| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
адтагаваараван̣н̣анаа
Aṭṭhakavāravaṇṇanā
328. адтагзсу адтаанисам̣сз самбассамаанзнаад̇и –
328. Aṭṭhakesu aṭṭhānisaṃse sampassamānenāti –
‘‘ид̇ха бана, бхигкавз, бхигку аабад̇д̇им̣ аабанно ход̇и, со д̇ассаа аабад̇д̇ияаа анаабад̇д̇ид̣̇идти ход̇и, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и, д̇з жз, бхигкавз, бхигкуу д̇ам̣ бхигкум̣ звам̣ ж̇аананд̇и ‘аяам̣ ко ааяасмаа б̣ахуссуд̇о ааг̇ад̇ааг̇амо д̇хаммад̇харо винаяад̇харо маад̇игаад̇харо бан̣д̣ид̇о б̣яад̇д̇о мзд̇хаавий лаж̇ж̇ий гуггужжаго сигкаагаамо, сажз маяам̣ имам̣ бхигкум̣ аабад̇д̇ияаа ад̣̇ассанз угкибиссаама, на маяам̣ иминаа бхигкунаа сад̣̇д̇хим̣ убосат̇ам̣ гариссаама, винаа иминаа бхигкунаа убосат̇ам̣ гариссаама, бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, бхзд̣̇аг̇аругзхи, бхигкавз, бхигкуухи на со бхигку аабад̇д̇ияаа ад̣̇ассанз угкибид̇аб̣б̣о’’д̇и (махаава. 453) –
‘‘Idha pana, bhikkhave, bhikkhu āpattiṃ āpanno hoti, so tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti, te ce, bhikkhave, bhikkhū taṃ bhikkhuṃ evaṃ jānanti ‘ayaṃ kho āyasmā bahussuto āgatāgamo dhammadharo vinayadharo mātikādharo paṇḍito byatto medhāvī lajjī kukkuccako sikkhākāmo, sace mayaṃ imaṃ bhikkhuṃ āpattiyā adassane ukkhipissāma, na mayaṃ iminā bhikkhunā saddhiṃ uposathaṃ karissāma, vinā iminā bhikkhunā uposathaṃ karissāma, bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, bhedagarukehi, bhikkhave, bhikkhūhi na so bhikkhu āpattiyā adassane ukkhipitabbo’’ti (mahāva. 453) –
аад̣̇инаа вуд̇д̇аадтаанисам̣сз самбассамаанзна. д̇зна хи сад̣̇д̇хим̣ убосат̇аад̣̇иагаран̣ам̣ аад̣̇ийнаво бхзд̣̇ааяа сам̣вад̇д̇анад̇о, гаран̣ам̣ аанисам̣со саамаг̇г̇ияаа сам̣вад̇д̇анад̇о. д̇асмаа зд̇з адтаанисам̣сз самбассамаанзна на со бхигку угкибид̇аб̣б̣од̇и ад̇т̇о.
Ādinā vuttaaṭṭhānisaṃse sampassamānena. Tena hi saddhiṃ uposathādiakaraṇaṃ ādīnavo bhedāya saṃvattanato, karaṇaṃ ānisaṃso sāmaggiyā saṃvattanato. Tasmā ete aṭṭhānisaṃse sampassamānena na so bhikkhu ukkhipitabboti attho.
д̣̇уд̇ияаадтагзби адтаанисам̣сз самбассамаанзнаад̇и –
Dutiyaaṭṭhakepi aṭṭhānisaṃse sampassamānenāti –
‘‘ид̇ха бана, бхигкавз, бхигку аабад̇д̇им̣ аабанно ход̇и, со д̇ассаа аабад̇д̇ияаа анаабад̇д̇ид̣̇идти ход̇и, ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇и, со жз, бхигкавз, бхигку д̇з бхигкуу звам̣ ж̇аанаад̇и ‘имз ко ааяасманд̇о б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа бан̣д̣ид̇аа б̣яад̇д̇аа мзд̇хаавино лаж̇ж̇ино гуггужжагаа сигкаагаамаа, наалам̣ мамам̣ ваа гааран̣аа ан̃н̃зсам̣ ваа гааран̣аа чанд̣̇аа д̣̇осаа мохаа бхаяаа аг̇ад̇им̣ г̇анд̇ум̣, сажз мам̣ имз бхигкуу аабад̇д̇ияаа ад̣̇ассанз угкибиссанд̇и, на маяаа сад̣̇д̇хим̣ убосат̇ам̣ гариссанд̇и, винаа маяаа убосат̇ам̣ гариссанд̇и, бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, бхзд̣̇аг̇аругзна, бхигкавз, бхигкунаа барзсамби сад̣̇д̇хааяа саа аабад̇д̇и д̣̇зсзд̇аб̣б̣аа’’д̇и (махаава. 453) –
‘‘Idha pana, bhikkhave, bhikkhu āpattiṃ āpanno hoti, so tassā āpattiyā anāpattidiṭṭhi hoti, aññe bhikkhū tassā āpattiyā āpattidiṭṭhino honti, so ce, bhikkhave, bhikkhu te bhikkhū evaṃ jānāti ‘ime kho āyasmanto bahussutā āgatāgamā dhammadharā vinayadharā mātikādharā paṇḍitā byattā medhāvino lajjino kukkuccakā sikkhākāmā, nālaṃ mamaṃ vā kāraṇā aññesaṃ vā kāraṇā chandā dosā mohā bhayā agatiṃ gantuṃ, sace maṃ ime bhikkhū āpattiyā adassane ukkhipissanti, na mayā saddhiṃ uposathaṃ karissanti, vinā mayā uposathaṃ karissanti, bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, bhedagarukena, bhikkhave, bhikkhunā paresampi saddhāya sā āpatti desetabbā’’ti (mahāva. 453) –
аад̣̇инаа вуд̇д̇аадтаанисам̣сз самбассамаанзнаад̇и ад̇т̇о.
Ādinā vuttaaṭṭhānisaṃse sampassamānenāti attho.
баал̣ияам̣ ааг̇ад̇зхи сад̇д̇ахийд̇и ‘‘буб̣б̣звасса ход̇и ‘мусаа бхан̣исса’нд̇и, бхан̣анд̇асса ход̇и ‘мусаа бхан̣аамий’д̇и, бхан̣ид̇асса ход̇и ‘мусаа маяаа бхан̣ид̇а’нд̇и винид̇хааяа д̣̇идтим̣, винид̇хааяа канд̇им̣, винид̇хааяа ружим̣, винид̇хааяа бхаава’’нд̇и (баараа. 220) звамааг̇ад̇зхи сад̇д̇ахи.
Pāḷiyaṃ āgatehi sattahīti ‘‘pubbevassa hoti ‘musā bhaṇissa’nti, bhaṇantassa hoti ‘musā bhaṇāmī’ti, bhaṇitassa hoti ‘musā mayā bhaṇita’nti vinidhāya diṭṭhiṃ, vinidhāya khantiṃ, vinidhāya ruciṃ, vinidhāya bhāva’’nti (pārā. 220) evamāgatehi sattahi.
аб̣рахмажарияаад̇и асздтажарияад̇о. рад̇д̇им̣ на бхун̃ж̇зяяа вигаалабхож̇ананд̇и убосат̇ам̣ убавуд̇т̇о рад̇д̇ибхож̇анан̃жа д̣̇иваавигаалабхож̇анан̃жа на бхун̃ж̇зяяа. ман̃жз чамааяам̣ва саязт̇а сант̇ад̇зд̇и габбияаман̃жз ваа суд̇хаад̣̇ибаригаммагад̇ааяа бхуумияам̣ ваа д̇ин̣абан̣н̣абалаалаад̣̇ийни сант̇арид̇ваа гад̇з сант̇ад̇з ваа саязт̇аад̇и ад̇т̇о. зд̇ан̃хи адтан̇г̇ийгамаахубосат̇анд̇и зд̇ам̣ баан̣аад̇ибаад̇аад̣̇ийни асамаажаранд̇зна убавуд̇т̇аубосат̇ам̣ адтахи ан̇г̇зхи саманнааг̇ад̇ад̇д̇аа ‘‘адтан̇г̇ига’’нд̇и вад̣̇анд̇и.
Abrahmacariyāti aseṭṭhacariyato. Rattiṃ na bhuñjeyya vikālabhojananti uposathaṃ upavuttho rattibhojanañca divāvikālabhojanañca na bhuñjeyya. Mañce chamāyaṃva sayetha santhateti kappiyamañce vā sudhādiparikammakatāya bhūmiyaṃ vā tiṇapaṇṇapalālādīni santharitvā kate santhate vā sayethāti attho. Etañhi aṭṭhaṅgīkamāhuposathanti etaṃ pāṇātipātādīni asamācarantena upavutthauposathaṃ aṭṭhahi aṅgehi samannāgatattā ‘‘aṭṭhaṅgika’’nti vadanti.
‘‘агаббияагад̇ам̣ ход̇и аббадиг̇г̇ахид̇ага’’нд̇иаад̣̇аяо адта анад̇ирид̇д̇аа наама. саббиаад̣̇и адтамз арун̣уг̇г̇аманз ниссаг̇г̇ияам̣ ход̇и. адтагавасзна яож̇зд̇ваа взд̣̇ид̇аб̣б̣аанийд̇и буримаани адта згам̣ адтагам̣, д̇ад̇о згам̣ абанзд̇ваа сзсзсуби згзгам̣ багкибид̇ваад̇и звамаад̣̇инаа наязна ан̃н̃ааниби адтагаани гаад̇аб̣б̣аанийд̇и ад̇т̇о.
‘‘Akappiyakataṃ hoti appaṭiggahitaka’’ntiādayo aṭṭha anatirittā nāma. Sappiādi aṭṭhame aruṇuggamane nissaggiyaṃ hoti. Aṭṭhakavasena yojetvā veditabbānīti purimāni aṭṭha ekaṃ aṭṭhakaṃ, tato ekaṃ apanetvā sesesupi ekekaṃ pakkhipitvāti evamādinā nayena aññānipi aṭṭhakāni kātabbānīti attho.
адтагаваараван̣н̣анаа нидтид̇аа.
Aṭṭhakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 8. адтагавааро • 8. Aṭṭhakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / адтагаваараван̣н̣анаа • Aṭṭhakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / адтагаваараван̣н̣анаа • Aṭṭhakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо адтагаваараван̣н̣анаа • Ekuttarikanayo aṭṭhakavāravaṇṇanā
