Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi

адтаг̇аруд̇хаммаа

Aṭṭhagarudhammā

403. ‘‘сажз, аананд̣̇а, махаабаж̇аабад̇ий г̇од̇амий адта г̇аруд̇хаммз бадиг̇г̇ан̣хаад̇и, саавассаа. ход̇у убасамбад̣̇аа.

403. ‘‘Sace, ānanda, mahāpajāpatī gotamī aṭṭha garudhamme paṭiggaṇhāti, sāvassā. Hotu upasampadā.

¹ ‘‘вассасад̇уубасамбаннааяа бхигкунияаа д̇ад̣̇ахубасамбаннасса бхигкуно абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаад̇аб̣б̣ам̣. аяамби д̇хаммо саггад̇ваа г̇аругад̇ваа ² маанзд̇ваа бууж̇зд̇ваа яааваж̇ийвам̣ анад̇иггаманийяо.

³ ‘‘Vassasatūpasampannāya bhikkhuniyā tadahupasampannassa bhikkhuno abhivādanaṃ paccuṭṭhānaṃ añjalikammaṃ sāmīcikammaṃ kātabbaṃ. Ayampi dhammo sakkatvā garukatvā ⁴ mānetvā pūjetvā yāvajīvaṃ anatikkamanīyo.

‘‘на бхигкунияаа абхигкугз ааваасз вассам̣ васид̇аб̣б̣ам̣. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Na bhikkhuniyā abhikkhuke āvāse vassaṃ vasitabbaṃ. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘анвад̣̇д̇хамаасам̣ бхигкунияаа бхигкусан̇гхад̇о д̣̇вз д̇хаммаа бажжаасийсид̇аб̣б̣аа – убосат̇абужчаган̃жа, оваад̣̇уубасан̇гаманан̃жа. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Anvaddhamāsaṃ bhikkhuniyā bhikkhusaṅghato dve dhammā paccāsīsitabbā – uposathapucchakañca, ovādūpasaṅkamanañca. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘вассам̣вудтааяа бхигкунияаа убхад̇осан̇гхз д̇ийхи таанзхи баваарзд̇аб̣б̣ам̣ – д̣̇идтзна ваа, суд̇зна ваа, барисан̇гааяа ваа. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Vassaṃvuṭṭhāya bhikkhuniyā ubhatosaṅghe tīhi ṭhānehi pavāretabbaṃ – diṭṭhena vā, sutena vā, parisaṅkāya vā. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘г̇аруд̇хаммам̣ аж̇жхаабаннааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣ам̣. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Garudhammaṃ ajjhāpannāya bhikkhuniyā ubhatosaṅghe pakkhamānattaṃ caritabbaṃ. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘д̣̇вз вассаани часу д̇хаммзсу сигкид̇асигкааяа сигкамаанааяа убхад̇осан̇гхз убасамбад̣̇аа бариязсид̇аб̣б̣аа. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘на бхигкунияаа гзнажи барияааязна бхигку аггосид̇аб̣б̣о барибхаасид̇аб̣б̣о. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Na bhikkhuniyā kenaci pariyāyena bhikkhu akkositabbo paribhāsitabbo. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘аж̇ж̇ад̇аг̇г̇з овадо бхигкунийнам̣ бхигкуусу важанабат̇о, ановадо бхигкуунам̣ бхигкунийсу важанабат̇о. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Ajjatagge ovaṭo bhikkhunīnaṃ bhikkhūsu vacanapatho, anovaṭo bhikkhūnaṃ bhikkhunīsu vacanapatho. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘сажз, аананд̣̇а, махаабаж̇аабад̇и г̇од̇амий имз адта г̇аруд̇хаммз бадиг̇г̇ан̣хаад̇и, саавассаа ход̇у убасамбад̣̇аа’’д̇и.

‘‘Sace, ānanda, mahāpajāpati gotamī ime aṭṭha garudhamme paṭiggaṇhāti, sāvassā hotu upasampadā’’ti.

ат̇а ко ааяасмаа аананд̣̇о бхаг̇авад̇о санд̇игз адта г̇аруд̇хаммз уг̇г̇ахзд̇ваа язна махаабаж̇аабад̇и г̇од̇амий д̇знубасан̇гами, убасан̇гамид̇ваа махаабаж̇аабад̇им̣ г̇од̇амим̣ зд̇ад̣̇авожа – ‘‘сажз ко д̇вам̣, г̇од̇ами, адта г̇аруд̇хаммз бадиг̇г̇ан̣хзяяааси, саава д̇з бхависсад̇и убасамбад̣̇аа.

Atha kho āyasmā ānando bhagavato santike aṭṭha garudhamme uggahetvā yena mahāpajāpati gotamī tenupasaṅkami, upasaṅkamitvā mahāpajāpatiṃ gotamiṃ etadavoca – ‘‘sace kho tvaṃ, gotami, aṭṭha garudhamme paṭiggaṇheyyāsi, sāva te bhavissati upasampadā.

‘‘вассасад̇уубасамбаннааяа бхигкунияаа д̇ад̣̇ахубасамбаннасса бхигкуно абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаад̇аб̣б̣ам̣. аяамби д̇хаммо саггад̇ваа г̇аругад̇ваа маанзд̇ваа бууж̇зд̇ваа яааваж̇ийвам̣ анад̇иггаманийяо.

‘‘Vassasatūpasampannāya bhikkhuniyā tadahupasampannassa bhikkhuno abhivādanaṃ paccuṭṭhānaṃ añjalikammaṃ sāmīcikammaṃ kātabbaṃ. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘Na bhikkhuniyā abhikkhuke āvāse vassaṃ vasitabbaṃ. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘Garudhammaṃ ajjhāpannāya bhikkhuniyā ubhatosaṅghe pakkhamānattaṃ caritabbaṃ. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘Dve vassāni chasu dhammesu sikkhitasikkhāya sikkhamānāya ubhatosaṅghe upasampadā pariyesitabbā. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘Na bhikkhuniyā kenaci pariyāyena bhikkhu akkositabbo paribhāsitabbo. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘Ajjatagge ovaṭo bhikkhunīnaṃ bhikkhūsu vacanapatho, anovaṭo bhikkhūnaṃ bhikkhunīsu vacanapatho. Ayampi dhammo sakkatvā garukatvā mānetvā pūjetvā yāvajīvaṃ anatikkamanīyo.

‘‘сажз ко д̇вам̣, г̇од̇ами, имз адта г̇аруд̇хаммз бадиг̇г̇ан̣хзяяааси, саава д̇з бхависсад̇и убасамбад̣̇аа’’д̇и.

‘‘Sace kho tvaṃ, gotami, ime aṭṭha garudhamme paṭiggaṇheyyāsi, sāva te bhavissati upasampadā’’ti.

‘‘сзяяат̇ааби, бханд̇з аананд̣̇а, ид̇т̇ий ваа бурисо ваа д̣̇ахаро, яуваа, ман̣д̣анагаж̇аад̇иго сийсам̣нахаад̇о уббаламаалам̣ ваа вассигамаалам̣ ваа ад̇имуд̇д̇агамаалам̣ ⁵ ваа лабхид̇ваа убхохи хад̇т̇зхи бадиг̇г̇ахзд̇ваа уд̇д̇аман̇г̇з сирасмим̣ бад̇идтаабзяяа; звамзва ко ахам̣, бханд̇з, аананд̣̇а имз адта г̇аруд̇хаммз бадиг̇г̇ан̣хаами яааваж̇ийвам̣ анад̇иггаманийяз’’д̇и.

‘‘Seyyathāpi, bhante ānanda, itthī vā puriso vā daharo, yuvā, maṇḍanakajātiko sīsaṃnahāto uppalamālaṃ vā vassikamālaṃ vā atimuttakamālaṃ ⁶ vā labhitvā ubhohi hatthehi paṭiggahetvā uttamaṅge sirasmiṃ patiṭṭhāpeyya; evameva kho ahaṃ, bhante, ānanda ime aṭṭha garudhamme paṭiggaṇhāmi yāvajīvaṃ anatikkamanīye’’ti.

ат̇а ко ааяасмаа аананд̣̇о язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘бадиг̇г̇ахид̇аа, бханд̇з, махаабаж̇аабад̇ияаа г̇од̇амияаа адта г̇аруд̇хаммаа, убасамбаннаа бхаг̇авад̇о маад̇ужчаа’’д̇и.

Atha kho āyasmā ānando yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘paṭiggahitā, bhante, mahāpajāpatiyā gotamiyā aṭṭha garudhammā, upasampannā bhagavato mātucchā’’ti.

‘‘сажз, аананд̣̇а, наалабхисса маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ж̇ам̣, жирадтид̇игам̣, аананд̣̇а, б̣рахмажарияам̣ абхависса, вассасахассам̣ сад̣̇д̇хаммо д̇идтзяяа. яад̇о жа ко, аананд̣̇а, маад̇уг̇аамо д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇о, на д̣̇аани, аананд̣̇а, б̣рахмажарияам̣ жирадтид̇игам̣ бхависсад̇и. бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇и.

‘‘Sace, ānanda, nālabhissa mātugāmo tathāgatappavedite dhammavinaye agārasmā anagāriyaṃ pabbajjaṃ, ciraṭṭhitikaṃ, ānanda, brahmacariyaṃ abhavissa, vassasahassaṃ saddhammo tiṭṭheyya. Yato ca kho, ānanda, mātugāmo tathāgatappavedite dhammavinaye agārasmā anagāriyaṃ pabbajito, na dāni, ānanda, brahmacariyaṃ ciraṭṭhitikaṃ bhavissati. Pañceva dāni, ānanda, vassasatāni saddhammo ṭhassati.

‘‘сзяяат̇ааби, аананд̣̇а, яаани гаанижи гулаани б̣ахуд̇т̇игаани ⁷ аббабурисагаани, д̇аани суббад̇хам̣сияаани хонд̇и жорзхи гумбхат̇знагзхи; звамзва ко, аананд̣̇а, яасмим̣ д̇хаммавинаяз лабхад̇и маад̇уг̇аамо аг̇аарасмаа анаг̇аарияам̣ баб̣б̣аж̇ж̇ам̣, на д̇ам̣ б̣рахмажарияам̣ жирадтид̇игам̣ ход̇и.

‘‘Seyyathāpi, ānanda, yāni kānici kulāni bahutthikāni ⁸ appapurisakāni, tāni suppadhaṃsiyāni honti corehi kumbhathenakehi; evameva kho, ānanda, yasmiṃ dhammavinaye labhati mātugāmo agārasmā anagāriyaṃ pabbajjaṃ, na taṃ brahmacariyaṃ ciraṭṭhitikaṃ hoti.

‘‘сзяяат̇ааби , аананд̣̇а, самбаннз саалигкзд̇д̇з сзд̇аддигаа наама рог̇аж̇аад̇и нибад̇ад̇и, звам̣ д̇ам̣ саалигкзд̇д̇ам̣ на жирадтид̇игам̣ ход̇и; звамзва ко, аананд̣̇а, яасмим̣ д̇хаммавинаяз лабхад̇и маад̇уг̇аамо аг̇аарасмаа анаг̇аарияам̣ баб̣б̣аж̇ж̇ам̣, на д̇ам̣ б̣рахмажарияам̣ жирадтид̇игам̣ ход̇и.

‘‘Seyyathāpi , ānanda, sampanne sālikkhette setaṭṭikā nāma rogajāti nipatati, evaṃ taṃ sālikkhettaṃ na ciraṭṭhitikaṃ hoti; evameva kho, ānanda, yasmiṃ dhammavinaye labhati mātugāmo agārasmā anagāriyaṃ pabbajjaṃ, na taṃ brahmacariyaṃ ciraṭṭhitikaṃ hoti.

‘‘сзяяат̇ааби, аананд̣̇а, самбаннз ужчугкзд̇д̇з ман̃ж̇идтигаа ⁹ наама рог̇аж̇аад̇и нибад̇ад̇и, звам̣ д̇ам̣ ужчугкзд̇д̇ам̣ на жирадтид̇игам̣ ход̇и; звамзва ко, аананд̣̇а, яасмим̣ д̇хаммавинаяз лабхад̇и маад̇уг̇аамо аг̇аарасмаа анаг̇аарияам̣ баб̣б̣аж̇ж̇ам̣, на д̇ам̣ б̣рахмажарияам̣ жирадтид̇игам̣ ход̇и.

‘‘Seyyathāpi, ānanda, sampanne ucchukkhette mañjiṭṭhikā ¹⁰ nāma rogajāti nipatati, evaṃ taṃ ucchukkhettaṃ na ciraṭṭhitikaṃ hoti; evameva kho, ānanda, yasmiṃ dhammavinaye labhati mātugāmo agārasmā anagāriyaṃ pabbajjaṃ, na taṃ brahmacariyaṃ ciraṭṭhitikaṃ hoti.

‘‘сзяяат̇ааби, аананд̣̇а, бурисо махад̇о д̇ал̣аагасса бадигажжзва аал̣им̣ б̣анд̇хзяяа яаавад̣̇зва уд̣̇агасса анад̇иггаманааяа; звамзва ко, аананд̣̇а, маяаа бадигажжзва бхигкунийнам̣ адта г̇аруд̇хаммаа бан̃н̃ад̇д̇аа яааваж̇ийвам̣ анад̇иггаманийяаа’’д̇и.

‘‘Seyyathāpi, ānanda, puriso mahato taḷākassa paṭikacceva āḷiṃ bandheyya yāvadeva udakassa anatikkamanāya; evameva kho, ānanda, mayā paṭikacceva bhikkhunīnaṃ aṭṭha garudhammā paññattā yāvajīvaṃ anatikkamanīyā’’ti.

бхигкунийнам̣ адта г̇аруд̇хаммаа нидтид̇аа.

Bhikkhunīnaṃ aṭṭha garudhammā niṭṭhitā.

Next: бхигкунийубасамбад̣̇аануж̇аананам̣ • Bhikkhunīupasampadānujānanaṃ

Footnotes:

1. баажи. 149

2. г̇арум̣гад̇ваа (га.)

3. pāci. 149

4. garuṃkatvā (ka.)

5. ад̇химад̇д̇агамаалам̣ (сяаа.)

6. adhimattakamālaṃ (syā.)

7. б̣ахуид̇т̇игаани (сий. сяаа.)

8. bahuitthikāni (sī. syā.)

9. ман̃ж̇здтигаа (сий. сяаа.)

10. mañjeṭṭhikā (sī. syā.)

Related texts:

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / махаабаж̇аабад̇иг̇од̇амийвад̇т̇угат̇аа • Mahāpajāpatigotamīvatthukathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / адтаг̇аруд̇хаммагат̇ааван̣н̣анаа • Aṭṭhagarudhammakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / махаабаж̇аабад̇иг̇од̇амийвад̇т̇угат̇ааван̣н̣анаа • Mahāpajāpatigotamīvatthukathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / махаабаж̇аабад̇иг̇од̇амийвад̇т̇угат̇ааван̣н̣анаа • Mahāpajāpatigotamīvatthukathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / махаабаж̇аабад̇иг̇од̇амийвад̇т̇угат̇аа • Mahāpajāpatigotamīvatthukathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact