| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ад̇д̇арагкид̇асуд̇д̇ам̣
5. Attarakkhitasuttaṃ
116. саавад̇т̇инид̣̇аанам̣. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘гзсам̣ ну ко рагкид̇о ад̇д̇аа, гзсам̣ арагкид̇о ад̇д̇аа’д̇и? д̇асса маяхам̣, бханд̇з, зд̇ад̣̇ахоси – ‘яз ко гзжи гааязна д̣̇ужжарид̇ам̣ жаранд̇и, ваажааяа д̣̇ужжарид̇ам̣ жаранд̇и, манасаа д̣̇ужжарид̇ам̣ жаранд̇и; д̇зсам̣ арагкид̇о ад̇д̇аа. гин̃жааби д̇з хад̇т̇игааяо ваа рагкзяяа, ассагааяо ваа рагкзяяа, рат̇агааяо ваа рагкзяяа, бад̇д̇игааяо ваа рагкзяяа; ат̇а ко д̇зсам̣ арагкид̇о ад̇д̇аа. д̇ам̣ гисса хзд̇у? б̣аахираа хзсаа рагкаа, нзсаа рагкаа аж̇жхад̇д̇игаа; д̇асмаа д̇зсам̣ арагкид̇о ад̇д̇аа. яз жа ко гзжи гааязна сужарид̇ам̣ жаранд̇и, ваажааяа сужарид̇ам̣ жаранд̇и, манасаа сужарид̇ам̣ жаранд̇и; д̇зсам̣ рагкид̇о ад̇д̇аа. гин̃жааби д̇з нзва хад̇т̇игааяо рагкзяяа, на ассагааяо рагкзяяа, на рат̇агааяо рагкзяяа , на бад̇д̇игааяо рагкзяяа; ат̇а ко д̇зсам̣ рагкид̇о ад̇д̇аа. д̇ам̣ гисса хзд̇у? аж̇жхад̇д̇игаа хзсаа рагкаа, нзсаа рагкаа б̣аахираа; д̇асмаа д̇зсам̣ рагкид̇о ад̇д̇аа’’’д̇и.
116. Sāvatthinidānaṃ. Ekamantaṃ nisinno kho rājā pasenadi kosalo bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘kesaṃ nu kho rakkhito attā, kesaṃ arakkhito attā’ti? Tassa mayhaṃ, bhante, etadahosi – ‘ye kho keci kāyena duccaritaṃ caranti, vācāya duccaritaṃ caranti, manasā duccaritaṃ caranti; tesaṃ arakkhito attā. Kiñcāpi te hatthikāyo vā rakkheyya, assakāyo vā rakkheyya, rathakāyo vā rakkheyya, pattikāyo vā rakkheyya; atha kho tesaṃ arakkhito attā. Taṃ kissa hetu? Bāhirā hesā rakkhā, nesā rakkhā ajjhattikā; tasmā tesaṃ arakkhito attā. Ye ca kho keci kāyena sucaritaṃ caranti, vācāya sucaritaṃ caranti, manasā sucaritaṃ caranti; tesaṃ rakkhito attā. Kiñcāpi te neva hatthikāyo rakkheyya, na assakāyo rakkheyya, na rathakāyo rakkheyya , na pattikāyo rakkheyya; atha kho tesaṃ rakkhito attā. Taṃ kissa hetu? Ajjhattikā hesā rakkhā, nesā rakkhā bāhirā; tasmā tesaṃ rakkhito attā’’’ti.
‘‘звамзд̇ам̣, махаарааж̇а, звамзд̇ам̣, махаарааж̇а! яз хи гзжи, махаарааж̇а, гааязна д̣̇ужжарид̇ам̣ жаранд̇и…бз… д̇зсам̣ арагкид̇о ад̇д̇аа. д̇ам̣ гисса хзд̇у? б̣аахираа хзсаа, махаарааж̇а, рагкаа, нзсаа рагкаа аж̇жхад̇д̇игаа; д̇асмаа д̇зсам̣ арагкид̇о ад̇д̇аа. яз жа ко гзжи, махаарааж̇а, гааязна сужарид̇ам̣ жаранд̇и, ваажааяа сужарид̇ам̣ жаранд̇и, манасаа сужарид̇ам̣ жаранд̇и; д̇зсам̣ рагкид̇о ад̇д̇аа. гин̃жааби д̇з нзва хад̇т̇игааяо рагкзяяа, на ассагааяо рагкзяяа, на рат̇агааяо рагкзяяа, на бад̇д̇игааяо рагкзяяа; ат̇а ко д̇зсам̣ рагкид̇о ад̇д̇аа. д̇ам̣ гисса хзд̇у? аж̇жхад̇д̇игаа хзсаа, махаарааж̇а, рагкаа, нзсаа рагкаа б̣аахираа; д̇асмаа д̇зсам̣ рагкид̇о ад̇д̇аа’’д̇и. ид̣̇амавожа…бз…
‘‘Evametaṃ, mahārāja, evametaṃ, mahārāja! Ye hi keci, mahārāja, kāyena duccaritaṃ caranti…pe… tesaṃ arakkhito attā. Taṃ kissa hetu? Bāhirā hesā, mahārāja, rakkhā, nesā rakkhā ajjhattikā; tasmā tesaṃ arakkhito attā. Ye ca kho keci, mahārāja, kāyena sucaritaṃ caranti, vācāya sucaritaṃ caranti, manasā sucaritaṃ caranti; tesaṃ rakkhito attā. Kiñcāpi te neva hatthikāyo rakkheyya, na assakāyo rakkheyya, na rathakāyo rakkheyya, na pattikāyo rakkheyya; atha kho tesaṃ rakkhito attā. Taṃ kissa hetu? Ajjhattikā hesā, mahārāja, rakkhā, nesā rakkhā bāhirā; tasmā tesaṃ rakkhito attā’’ti. Idamavoca…pe…
‘‘гааязна сам̣варо саад̇ху, саад̇ху ваажааяа сам̣варо;
‘‘Kāyena saṃvaro sādhu, sādhu vācāya saṃvaro;
манасаа сам̣варо саад̇ху, саад̇ху саб̣б̣ад̇т̇а сам̣варо;
Manasā saṃvaro sādhu, sādhu sabbattha saṃvaro;
саб̣б̣ад̇т̇а сам̣вуд̇о лаж̇ж̇ий, рагкид̇од̇и бавужжад̇ий’’д̇и.
Sabbattha saṃvuto lajjī, rakkhitoti pavuccatī’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. ад̇д̇арагкид̇асуд̇д̇аван̣н̣анаа • 5. Attarakkhitasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. ад̇д̇арагкид̇асуд̇д̇аван̣н̣анаа • 5. Attarakkhitasuttavaṇṇanā
