| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༣༢. ཨཊྛཙཱིཝརམཱཏིཀཱ
232. Aṭṭhacīvaramātikā
༣༧༩. ཨཊྛིམཱ , བྷིཀྑཝེ, མཱཏིཀཱ ཙཱིཝརསྶ ཨུཔྤཱདཱཡ – སཱིམཱཡ དེཏི , ཀཏིཀཱཡ དེཏི, བྷིཀྑཱཔཉྙཏྟིཡཱ དེཏི, སངྒྷསྶ དེཏི, ཨུབྷཏོསངྒྷསྶ དེཏི, ཝསྶཾཝུཊྛསངྒྷསྶ དེཏི, ཨཱདིསྶ དེཏི, པུགྒལསྶ དེཏི།
379. Aṭṭhimā , bhikkhave, mātikā cīvarassa uppādāya – sīmāya deti , katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa deti.
སཱིམཱཡ དེཏི – ཡཱཝཏིཀཱ བྷིཀྑཱུ ཨནྟོསཱིམགཏཱ ཏེཧི བྷཱཛེཏབྦཾ། ཀཏིཀཱཡ དེཏི – སམྦཧུལཱ ཨཱཝཱསཱ སམཱནལཱབྷཱ ཧོནྟི ཨེཀསྨིཾ ཨཱཝཱསེ དིནྣེ སབྦཏྠ དིནྣཾ ཧོཏི། བྷིཀྑཱཔཉྙཏྟིཡཱ དེཏི, ཡཏྠ སངྒྷསྶ དྷུཝཀཱརཱ ཀརིཡྻནྟི, ཏཏྠ དེཏི། སངྒྷསྶ དེཏི, སམྨུཁཱིབྷཱུཏེན སངྒྷེན བྷཱཛེཏབྦཾ། ཨུབྷཏོསངྒྷསྶ དེཏི, བཧུཀཱཔི བྷིཀྑཱུ ཧོནྟི, ཨེཀཱ བྷིཀྑུནཱི ཧོཏི, ཨུཔཌྜྷཾ དཱཏབྦཾ, བཧུཀཱཔི བྷིཀྑུནིཡོ ཧོནྟི, ཨེཀོ བྷིཀྑུ ཧོཏི, ཨུཔཌྜྷཾ དཱཏབྦཾ། ཝསྶཾཝུཊྛསངྒྷསྶ དེཏི, ཡཱཝཏིཀཱ བྷིཀྑཱུ ཏསྨིཾ ཨཱཝཱསེ ཝསྶཾཝུཊྛཱ, ཏེཧི བྷཱཛེཏབྦཾ། ཨཱདིསྶ དེཏི, ཡཱགུཡཱ ཝཱ བྷཏྟེ ཝཱ ཁཱདནཱིཡེ ཝཱ ཙཱིཝརེ ཝཱ སེནཱསནེ ཝཱ བྷེསཛྫེ ཝཱ ། པུགྒལསྶ དེཏི, ‘‘ཨིམཾ ཙཱིཝརཾ ཨིཏྠནྣཱམསྶ དམྨཱི’’ཏི།
Sīmāya deti – yāvatikā bhikkhū antosīmagatā tehi bhājetabbaṃ. Katikāya deti – sambahulā āvāsā samānalābhā honti ekasmiṃ āvāse dinne sabbattha dinnaṃ hoti. Bhikkhāpaññattiyā deti, yattha saṅghassa dhuvakārā kariyyanti, tattha deti. Saṅghassa deti, sammukhībhūtena saṅghena bhājetabbaṃ. Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṃ dātabbaṃ, bahukāpi bhikkhuniyo honti, eko bhikkhu hoti, upaḍḍhaṃ dātabbaṃ. Vassaṃvuṭṭhasaṅghassa deti, yāvatikā bhikkhū tasmiṃ āvāse vassaṃvuṭṭhā, tehi bhājetabbaṃ. Ādissa deti, yāguyā vā bhatte vā khādanīye vā cīvare vā senāsane vā bhesajje vā . Puggalassa deti, ‘‘imaṃ cīvaraṃ itthannāmassa dammī’’ti.
ཨཊྛཙཱིཝརམཱཏིཀཱ ནིཊྛིཏཱ།
Aṭṭhacīvaramātikā niṭṭhitā.
ཙཱིཝརཀྑནྡྷཀོ ཨཊྛམོ།
Cīvarakkhandhako aṭṭhamo.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཨཊྛཙཱིཝརམཱཏིཀཱཀཐཱ • Aṭṭhacīvaramātikākathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨཊྛཙཱིཝརམཱཏིཀཱཀཐཱཝཎྞནཱ • Aṭṭhacīvaramātikākathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཊྛཙཱིཝརམཱཏིཀཱཀཐཱཝཎྞནཱ • Aṭṭhacīvaramātikākathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཊྛཙཱིཝརམཱཏིཀཱཀཐཱཝཎྞནཱ • Aṭṭhacīvaramātikākathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢༣༢. ཨཊྛཙཱིཝརམཱཏིཀཱཀཐཱ • 232. Aṭṭhacīvaramātikākathā
