| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
232. адтажийварамаад̇игаа
232. Aṭṭhacīvaramātikā
379. адтимаа , бхигкавз, маад̇игаа жийварасса уббаад̣̇ааяа – сиймааяа д̣̇зд̇и , гад̇игааяа д̣̇зд̇и, бхигкаабан̃н̃ад̇д̇ияаа д̣̇зд̇и, сан̇гхасса д̣̇зд̇и, убхад̇осан̇гхасса д̣̇зд̇и, вассам̣вудтасан̇гхасса д̣̇зд̇и, аад̣̇исса д̣̇зд̇и, буг̇г̇аласса д̣̇зд̇и.
379. Aṭṭhimā , bhikkhave, mātikā cīvarassa uppādāya – sīmāya deti , katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa deti.
сиймааяа д̣̇зд̇и – яаавад̇игаа бхигкуу анд̇осиймаг̇ад̇аа д̇зхи бхааж̇зд̇аб̣б̣ам̣. гад̇игааяа д̣̇зд̇и – самб̣ахулаа ааваасаа самааналаабхаа хонд̇и згасмим̣ ааваасз д̣̇иннз саб̣б̣ад̇т̇а д̣̇иннам̣ ход̇и. бхигкаабан̃н̃ад̇д̇ияаа д̣̇зд̇и, яад̇т̇а сан̇гхасса д̇хувагаараа гарияяанд̇и, д̇ад̇т̇а д̣̇зд̇и. сан̇гхасса д̣̇зд̇и, саммукийбхууд̇зна сан̇гхзна бхааж̇зд̇аб̣б̣ам̣. убхад̇осан̇гхасса д̣̇зд̇и, б̣ахугааби бхигкуу хонд̇и, згаа бхигкуний ход̇и, убад̣дхам̣ д̣̇аад̇аб̣б̣ам̣, б̣ахугааби бхигкунияо хонд̇и, зго бхигку ход̇и, убад̣дхам̣ д̣̇аад̇аб̣б̣ам̣. вассам̣вудтасан̇гхасса д̣̇зд̇и, яаавад̇игаа бхигкуу д̇асмим̣ ааваасз вассам̣вудтаа, д̇зхи бхааж̇зд̇аб̣б̣ам̣. аад̣̇исса д̣̇зд̇и, яааг̇уяаа ваа бхад̇д̇з ваа каад̣̇анийяз ваа жийварз ваа сзнаасанз ваа бхзсаж̇ж̇з ваа . буг̇г̇аласса д̣̇зд̇и, ‘‘имам̣ жийварам̣ ид̇т̇аннаамасса д̣̇аммий’’д̇и.
Sīmāya deti – yāvatikā bhikkhū antosīmagatā tehi bhājetabbaṃ. Katikāya deti – sambahulā āvāsā samānalābhā honti ekasmiṃ āvāse dinne sabbattha dinnaṃ hoti. Bhikkhāpaññattiyā deti, yattha saṅghassa dhuvakārā kariyyanti, tattha deti. Saṅghassa deti, sammukhībhūtena saṅghena bhājetabbaṃ. Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṃ dātabbaṃ, bahukāpi bhikkhuniyo honti, eko bhikkhu hoti, upaḍḍhaṃ dātabbaṃ. Vassaṃvuṭṭhasaṅghassa deti, yāvatikā bhikkhū tasmiṃ āvāse vassaṃvuṭṭhā, tehi bhājetabbaṃ. Ādissa deti, yāguyā vā bhatte vā khādanīye vā cīvare vā senāsane vā bhesajje vā . Puggalassa deti, ‘‘imaṃ cīvaraṃ itthannāmassa dammī’’ti.
адтажийварамаад̇игаа нидтид̇аа.
Aṭṭhacīvaramātikā niṭṭhitā.
жийварагканд̇хаго адтамо.
Cīvarakkhandhako aṭṭhamo.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / адтажийварамаад̇игаагат̇аа • Aṭṭhacīvaramātikākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 232. адтажийварамаад̇игаагат̇аа • 232. Aṭṭhacīvaramātikākathā
