa uppajjanakabhayaṃ. Parānuvādabhayanti parassa anuvādato uppajjanakabhayaṃ. Daṇḍabhayanti dvattiṃsa kammakāraṇā paṭicca uppajjanakabhayaṃ. Duggatibhayanti cattāro apāye paṭicca uppajjanakabhayaṃ. Idaṃ vuccati, bhikkhave, attānuvādabhayantiādīsu attānuvādabhayaṃ tāva paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Parānuvādabhayaṃ pana paccavekkhantassa bahiddhā ottappaṃ samuṭṭhāti, tadassa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti. Duggatibhayaṃ paccavekkhantassa ajjhattaṃ hirī samuṭṭhāti, sāssa tīsu dvāresu saṃvaraṃ janeti, tīsu dvāresu saṃvaro catupārisuddhisīlaṃ hoti. So tasmiṃ sīle patiṭṭhāya vipassanaṃ vaḍḍhetvā aggaphale patiṭṭhāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਅਤ੍ਤਾਨੁવਾਦਸੁਤ੍ਤਂ • 1. Attānuvādasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਅਤ੍ਤਾਨੁવਾਦਸੁਤ੍ਤવਣ੍ਣਨਾ • 1. Attānuvādasuttavaṇṇanā
