| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
8. அட்ட²கவாரோ
8. Aṭṭhakavāro
328. அட்டா²னிஸங்ஸே ஸம்பஸ்ஸமானேன ந ஸோ பி⁴க்கு² ஆபத்தியா அத³ஸ்ஸனே உக்கி²பிதப்³போ³. அட்டா²னிஸங்ஸே ஸம்பஸ்ஸமானேன பரேஸம்பி ஸத்³தா⁴ய ஸா ஆபத்தி தே³ஸேதப்³பா³. அட்ட² யாவததியகா. அட்ட²ஹாகாரேஹி குலானி தூ³ஸேதி. அட்ட² மாதிகா சீவரஸ்ஸ உப்பாதா³ய. அட்ட² மாதிகா கதி²னஸ்ஸ உப்³பா⁴ராய. அட்ட² பானானி. 1 அட்ட²ஹி அஸத்³த⁴ம்மேஹி அபி⁴பூ⁴தோ பரியாதி³ன்னசித்தோ தே³வத³த்தோ ஆபாயிகோ நேரயிகோ கப்பட்டோ² அதேகிச்சோ² . அட்ட² லோகத⁴ம்மா. அட்ட² க³ருத⁴ம்மா. அட்ட² பாடிதே³ஸனீயா. அட்ட²ங்கி³கோ முஸாவாதோ³ . அட்ட² உபோஸத²ங்கா³னி. அட்ட² தூ³தெய்யங்கா³னி. அட்ட² தித்தி²யவத்தானி. அட்ட² அச்ச²ரியா அப்³பு⁴தத⁴ம்மா மஹாஸமுத்³தே³. அட்ட² அச்ச²ரியா அப்³பு⁴தத⁴ம்மா இமஸ்மிங் த⁴ம்மவினயே. அட்ட² அனதிரித்தா. அட்ட² அதிரித்தா. அட்ட²மே அருணுக்³க³மனே நிஸ்ஸக்³கி³யங் ஹோதி. அட்ட² பாராஜிகா. அட்ட²மங் வத்து²ங் பரிபூரெந்தீ நாஸேதப்³பா³. அட்ட²மங் வத்து²ங் பரிபூரெந்தியா தே³ஸிதாபி அதே³ஸிதா ஹோதி. அட்ட²வாசிகா உபஸம்பதா³. அட்ட²ன்னங் பச்சுட்டா²தப்³ப³ங். அட்ட²ன்னங் ஆஸனங் தா³தப்³ப³ங். உபாஸிகா அட்ட² வரானி யாசதி. அட்ட²ஹங்கே³ஹி ஸமன்னாக³தோ பி⁴க்கு² பி⁴க்கு²னோவாத³கோ ஸம்மன்னிதப்³போ³ 2. அட்டா²னிஸங்ஸா வினயத⁴ரே. அட்ட² பரமானி. தஸ்ஸபாபியஸிககம்மகதேன பி⁴க்கு²னா அட்ட²ஸு த⁴ம்மேஸு ஸம்மா வத்திதப்³ப³ங். அட்ட² அத⁴ம்மிகானி பாதிமொக்க²ட்ட²பனானி அட்ட² த⁴ம்மிகானி பாதிமொக்க²ட்ட²பனானீதி.
328. Aṭṭhānisaṃse sampassamānena na so bhikkhu āpattiyā adassane ukkhipitabbo. Aṭṭhānisaṃse sampassamānena paresampi saddhāya sā āpatti desetabbā. Aṭṭha yāvatatiyakā. Aṭṭhahākārehi kulāni dūseti. Aṭṭha mātikā cīvarassa uppādāya. Aṭṭha mātikā kathinassa ubbhārāya. Aṭṭha pānāni. 3 Aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho . Aṭṭha lokadhammā. Aṭṭha garudhammā. Aṭṭha pāṭidesanīyā. Aṭṭhaṅgiko musāvādo . Aṭṭha uposathaṅgāni. Aṭṭha dūteyyaṅgāni. Aṭṭha titthiyavattāni. Aṭṭha acchariyā abbhutadhammā mahāsamudde. Aṭṭha acchariyā abbhutadhammā imasmiṃ dhammavinaye. Aṭṭha anatirittā. Aṭṭha atirittā. Aṭṭhame aruṇuggamane nissaggiyaṃ hoti. Aṭṭha pārājikā. Aṭṭhamaṃ vatthuṃ paripūrentī nāsetabbā. Aṭṭhamaṃ vatthuṃ paripūrentiyā desitāpi adesitā hoti. Aṭṭhavācikā upasampadā. Aṭṭhannaṃ paccuṭṭhātabbaṃ. Aṭṭhannaṃ āsanaṃ dātabbaṃ. Upāsikā aṭṭha varāni yācati. Aṭṭhahaṅgehi samannāgato bhikkhu bhikkhunovādako sammannitabbo 4. Aṭṭhānisaṃsā vinayadhare. Aṭṭha paramāni. Tassapāpiyasikakammakatena bhikkhunā aṭṭhasu dhammesu sammā vattitabbaṃ. Aṭṭha adhammikāni pātimokkhaṭṭhapanāni aṭṭha dhammikāni pātimokkhaṭṭhapanānīti.
அட்ட²கங் நிட்டி²தங்.
Aṭṭhakaṃ niṭṭhitaṃ.
தஸ்ஸுத்³தா³னங் –
Tassuddānaṃ –
ந ஸோ பி⁴க்கு² பரேஸம்பி, யாவததியதூ³ஸனா;
Na so bhikkhu paresampi, yāvatatiyadūsanā;
மாதிகா கதி²னுப்³பா⁴ரா, பானா அபி⁴பூ⁴தேன ச.
Mātikā kathinubbhārā, pānā abhibhūtena ca.
லோகத⁴ம்மா க³ருத⁴ம்மா, பாடிதே³ஸனீயா முஸா;
Lokadhammā garudhammā, pāṭidesanīyā musā;
உபோஸதா² ச தூ³தங்கா³, தித்தி²யா ஸமுத்³தே³பி ச.
Uposathā ca dūtaṅgā, titthiyā samuddepi ca.
அப்³பு⁴தா அனதிரித்தங், அதிரித்தங் நிஸ்ஸக்³கி³யங்;
Abbhutā anatirittaṃ, atirittaṃ nissaggiyaṃ;
பாராஜிகட்ட²மங் வத்து², அதே³ஸிதூபஸம்பதா³.
Pārājikaṭṭhamaṃ vatthu, adesitūpasampadā.
பச்சுட்டா²னாஸனஞ்சேவ, வரங் ஓவாத³கேன ச;
Paccuṭṭhānāsanañceva, varaṃ ovādakena ca;
ஆனிஸங்ஸா பரமானி, அட்ட²த⁴ம்மேஸு வத்தனா;
Ānisaṃsā paramāni, aṭṭhadhammesu vattanā;
அத⁴ம்மிகா த⁴ம்மிகா ச, அட்ட²கா ஸுப்பகாஸிதாதி.
Adhammikā dhammikā ca, aṭṭhakā suppakāsitāti.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அட்ட²கவாரவண்ணனா • Aṭṭhakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அட்ட²கவாரவண்ணனா • Aṭṭhakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அட்ட²கவாரவண்ணனா • Aṭṭhakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²க்கவாராதி³வண்ணனா • Chakkavārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ அட்ட²கவாரவண்ணனா • Ekuttarikanayo aṭṭhakavāravaṇṇanā
