| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
адтажийварамаад̇игаагат̇ааван̣н̣анаа
Aṭṭhacīvaramātikākathāvaṇṇanā
379. буг̇г̇алаад̇хидтаананаязна вуд̇д̇анд̇и ‘‘сиймааяа д̣̇аана’’нд̇иаад̣̇инаа вад̇д̇аб̣б̣з ‘‘сиймааяа д̣̇зд̇ий’’д̇иаад̣̇и буг̇г̇алаад̇хидтаанзна вуд̇д̇ам̣. ‘‘абижаа’’д̇иаад̣̇инаа батамалзд̣д̣убаад̇абхууд̇абаригкзбаарахадтаанад̇о б̣ахи д̣̇уд̇ияалзд̣д̣убаад̇оби убажаарасиймаа зваад̇и д̣̇ассзд̇и. д̇хувасаннибаад̇адтаанаад̣̇игамби барияанд̇з тид̇амзва г̇ахзд̇аб̣б̣ам̣. логз г̇аамасиймаад̣̇аяо вияа лаабхасиймаа наама висум̣ басид̣̇д̇хаа наама над̇т̇и, гзнааяам̣ анун̃н̃аад̇аад̇и ааха ‘‘нзва саммаасамб̣уд̣̇д̇хзнаа’’д̇иаад̣̇и. зд̇зна нааяам̣ саасанавохаарасид̣̇д̇хаа, логавохаарасид̣̇д̇хаа зваад̇и д̣̇ассзд̇и. ‘‘ж̇анабад̣̇абарижчзд̣̇о’’д̇и ид̣̇ам̣ логабасид̣̇д̇хасиймаасад̣̇д̣̇ад̇т̇авасзна вуд̇д̇ам̣. барижчзд̣̇аб̣бханд̇арам̣ бана саб̣б̣ам̣ ж̇анабад̣̇асиймаад̇и г̇ахзд̇аб̣б̣ам̣, ж̇анабад̣̇о зва ж̇анабад̣̇асиймаа. звам̣ радтасиймаад̣̇ийсуби. д̇знааха ‘‘аан̣аабавад̇д̇идтаана’’нд̇иаад̣̇и.
379.Puggalādhiṭṭhānanayena vuttanti ‘‘sīmāya dāna’’ntiādinā vattabbe ‘‘sīmāya detī’’tiādi puggalādhiṭṭhānena vuttaṃ. ‘‘Apicā’’tiādinā paṭhamaleḍḍupātabhūtaparikkhepārahaṭṭhānato bahi dutiyaleḍḍupātopi upacārasīmā evāti dasseti. Dhuvasannipātaṭṭhānādikampi pariyante ṭhitameva gahetabbaṃ. Loke gāmasīmādayo viya lābhasīmā nāma visuṃ pasiddhā nāma natthi, kenāyaṃ anuññātāti āha ‘‘neva sammāsambuddhenā’’tiādi. Etena nāyaṃ sāsanavohārasiddhā, lokavohārasiddhā evāti dasseti. ‘‘Janapadaparicchedo’’ti idaṃ lokapasiddhasīmāsaddatthavasena vuttaṃ. Paricchedabbhantaraṃ pana sabbaṃ janapadasīmāti gahetabbaṃ, janapado eva janapadasīmā. Evaṃ raṭṭhasīmādīsupi. Tenāha ‘‘āṇāpavattiṭṭhāna’’ntiādi.
бат̇авийвзмаж̇жхз г̇ад̇ассаад̇и яаава уд̣̇агабарияанд̇аа кан̣д̣асиймад̇д̇аа вуд̇д̇ам̣, убажаарасиймаад̣̇ийсу бана аб̣ад̣̇д̇хасиймаасу хздтаабат̇авияам̣ саб̣б̣ад̇т̇а тид̇аанам̣ на баабун̣аад̇и, гуубаад̣̇ибавзсаарахадтаанз тид̇аанан̃н̃зва баабун̣аад̇ийд̇и хздтаа сиймаагат̇ааяам̣ вуд̇д̇анаязна д̇ам̣д̇ам̣сиймадтабхааво взд̣̇ид̇аб̣б̣о. жаггаваал̣асиймааяа бана д̣̇иннам̣ бат̇авийсанд̇хаарагауд̣̇агадтаанзби тид̇аанам̣ баабун̣аад̇и саб̣б̣ад̇т̇а жаггаваал̣авохаарад̇д̇аа.
Pathavīvemajjhe gatassāti yāva udakapariyantā khaṇḍasīmattā vuttaṃ, upacārasīmādīsu pana abaddhasīmāsu heṭṭhāpathaviyaṃ sabbattha ṭhitānaṃ na pāpuṇāti, kūpādipavesārahaṭṭhāne ṭhitānaññeva pāpuṇātīti heṭṭhā sīmākathāyaṃ vuttanayena taṃtaṃsīmaṭṭhabhāvo veditabbo. Cakkavāḷasīmāya pana dinnaṃ pathavīsandhārakaudakaṭṭhānepi ṭhitānaṃ pāpuṇāti sabbattha cakkavāḷavohārattā.
б̣уд̣̇д̇хаад̇хивуд̇т̇од̇и б̣уд̣̇д̇хзна бхаг̇авад̇аа нивуд̇т̇о. баагавадданд̇и ниб̣ад̣̇д̇хад̣̇аанам̣. вад̇д̇ад̇ийд̇и бавад̇д̇ад̇и. д̇зхийд̇и язсам̣ саммукз зса д̣̇зд̇и, д̇зхи бхигкуухи. д̣̇уд̇ияабхааг̇з бана т̇зраасанам̣ аарул̣хзд̇и яаава сан̇гханавагаа згаваарам̣ саб̣б̣зсам̣ бхааг̇ам̣ д̣̇ад̇ваа жийварз абаригкийн̣з буна саб̣б̣зсам̣ д̣̇аад̇ум̣ д̣̇уд̇ияабхааг̇з т̇зрасса д̣̇иннзд̇и ад̇т̇о. бам̣сугуулигаанамби ваддад̇ийд̇и зд̇т̇а ‘‘д̇уяхам̣ д̣̇змаа’’д̇и авуд̇д̇ад̇д̇аад̇и гааран̣ам̣ вад̣̇анд̇и. яад̣̇и звам̣ ‘‘сан̇гхасса д̣̇змаа’’д̇и вуд̇д̇зби ваддзяяа, ‘‘бхигкуунам̣ д̣̇зма, т̇зраанам̣ д̣̇зма, сан̇гхасса д̣̇змаа’’д̇и (махаава. адта. 379) важанад̇о бхзд̣̇о на д̣̇иссад̇и. виймам̣сид̇аб̣б̣амзд̇т̇а гааран̣ам̣.
Buddhādhivutthoti buddhena bhagavatā nivuttho. Pākavaṭṭanti nibaddhadānaṃ. Vattatīti pavattati. Tehīti yesaṃ sammukhe esa deti, tehi bhikkhūhi. Dutiyabhāge pana therāsanaṃ āruḷheti yāva saṅghanavakā ekavāraṃ sabbesaṃ bhāgaṃ datvā cīvare aparikkhīṇe puna sabbesaṃ dātuṃ dutiyabhāge therassa dinneti attho. Paṃsukūlikānampi vaṭṭatīti ettha ‘‘tuyhaṃ demā’’ti avuttattāti kāraṇaṃ vadanti. Yadi evaṃ ‘‘saṅghassa demā’’ti vuttepi vaṭṭeyya, ‘‘bhikkhūnaṃ dema, therānaṃ dema, saṅghassa demā’’ti (mahāva. aṭṭha. 379) vacanato bhedo na dissati. Vīmaṃsitabbamettha kāraṇaṃ.
баарубид̇ум̣ ваддад̇ийд̇и бам̣сугуулигаанам̣ ваддад̇и. бхигкусан̇гхасса жа бхигкунийнан̃жа д̣̇аммийд̇и вуд̇д̇з бана на маж̇жхз бхинд̣̇ид̇ваа д̣̇аад̇аб̣б̣анд̇и зд̇т̇а яасмаа бхигкунибагкз сан̇гхасса бажжзгам̣ абараамадтад̇д̇аа бхигкунийнам̣ г̇ан̣анааяа бхааг̇о д̣̇аад̇аб̣б̣од̇и д̣̇ааяагасса ад̇хиббааяод̇и сиж̇жхад̇и, д̇ат̇аа д̣̇аанан̃жа бхигкууби г̇ан̣зд̇ваа д̣̇иннз зва яуж̇ж̇ад̇и. ид̇арат̇аа хи гид̇д̇агам̣ бхигкуунам̣ д̣̇аад̇аб̣б̣ам̣, гид̇д̇агам̣ бхигкунийнанд̇и на вин̃н̃ааяад̇и, д̇асмаа ‘‘бхигкусан̇гхассаа’’д̇и вуд̇д̇аважанамби ‘‘бхигкууна’’нд̇и вуд̇д̇аважанасад̣̇исамзваад̇и ааха ‘‘бхигкуу жа бхигкунияо жа г̇ан̣зд̇ваа д̣̇аад̇аб̣б̣а’’нд̇и. д̇знааха ‘‘буг̇г̇ало …бз… бхигкусан̇гхаг̇г̇ахан̣зна аг̇г̇ахид̇ад̇д̇аа’’д̇и. бхигкусан̇гха-сад̣̇д̣̇зна бхигкуунан̃н̃зва г̇ахид̇ад̇д̇аа, буг̇г̇аласса бана ‘‘д̇уяхан̃жаа’’д̇и висум̣ г̇ахид̇ад̇д̇аа жа д̇ад̇т̇асса аг̇г̇ахид̇ад̇аа д̣̇адтаб̣б̣аа, ‘‘бхигкуунан̃жа бхигкунийнан̃жа д̇уяхан̃жаа’’д̇и вуд̇д̇адтаанасад̣̇исад̇д̇аад̇и ад̇хиббааяо. буг̇г̇алаббад̇хаано хзд̇т̇а сан̇гха-сад̣̇д̣̇о д̣̇адтаб̣б̣о. гзжи бана ‘‘бхигкусан̇гхаг̇г̇ахан̣зна г̇ахид̇ад̇д̇аа’’д̇и (саарад̇т̇а. дий. махааваг̇г̇а 3.379) баатам̣ ликанд̇и, д̇ам̣ на сунд̣̇арам̣ д̇асса висум̣ лаабхаг̇г̇ахан̣з гааран̣аважанад̇д̇аа. д̇ат̇аа хи висум̣ сан̇гхаг̇г̇ахан̣зна г̇ахид̇ад̇д̇аад̇и висум̣ буг̇г̇алассаби бхааг̇аг̇г̇ахан̣з гааран̣ам̣ вуд̇д̇ам̣. яат̇аа жзд̇т̇а буг̇г̇аласса аг̇г̇ахан̣ам̣, звам̣ убари ‘‘бхигкусан̇гхасса жа д̇уяхан̃жаа’’д̇иаад̣̇ийсуби сан̇гхаад̣̇и-сад̣̇д̣̇зхи буг̇г̇аласса аг̇г̇ахан̣ам̣ д̣̇адтаб̣б̣ам̣. яад̣̇и хи г̇ахан̣ам̣ сияаа, сан̇гхад̇оби, висумбийд̇и бхааг̇ад̣̇ваяам̣ лабхзяяа убхаяад̇т̇а г̇ахид̇ад̇д̇аа.
Pārupituṃ vaṭṭatīti paṃsukūlikānaṃ vaṭṭati. Bhikkhusaṅghassa ca bhikkhunīnañca dammīti vutte pana na majjhe bhinditvā dātabbanti ettha yasmā bhikkhunipakkhe saṅghassa paccekaṃ aparāmaṭṭhattā bhikkhunīnaṃ gaṇanāya bhāgo dātabboti dāyakassa adhippāyoti sijjhati, tathā dānañca bhikkhūpi gaṇetvā dinne eva yujjati. Itarathā hi kittakaṃ bhikkhūnaṃ dātabbaṃ, kittakaṃ bhikkhunīnanti na viññāyati, tasmā ‘‘bhikkhusaṅghassā’’ti vuttavacanampi ‘‘bhikkhūna’’nti vuttavacanasadisamevāti āha ‘‘bhikkhū ca bhikkhuniyo ca gaṇetvā dātabba’’nti. Tenāha ‘‘puggalo…pe… bhikkhusaṅghaggahaṇena aggahitattā’’ti. Bhikkhusaṅgha-saddena bhikkhūnaññeva gahitattā, puggalassa pana ‘‘tuyhañcā’’ti visuṃ gahitattā ca tatthassa aggahitatā daṭṭhabbā, ‘‘bhikkhūnañca bhikkhunīnañca tuyhañcā’’ti vuttaṭṭhānasadisattāti adhippāyo. Puggalappadhāno hettha saṅgha-saddo daṭṭhabbo. Keci pana ‘‘bhikkhusaṅghaggahaṇena gahitattā’’ti (sārattha. ṭī. mahāvagga 3.379) pāṭhaṃ likhanti, taṃ na sundaraṃ tassa visuṃ lābhaggahaṇe kāraṇavacanattā. Tathā hi visuṃ saṅghaggahaṇena gahitattāti visuṃ puggalassapi bhāgaggahaṇe kāraṇaṃ vuttaṃ. Yathā cettha puggalassa aggahaṇaṃ, evaṃ upari ‘‘bhikkhusaṅghassa ca tuyhañcā’’tiādīsupi saṅghādi-saddehi puggalassa aggahaṇaṃ daṭṭhabbaṃ. Yadi hi gahaṇaṃ siyā, saṅghatopi, visumpīti bhāgadvayaṃ labheyya ubhayattha gahitattā.
бууж̇зд̇аб̣б̣анд̇иаад̣̇и г̇ихигаммам̣ на ход̇ийд̇и д̣̇ассанад̇т̇ам̣ вуд̇д̇ам̣. ‘‘бхигкусан̇гхасса хараа’’д̇и ид̣̇ам̣ бин̣д̣абаад̇ахаран̣ам̣ санд̇хааяа вуд̇д̇ам̣. д̇знааха ‘‘бхун̃ж̇ид̇ум̣ ваддад̇ий’’д̇и. ‘‘анд̇охзманд̇з’’д̇и иминаа анад̇т̇ад̇з гат̇инз вассаанам̣ бажчимз маасз д̣̇иннам̣ буримавассам̣вуд̇т̇аанан̃н̃зва баабун̣аад̇и, д̇ад̇о барам̣ хзманд̇з д̣̇иннам̣ бажчимавассам̣вуд̇т̇аанамби вуд̇т̇авассад̇д̇аа баабун̣аад̇и. хзманд̇ад̇о бана барам̣ бидтисамаяз ‘‘вассам̣вуд̇т̇асан̇гхассаа’’д̇и звам̣ вад̇ваа д̣̇иннам̣ ананд̇арз вассз ваа д̇ад̇о барзсу ваа яад̇т̇а гад̇т̇ажи д̇асмим̣ вуд̇т̇авассаанам̣ саб̣б̣зсам̣ баабун̣аад̇и. яз бана саб̣б̣ат̇аа авуд̇т̇авассаа, д̇зсам̣ на баабун̣аад̇ийд̇и д̣̇ассзд̇и. саб̣б̣зсамбийд̇и хи д̇асмим̣ бхигкубхаавз вуд̇т̇авассаанам̣ саб̣б̣зсамбийд̇и ад̇т̇о д̣̇адтаб̣б̣о. ‘‘вассам̣вуд̇т̇асан̇гхассаа’’д̇и вуд̇д̇ад̇д̇аа саммукийбхууд̇аанам̣ саб̣б̣зсанд̇и зд̇т̇ааби зсзва наяо. ад̇ийд̇авассанд̇и ананд̇араад̇ийд̇авассам̣.
Pūjetabbantiādi gihikammaṃ na hotīti dassanatthaṃ vuttaṃ. ‘‘Bhikkhusaṅghassa harā’’ti idaṃ piṇḍapātaharaṇaṃ sandhāya vuttaṃ. Tenāha ‘‘bhuñjituṃ vaṭṭatī’’ti. ‘‘Antohemante’’ti iminā anatthate kathine vassānaṃ pacchime māse dinnaṃ purimavassaṃvutthānaññeva pāpuṇāti, tato paraṃ hemante dinnaṃ pacchimavassaṃvutthānampi vutthavassattā pāpuṇāti. Hemantato pana paraṃ piṭṭhisamaye ‘‘vassaṃvutthasaṅghassā’’ti evaṃ vatvā dinnaṃ anantare vasse vā tato paresu vā yattha katthaci tasmiṃ vutthavassānaṃ sabbesaṃ pāpuṇāti. Ye pana sabbathā avutthavassā, tesaṃ na pāpuṇātīti dasseti. Sabbesampīti hi tasmiṃ bhikkhubhāve vutthavassānaṃ sabbesampīti attho daṭṭhabbo. ‘‘Vassaṃvutthasaṅghassā’’ti vuttattā sammukhībhūtānaṃ sabbesanti etthāpi eseva nayo. Atītavassanti anantarātītavassaṃ.
уд̣̇д̣̇зсам̣ г̇ахзд̇ум̣ ааг̇ад̇од̇и уд̣̇д̣̇зсз аг̇г̇ахид̇зби анд̇зваасиговаад̇и вуд̇д̇ам̣. г̇ахзд̇ваа г̇ажчанд̇од̇и баринидтид̇ауд̣̇д̣̇зсо худ̇ваа г̇ажчанд̇о. ‘‘вад̇д̇ам̣ гад̇ваа уд̣̇д̣̇зсабарибужчаад̣̇ийни г̇ахзд̇ваа вижаранд̇аана’’нд̇и ид̣̇ам̣ ‘‘уд̣̇д̣̇зсанд̇зваасигаана’’нд̇и имассзва висзсанам̣, д̇зна уд̣̇д̣̇зсагаалз ааг̇анд̇ваа уд̣̇д̣̇зсам̣ г̇ахзд̇ваа г̇анд̇ваа ан̃н̃ад̇т̇а нивасанд̇з аниб̣ад̣̇д̇хажааригз нивад̇д̇зд̇и.
Uddesaṃ gahetuṃ āgatoti uddese aggahitepi antevāsikovāti vuttaṃ. Gahetvā gacchantoti pariniṭṭhitauddeso hutvā gacchanto. ‘‘Vattaṃ katvā uddesaparipucchādīni gahetvā vicarantāna’’nti idaṃ ‘‘uddesantevāsikāna’’nti imasseva visesanaṃ, tena uddesakāle āgantvā uddesaṃ gahetvā gantvā aññattha nivasante anibaddhacārike nivatteti.
адтажийварамаад̇игаагат̇ааван̣н̣анаа нидтид̇аа.
Aṭṭhacīvaramātikākathāvaṇṇanā niṭṭhitā.
жийварагканд̇хагаван̣н̣анаанаяо нидтид̇о.
Cīvarakkhandhakavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 232. адтажийварамаад̇игаа • 232. Aṭṭhacīvaramātikā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / адтажийварамаад̇игаагат̇аа • Aṭṭhacīvaramātikākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / адтажийварамаад̇игаагат̇ааван̣н̣анаа • Aṭṭhacīvaramātikākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 232. адтажийварамаад̇игаагат̇аа • 232. Aṭṭhacīvaramātikākathā
