| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
16. ад̇т̇ад̣̇ассийб̣уд̣̇д̇хавам̣саван̣н̣анаа
16. Atthadassībuddhavaṃsavaṇṇanā
бияад̣̇ассимхи саммаасамб̣уд̣̇д̇хз бариниб̣б̣уд̇з д̇асса саасанз жа анд̇арахид̇з барихааяид̇ваа вад̣дхид̇ваа абаримид̇ааяугзсу мануссзсу ануггамзна барихааяид̇ваа вассасад̇асахассааяугзсу ж̇аад̇зсу барамад̇т̇ад̣̇ассий ад̇т̇ад̣̇ассий наама б̣уд̣̇д̇хо логз уббаж̇ж̇и. со баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа барамасобханз собханз наама наг̇арз сааг̇арасса наама ран̃н̃о гулз аг̇г̇амахзсияаа суд̣̇ассанад̣̇звияаа гужчисмим̣ бадисанд̇хим̣ г̇ахзд̇ваа д̣̇аса маасз г̇аб̣бхз васид̇ваа сужинд̇хануяяаанз маад̇угужчид̇о нигками. маад̇угужчид̇о махаабурисз нигканд̇амад̇д̇з сужирагааланихид̇аани гулабарамбарааг̇ад̇аани махаанид̇хаанаани д̇ханасаамигаа бадилабхим̣сууд̇и д̇асса наамаг̇г̇ахан̣ад̣̇ивасз ‘‘ад̇т̇ад̣̇ассий’’д̇и наамамагам̣су. со д̣̇асавассасахассаани аг̇аарам̣ аж̇жхааваси. амараг̇ири-сураг̇ири-г̇ириваахананаамагаа барамасурабхиж̇анагаа д̇аяо жасса баасаад̣̇аа ахзсум̣. висаакаад̣̇звиббамукаани д̇зд̇д̇им̣са ид̇т̇исахассаани ахзсум̣.
Piyadassimhi sammāsambuddhe parinibbute tassa sāsane ca antarahite parihāyitvā vaḍḍhitvā aparimitāyukesu manussesu anukkamena parihāyitvā vassasatasahassāyukesu jātesu paramatthadassī atthadassī nāma buddho loke uppajji. So pāramiyo pūretvā tusitapure nibbattitvā tato cavitvā paramasobhane sobhane nāma nagare sāgarassa nāma rañño kule aggamahesiyā sudassanadeviyā kucchismiṃ paṭisandhiṃ gahetvā dasa māse gabbhe vasitvā sucindhanuyyāne mātukucchito nikkhami. Mātukucchito mahāpurise nikkhantamatte sucirakālanihitāni kulaparamparāgatāni mahānidhānāni dhanasāmikā paṭilabhiṃsūti tassa nāmaggahaṇadivase ‘‘atthadassī’’ti nāmamakaṃsu. So dasavassasahassāni agāraṃ ajjhāvasi. Amaragiri-suragiri-girivāhananāmakā paramasurabhijanakā tayo cassa pāsādā ahesuṃ. Visākhādevippamukhāni tettiṃsa itthisahassāni ahesuṃ.
со жад̇д̇аари нимид̇д̇аани д̣̇исваа висаакаад̣̇звияаа сзлагумаарз наама буд̇д̇з уббаннз суд̣̇ассанам̣ наама ассарааж̇ам̣ абхирухид̇ваа махаабхинигкаманам̣ нигкамид̇ваа баб̣б̣аж̇и. д̇ам̣ нава мануссагодияо анубаб̣б̣аж̇им̣су. д̇зхи баривуд̇о со махаабурисо адта маасз бад̇хаанажарияам̣ жарид̇ваа висаакабун̣н̣амааяа сужинд̇харанааг̇ияаа убахаарад̇т̇ааяа аанийд̇ам̣ мад̇хубааяаасам̣ махааж̇анзна санд̣̇иссамаанасаб̣б̣асарийрааяа нааг̇ияаа саха суван̣н̣абаад̇ияаа д̣̇иннам̣ мад̇хубааяаасам̣ барибхун̃ж̇ид̇ваа д̇арун̣ад̇арусад̇асамалан̇гад̇з д̇арун̣асаалаванз д̣̇иваавихаарам̣ вийд̇инаамзд̇ваа сааяанхасамаяз д̇хаммаружинаа махааружинаа наама нааг̇арааж̇зна д̣̇иннаа адта гусад̇ин̣амудтияо г̇ахзд̇ваа жамбагаб̣од̇хим̣ убасан̇гамид̇ваа д̇збан̃н̃аасахад̇т̇ааяаамавид̇т̇ад̇ам̣ гусад̇ин̣асант̇арам̣ сант̇арид̇ваа баллан̇гам̣ аабхуж̇ид̇ваа самб̣од̇хим̣ бад̇ваа саб̣б̣аб̣уд̣̇д̇хаажин̣н̣ам̣ – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ б̣од̇хисамийбзязва вийд̇инаамзд̇ваа б̣рахмуно д̇хаммад̣̇зсанааяаажанам̣ самбадижчид̇ваа ад̇д̇анаа саха баб̣б̣аж̇ид̇анавабхигкугодияо арияад̇хаммабадивзд̇хасамад̇т̇з д̣̇исваа аагаасзна г̇анд̇ваа аноманаг̇арасамийбз аномуяяаанз од̇арид̇ваа д̇зхи баривуд̇о д̇ад̇т̇а д̇хаммажаггам̣ бавад̇д̇зси. д̇ад̣̇аа годисад̇асахассаанам̣ батамо д̇хаммаабхисамаяо ахоси.
So cattāri nimittāni disvā visākhādeviyā selakumāre nāma putte uppanne sudassanaṃ nāma assarājaṃ abhiruhitvā mahābhinikkhamanaṃ nikkhamitvā pabbaji. Taṃ nava manussakoṭiyo anupabbajiṃsu. Tehi parivuto so mahāpuriso aṭṭha māse padhānacariyaṃ caritvā visākhapuṇṇamāya sucindharanāgiyā upahāratthāya ānītaṃ madhupāyāsaṃ mahājanena sandissamānasabbasarīrāya nāgiyā saha suvaṇṇapātiyā dinnaṃ madhupāyāsaṃ paribhuñjitvā taruṇatarusatasamalaṅkate taruṇasālavane divāvihāraṃ vītināmetvā sāyanhasamaye dhammarucinā mahārucinā nāma nāgarājena dinnā aṭṭha kusatiṇamuṭṭhiyo gahetvā campakabodhiṃ upasaṅkamitvā tepaññāsahatthāyāmavitthataṃ kusatiṇasantharaṃ santharitvā pallaṅkaṃ ābhujitvā sambodhiṃ patvā sabbabuddhāciṇṇaṃ – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ bodhisamīpeyeva vītināmetvā brahmuno dhammadesanāyācanaṃ sampaṭicchitvā attanā saha pabbajitanavabhikkhukoṭiyo ariyadhammapaṭivedhasamatthe disvā ākāsena gantvā anomanagarasamīpe anomuyyāne otaritvā tehi parivuto tattha dhammacakkaṃ pavattesi. Tadā koṭisatasahassānaṃ paṭhamo dhammābhisamayo ahosi.
буна бхаг̇авад̇и логанааяагз д̣̇звалогажааригам̣ жарид̇ваа д̇ад̇т̇а д̇хаммам̣ д̣̇зсзнд̇з годисад̇асахассаанам̣ д̣̇уд̇ияо абхисамаяо ахоси. яад̣̇аа бана бхаг̇аваа ад̇т̇ад̣̇ассий амхаагам̣ бхаг̇аваа вияа габилавад̇т̇убурам̣ собханабурам̣ бависид̇ваа д̇хаммам̣ д̣̇зсзси, д̇ад̣̇аа годисад̇асахассаанам̣ д̇ад̇ияо д̇хаммаабхисамаяо ахоси. д̇зна вуд̇д̇ам̣ –
Puna bhagavati lokanāyake devalokacārikaṃ caritvā tattha dhammaṃ desente koṭisatasahassānaṃ dutiyo abhisamayo ahosi. Yadā pana bhagavā atthadassī amhākaṃ bhagavā viya kapilavatthupuraṃ sobhanapuraṃ pavisitvā dhammaṃ desesi, tadā koṭisatasahassānaṃ tatiyo dhammābhisamayo ahosi. Tena vuttaṃ –
1.
1.
‘‘д̇ад̇т̇зва ман̣д̣агаббамхи, ад̇т̇ад̣̇ассий махааяасо;
‘‘Tattheva maṇḍakappamhi, atthadassī mahāyaso;
махаад̇амам̣ ниханд̇ваана, бад̇д̇о самб̣од̇химуд̇д̇амам̣.
Mahātamaṃ nihantvāna, patto sambodhimuttamaṃ.
2.
2.
‘‘б̣рахмунаа яаажид̇о санд̇о, д̇хаммажаггам̣ бавад̇д̇аяи;
‘‘Brahmunā yācito santo, dhammacakkaṃ pavattayi;
амад̇зна д̇аббаяий логам̣, д̣̇асасахассий сад̣̇звагам̣.
Amatena tappayī lokaṃ, dasasahassī sadevakaṃ.
3.
3.
‘‘д̇ассааби логанаат̇асса, ахзсум̣ абхисамаяаа д̇аяо;
‘‘Tassāpi lokanāthassa, ahesuṃ abhisamayā tayo;
годисад̇асахассаанам̣, батамаабхисамаяо аху.
Koṭisatasahassānaṃ, paṭhamābhisamayo ahu.
4.
4.
‘‘яад̣̇аа б̣уд̣̇д̇хо ад̇т̇ад̣̇ассий, жарад̇и д̣̇зважааригам̣;
‘‘Yadā buddho atthadassī, carati devacārikaṃ;
годисад̇асахассаанам̣, д̣̇уд̇ияаабхисамаяо аху.
Koṭisatasahassānaṃ, dutiyābhisamayo ahu.
5.
5.
‘‘бунаабарам̣ яад̣̇аа б̣уд̣̇д̇хо, д̣̇зсзси бид̇усанд̇игз;
‘‘Punāparaṃ yadā buddho, desesi pitusantike;
годисад̇асахассаанам̣, д̇ад̇ияаабхисамаяо ахуу’’д̇и.
Koṭisatasahassānaṃ, tatiyābhisamayo ahū’’ti.
д̇ад̇т̇а д̇ад̇т̇зваад̇и д̇асмин̃н̃зва габбзд̇и ад̇т̇о. зд̇т̇а бана варагаббо ‘‘ман̣д̣агаббо’’д̇и ад̇хиббзд̇о. ‘‘яасмим̣ габбз д̇аяо б̣уд̣̇д̇хаа ниб̣б̣ад̇д̇анд̇и, со габбо варагаббо’’д̇и хздтаа бад̣̇умуд̇д̇араб̣уд̣̇д̇хавам̣саван̣н̣анааяам̣ вуд̇д̇о. д̇асмаа варагаббо ид̇ха ‘‘ман̣д̣агаббо’’д̇и вуд̇д̇о. ниханд̇ваанаад̇и ниханид̇ваа. аяамзва ваа баато. санд̇од̇и самаано. амад̇знаад̇и маг̇г̇апалаад̇хиг̇амаамад̇абаанзна. д̇аббаяийд̇и ад̇аббаяи, бийн̣зсийд̇и ад̇т̇о. д̣̇асасахассийд̇и д̣̇асасахассилогад̇хаад̇ум̣. д̣̇зважаариганд̇и д̣̇зваанам̣ винаяанад̇т̇ам̣ д̣̇звалогажаариганд̇и ад̇т̇о.
Tattha tatthevāti tasmiññeva kappeti attho. Ettha pana varakappo ‘‘maṇḍakappo’’ti adhippeto. ‘‘Yasmiṃ kappe tayo buddhā nibbattanti, so kappo varakappo’’ti heṭṭhā padumuttarabuddhavaṃsavaṇṇanāyaṃ vutto. Tasmā varakappo idha ‘‘maṇḍakappo’’ti vutto. Nihantvānāti nihanitvā. Ayameva vā pāṭho. Santoti samāno. Amatenāti maggaphalādhigamāmatapānena. Tappayīti atappayi, pīṇesīti attho. Dasasahassīti dasasahassilokadhātuṃ. Devacārikanti devānaṃ vinayanatthaṃ devalokacārikanti attho.
сужанд̣̇аганаг̇арз гира санд̇о жа рааж̇абуд̇д̇о убасанд̇о жа бурохид̇абуд̇д̇о д̇ийсу взд̣̇зсу саб̣б̣асамаяанд̇арзсу жа саарамад̣̇исваа наг̇арасса жад̇уусу д̣̇ваарзсу жад̇д̇ааро бан̣д̣ид̇з висаарад̣̇з жа мануссз табзсум̣ – ‘‘яам̣ бана д̇умхз бан̣д̣ид̇ам̣ саман̣ам̣ ваа б̣раахман̣ам̣ ваа бассат̇а сун̣аат̇а ваа, д̇ам̣ амхаагам̣ ааг̇анд̇ваа аарожзт̇аа’’д̇и. д̇зна жа самаязна ад̇т̇ад̣̇ассий логанаат̇о сужанд̣̇аганаг̇арам̣ самбаабун̣и. ат̇а д̇зхи нивзд̣̇ид̇аа бурисаа г̇анд̇ваа д̇зсам̣ д̣̇асаб̣аласса д̇ад̇т̇ааг̇аманам̣ бадивзд̣̇зсум̣. д̇ад̇о д̇з санд̇обасанд̇аа д̇ат̇ааг̇ад̇ааг̇аманам̣ суд̇ваа бахадтамаанасаа сахассабариваараа д̣̇асаб̣алам̣ асамам̣ бажжуг̇г̇анд̇ваа абхиваад̣̇зд̇ваа ниманд̇зд̇ваа сад̇д̇аахам̣ б̣уд̣̇д̇хаббамукасса сан̇гхасса асад̣̇исам̣ махаад̣̇аанам̣ д̣̇ад̇ваа сад̇д̇амз д̣̇ивасз сагаланаг̇араваасийхи мануссзхи сад̣̇д̇хим̣ д̇хаммагат̇ам̣ сун̣им̣су. д̇асмим̣ гира д̣̇ивасз адтанавуд̇исахассаани зхибхигкубаб̣б̣аж̇ж̇ааяа баб̣б̣аж̇ид̇ваа арахад̇д̇ам̣ баабун̣им̣су. д̇ааяа барисааяа маж̇жхз бхаг̇аваа баад̇имогкам̣ уд̣̇д̣̇иси, со батамо саннибаад̇о ахоси.
Sucandakanagare kira santo ca rājaputto upasanto ca purohitaputto tīsu vedesu sabbasamayantaresu ca sāramadisvā nagarassa catūsu dvāresu cattāro paṇḍite visārade ca manusse ṭhapesuṃ – ‘‘yaṃ pana tumhe paṇḍitaṃ samaṇaṃ vā brāhmaṇaṃ vā passatha suṇātha vā, taṃ amhākaṃ āgantvā ārocethā’’ti. Tena ca samayena atthadassī lokanātho sucandakanagaraṃ sampāpuṇi. Atha tehi niveditā purisā gantvā tesaṃ dasabalassa tatthāgamanaṃ paṭivedesuṃ. Tato te santopasantā tathāgatāgamanaṃ sutvā pahaṭṭhamānasā sahassaparivārā dasabalaṃ asamaṃ paccuggantvā abhivādetvā nimantetvā sattāhaṃ buddhappamukhassa saṅghassa asadisaṃ mahādānaṃ datvā sattame divase sakalanagaravāsīhi manussehi saddhiṃ dhammakathaṃ suṇiṃsu. Tasmiṃ kira divase aṭṭhanavutisahassāni ehibhikkhupabbajjāya pabbajitvā arahattaṃ pāpuṇiṃsu. Tāya parisāya majjhe bhagavā pātimokkhaṃ uddisi, so paṭhamo sannipāto ahosi.
яад̣̇аа бана бхаг̇аваа ад̇д̇ано буд̇д̇асса сзлад̇т̇зрасса д̇хаммам̣ д̣̇зсзнд̇о адтаасийд̇исахассаани басаад̣̇зд̇ваа зхибхигкубхаавзна баб̣б̣ааж̇зд̇ваа арахад̇д̇ам̣ баабзд̇ваа баад̇имогкам̣ уд̣̇д̣̇иси, со д̣̇уд̇ияо саннибаад̇о ахоси. буна махааман̇г̇аласамааг̇амз маагхабун̣н̣амааяам̣ д̣̇звамануссаанам̣ д̇хаммам̣ д̣̇зсзнд̇о адтасад̇д̇ад̇исахассаани арахад̇д̇ам̣ баабзд̇ваа баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Yadā pana bhagavā attano puttassa selattherassa dhammaṃ desento aṭṭhāsītisahassāni pasādetvā ehibhikkhubhāvena pabbājetvā arahattaṃ pāpetvā pātimokkhaṃ uddisi, so dutiyo sannipāto ahosi. Puna mahāmaṅgalasamāgame māghapuṇṇamāyaṃ devamanussānaṃ dhammaṃ desento aṭṭhasattatisahassāni arahattaṃ pāpetvā pātimokkhaṃ uddisi, so tatiyo sannipāto ahosi. Tena vuttaṃ –
6.
6.
‘‘саннибаад̇аа д̇аяо аасум̣, д̇ассааби жа махзсино;
‘‘Sannipātā tayo āsuṃ, tassāpi ca mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
7.
7.
‘‘адтанавуд̇исахассаанам̣, батамо ааси самааг̇амо;
‘‘Aṭṭhanavutisahassānaṃ, paṭhamo āsi samāgamo;
адтаасийд̇исахассаанам̣, д̣̇уд̇ияо ааси самааг̇амо.
Aṭṭhāsītisahassānaṃ, dutiyo āsi samāgamo.
8.
8.
‘‘адтасад̇д̇ад̇исахассаанам̣, д̇ад̇ияо ааси самааг̇амо;
‘‘Aṭṭhasattatisahassānaṃ, tatiyo āsi samāgamo;
анубаад̣̇аа вимуд̇д̇аанам̣, вималаанам̣ махзсина’’нд̇и.
Anupādā vimuttānaṃ, vimalānaṃ mahesina’’nti.
д̇ад̣̇аа гира амхаагам̣ б̣од̇хисад̇д̇о жамбаганаг̇арз сусиймо наама б̣раахман̣амахаасаало логасаммад̇о ахоси. со саб̣б̣авибхаваж̇аад̇ам̣ д̣̇ийнаанаат̇агабан̣ад̣̇д̇хигаад̣̇ийнам̣ виссаж̇ж̇зд̇ваа химаванд̇асамийбам̣ г̇анд̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа адта самаабад̇д̇ияо бан̃жа абхин̃н̃ааяо жа ниб̣б̣ад̇д̇зд̇ваа махид̣̇д̇хиго махаанубхааво худ̇ваа махааж̇анасса гусалаагусалаанам̣ д̇хаммаанам̣ анаваж̇ж̇асааваж̇ж̇абхааван̃жа д̣̇ассзд̇ваа б̣уд̣̇д̇хуббаад̣̇ам̣ ааг̇амаяамаано адтааси.
Tadā kira amhākaṃ bodhisatto campakanagare susīmo nāma brāhmaṇamahāsālo lokasammato ahosi. So sabbavibhavajātaṃ dīnānāthakapaṇaddhikādīnaṃ vissajjetvā himavantasamīpaṃ gantvā tāpasapabbajjaṃ pabbajitvā aṭṭha samāpattiyo pañca abhiññāyo ca nibbattetvā mahiddhiko mahānubhāvo hutvā mahājanassa kusalākusalānaṃ dhammānaṃ anavajjasāvajjabhāvañca dassetvā buddhuppādaṃ āgamayamāno aṭṭhāsi.
ат̇аабарзна самаязна ад̇т̇ад̣̇ассимхи логанааяагз логз уббаж̇ж̇ид̇ваа суд̣̇ассанамахаанаг̇арз адтаннам̣ барисаанам̣ маж̇жхз д̇хаммаамад̇авассам̣ вассзнд̇з д̇асса д̇хаммам̣ суд̇ваа саг̇г̇алогам̣ г̇анд̇ваа д̣̇иб̣б̣аани манд̣̇ааравабад̣̇умабаарижчад̇д̇агаад̣̇ийни бубпаани д̣̇звалогад̇о аахарид̇ваа ад̇д̇ано аанубхаавам̣ д̣̇ассзнд̇о д̣̇иссамаанасарийро жад̇уусу д̣̇исаасу жад̇уд̣̇д̣̇ийбигамахаамзгхо вияа бубпавассам̣ вассзд̇ваа саманд̇ад̇о бубпаман̣д̣абам̣ бубпамаяаг̇гхид̇оран̣ахзмаж̇аалаад̣̇ийни бубпамаяаани гад̇ваа манд̣̇ааравабубпажчад̇д̇зна д̣̇асаб̣алам̣ бууж̇зси. соби нам̣ бхаг̇аваа – ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Athāparena samayena atthadassimhi lokanāyake loke uppajjitvā sudassanamahānagare aṭṭhannaṃ parisānaṃ majjhe dhammāmatavassaṃ vassente tassa dhammaṃ sutvā saggalokaṃ gantvā dibbāni mandāravapadumapāricchattakādīni pupphāni devalokato āharitvā attano ānubhāvaṃ dassento dissamānasarīro catūsu disāsu catuddīpikamahāmegho viya pupphavassaṃ vassetvā samantato pupphamaṇḍapaṃ pupphamayagghitoraṇahemajālādīni pupphamayāni katvā mandāravapupphacchattena dasabalaṃ pūjesi. Sopi naṃ bhagavā – ‘‘anāgate gotamo nāma buddho bhavissatī’’ti byākāsi. Tena vuttaṃ –
9.
9.
‘‘ахам̣ д̇зна самаязна, ж̇адило уг̇г̇ад̇аабано;
‘‘Ahaṃ tena samayena, jaṭilo uggatāpano;
сусиймо наама наамзна, махияаа сздтасаммад̇о.
Susīmo nāma nāmena, mahiyā seṭṭhasammato.
10.
10.
‘‘д̣̇иб̣б̣ам̣ манд̣̇ааравам̣ бубпам̣, бад̣̇умам̣ баарижчад̇д̇агам̣;
‘‘Dibbaṃ mandāravaṃ pupphaṃ, padumaṃ pāricchattakaṃ;
д̣̇звалогаа харид̇ваана, самб̣уд̣̇д̇хамабхибууж̇аяим̣.
Devalokā haritvāna, sambuddhamabhipūjayiṃ.
11.
11.
‘‘соби мам̣ б̣уд̣̇д̇хо б̣яаагааси, ад̇т̇ад̣̇ассий махаамуни;
‘‘Sopi maṃ buddho byākāsi, atthadassī mahāmuni;
адтаарасз габбасад̇з, аяам̣ б̣уд̣̇д̇хо бхависсад̇и.
Aṭṭhārase kappasate, ayaṃ buddho bhavissati.
12.
12.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
13.
13.
‘‘д̇ассааби важанам̣ суд̇ваа, хадто сам̣виг̇г̇амаанасо;
‘‘Tassāpi vacanaṃ sutvā, haṭṭho saṃviggamānaso;
уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇и.
Uttariṃ vatamadhiṭṭhāsiṃ, dasapāramipūriyā’’ti.
д̇ад̇т̇а ж̇адилод̇и ж̇адаа асса ад̇т̇ийд̇и ж̇адило. махияаа сздтасаммад̇од̇и сагалзнаби логзна сздто уд̇д̇амо баварод̇и звам̣ саммад̇о самбхаавид̇од̇и ад̇т̇о.
Tattha jaṭiloti jaṭā assa atthīti jaṭilo. Mahiyā seṭṭhasammatoti sakalenapi lokena seṭṭho uttamo pavaroti evaṃ sammato sambhāvitoti attho.
д̇асса бана бхаг̇авад̇о собханам̣ наама наг̇арам̣ ахоси. сааг̇аро наама рааж̇аа бид̇аа, суд̣̇ассанаа наама маад̇аа, санд̇о убасанд̇о жа д̣̇вз аг̇г̇асаавагаа, абхаяо наамубадтааго, д̇хаммаа жа суд̇хаммаа жа д̣̇вз аг̇г̇асаавигаа, жамбагаругко б̣од̇хи, сарийрам̣ асийд̇ихад̇т̇уб̣б̣зд̇хам̣ ахоси. сарийраббабхаа саманд̇ад̇о саб̣б̣агаалам̣ яож̇анамад̇д̇ам̣ парид̇ваа адтааси, ааяу вассасад̇асахассам̣, висаакаа наамасса аг̇г̇амахзсий, сзло наама буд̇д̇о, ассаяаанзна нигками. д̇зна вуд̇д̇ам̣ –
Tassa pana bhagavato sobhanaṃ nāma nagaraṃ ahosi. Sāgaro nāma rājā pitā, sudassanā nāma mātā, santo upasanto ca dve aggasāvakā, abhayo nāmupaṭṭhāko, dhammā ca sudhammā ca dve aggasāvikā, campakarukkho bodhi, sarīraṃ asītihatthubbedhaṃ ahosi. Sarīrappabhā samantato sabbakālaṃ yojanamattaṃ pharitvā aṭṭhāsi, āyu vassasatasahassaṃ, visākhā nāmassa aggamahesī, selo nāma putto, assayānena nikkhami. Tena vuttaṃ –
14.
14.
‘‘собханам̣ наама наг̇арам̣, сааг̇аро наама кад̇д̇ияо;
‘‘Sobhanaṃ nāma nagaraṃ, sāgaro nāma khattiyo;
суд̣̇ассанаа наама ж̇анигаа, ад̇т̇ад̣̇ассисса сад̇т̇уно.
Sudassanā nāma janikā, atthadassissa satthuno.
19.
19.
‘‘санд̇о жа убасанд̇о жа, ахзсум̣ аг̇г̇асаавагаа;
‘‘Santo ca upasanto ca, ahesuṃ aggasāvakā;
абхаяо наамубадтааго, ад̇т̇ад̣̇ассисса сад̇т̇уно.
Abhayo nāmupaṭṭhāko, atthadassissa satthuno.
20.
20.
‘‘д̇хаммаа жзва суд̇хаммаа жа, ахзсум̣ аг̇г̇асаавигаа;
‘‘Dhammā ceva sudhammā ca, ahesuṃ aggasāvikā;
б̣од̇хи д̇асса бхаг̇авад̇о, жамбагод̇и бавужжад̇и.
Bodhi tassa bhagavato, campakoti pavuccati.
22.
22.
‘‘соби б̣уд̣̇д̇хо асамасамо, асийд̇ихад̇т̇амуг̇г̇ад̇о;
‘‘Sopi buddho asamasamo, asītihatthamuggato;
собхад̇з сааларааж̇аава, ул̣урааж̇аава буурид̇о.
Sobhate sālarājāva, uḷurājāva pūrito.
23.
23.
‘‘д̇асса баагад̇игаа рам̣сий, анзгасад̇агодияо;
‘‘Tassa pākatikā raṃsī, anekasatakoṭiyo;
уд̣̇д̇хам̣ ад̇хо д̣̇аса д̣̇исаа, паранд̇и яож̇анам̣ сад̣̇аа.
Uddhaṃ adho dasa disā, pharanti yojanaṃ sadā.
24.
24.
‘‘соби б̣уд̣̇д̇хо нараасабхо, саб̣б̣асад̇д̇уд̇д̇амо муни;
‘‘Sopi buddho narāsabho, sabbasattuttamo muni;
вассасад̇асахассаани, логз адтааси жагкумаа.
Vassasatasahassāni, loke aṭṭhāsi cakkhumā.
25.
25.
‘‘ад̇улам̣ д̣̇ассзд̇ваа обхаасам̣, вирожзд̇ваа сад̣̇звагз;
‘‘Atulaṃ dassetvā obhāsaṃ, virocetvā sadevake;
соби анижжад̇ам̣ бад̇д̇о, яат̇аг̇г̇убаад̣̇аанасан̇каяаа’’д̇и.
Sopi aniccataṃ patto, yathaggupādānasaṅkhayā’’ti.
д̇ад̇т̇а ул̣урааж̇аава буурид̇од̇и сарад̣̇асамаяабарибун̣н̣авималасагаламан̣д̣ало д̇аарагарааж̇аа вияаад̇и ад̇т̇о. баагад̇игаад̇и багад̇ивасзна уббаж̇ж̇амаанаа, на ад̇хидтаанавасзна. яад̣̇аа ижчад̇и бхаг̇аваа, д̇ад̣̇аа анзгагодисад̇асахассзби жаггаваал̣з аабхааяа парзяяа. рам̣сийд̇и расмияо. убаад̣̇аанасан̇каяаад̇и убаад̣̇аанагкаяаа инд̇ханагкаяаа аг̇г̇и вияа. соби бхаг̇аваа жад̇уннам̣ убаад̣̇аанаанам̣ каязна анубаад̣̇исзсааяа ниб̣б̣аанад̇хаад̇уяаа анубаманаг̇арз аномаараамз бариниб̣б̣ааяи. д̇хаад̇уяо банасса ад̇хидтаанзна вигирим̣су. сзсамзд̇т̇а г̇аат̇аасу уд̇д̇аанамзваад̇и.
Tattha uḷurājāva pūritoti saradasamayaparipuṇṇavimalasakalamaṇḍalo tārakarājā viyāti attho. Pākatikāti pakativasena uppajjamānā, na adhiṭṭhānavasena. Yadā icchati bhagavā, tadā anekakoṭisatasahassepi cakkavāḷe ābhāya phareyya. Raṃsīti rasmiyo. Upādānasaṅkhayāti upādānakkhayā indhanakkhayā aggi viya. Sopi bhagavā catunnaṃ upādānānaṃ khayena anupādisesāya nibbānadhātuyā anupamanagare anomārāme parinibbāyi. Dhātuyo panassa adhiṭṭhānena vikiriṃsu. Sesamettha gāthāsu uttānamevāti.
ад̇т̇ад̣̇ассийб̣уд̣̇д̇хавам̣саван̣н̣анаа нидтид̇аа.
Atthadassībuddhavaṃsavaṇṇanā niṭṭhitā.
нидтид̇о жуд̣̇д̣̇асамо б̣уд̣̇д̇хавам̣со.
Niṭṭhito cuddasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 16. ад̇т̇ад̣̇ассийб̣уд̣̇д̇хавам̣со • 16. Atthadassībuddhavaṃso
