| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
২৩২. অট্ঠচীৰরমাতিকা
232. Aṭṭhacīvaramātikā
৩৭৯. অট্ঠিমা , ভিক্খৰে, মাতিকা চীৰরস্স উপ্পাদায – সীমায দেতি , কতিকায দেতি, ভিক্খাপঞ্ঞত্তিযা দেতি, সঙ্ঘস্স দেতি, উভতোসঙ্ঘস্স দেতি, ৰস্সংৰুট্ঠসঙ্ঘস্স দেতি, আদিস্স দেতি, পুগ্গলস্স দেতি।
379. Aṭṭhimā , bhikkhave, mātikā cīvarassa uppādāya – sīmāya deti , katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa deti.
সীমায দেতি – যাৰতিকা ভিক্খূ অন্তোসীমগতা তেহি ভাজেতব্বং। কতিকায দেতি – সম্বহুলা আৰাসা সমানলাভা হোন্তি একস্মিং আৰাসে দিন্নে সব্বত্থ দিন্নং হোতি। ভিক্খাপঞ্ঞত্তিযা দেতি, যত্থ সঙ্ঘস্স ধুৰকারা করিয্যন্তি, তত্থ দেতি। সঙ্ঘস্স দেতি, সম্মুখীভূতেন সঙ্ঘেন ভাজেতব্বং। উভতোসঙ্ঘস্স দেতি, বহুকাপি ভিক্খূ হোন্তি, একা ভিক্খুনী হোতি, উপড্ঢং দাতব্বং, বহুকাপি ভিক্খুনিযো হোন্তি, একো ভিক্খু হোতি, উপড্ঢং দাতব্বং। ৰস্সংৰুট্ঠসঙ্ঘস্স দেতি, যাৰতিকা ভিক্খূ তস্মিং আৰাসে ৰস্সংৰুট্ঠা, তেহি ভাজেতব্বং। আদিস্স দেতি, যাগুযা ৰা ভত্তে ৰা খাদনীযে ৰা চীৰরে ৰা সেনাসনে ৰা ভেসজ্জে ৰা । পুগ্গলস্স দেতি, ‘‘ইমং চীৰরং ইত্থন্নামস্স দম্মী’’তি।
Sīmāya deti – yāvatikā bhikkhū antosīmagatā tehi bhājetabbaṃ. Katikāya deti – sambahulā āvāsā samānalābhā honti ekasmiṃ āvāse dinne sabbattha dinnaṃ hoti. Bhikkhāpaññattiyā deti, yattha saṅghassa dhuvakārā kariyyanti, tattha deti. Saṅghassa deti, sammukhībhūtena saṅghena bhājetabbaṃ. Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṃ dātabbaṃ, bahukāpi bhikkhuniyo honti, eko bhikkhu hoti, upaḍḍhaṃ dātabbaṃ. Vassaṃvuṭṭhasaṅghassa deti, yāvatikā bhikkhū tasmiṃ āvāse vassaṃvuṭṭhā, tehi bhājetabbaṃ. Ādissa deti, yāguyā vā bhatte vā khādanīye vā cīvare vā senāsane vā bhesajje vā . Puggalassa deti, ‘‘imaṃ cīvaraṃ itthannāmassa dammī’’ti.
অট্ঠচীৰরমাতিকা নিট্ঠিতা।
Aṭṭhacīvaramātikā niṭṭhitā.
চীৰরক্খন্ধকো অট্ঠমো।
Cīvarakkhandhako aṭṭhamo.
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অট্ঠচীৰরমাতিকাকথা • Aṭṭhacīvaramātikākathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অট্ঠচীৰরমাতিকাকথাৰণ্ণনা • Aṭṭhacīvaramātikākathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অট্ঠচীৰরমাতিকাকথাৰণ্ণনা • Aṭṭhacīvaramātikākathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অট্ঠচীৰরমাতিকাকথাৰণ্ণনা • Aṭṭhacīvaramātikākathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২৩২. অট্ঠচীৰরমাতিকাকথা • 232. Aṭṭhacīvaramātikākathā
