| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
адтагаваараван̣н̣анаа
Aṭṭhakavāravaṇṇanā
328. адтагзсу – адтаанисам̣сзд̇и ‘‘на маяам̣ иминаа бхигкунаа сад̣̇д̇хим̣ убосат̇ам̣ гариссаама, винаа иминаа бхигкунаа убосат̇ам̣ гариссаама, на маяам̣ иминаа бхигкунаа сад̣̇д̇хим̣ баваарзссаама, сан̇гхагаммам̣ гариссаама, аасанз нисийд̣̇иссаама, яааг̇убаанз нисийд̣̇иссаама, бхад̇д̇аг̇г̇з нисийд̣̇иссаама, згажчаннз васиссаама, яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гариссаама, винаа иминаа бхигкунаа гариссаамаа’’д̇и звам̣ госамб̣агагканд̇хагз вуд̇д̇з аанисам̣сз. д̣̇уд̇ияаадтагзби зсзва наяо, д̇амби хи звамзва госамб̣агагканд̇хагз вуд̇д̇ам̣.
328. Aṭṭhakesu – aṭṭhānisaṃseti ‘‘na mayaṃ iminā bhikkhunā saddhiṃ uposathaṃ karissāma, vinā iminā bhikkhunā uposathaṃ karissāma, na mayaṃ iminā bhikkhunā saddhiṃ pavāressāma, saṅghakammaṃ karissāma, āsane nisīdissāma, yāgupāne nisīdissāma, bhattagge nisīdissāma, ekacchanne vasissāma, yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ karissāma, vinā iminā bhikkhunā karissāmā’’ti evaṃ kosambakakkhandhake vutte ānisaṃse. Dutiyaaṭṭhakepi eseva nayo, tampi hi evameva kosambakakkhandhake vuttaṃ.
адта яаавад̇ад̇ияагаад̇и бхигкуунам̣ д̇зрасагз жад̇д̇ааро, бхигкунийнам̣ сад̇д̇арасагз бхигкуухи асаад̇хааран̣аа жад̇д̇аарод̇и адта. адтахаагаарзхи гулаани д̣̇уусзд̇ийд̇и гулаани д̣̇уусзд̇и бубпзна ваа палзна ваа жун̣н̣зна ваа мад̇д̇игааяа ваа д̣̇анд̇агадтзна ваа взл̣уяаа ваа взж̇ж̇игааяа ваа ж̇ан̇гхабзсанигзна ваад̇и имзхи адтахи. адта маад̇игаа жийварагканд̇хагз, абараа адта гат̇инагканд̇хагз вуд̇д̇аа. адтахи асад̣̇д̇хаммзхийд̇и лаабхзна алаабхзна яасзна аяасзна саггаарзна асаггаарзна баабижчад̇ааяа баабамид̇д̇ад̇ааяа. адта логад̇хаммаа наама лаабхз саарааг̇о, алаабхз бадивирод̇хо; звам̣ яасз аяасз, басам̣сааяа нинд̣̇ааяа, сукз саарааг̇о, д̣̇угкз бадивирод̇ход̇и. адтан̇г̇иго мусааваад̣̇од̇и ‘‘винид̇хааяа сан̃н̃а’’нд̇и иминаа сад̣̇д̇хим̣ баал̣ияам̣ ааг̇ад̇зхи сад̇д̇ахийд̇и адтахи ан̇г̇зхи адтан̇г̇иго.
Aṭṭha yāvatatiyakāti bhikkhūnaṃ terasake cattāro, bhikkhunīnaṃ sattarasake bhikkhūhi asādhāraṇā cattāroti aṭṭha. Aṭṭhahākārehi kulāni dūsetīti kulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vā vejjikāya vā jaṅghapesanikena vāti imehi aṭṭhahi. Aṭṭha mātikā cīvarakkhandhake, aparā aṭṭha kathinakkhandhake vuttā. Aṭṭhahi asaddhammehīti lābhena alābhena yasena ayasena sakkārena asakkārena pāpicchatāya pāpamittatāya. Aṭṭha lokadhammā nāma lābhe sārāgo, alābhe paṭivirodho; evaṃ yase ayase, pasaṃsāya nindāya, sukhe sārāgo, dukkhe paṭivirodhoti. Aṭṭhaṅgiko musāvādoti ‘‘vinidhāya sañña’’nti iminā saddhiṃ pāḷiyaṃ āgatehi sattahīti aṭṭhahi aṅgehi aṭṭhaṅgiko.
адта убосат̇ан̇г̇аанийд̇и –
Aṭṭha uposathaṅgānīti –
‘‘баан̣ам̣ на ханз на жаад̣̇иннамаад̣̇ияз,
‘‘Pāṇaṃ na hane na cādinnamādiye,
мусаа на бхаасз на жа маж̇ж̇або сияаа;
Musā na bhāse na ca majjapo siyā;
аб̣рахмажарияаа вирамзяяа мзт̇унаа,
Abrahmacariyā virameyya methunā,
рад̇д̇им̣ на бхун̃ж̇зяяа вигаалабхож̇анам̣.
Rattiṃ na bhuñjeyya vikālabhojanaṃ.
‘‘маалам̣ на д̇хаарз на жа г̇анд̇хамаажарз,
‘‘Mālaṃ na dhāre na ca gandhamācare,
ман̃жз чамааяам̣ва саязт̇а сант̇ад̇з;
Mañce chamāyaṃva sayetha santhate;
зд̇ан̃хи адтан̇г̇игамаахубосат̇ам̣,
Etañhi aṭṭhaṅgikamāhuposathaṃ,
б̣уд̣̇д̇хзна д̣̇угканд̇аг̇унаа багаасид̇а’’нд̇и. (а. ни. 3.71);
Buddhena dukkhantagunā pakāsita’’nti. (a. ni. 3.71);
звам̣ вуд̇д̇аани адта. адта д̣̇ууд̇зяяан̇г̇аанийд̇и ‘‘ид̇ха, бхигкавз, бхигку сод̇аа жа ход̇и саавзд̇аа жаа’’д̇иаад̣̇инаа наязна сан̇гхабхзд̣̇агз вуд̇д̇аани. д̇ид̇т̇ияавад̇д̇аани махааканд̇хагз нид̣̇д̣̇идтаани. анад̇ирид̇д̇аа жа ад̇ирид̇д̇аа жа бавааран̣аасигкаабад̣̇з нид̣̇д̣̇идтаа. адтаннам̣ бажжудтаад̇аб̣б̣анд̇и бхад̇д̇аг̇г̇з вуд̣дхабхигкунийнам̣, аасанамби д̇аасам̣язва д̣̇аад̇аб̣б̣ам̣. убаасигаад̇и висаакаа. адтаанисам̣саа винаяад̇харзд̇и бан̃жагз вуд̇д̇зсу бан̃жасу ‘‘д̇ассаад̇хзяяо убосат̇о, бавааран̣аа, сан̇гхагамма’’нд̇и имз д̇аяо багкибид̇ваа адта взд̣̇ид̇аб̣б̣аа. адта барамаанийд̇и буб̣б̣з вуд̇д̇абарамаанзва адтагавасзна яож̇зд̇ваа взд̣̇ид̇аб̣б̣аани. адтасу д̇хаммзсу саммаа вад̇д̇ид̇аб̣б̣анд̇и ‘‘на багад̇ад̇д̇асса бхигкуно убосат̇о табзд̇аб̣б̣о, на бавааран̣аа табзд̇аб̣б̣аа’’д̇иаад̣̇инаа наязна самат̇агканд̇хагз нид̣̇д̣̇идтзсу адтасу. сзсам̣ саб̣б̣ад̇т̇а уд̇д̇аанамзваад̇и.
Evaṃ vuttāni aṭṭha. Aṭṭha dūteyyaṅgānīti ‘‘idha, bhikkhave, bhikkhu sotā ca hoti sāvetā cā’’tiādinā nayena saṅghabhedake vuttāni. Titthiyavattāni mahākhandhake niddiṭṭhāni. Anatirittā ca atirittā ca pavāraṇāsikkhāpade niddiṭṭhā. Aṭṭhannaṃ paccuṭṭhātabbanti bhattagge vuḍḍhabhikkhunīnaṃ, āsanampi tāsaṃyeva dātabbaṃ. Upāsikāti visākhā. Aṭṭhānisaṃsā vinayadhareti pañcake vuttesu pañcasu ‘‘tassādheyyo uposatho, pavāraṇā, saṅghakamma’’nti ime tayo pakkhipitvā aṭṭha veditabbā. Aṭṭha paramānīti pubbe vuttaparamāneva aṭṭhakavasena yojetvā veditabbāni. Aṭṭhasu dhammesu sammā vattitabbanti ‘‘na pakatattassa bhikkhuno uposatho ṭhapetabbo, na pavāraṇā ṭhapetabbā’’tiādinā nayena samathakkhandhake niddiṭṭhesu aṭṭhasu. Sesaṃ sabbattha uttānamevāti.
адтагаваараван̣н̣анаа нидтид̇аа.
Aṭṭhakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 8. адтагавааро • 8. Aṭṭhakavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / адтагаваараван̣н̣анаа • Aṭṭhakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / адтагаваараван̣н̣анаа • Aṭṭhakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо адтагаваараван̣н̣анаа • Ekuttarikanayo aṭṭhakavāravaṇṇanā
