| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. адтаганааг̇арасуд̇д̇аван̣н̣анаа
2. Aṭṭhakanāgarasuttavaṇṇanā
17. авид̣̇уурзд̇и иминаа баал̣ияам̣ ‘‘взсаалияа’’нд̇и ид̣̇ам̣ самийбз бхуммаважананд̇и д̣̇ассзд̇и. саараббад̇д̇агулаг̇ан̣анааяаад̇и (а. ни. дий. 3.11.16) махаасаарамахаббад̇д̇агулаг̇ан̣анааяа. д̣̇асамз таанзд̇и ан̃н̃з ан̃н̃зд̇и д̣̇асаг̇ан̣анадтаанз. адтаганаг̇арз ж̇аад̇о бхаво адтаганааг̇аро. гуггудаараамод̇и баадалибуд̇д̇з гуггудаараамо, на госамб̣ияам̣.
17.Avidūreti iminā pāḷiyaṃ ‘‘vesāliya’’nti idaṃ samīpe bhummavacananti dasseti. Sārappattakulagaṇanāyāti (a. ni. ṭī. 3.11.16) mahāsāramahappattakulagaṇanāya. Dasame ṭhāneti aññe aññeti dasagaṇanaṭṭhāne. Aṭṭhakanagare jāto bhavo aṭṭhakanāgaro. Kukkuṭārāmoti pāṭaliputte kukkuṭārāmo, na kosambiyaṃ.
18. багад̇ад̇т̇анид̣̇д̣̇зсо д̇а-сад̣̇д̣̇од̇и д̇асса ‘‘бхаг̇авад̇аа’’д̇иаад̣̇ийхи бад̣̇зхи самаанаад̇хигаран̣абхаавзна вуд̇д̇асса язна абхисамб̣уд̣̇д̇хабхаавзна бхаг̇аваа багад̇о ад̇хиг̇ад̇о субаагадо жа, д̇ам̣ абхисамб̣уд̣̇д̇хабхаавам̣ сад̣̇д̇хим̣ ааг̇аманийяабадибад̣̇ааяа ад̇т̇абхаавзна д̣̇ассзнд̇о ‘‘яо со…бз… абхисамб̣уд̣̇д̇хо’’д̇и ааха. сад̇иби н̃аан̣ад̣̇ассана-сад̣̇д̣̇аанам̣ ид̇ха бан̃н̃аавзважанабхаавз д̇зна д̇зна висзсзна д̇зсам̣ висаяависзсз бавад̇д̇ид̣̇ассанад̇т̇ам̣ асаад̇хааран̣ан̃аан̣ависзсавасзна виж̇ж̇аад̇д̇аяавасзна виж̇ж̇ааабхин̃н̃аанааваран̣ан̃аан̣авасзна саб̣б̣ан̃н̃уд̇ан̃аан̣амам̣сажагкувасзна бадивзд̇хад̣̇зсанаан̃аан̣авасзна жа д̇ад̣̇ад̇т̇ам̣ яож̇зд̇ваа д̣̇ассзнд̇о ‘‘д̇зсам̣ д̇зса’’нд̇иаад̣̇имааха. д̇ад̇т̇а аасаяаанусаяам̣ ж̇аанад̇аа аасаяаанусаяан̃аан̣зна саб̣б̣ам̣ н̃зяяад̇хаммам̣ бассад̇аа саб̣б̣ан̃н̃уд̇аанааваран̣ан̃аан̣зхи. буб̣б̣зниваасаад̣̇ийхийд̇и буб̣б̣зниваасаасавагкаяан̃аан̣зхи. бадивзд̇хабан̃н̃ааяаад̇и арияамаг̇г̇абан̃н̃ааяа. д̣̇зсанаабан̃н̃ааяа бассад̇аад̇и д̣̇зсзд̇аб̣б̣ад̇хаммаанам̣ д̣̇зсзд̇аб̣б̣аббагаарам̣ б̣од̇ханзяяабуг̇г̇алаанан̃жа аасаяаанусаяажарид̇аад̇химуд̇д̇иаад̣̇ибхзд̣̇ам̣ д̇хаммад̣̇зсанаабан̃н̃ааяа яаат̇аавад̇о бассад̇аа. арийнанд̇и гилзсаарийнам̣, бан̃жавид̇хамаараанам̣ ваа, саасанасса ваа бажжад̇т̇игаанам̣ ан̃н̃ад̇ид̇т̇ияаанам̣ д̇зсам̣ бана хананам̣ баадихаариязхи абхибхаванам̣ аббадибхаанад̇аагаран̣ам̣ аж̇жхубзгканамзва ваа, гзсивинаяасуд̇д̇ан̃жзд̇т̇а нид̣̇ассанам̣.
18. Pakatatthaniddeso ta-saddoti tassa ‘‘bhagavatā’’tiādīhi padehi samānādhikaraṇabhāvena vuttassa yena abhisambuddhabhāvena bhagavā pakato adhigato supākaṭo ca, taṃ abhisambuddhabhāvaṃ saddhiṃ āgamanīyapaṭipadāya atthabhāvena dassento ‘‘yo so…pe… abhisambuddho’’ti āha. Satipi ñāṇadassana-saddānaṃ idha paññāvevacanabhāve tena tena visesena tesaṃ visayavisese pavattidassanatthaṃ asādhāraṇañāṇavisesavasena vijjāttayavasena vijjāabhiññānāvaraṇañāṇavasena sabbaññutañāṇamaṃsacakkhuvasena paṭivedhadesanāñāṇavasena ca tadatthaṃ yojetvā dassento ‘‘tesaṃ tesa’’ntiādimāha. Tattha āsayānusayaṃ jānatā āsayānusayañāṇena sabbaṃ ñeyyadhammaṃ passatā sabbaññutānāvaraṇañāṇehi. Pubbenivāsādīhīti pubbenivāsāsavakkhayañāṇehi. Paṭivedhapaññāyāti ariyamaggapaññāya. Desanāpaññāya passatāti desetabbadhammānaṃ desetabbappakāraṃ bodhaneyyapuggalānañca āsayānusayacaritādhimuttiādibhedaṃ dhammadesanāpaññāya yāthāvato passatā. Arīnanti kilesārīnaṃ, pañcavidhamārānaṃ vā, sāsanassa vā paccatthikānaṃ aññatitthiyānaṃ tesaṃ pana hananaṃ pāṭihāriyehi abhibhavanaṃ appaṭibhānatākaraṇaṃ ajjhupekkhanameva vā, kesivinayasuttañcettha nidassanaṃ.
д̇ат̇аа таанаадтаанаад̣̇ивибхааг̇ам̣ ж̇аанад̇аа яат̇аагаммуубаг̇асад̇д̇з бассад̇аа, саваасанаанам̣ аасаваанам̣ кийн̣ад̇д̇аа арахад̇аа, абхин̃н̃зяяаад̣̇ибхзд̣̇з д̇хаммз абхин̃н̃зяяаад̣̇ид̇о авибарийд̇ааваб̣од̇хад̇о саммаасамб̣уд̣̇д̇хзна. ат̇а ваа д̇ийсу гаалзсу аббадихад̇ан̃аан̣ад̇ааяа ж̇аанад̇аа, гааяагаммаад̣̇ивасзна д̇ин̣н̣ам̣ гаммаанам̣ н̃аан̣аанубаривад̇д̇ид̇о нисаммагаарид̇ааяа бассад̇аа, д̣̇аваад̣̇ийнам̣ абхаавасаад̇хигааяа бахаанасамбад̣̇ааяа арахад̇аа, чанд̣̇аад̣̇ийнам̣ ахаанихзд̇убхууд̇ааяа агкаяабадибхаанасаад̇хигааяа саб̣б̣ан̃н̃уд̇ааяа саммаасамб̣уд̣̇д̇хзнаад̇и звам̣ д̣̇асаб̣алаадтаарасааавзн̣игаб̣уд̣̇д̇хад̇хаммавасзнаби яож̇анаа гаад̇аб̣б̣аа.
Tathā ṭhānāṭṭhānādivibhāgaṃ jānatā yathākammūpagasatte passatā, savāsanānaṃ āsavānaṃ khīṇattā arahatā, abhiññeyyādibhede dhamme abhiññeyyādito aviparītāvabodhato sammāsambuddhena. Atha vā tīsu kālesu appaṭihatañāṇatāya jānatā, kāyakammādivasena tiṇṇaṃ kammānaṃ ñāṇānuparivattito nisammakāritāya passatā, davādīnaṃ abhāvasādhikāya pahānasampadāya arahatā, chandādīnaṃ ahānihetubhūtāya akkhayapaṭibhānasādhikāya sabbaññutāya sammāsambuddhenāti evaṃ dasabalaaṭṭhārasaāveṇikabuddhadhammavasenapi yojanā kātabbā.
19. абхисан̇кад̇анд̇и ад̇д̇ано бажжаязхи абхисаммукабхаавзна самзжжа самбхууяяа гад̇ам̣, свасса гад̇абхааво уббаад̣̇анзна взд̣̇ид̇аб̣б̣о, на уббаннасса бадисан̇каран̣знаад̇и ааха ‘‘уббаад̣̇ид̇а’’нд̇и. д̇з жасса бажжаяаа жзд̇анаабад̇хаанаад̇и д̣̇ассзд̇ум̣ баал̣ияам̣ ‘‘абхисан̇кад̇ам̣ абхисан̃жзд̇аяид̇а’’нд̇и вуд̇д̇анд̇и ‘‘жзд̇аяид̇ам̣ багаббид̇а’’нд̇и ад̇т̇амааха. абхисан̇кад̇ам̣ абхисан̃жзд̇аяид̇анд̇и жа жхаанасса баад̇убхаавад̣̇ассанамукзна вид̣̇д̇хам̣санабхаавам̣ уллин̇г̇зд̇и яан̃хи ахуд̇ваа самбхавад̇и, д̇ам̣ худ̇ваа бадивзд̇и. д̇знааха баал̣ияам̣ ‘абхисан̇кад̇а’нд̇иаад̣̇и. самат̇авибассанаад̇хаммз тид̇од̇и самат̇ад̇хаммз тид̇ад̇д̇аа самаахид̇о вибассанам̣ бадтабзд̇ваа анижжаанубассанаад̣̇ийхи нижжасан̃н̃аад̣̇аяо баж̇аханд̇о ануггамзна д̇ам̣ ануломан̃аан̣ам̣ баабзд̇аа худ̇ваа вибассанаад̇хаммз тид̇о. самат̇авибассанаасан̇каад̇зсу д̇хаммзсу ран̃ж̇анадтзна рааг̇о, нанд̣̇анадтзна нанд̣̇ийд̇и. д̇ад̇т̇а сукумаа абзгкаа вуд̇д̇аа, яаа ‘‘ниганд̇ий’’д̇и вужжад̇и.
19.Abhisaṅkhatanti attano paccayehi abhisammukhabhāvena samecca sambhūyya kataṃ, svassa katabhāvo uppādanena veditabbo, na uppannassa paṭisaṅkharaṇenāti āha ‘‘uppādita’’nti. Te cassa paccayā cetanāpadhānāti dassetuṃ pāḷiyaṃ ‘‘abhisaṅkhataṃ abhisañcetayita’’nti vuttanti ‘‘cetayitaṃ pakappita’’nti atthamāha. Abhisaṅkhataṃ abhisañcetayitanti ca jhānassa pātubhāvadassanamukhena viddhaṃsanabhāvaṃ ulliṅgeti yañhi ahutvā sambhavati, taṃ hutvā paṭiveti. Tenāha pāḷiyaṃ ‘abhisaṅkhata’ntiādi. Samathavipassanādhamme ṭhitoti samathadhamme ṭhitattā samāhito vipassanaṃ paṭṭhapetvā aniccānupassanādīhi niccasaññādayo pajahanto anukkamena taṃ anulomañāṇaṃ pāpetā hutvā vipassanādhamme ṭhito. Samathavipassanāsaṅkhātesu dhammesu rañjanaṭṭhena rāgo, nandanaṭṭhena nandīti. Tattha sukhumā apekkhā vuttā, yā ‘‘nikantī’’ti vuccati.
звам̣ санд̇зд̇и звам̣ яат̇ааруд̇авасзна жа имасса суд̇д̇абад̣̇асса ад̇т̇з г̇ахзд̇аб̣б̣з сад̇и. самат̇авибассанаасу чанд̣̇арааг̇о гад̇д̇аб̣б̣од̇и анааг̇аамипалам̣ ниб̣б̣ад̇д̇зд̇ваа д̇ад̣̇ад̇т̇ааяа самат̇авибассанааби аниб̣б̣ад̇д̇зд̇ваа гзвалам̣ д̇ад̇т̇а чанд̣̇арааг̇о гад̇д̇аб̣б̣о бхависсад̇и. гасмаа? д̇зсу самат̇авибассанаасан̇каад̇зсу д̇хаммзсу чанд̣̇арааг̇амад̇д̇зна анааг̇ааминаа лад̣̇д̇хаб̣б̣асса алад̣̇д̇хаанааг̇аамипалзна лад̣̇д̇хаб̣б̣ад̇д̇аа д̇ат̇аа сад̇и д̇зна анааг̇аамипаламби лад̣̇д̇хаб̣б̣амзва наама ход̇и. д̇знааха – ‘‘анааг̇аамипалам̣ бадивид̣̇д̇хам̣ бхависсад̇ий’’д̇и. сабхаавад̇о расид̇аб̣б̣ад̇д̇аа авибарийд̇о ад̇т̇о зва ад̇т̇арасо. ан̃н̃ааби гаажи суг̇ад̇ияод̇и винибаад̇игз санд̇хааяааха. ан̃н̃ааби гаажи д̣̇уг̇г̇ад̇ияод̇и асурагааяамааха.
Evaṃ santeti evaṃ yathārutavasena ca imassa suttapadassa atthe gahetabbe sati. Samathavipassanāsu chandarāgo kattabboti anāgāmiphalaṃ nibbattetvā tadatthāya samathavipassanāpi anibbattetvā kevalaṃ tattha chandarāgo kattabbo bhavissati. Kasmā? Tesu samathavipassanāsaṅkhātesu dhammesu chandarāgamattena anāgāminā laddhabbassa aladdhānāgāmiphalena laddhabbattā tathā sati tena anāgāmiphalampi laddhabbameva nāma hoti. Tenāha – ‘‘anāgāmiphalaṃ paṭividdhaṃ bhavissatī’’ti. Sabhāvato rasitabbattā aviparīto attho eva attharaso. Aññāpi kāci sugatiyoti vinipātike sandhāyāha. Aññāpi kāci duggatiyoti asurakāyamāha.
самат̇ад̇хурамзва д̇хурам̣ самат̇аяаанигасса васзна д̣̇зсанааяа ааг̇ад̇ад̇д̇аа. махаамаалугяоваад̣̇з ‘‘вивижжа агусалзхи д̇хаммзхи савид̇аггам̣ савижаара’’нд̇и баад̣̇агаж̇жхаанам̣ гад̇ваа ‘‘со яад̣̇зва д̇ад̇т̇а ход̇и руубаг̇ад̇ам̣ взд̣̇анааг̇ад̇а’’нд̇иаад̣̇инаа вибассанам̣ вид̇т̇аарзд̇ваа ‘‘со д̇ад̇т̇а тид̇о аасаваанам̣ каяам̣ баабун̣аад̇ий’’д̇и (ма. ни. 2.133) ааг̇ад̇ад̇д̇аа ‘‘махаамаалугяоваад̣̇з вибассанаава д̇хура’’нд̇и ааха. махаасад̇ибадтаанасуд̇д̇з (д̣̇ий. ни. 2.373 аад̣̇аяо; ма. ни. 1.106 аад̣̇аяо) саб̣б̣ад̇т̇агамзва д̇игкад̇арааяа вибассанааяа ааг̇ад̇ад̇д̇аа вуд̇д̇ам̣ ‘‘вибассануд̇д̇арам̣ гат̇ид̇а’’нд̇и. гааяаг̇ад̇аасад̇исуд̇д̇з (ма. ни. 3.153-154) аанаабаанаж̇жхаанаад̣̇ивасзна сависзсам̣ самат̇авибассанааяа ааг̇ад̇ад̇д̇аа вуд̇д̇ам̣ ‘‘самат̇уд̇д̇арам̣ гат̇ид̇а’’нд̇и.
Samathadhurameva dhuraṃ samathayānikassa vasena desanāya āgatattā. Mahāmālukyovāde ‘‘vivicca akusalehi dhammehi savitakkaṃ savicāra’’nti pādakajjhānaṃ katvā ‘‘so yadeva tattha hoti rūpagataṃ vedanāgata’’ntiādinā vipassanaṃ vitthāretvā ‘‘so tattha ṭhito āsavānaṃ khayaṃ pāpuṇātī’’ti (ma. ni. 2.133) āgatattā ‘‘mahāmālukyovāde vipassanāva dhura’’nti āha. Mahāsatipaṭṭhānasutte (dī. ni. 2.373 ādayo; ma. ni. 1.106 ādayo) sabbatthakameva tikkhatarāya vipassanāya āgatattā vuttaṃ ‘‘vipassanuttaraṃ kathita’’nti. Kāyagatāsatisutte (ma. ni. 3.153-154) ānāpānajjhānādivasena savisesaṃ samathavipassanāya āgatattā vuttaṃ ‘‘samathuttaraṃ kathita’’nti.
аббам̣ яаажид̇зна б̣ахум̣ д̣̇знд̇зна ул̣аарабурисзна вияа згам̣ д̇хаммам̣ бужчид̇зна ‘‘аяамби згад̇хаммо’’д̇и гат̇ид̇ад̇д̇аа згаад̣̇асаби д̇хаммаа бужчаавасзна згад̇хаммо наама ж̇аад̇о бажжзгам̣ ваагяабарисамаабанан̃ааязна. згавийсад̇и баб̣б̣аани д̇зхи б̣од̇хияамаанааяа бадибад̣̇ааяа згаруубад̇д̇аа бадибад̣̇аавасзна згад̇хаммо наама ж̇аад̇од̇и. ид̇ха имасмим̣ адтаганааг̇арасуд̇д̇з. нзвасан̃н̃аанаасан̃н̃ааяад̇анад̇хаммаанам̣ сан̇каараавасзсасукумабхааваббад̇д̇ад̇ааяа д̇ад̇т̇а саавагаанам̣ д̣̇уггаранд̇и на жад̇уд̇т̇ааруббавасзнзд̇т̇а д̣̇зсанаа ааг̇ад̇аад̇и жад̇уннам̣ б̣рахмавихаараанам̣, хздтимаанам̣ д̇ин̣н̣ам̣ ааруббаанан̃жа васзна згаад̣̇аса. бужчаавасзнаад̇и ‘‘ад̇т̇и ну ко, бханд̇з аананд̣̇а, д̇зна…бз… саммаасамб̣уд̣̇д̇хзна згад̇хаммо агкаад̇о’’д̇и (ма. ни. 2.18) звам̣ бавад̇д̇абужчаавасзна. амад̇уббад̇д̇ияад̇т̇знаад̇и амад̇абхаавасса уббад̇д̇ихзд̇уд̇ааяа, саб̣б̣ааниби гаммадтаанаани згарасамби амад̇аад̇хиг̇амабадибад̇д̇ияаад̇и ад̇т̇о, звамзд̇т̇а аг̇г̇апалабхууми анааг̇аамипалабхуумийд̇и д̣̇взва бхуумияо саруубад̇о ааг̇ад̇аа, наананд̇арияад̇ааяа бана хздтимааби д̣̇вз бхуумияо ад̇т̇ад̇о ааг̇ад̇аа зваад̇и д̣̇адтаб̣б̣аа.
Appaṃ yācitena bahuṃ dentena uḷārapurisena viya ekaṃ dhammaṃ pucchitena ‘‘ayampi ekadhammo’’tikathitattā ekādasapi dhammā pucchāvasena ekadhammo nāma jāto paccekaṃ vākyaparisamāpanañāyena. Ekavīsati pabbāni tehi bodhiyamānāya paṭipadāya ekarūpattā paṭipadāvasena ekadhammo nāma jātoti. Idha imasmiṃ aṭṭhakanāgarasutte. Nevasaññānāsaññāyatanadhammānaṃ saṅkhārāvasesasukhumabhāvappattatāya tattha sāvakānaṃ dukkaranti na catutthāruppavasenettha desanā āgatāti catunnaṃ brahmavihārānaṃ, heṭṭhimānaṃ tiṇṇaṃ āruppānañca vasena ekādasa. Pucchāvasenāti ‘‘atthi nu kho, bhante ānanda, tena…pe… sammāsambuddhena ekadhammo akkhāto’’ti (ma. ni. 2.18) evaṃ pavattapucchāvasena. Amatuppattiyatthenāti amatabhāvassa uppattihetutāya, sabbānipi kammaṭṭhānāni ekarasampi amatādhigamapaṭipattiyāti attho, evamettha aggaphalabhūmi anāgāmiphalabhūmīti dveva bhūmiyo sarūpato āgatā, nānantariyatāya pana heṭṭhimāpi dve bhūmiyo atthato āgatā evāti daṭṭhabbā.
21. бан̃жа сад̇аани аг̇гхо зд̇ассаад̇и бан̃жасад̇ам̣. сзсам̣ уд̇д̇аанамзва.
21. Pañca satāni aggho etassāti pañcasataṃ. Sesaṃ uttānameva.
адтаганааг̇арасуд̇д̇аван̣н̣анааяа лийнад̇т̇аббагаасанаа самад̇д̇аа.
Aṭṭhakanāgarasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. адтаганааг̇арасуд̇д̇ам̣ • 2. Aṭṭhakanāgarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. адтаганааг̇арасуд̇д̇аван̣н̣анаа • 2. Aṭṭhakanāgarasuttavaṇṇanā
