| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
232. අට්‌ඨචීවරමාතිකා
232. Aṭṭhacīvaramātikā
379. අට්‌ඨිමා , භික්‌ඛවෙ, මාතිකා චීවරස්‌ස උප්‌පාදාය – සීමාය දෙති , කතිකාය දෙති, භික්‌ඛාපඤ්‌ඤත්‌තියා දෙති, සඞ්‌ඝස්‌ස දෙති, උභතොසඞ්‌ඝස්‌ස දෙති, වස්‌සංවුට්‌ඨසඞ්‌ඝස්‌ස දෙති, ආදිස්‌ස දෙති, පුග්‌ගලස්‌ස දෙති.
379. Aṭṭhimā , bhikkhave, mātikā cīvarassa uppādāya – sīmāya deti , katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa deti.
සීමාය දෙති – යාවතිකා භික්‌ඛූ අන්‌තොසීමගතා තෙහි භාජෙතබ්‌බං. කතිකාය දෙති – සම්‌බහුලා ආවාසා සමානලාභා හොන්‌ති එකස්‌මිං ආවාසෙ දින්‌නෙ සබ්‌බත්‌ථ දින්‌නං හොති. භික්‌ඛාපඤ්‌ඤත්‌තියා දෙති, යත්‌ථ සඞ්‌ඝස්‌ස ධුවකාරා කරිය්‍යන්‌ති, තත්‌ථ දෙති. සඞ්‌ඝස්‌ස දෙති, සම්‌මුඛීභූතෙන සඞ්‌ඝෙන භාජෙතබ්‌බං. උභතොසඞ්‌ඝස්‌ස දෙති, බහුකාපි භික්‌ඛූ හොන්‌ති, එකා භික්‌ඛුනී හොති, උපඩ්‌ඪං දාතබ්‌බං, බහුකාපි භික්‌ඛුනියො හොන්‌ති, එකො භික්‌ඛු හොති, උපඩ්‌ඪං දාතබ්‌බං. වස්‌සංවුට්‌ඨසඞ්‌ඝස්‌ස දෙති, යාවතිකා භික්‌ඛූ තස්‌මිං ආවාසෙ වස්‌සංවුට්‌ඨා, තෙහි භාජෙතබ්‌බං. ආදිස්‌ස දෙති, යාගුයා වා භත්‌තෙ වා ඛාදනීයෙ වා චීවරෙ වා සෙනාසනෙ වා භෙසජ්‌ජෙ වා . පුග්‌ගලස්‌ස දෙති, ‘‘ඉමං චීවරං ඉත්‌ථන්‌නාමස්‌ස දම්‌මී’’ති.
Sīmāya deti – yāvatikā bhikkhū antosīmagatā tehi bhājetabbaṃ. Katikāya deti – sambahulā āvāsā samānalābhā honti ekasmiṃ āvāse dinne sabbattha dinnaṃ hoti. Bhikkhāpaññattiyā deti, yattha saṅghassa dhuvakārā kariyyanti, tattha deti. Saṅghassa deti, sammukhībhūtena saṅghena bhājetabbaṃ. Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṃ dātabbaṃ, bahukāpi bhikkhuniyo honti, eko bhikkhu hoti, upaḍḍhaṃ dātabbaṃ. Vassaṃvuṭṭhasaṅghassa deti, yāvatikā bhikkhū tasmiṃ āvāse vassaṃvuṭṭhā, tehi bhājetabbaṃ. Ādissa deti, yāguyā vā bhatte vā khādanīye vā cīvare vā senāsane vā bhesajje vā . Puggalassa deti, ‘‘imaṃ cīvaraṃ itthannāmassa dammī’’ti.
අට්‌ඨචීවරමාතිකා නිට්‌ඨිතා.
Aṭṭhacīvaramātikā niṭṭhitā.
චීවරක්‌ඛන්‌ධකො අට්‌ඨමො.
Cīvarakkhandhako aṭṭhamo.
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අට්‌ඨචීවරමාතිකාකථා • Aṭṭhacīvaramātikākathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අට්‌ඨචීවරමාතිකාකථාවණ්‌ණනා • Aṭṭhacīvaramātikākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අට්‌ඨචීවරමාතිකාකථාවණ්‌ණනා • Aṭṭhacīvaramātikākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අට්‌ඨචීවරමාතිකාකථාවණ්‌ණනා • Aṭṭhacīvaramātikākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 232. අට්‌ඨචීවරමාතිකාකථා • 232. Aṭṭhacīvaramātikākathā
