| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. адтаганааг̇арасуд̇д̇аван̣н̣анаа
2. Aṭṭhakanāgarasuttavaṇṇanā
17. звам̣ мз суд̇анд̇и адтаганааг̇арасуд̇д̇ам̣. д̇ад̇т̇а б̣злуваг̇аамагзд̇и взсаалияаа д̣̇агкин̣абассз авид̣̇уурз б̣злуваг̇аамаго наама ад̇т̇и, д̇ам̣ г̇ожараг̇аамам̣ гад̇ваад̇и ад̇т̇о. д̣̇асамод̇и со хи ж̇аад̇иг̇од̇д̇авасзна жзва саараббад̇д̇агулаг̇ан̣анааяа жа д̣̇асамз таанз г̇ан̣ийяад̇и, д̇знасса д̣̇асамод̇взва наамам̣ ж̇аад̇ам̣. адтаганааг̇арод̇и адтаганаг̇араваасий. гуггудаараамод̇и гуггудасздтинаа гаарид̇о аараамо.
17.Evaṃme sutanti aṭṭhakanāgarasuttaṃ. Tattha beluvagāmaketi vesāliyā dakkhiṇapasse avidūre beluvagāmako nāma atthi, taṃ gocaragāmaṃ katvāti attho. Dasamoti so hi jātigottavasena ceva sārappattakulagaṇanāya ca dasame ṭhāne gaṇīyati, tenassa dasamotveva nāmaṃ jātaṃ. Aṭṭhakanāgaroti aṭṭhakanagaravāsī. Kukkuṭārāmoti kukkuṭaseṭṭhinā kārito ārāmo.
18. д̇зна бхаг̇авад̇аа…бз… агкаад̇од̇и зд̇т̇а аяам̣ сан̇кзбад̇т̇о, яо со бхаг̇аваа самад̇им̣са баарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, д̇зна бхаг̇авад̇аа, д̇зсам̣ д̇зсам̣ сад̇д̇аанам̣ аасаяаанусаяам̣ ж̇аанад̇аа, хад̇т̇ад̇алз табид̇ааамалагам̣ вияа саб̣б̣ам̣ н̃зяяад̇хаммам̣ бассад̇аа. абижа буб̣б̣зниваасаад̣̇ийхи ж̇аанад̇аа, д̣̇иб̣б̣зна жагкунаа бассад̇аа, д̇ийхи виж̇ж̇аахи чахи ваа бана абхин̃н̃аахи ж̇аанад̇аа, саб̣б̣ад̇т̇а аббадихад̇зна саманд̇ажагкунаа бассад̇аа, саб̣б̣ад̇хаммаж̇аананасамад̇т̇ааяа бан̃н̃ааяа ж̇аанад̇аа, саб̣б̣асад̇д̇аанам̣ жагкувисаяаад̇ийд̇аани д̇ирогуддаад̣̇иг̇ад̇ааниби руубаани ад̇ивисуд̣̇д̇хзна мам̣сажагкунаа бассад̇аа, ад̇д̇ахид̇асаад̇хигааяа самаад̇хибад̣̇адтаанааяа бадивзд̇хабан̃н̃ааяа ж̇аанад̇аа, барахид̇асаад̇хигааяа гарун̣аабад̣̇адтаанааяа д̣̇зсанаабан̃н̃ааяа бассад̇аа, арийнам̣ хад̇ад̇д̇аа бажжаяаад̣̇ийнан̃жа арахад̇д̇аа арахад̇аа, саммаа сааман̃жа сажжаанам̣ б̣уд̣̇д̇хад̇д̇аа саммаасамб̣уд̣̇д̇хзна. анд̇арааяигад̇хаммз ваа ж̇аанад̇аа, нияяаанигад̇хаммз бассад̇аа, гилзсаарийнам̣ хад̇ад̇д̇аа арахад̇аа, саамам̣ саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хзнаад̇и звам̣ жад̇увзсаараж̇ж̇авасзна жад̇уухи гааран̣зхи т̇омид̇зна. ад̇т̇и ну ко зго д̇хаммо агкаад̇од̇и.
18.Tena bhagavatā…pe… akkhātoti ettha ayaṃ saṅkhepattho, yo so bhagavā samatiṃsa pāramiyo pūretvā sabbakilese bhañjitvā anuttaraṃ sammāsambodhiṃ abhisambuddho, tena bhagavatā, tesaṃ tesaṃ sattānaṃ āsayānusayaṃ jānatā, hatthatale ṭhapitaāmalakaṃ viya sabbaṃ ñeyyadhammaṃ passatā. Apica pubbenivāsādīhi jānatā, dibbena cakkhunā passatā, tīhi vijjāhi chahi vā pana abhiññāhi jānatā, sabbattha appaṭihatena samantacakkhunā passatā, sabbadhammajānanasamatthāya paññāya jānatā, sabbasattānaṃ cakkhuvisayātītāni tirokuṭṭādigatānipi rūpāni ativisuddhena maṃsacakkhunā passatā, attahitasādhikāya samādhipadaṭṭhānāya paṭivedhapaññāya jānatā, parahitasādhikāya karuṇāpadaṭṭhānāya desanāpaññāya passatā, arīnaṃ hatattā paccayādīnañca arahattā arahatā, sammā sāmañca saccānaṃ buddhattā sammāsambuddhena. Antarāyikadhamme vā jānatā, niyyānikadhamme passatā, kilesārīnaṃ hatattā arahatā, sāmaṃ sabbadhammānaṃ buddhattā sammāsambuddhenāti evaṃ catuvesārajjavasena catūhi kāraṇehi thomitena. Atthi nu kho eko dhammo akkhātoti.
19. абхисан̇кад̇анд̇и гад̇ам̣ уббаад̣̇ид̇ам̣. абхисан̃жзд̇аяид̇анд̇и жзд̇аяид̇ам̣ багаббид̇ам̣. со д̇ад̇т̇а тид̇од̇и со д̇асмим̣ самат̇авибассанаад̇хаммз тид̇о. д̇хаммарааг̇зна д̇хаммананд̣̇ияаад̇и бад̣̇ад̣̇ваязхи самат̇авибассанаасу чанд̣̇арааг̇о вуд̇д̇о. самат̇авибассанаасу хи саб̣б̣зна саб̣б̣ам̣ чанд̣̇арааг̇ам̣ барияаад̣̇ияид̇ум̣ саггонд̇о арахаа ход̇и, асаггонд̇о анааг̇аамий ход̇и. со самат̇авибассанаасу чанд̣̇арааг̇асса аббахийнад̇д̇аа жад̇уд̇т̇аж̇жхаанажзд̇анааяа суд̣̇д̇хааваасз ниб̣б̣ад̇д̇ад̇и, аяам̣ аажарияаанам̣ самаанагат̇аа.
19.Abhisaṅkhatanti kataṃ uppāditaṃ. Abhisañcetayitanti cetayitaṃ pakappitaṃ. So tattha ṭhitoti so tasmiṃ samathavipassanādhamme ṭhito. Dhammarāgena dhammanandiyāti padadvayehi samathavipassanāsu chandarāgo vutto. Samathavipassanāsu hi sabbena sabbaṃ chandarāgaṃ pariyādiyituṃ sakkonto arahā hoti, asakkonto anāgāmī hoti. So samathavipassanāsu chandarāgassa appahīnattā catutthajjhānacetanāya suddhāvāse nibbattati, ayaṃ ācariyānaṃ samānakathā.
вид̇ан̣д̣аваад̣̇ий банааха ‘‘д̇знзва д̇хаммарааг̇знаад̇и важанад̇о агусалзна суд̣̇д̇хааваасз ниб̣б̣ад̇д̇ад̇ий’’д̇и со ‘‘суд̇д̇ам̣ аахараа’’д̇и вад̇д̇аб̣б̣о, ад̣̇д̇хаа ан̃н̃ам̣ абассанд̇о ид̣̇амзва аахариссад̇и, д̇ад̇о вад̇д̇аб̣б̣о ‘‘гим̣ банид̣̇ам̣ суд̇д̇ам̣ нзяяад̇т̇ам̣ нийд̇ад̇т̇а’’нд̇и, ад̣̇д̇хаа нийд̇ад̇т̇анд̇и вагкад̇и. д̇ад̇о вад̇д̇аб̣б̣о – звам̣ санд̇з анааг̇аамипалад̇т̇игзна самат̇авибассанаасу чанд̣̇арааг̇о гад̇д̇аб̣б̣о бхависсад̇и, чанд̣̇арааг̇з уббаад̣̇ид̇з анааг̇аамипалам̣ бадивид̣̇д̇хам̣ бхависсад̇и ‘‘маа суд̇д̇ам̣ мз лад̣̇д̇ха’’нд̇и яам̣ ваа д̇ам̣ ваа д̣̇ийбзхи. бан̃хам̣ гат̇знд̇зна хи аажарияасса санд̇игз уг̇г̇ахзд̇ваа ад̇т̇арасам̣ бадивиж̇жхид̇ваа гат̇зд̇ум̣ ваддад̇и, агусалзна хи саг̇г̇з, гусалзна ваа абааяз бадисанд̇хи наама над̇т̇и. вуд̇д̇ан̃хзд̇ам̣ бхаг̇авад̇аа –
Vitaṇḍavādī panāha ‘‘teneva dhammarāgenāti vacanato akusalena suddhāvāse nibbattatī’’ti so ‘‘suttaṃ āharā’’ti vattabbo, addhā aññaṃ apassanto idameva āharissati, tato vattabbo ‘‘kiṃ panidaṃ suttaṃ neyyatthaṃ nītattha’’nti, addhā nītatthanti vakkhati. Tato vattabbo – evaṃ sante anāgāmiphalatthikena samathavipassanāsu chandarāgo kattabbo bhavissati, chandarāge uppādite anāgāmiphalaṃ paṭividdhaṃ bhavissati ‘‘mā suttaṃ me laddha’’nti yaṃ vā taṃ vā dīpehi. Pañhaṃ kathentena hi ācariyassa santike uggahetvā attharasaṃ paṭivijjhitvā kathetuṃ vaṭṭati, akusalena hi sagge, kusalena vā apāye paṭisandhi nāma natthi. Vuttañhetaṃ bhagavatā –
‘‘на, бхигкавз, лобхаж̇зна гаммзна д̣̇осаж̇зна гаммзна мохаж̇зна гаммзна д̣̇зваа бан̃н̃ааяанд̇и, мануссаа бан̃н̃ааяанд̇и, яаа ваа банан̃н̃ааби гаажи суг̇ад̇ияо, ат̇а ко, бхигкавз, лобхаж̇зна гаммзна д̣̇осаж̇зна гаммзна мохаж̇зна гаммзна нираяо бан̃н̃ааяад̇и, д̇иражчаанаяони бан̃н̃ааяад̇и, бзд̇д̇ивисаяо бан̃н̃ааяад̇и, яаа ваа банан̃н̃ааби гаажи д̣̇уг̇г̇ад̇ияо’’д̇и –
‘‘Na, bhikkhave, lobhajena kammena dosajena kammena mohajena kammena devā paññāyanti, manussā paññāyanti, yā vā panaññāpi kāci sugatiyo, atha kho, bhikkhave, lobhajena kammena dosajena kammena mohajena kammena nirayo paññāyati, tiracchānayoni paññāyati, pettivisayo paññāyati, yā vā panaññāpi kāci duggatiyo’’ti –
звам̣ бан̃н̃аабзд̇аб̣б̣о. сажз сан̃ж̇аанаад̇и сан̃ж̇аанаад̇у, но жз сан̃ж̇аанаад̇и, ‘‘г̇ажча баад̇ова вихаарам̣ бависид̇ваа яааг̇ум̣ биваахий’’д̇и уяяож̇зд̇аб̣б̣о.
Evaṃ paññāpetabbo. Sace sañjānāti sañjānātu, no ce sañjānāti, ‘‘gaccha pātova vihāraṃ pavisitvā yāguṃ pivāhī’’ti uyyojetabbo.
яат̇аа жа бана имасмим̣ суд̇д̇з, звам̣ махаамаалугяоваад̣̇зби махаасад̇ибадтаанзби гааяаг̇ад̇аасад̇исуд̇д̇зби самат̇авибассанаа гат̇ид̇аа. д̇ад̇т̇а имасмим̣ суд̇д̇з самат̇авасзна г̇ажчад̇оби вибассанаавасзна г̇ажчад̇оби самат̇ад̇хурамзва д̇хурам̣, махаамаалугяоваад̣̇з вибассанаава д̇хурам̣, махаасад̇ибадтаанам̣ бана вибассануд̇д̇арам̣ наама гат̇ид̇ам̣, гааяаг̇ад̇аасад̇исуд̇д̇ам̣ самат̇уд̇д̇аранд̇и.
Yathā ca pana imasmiṃ sutte, evaṃ mahāmālukyovādepi mahāsatipaṭṭhānepi kāyagatāsatisuttepi samathavipassanā kathitā. Tattha imasmiṃ sutte samathavasena gacchatopi vipassanāvasena gacchatopi samathadhurameva dhuraṃ, mahāmālukyovāde vipassanāva dhuraṃ, mahāsatipaṭṭhānaṃ pana vipassanuttaraṃ nāma kathitaṃ, kāyagatāsatisuttaṃ samathuttaranti.
аяам̣ ко г̇ахабад̇и…бз… згад̇хаммо агкаад̇од̇и згад̇хаммам̣ бужчид̇зна аяамби згад̇хаммод̇и звам̣ бужчаавасзна гат̇ид̇ад̇д̇аа згаад̣̇асаби д̇хаммаа згад̇хаммо наама ж̇аад̇о. махаасагулуд̣̇ааяисуд̇д̇асмин̃хи згуунавийсад̇и баб̣б̣аани бадибад̣̇аавасзна згад̇хаммо наама ж̇аад̇аани, ид̇ха згаад̣̇асабужчаавасзна згад̇хаммод̇и ааг̇ад̇аани. амад̇уббад̇д̇ияад̇т̇зна ваа саб̣б̣ааниби згад̇хаммод̇и вад̇д̇ум̣ ваддад̇и.
Ayaṃ kho gahapati…pe… ekadhammo akkhātoti ekadhammaṃ pucchitena ayampi ekadhammoti evaṃ pucchāvasena kathitattā ekādasapi dhammā ekadhammo nāma jāto. Mahāsakuludāyisuttasmiñhi ekūnavīsati pabbāni paṭipadāvasena ekadhammo nāma jātāni, idha ekādasapucchāvasena ekadhammoti āgatāni. Amatuppattiyatthena vā sabbānipi ekadhammoti vattuṃ vaṭṭati.
21. нид̇химукам̣ г̇авзсанд̇од̇и нид̇хим̣ бариязсанд̇о. сагид̣̇зваад̇и згабаяог̇зна. гат̇ам̣ бана згабаяог̇знзва згаад̣̇асаннам̣ нид̇хийнам̣ ад̇хиг̇амо ход̇ийд̇и. ид̇хзгажжо аран̃н̃з нид̇хим̣ г̇авзсамаано жарад̇и, д̇амзнам̣ ан̃н̃ад̇аро ад̇т̇ажараго д̣̇исваа ‘‘гим̣ бхо жарасий’’д̇и бужчад̇и. со ‘‘ж̇ийвид̇авуд̇д̇им̣ бариязсаамий’’д̇и ааха. ид̇аро ‘‘д̇зна хи самма ааг̇ажча, зд̇ам̣ баасаан̣ам̣ бавад̇д̇зхий’’д̇и ааха. со д̇ам̣ бавад̇д̇зд̇ваа убаруубари табид̇аа ваа гужчияаа гужчим̣ аахажжа тид̇аа ваа згаад̣̇аса гумбхияо бассзяяа, звам̣ згабаяог̇зна згаад̣̇асаннам̣ нид̇хийнам̣ ад̇хиг̇амо ход̇и.
21.Nidhimukhaṃ gavesantoti nidhiṃ pariyesanto. Sakidevāti ekapayogena. Kathaṃ pana ekapayogeneva ekādasannaṃ nidhīnaṃ adhigamo hotīti. Idhekacco araññe nidhiṃ gavesamāno carati, tamenaṃ aññataro atthacarako disvā ‘‘kiṃ bho carasī’’ti pucchati. So ‘‘jīvitavuttiṃ pariyesāmī’’ti āha. Itaro ‘‘tena hi samma āgaccha, etaṃ pāsāṇaṃ pavattehī’’ti āha. So taṃ pavattetvā uparūpari ṭhapitā vā kucchiyā kucchiṃ āhacca ṭhitā vā ekādasa kumbhiyo passeyya, evaṃ ekapayogena ekādasannaṃ nidhīnaṃ adhigamo hoti.
аажарияад̇ханам̣ бариязсиссанд̇ийд̇и ан̃н̃ад̇ид̇т̇ияаа хи яасса санд̇игз сиббам̣ уг̇г̇ан̣ханд̇и, д̇асса сиббуг̇г̇ахан̣ад̇о бурз ваа бажчаа ваа анд̇аранд̇арз ваа г̇зхад̇о нийхарид̇ваа д̇ханам̣ д̣̇знд̇и. язсам̣ г̇зхз над̇т̇и, д̇з н̃аад̇исабхааг̇ад̇о бариязсанд̇и, д̇ат̇аа алабхамаанаа бхигкамби жарид̇ваа д̣̇знд̇иязва. д̇ам̣ санд̇хааязд̇ам̣ вуд̇д̇ам̣.
Ācariyadhanaṃ pariyesissantīti aññatitthiyā hi yassa santike sippaṃ uggaṇhanti, tassa sippuggahaṇato pure vā pacchā vā antarantare vā gehato nīharitvā dhanaṃ denti. Yesaṃ gehe natthi, te ñātisabhāgato pariyesanti, tathā alabhamānā bhikkhampi caritvā dentiyeva. Taṃ sandhāyetaṃ vuttaṃ.
гиман̇г̇ам̣ банааханд̇и б̣аахирагаа д̇аава анияяаанигзби саасанз сиббамад̇д̇ад̣̇ааяагасса д̇ханам̣ бариязсанд̇и; ахам̣ бана звам̣вид̇хз нияяаанигасаасанз згаад̣̇асавид̇хам̣ амад̇уббад̇д̇ибадибад̣̇ам̣ д̣̇зсзнд̇асса аажарияасса бууж̇ам̣ гим̣ на гариссаами, гариссаамиязваад̇и вад̣̇ад̇и. бажжзгад̣̇уссаяуг̇зна ажчаад̣̇зсийд̇и згамзгасса бхигкуно згзгам̣ д̣̇уссаяуг̇амад̣̇аасийд̇и ад̇т̇о. самуд̣̇аажаараважанам̣ банзд̇т̇а зваруубам̣ ход̇и, д̇асмаа ажчаад̣̇зсийд̇и вуд̇д̇ам̣. бан̃жасад̇авихааранд̇и бан̃жасад̇аг̇гханигам̣ бан̣н̣асаалам̣ гаарзсийд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
Kimaṅgaṃ panāhanti bāhirakā tāva aniyyānikepi sāsane sippamattadāyakassa dhanaṃ pariyesanti; ahaṃ pana evaṃvidhe niyyānikasāsane ekādasavidhaṃ amatuppattipaṭipadaṃ desentassa ācariyassa pūjaṃ kiṃ na karissāmi, karissāmiyevāti vadati. Paccekadussayugenaacchādesīti ekamekassa bhikkhuno ekekaṃ dussayugamadāsīti attho. Samudācāravacanaṃ panettha evarūpaṃ hoti, tasmā acchādesīti vuttaṃ. Pañcasatavihāranti pañcasatagghanikaṃ paṇṇasālaṃ kāresīti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
адтаганааг̇арасуд̇д̇аван̣н̣анаа нидтид̇аа.
Aṭṭhakanāgarasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. адтаганааг̇арасуд̇д̇ам̣ • 2. Aṭṭhakanāgarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. адтаганааг̇арасуд̇д̇аван̣н̣анаа • 2. Aṭṭhakanāgarasuttavaṇṇanā
