| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
13. அத்தவாத³படிஸங்யுத்ததி³ட்டி²னித்³தே³ஸோ
13. Attavādapaṭisaṃyuttadiṭṭhiniddeso
146. அத்தவாத³படிஸங்யுத்தாய தி³ட்டி²யா கதமேஹி வீஸதியா ஆகாரேஹி அபி⁴னிவேஸோ ஹோதி? இத⁴ அஸ்ஸுதவா புது²ஜ்ஜனோ அரியானங் அத³ஸ்ஸாவீ அரியத⁴ம்மஸ்ஸ அகோவிதோ³ அரியத⁴ம்மே அவினீதோ ஸப்புரிஸானங் அத³ஸ்ஸாவீ ஸப்புரிஸத⁴ம்மஸ்ஸ அகோவிதோ³ ஸப்புரிஸத⁴ம்மே அவினீதோ ரூபங் அத்ததோ ஸமனுபஸ்ஸதி ரூபவந்தங் வா அத்தானங் அத்தனி வா ரூபங் ரூபஸ்மிங் வா அத்தானங்…பே॰… வேத³னங்… ஸஞ்ஞங்… ஸங்கா²ரே… விஞ்ஞாணங் அத்ததோ ஸமனுபஸ்ஸதி விஞ்ஞாணவந்தங் வா அத்தானங் அத்தனி வா விஞ்ஞாணங் விஞ்ஞாணஸ்மிங் வா அத்தானங்…பே॰….
146. Attavādapaṭisaṃyuttāya diṭṭhiyā katamehi vīsatiyā ākārehi abhiniveso hoti? Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati rūpavantaṃ vā attānaṃ attani vā rūpaṃ rūpasmiṃ vā attānaṃ…pe… vedanaṃ… saññaṃ… saṅkhāre… viññāṇaṃ attato samanupassati viññāṇavantaṃ vā attānaṃ attani vā viññāṇaṃ viññāṇasmiṃ vā attānaṃ…pe….
கத²ங் ரூபங் அத்ததோ ஸமனுபஸ்ஸதி? இதே⁴கச்சோ பத²வீகஸிணங்…பே॰… ஓதா³தகஸிணங் அத்ததோ ஸமனுபஸ்ஸதி. ‘‘யங் ஓதா³தகஸிணங், ஸோ அஹங்; யோ அஹங், தங் ஓதா³தகஸிண’’ந்தி – ஓதா³தகஸிணஞ்ச அத்தஞ்ச அத்³வயங் ஸமனுபஸ்ஸதி. ஸெய்யதா²பி தேலப்பதீ³பஸ்ஸ ஜா²யதோ ‘‘யா அச்சி, ஸோ வண்ணோ; யோ வண்ணோ, ஸா அச்சீ’’தி – அச்சிஞ்ச வண்ணஞ்ச அத்³வயங் ஸமனுபஸ்ஸதி. ஏவமேவங் இதே⁴கச்சோ ஓதா³தகஸிணங் அத்ததோ ஸமனுபஸ்ஸதி…பே॰… அயங் பட²மா ரூபவத்து²கா அத்தவாத³படிஸங்யுத்தா தி³ட்டி². அத்தவாத³படிஸங்யுத்தா தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ. ஏவங் ரூபங் அத்ததோ ஸமனுபஸ்ஸதி…பே॰… அத்தவாத³படிஸங்யுத்தாய தி³ட்டி²யா இமேஹி வீஸதியா ஆகாரேஹி அபி⁴னிவேஸோ ஹோதி.
Kathaṃ rūpaṃ attato samanupassati? Idhekacco pathavīkasiṇaṃ…pe… odātakasiṇaṃ attato samanupassati. ‘‘Yaṃ odātakasiṇaṃ, so ahaṃ; yo ahaṃ, taṃ odātakasiṇa’’nti – odātakasiṇañca attañca advayaṃ samanupassati. Seyyathāpi telappadīpassa jhāyato ‘‘yā acci, so vaṇṇo; yo vaṇṇo, sā accī’’ti – acciñca vaṇṇañca advayaṃ samanupassati. Evamevaṃ idhekacco odātakasiṇaṃ attato samanupassati…pe… ayaṃ paṭhamā rūpavatthukā attavādapaṭisaṃyuttā diṭṭhi. Attavādapaṭisaṃyuttā diṭṭhi micchādiṭṭhi…pe… imāni saññojanāni, na ca diṭṭhiyo. Evaṃ rūpaṃ attato samanupassati…pe… attavādapaṭisaṃyuttāya diṭṭhiyā imehi vīsatiyā ākārehi abhiniveso hoti.
அத்தவாத³படிஸங்யுத்ததி³ட்டி²னித்³தே³ஸோ தேரஸமோ.
Attavādapaṭisaṃyuttadiṭṭhiniddeso terasamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 13. அத்தவாத³படிஸங்யுத்ததி³ட்டி²னித்³தே³ஸவண்ணனா • 13. Attavādapaṭisaṃyuttadiṭṭhiniddesavaṇṇanā
