| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(8.) адтаганид̣̇д̣̇зсаван̣н̣анаа
(8.) Aṭṭhakaniddesavaṇṇanā
952. адтаганид̣̇д̣̇зсз гилзсааязва гилзсавад̇т̇ууни. гусийд̇авад̇т̇уунийд̇и гусийд̇асса аласасса вад̇т̇ууни, бад̇идтаа, госаж̇ж̇агааран̣аанийд̇и ад̇т̇о. гаммам̣ гаад̇аб̣б̣ам̣ ход̇ийд̇и жийваравижааран̣аад̣̇игаммам̣ гаад̇аб̣б̣ам̣ ход̇и. на вийрияам̣ аарабхад̇ийд̇и д̣̇увид̇хамби вийрияам̣ наарабхад̇и. аббад̇д̇ассаад̇и жхаанавибассанаамаг̇г̇апалад̇хаммасса аббад̇д̇асса бад̇д̇ияаа. анад̇хиг̇ад̇ассаад̇и д̇ассзва анад̇хиг̇ад̇асса ад̇хиг̇амад̇т̇ааяа. асажчигад̇ассаад̇и д̇ассзва асажчигад̇асса сажчигаран̣ад̇т̇ааяа. ид̣̇ам̣ батаманд̇и ‘ид̣̇ам̣ ханд̣̇аахам̣ нибаж̇ж̇аамий’д̇и звам̣ осийд̣̇анам̣ батамам̣ гусийд̇авад̇т̇у. иминаа наязна саб̣б̣ад̇т̇а ад̇т̇о взд̣̇ид̇аб̣б̣о.
952. Aṭṭhakaniddese kilesāyeva kilesavatthūni. Kusītavatthūnīti kusītassa alasassa vatthūni, patiṭṭhā, kosajjakāraṇānīti attho. Kammaṃ kātabbaṃ hotīti cīvaravicāraṇādikammaṃ kātabbaṃ hoti. Na vīriyaṃ ārabhatīti duvidhampi vīriyaṃ nārabhati. Appattassāti jhānavipassanāmaggaphaladhammassa appattassa pattiyā. Anadhigatassāti tasseva anadhigatassa adhigamatthāya. Asacchikatassāti tasseva asacchikatassa sacchikaraṇatthāya. Idaṃ paṭhamanti ‘idaṃ handāhaṃ nipajjāmī’ti evaṃ osīdanaṃ paṭhamaṃ kusītavatthu. Iminā nayena sabbattha attho veditabbo.
маасаажид̇ам̣ ман̃н̃зд̇и зд̇т̇а бана маасаажид̇ам̣ наама д̇инд̇амаасо; яат̇аа д̇инд̇амаасо г̇аруго ход̇и, звам̣ г̇аругод̇и ад̇хиббааяо. г̇илаанаа вудтид̇о ход̇ийд̇и г̇илаано худ̇ваа бажчаа вудтид̇о ход̇и.
Māsācitaṃ maññeti ettha pana māsācitaṃ nāma tintamāso; yathā tintamāso garuko hoti, evaṃ garukoti adhippāyo. Gilānā vuṭṭhito hotīti gilāno hutvā pacchā vuṭṭhito hoti.
954. адтасу логад̇хаммзсууд̇и зд̇т̇а логасса д̇хаммаад̇и логад̇хаммаа. зд̇зхи вимуд̇д̇о наама над̇т̇и, б̣уд̣̇д̇хаанамби хонд̇и зва. д̇асмаа ‘логад̇хаммаа’д̇и вужжанд̇и. бадигхаад̇од̇и бадихан̃н̃анаагааро. лаабхз саарааг̇од̇и ‘ахам̣ лаабхам̣ лабхаамий’д̇и звам̣ г̇зхасид̇асоманассавасзна уббанно саарааг̇о; со жид̇д̇ам̣ бадиханад̇и. алаабхз бадивирод̇ход̇и ‘ахам̣ лаабхам̣ на лабхаамий’д̇и д̣̇оманассавасзна уббаннавирод̇хо; соби жид̇д̇ам̣ бадиханад̇и. д̇асмаа ‘бадигхаад̇о’д̇и вуд̇д̇о. яасаад̣̇ийсуби ‘ахам̣ махаабаривааро, ахам̣ аббабаривааро, ахам̣ басам̣саббад̇д̇о, ахам̣ г̇арахаббад̇д̇о, ахам̣ сукаббад̇д̇о, ахам̣ д̣̇угкаббад̇о’д̇и звамзд̇зсам̣ уббад̇д̇и взд̣̇ид̇аб̣б̣аа. анарияавохаараад̇и анарияаанам̣ вохаараа.
954. Aṭṭhasu lokadhammesūti ettha lokassa dhammāti lokadhammā. Etehi vimutto nāma natthi, buddhānampi honti eva. Tasmā ‘lokadhammā’ti vuccanti. Paṭighātoti paṭihaññanākāro. Lābhe sārāgoti ‘ahaṃ lābhaṃ labhāmī’ti evaṃ gehasitasomanassavasena uppanno sārāgo; so cittaṃ paṭihanati. Alābhe paṭivirodhoti ‘ahaṃ lābhaṃ na labhāmī’ti domanassavasena uppannavirodho; sopi cittaṃ paṭihanati. Tasmā ‘paṭighāto’ti vutto. Yasādīsupi ‘ahaṃ mahāparivāro, ahaṃ appaparivāro, ahaṃ pasaṃsappatto, ahaṃ garahappatto, ahaṃ sukhappatto, ahaṃ dukkhappato’ti evametesaṃ uppatti veditabbā. Anariyavohārāti anariyānaṃ vohārā.
957. бурисад̣̇осаад̇и бурисаанам̣ д̣̇осаа. на сараамийд̇и ‘маяаа зд̇асса гаммасса гад̇адтаанам̣ на сараами на саллагкзмий’д̇и звам̣ ассад̇ибхаавзна ниб̣б̣зтзд̇и можзд̇и. жод̣̇агам̣язва бадибпарад̇ийд̇и бадивируд̣̇д̇хо худ̇ваа парад̇и, бадибхаан̣ид̇абхаавзна д̇идтад̇и. гим̣ ну ко д̇уяханд̇и ‘д̇уяхам̣ б̣ааласса аб̣яад̇д̇асса бхан̣ид̇зна наама гим̣’ яо д̇вам̣ нзва вад̇т̇унаа аабад̇д̇им̣, на жод̣̇анам̣ ж̇аанаасий’д̇и д̣̇ийбзд̇и; ‘д̇вам̣ би наама звам̣ гин̃жи аж̇аананд̇о бхан̣ид̇аб̣б̣ам̣ ман̃н̃иссасий’д̇и аж̇жход̇т̇арад̇и. бажжааробзд̇ийд̇и ‘д̇вам̣ би косий’д̇иаад̣̇ийни вад̣̇анд̇о бадиааробзд̇и. бадигарохийд̇и д̣̇зсанааг̇ааминим̣ д̣̇зсзхи, вудтаанаг̇ааминид̇о вудтаахи д̇ад̇о суд̣̇д̇ханд̇з бад̇идтид̇о ан̃н̃ам̣ жод̣̇зссасий’д̇и д̣̇ийбзд̇и.
957. Purisadosāti purisānaṃ dosā. Na sarāmīti ‘mayā etassa kammassa kataṭṭhānaṃ na sarāmi na sallakkhemī’ti evaṃ assatibhāvena nibbeṭheti moceti. Codakaṃyeva paṭippharatīti paṭiviruddho hutvā pharati, paṭibhāṇitabhāvena tiṭṭhati. Kiṃ nu kho tuyhanti ‘tuyhaṃ bālassa abyattassa bhaṇitena nāma kiṃ’ yo tvaṃ neva vatthunā āpattiṃ, na codanaṃ jānāsī’ti dīpeti; ‘tvaṃ pi nāma evaṃ kiñci ajānanto bhaṇitabbaṃ maññissasī’ti ajjhottharati. Paccāropetīti ‘tvaṃ pi khosī’tiādīni vadanto paṭiāropeti. Paṭikarohīti desanāgāminiṃ desehi, vuṭṭhānagāminito vuṭṭhāhi tato suddhante patiṭṭhito aññaṃ codessasī’ti dīpeti.
ан̃н̃знаан̃н̃ам̣ бадижарад̇ийд̇и ан̃н̃зна гааран̣зна важанзна ваа ан̃н̃ам̣ гааран̣ам̣ важанам̣ ваа бадижчаад̣̇зд̇и. ‘аабад̇д̇им̣ аабанносий’д̇и вуд̇д̇о ‘го аабанно? гим̣ аабанно? гат̇ам̣ аабанно? гисмим̣ аабанно? гам̣ бхан̣ат̇а? гим̣ бхан̣ат̇аа’д̇и вад̣̇ад̇и. ‘зваруубам̣ гин̃жи д̇аяаа д̣̇идта’нд̇и вуд̇д̇з ‘на сун̣аамий’д̇и сод̇ам̣ ваа убанзд̇и. б̣ахид̣̇д̇хаа гат̇ам̣ абанаамзд̇ийд̇и ‘ид̇т̇аннаамам̣ аабад̇д̇им̣ аабанносий’д̇и будто ‘баадалибуд̇д̇ам̣ г̇ад̇омхий’д̇и вад̇ваа буна ‘д̇ава баадалибуд̇д̇аг̇аманам̣ на бужчаамаа’д̇и вуд̇д̇з ‘д̇ад̇о рааж̇аг̇ахам̣ г̇ад̇омхий’д̇и ‘рааж̇аг̇ахам̣ ваа яаахи, б̣раахман̣аг̇зхам̣ ваа; аабад̇д̇им̣ аабанносий’д̇и? ‘д̇ад̇т̇а мз суугарамам̣сам̣ лад̣̇д̇ха’нд̇иаад̣̇ийни вад̣̇анд̇о гат̇ам̣ б̣ахид̣̇д̇хаа вигкибад̇и. гобанд̇и губид̇абхаавам̣. д̣̇осанд̇и д̣̇удтабхаавам̣. убхаяамбзд̇ам̣ год̇хассзва наамам̣. аббажжаяанд̇и асанд̇удтаагаарам̣; д̣̇оманассассзд̇ам̣ наамам̣. баад̇угарод̇ийд̇и д̣̇ассзд̇и багаасзд̇и. б̣аахаавигкзбагам̣ бхан̣ад̇ийд̇и б̣аахаа вигкибид̇ваа алаж̇ж̇иважанам̣ вад̣̇ад̇и. вихзсзд̇ийд̇и вихзтзд̇и б̣аад̇хад̇и. анаад̣̇ияид̇ваад̇и жид̇д̇ийгаарзна аг̇г̇ахзд̇ваа аваж̇аанид̇ваа; анаад̣̇аро худ̇ваад̇и ад̇т̇о.
Aññenāññaṃ paṭicaratīti aññena kāraṇena vacanena vā aññaṃ kāraṇaṃ vacanaṃ vā paṭicchādeti. ‘Āpattiṃ āpannosī’ti vutto ‘ko āpanno? Kiṃ āpanno? Kathaṃ āpanno? Kismiṃ āpanno? Kaṃ bhaṇatha? Kiṃ bhaṇathā’ti vadati. ‘Evarūpaṃ kiñci tayā diṭṭha’nti vutte ‘na suṇāmī’ti sotaṃ vā upaneti. Bahiddhā kathaṃ apanāmetīti ‘itthannāmaṃ āpattiṃ āpannosī’ti puṭṭho ‘pāṭaliputtaṃ gatomhī’ti vatvā puna ‘tava pāṭaliputtagamanaṃ na pucchāmā’ti vutte ‘tato rājagahaṃ gatomhī’ti ‘rājagahaṃ vā yāhi, brāhmaṇagehaṃ vā; āpattiṃ āpannosī’ti? ‘Tattha me sūkaramaṃsaṃ laddha’ntiādīni vadanto kathaṃ bahiddhā vikkhipati. Kopanti kupitabhāvaṃ. Dosanti duṭṭhabhāvaṃ. Ubhayampetaṃ kodhasseva nāmaṃ. Appaccayanti asantuṭṭhākāraṃ; domanassassetaṃ nāmaṃ. Pātukarotīti dasseti pakāseti. Bāhāvikkhepakaṃ bhaṇatīti bāhā vikkhipitvā alajjivacanaṃ vadati. Vihesetīti viheṭheti bādhati. Anādiyitvāti cittīkārena aggahetvā avajānitvā; anādaro hutvāti attho.
ад̇иб̣аал̣ханд̇и ад̇ид̣̇ал̣хам̣ ад̇иббамаан̣ам̣. маяи б̣яаавадаад̇и маяи б̣яаабаарам̣ аабаннаа. хийнааяаавад̇д̇ид̇ваад̇и хийнасса г̇ихибхаавасса ад̇т̇ааяа аавад̇д̇ид̇ваа; г̇ихий худ̇ваад̇и ад̇т̇о. ад̇д̇аманаа хот̇аад̇и д̇удтажид̇д̇аа хот̇а, ‘маяаа лабхид̇аб̣б̣ам̣ лабхат̇а, маяаа васид̇аб̣б̣адтаанз васат̇а, паасувихааро во маяаа гад̇о’д̇и ад̇хиббааязна вад̣̇ад̇и.
Atibāḷhanti atidaḷhaṃ atippamāṇaṃ. Mayi byāvaṭāti mayi byāpāraṃ āpannā. Hīnāyāvattitvāti hīnassa gihibhāvassa atthāya āvattitvā; gihī hutvāti attho. Attamanā hothāti tuṭṭhacittā hotha, ‘mayā labhitabbaṃ labhatha, mayā vasitabbaṭṭhāne vasatha, phāsuvihāro vo mayā kato’ti adhippāyena vadati.
958. асан̃н̃ийд̇и бавад̇д̇о ваад̣̇о асан̃н̃ийваад̣̇о; со д̇зсам̣ ад̇т̇ийд̇и асан̃н̃ийваад̣̇аа. руубий ад̇д̇аад̇иаад̣̇ийсу лаабхино гасин̣аруубам̣ ад̇д̇аад̇и г̇ахзд̇ваа руубийд̇и д̣̇идти уббаж̇ж̇ад̇и; алаабхино д̇аггамад̇д̇знзва , ааж̇ийвагаанам̣ вияа. лаабхиноязва жа бана аруубасамаабад̇д̇инимид̇д̇ам̣ ад̇д̇аад̇и г̇ахзд̇ваа аруубийд̇и д̣̇идти уббаж̇ж̇ад̇и; алаабхино д̇аггамад̇д̇знзва, ниг̇ан̣таанам̣ вияа. асан̃н̃ийбхаавз банзд̇т̇а зганд̇знзва гааран̣ам̣ на бариязсид̇аб̣б̣ам̣. д̣̇идтиг̇ад̇иго хи уммад̇д̇аго вияа яам̣ ваа д̇ам̣ ваа г̇ан̣хаад̇и. руубий жа аруубий жаад̇и руубааруубамиссагаг̇аахавасзна вуд̇д̇ам̣. аяам̣ д̣̇идти руубааважарааруубааважарасамаабад̇д̇илаабхиноби д̇аггигассааби уббаж̇ж̇ад̇и. нзва руубий нааруубийд̇и бана зганд̇ад̇о д̇аггигад̣̇идтиязва. анд̇аваад̇и барид̇д̇агасин̣ам̣ ад̇д̇ад̇о г̇ан̣ханд̇асса д̣̇идти. ананд̇аваад̇и аббамаан̣агасин̣ам̣. анд̇аваа жа ананд̇аваа жаад̇и уд̣̇д̇хамад̇хо сабарияанд̇ам̣ д̇ирияам̣ абарияанд̇ам̣ гасин̣ам̣ ад̇д̇аад̇и г̇ахзд̇ваа уббаннад̣̇идти. нзванд̇аваа наананд̇аваад̇и д̇аггигад̣̇идтиязва. сзсам̣ саб̣б̣ад̇т̇а уд̇д̇аанад̇т̇амзваад̇и.
958. Asaññīti pavatto vādo asaññīvādo; so tesaṃ atthīti asaññīvādā. Rūpī attātiādīsu lābhino kasiṇarūpaṃ attāti gahetvā rūpīti diṭṭhi uppajjati; alābhino takkamatteneva , ājīvakānaṃ viya. Lābhinoyeva ca pana arūpasamāpattinimittaṃ attāti gahetvā arūpīti diṭṭhi uppajjati; alābhino takkamatteneva, nigaṇṭhānaṃ viya. Asaññībhāve panettha ekanteneva kāraṇaṃ na pariyesitabbaṃ. Diṭṭhigatiko hi ummattako viya yaṃ vā taṃ vā gaṇhāti. Rūpī ca arūpī cāti rūpārūpamissakagāhavasena vuttaṃ. Ayaṃ diṭṭhi rūpāvacarārūpāvacarasamāpattilābhinopi takkikassāpi uppajjati. Neva rūpī nārūpīti pana ekantato takkikadiṭṭhiyeva. Antavāti parittakasiṇaṃ attato gaṇhantassa diṭṭhi. Anantavāti appamāṇakasiṇaṃ. Antavā ca anantavā cāti uddhamadho sapariyantaṃ tiriyaṃ apariyantaṃ kasiṇaṃ attāti gahetvā uppannadiṭṭhi. Nevantavā nānantavāti takkikadiṭṭhiyeva. Sesaṃ sabbattha uttānatthamevāti.
адтаганид̣̇д̣̇зсаван̣н̣анаа.
Aṭṭhakaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
