| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๘. อฎฺฐกวาโร
8. Aṭṭhakavāro
๓๒๘. อฎฺฐานิสํเส สมฺปสฺสมาเนน น โส ภิกฺขุ อาปตฺติยา อทสฺสเน อุกฺขิปิตโพฺพฯ อฎฺฐานิสํเส สมฺปสฺสมาเนน ปเรสมฺปิ สทฺธาย สา อาปตฺติ เทเสตพฺพาฯ อฎฺฐ ยาวตติยกาฯ อฎฺฐหากาเรหิ กุลานิ ทูเสติฯ อฎฺฐ มาติกา จีวรสฺส อุปฺปาทายฯ อฎฺฐ มาติกา กถินสฺส อุพฺภารายฯ อฎฺฐ ปานานิฯ 1 อฎฺฐหิ อสทฺธเมฺมหิ อภิภูโต ปริยาทินฺนจิโตฺต เทวทโตฺต อาปายิโก เนรยิโก กปฺปโฎฺฐ อเตกิโจฺฉ ฯ อฎฺฐ โลกธมฺมาฯ อฎฺฐ ครุธมฺมาฯ อฎฺฐ ปาฎิเทสนียาฯ อฎฺฐงฺคิโก มุสาวาโท ฯ อฎฺฐ อุโปสถงฺคานิฯ อฎฺฐ ทูเตยฺยงฺคานิฯ อฎฺฐ ติตฺถิยวตฺตานิฯ อฎฺฐ อจฺฉริยา อพฺภุตธมฺมา มหาสมุเทฺทฯ อฎฺฐ อจฺฉริยา อพฺภุตธมฺมา อิมสฺมิํ ธมฺมวินเยฯ อฎฺฐ อนติริตฺตาฯ อฎฺฐ อติริตฺตาฯ อฎฺฐเม อรุณุคฺคมเน นิสฺสคฺคิยํ โหติฯ อฎฺฐ ปาราชิกาฯ อฎฺฐมํ วตฺถุํ ปริปูเรนฺตี นาเสตพฺพาฯ อฎฺฐมํ วตฺถุํ ปริปูเรนฺติยา เทสิตาปิ อเทสิตา โหติฯ อฎฺฐวาจิกา อุปสมฺปทาฯ อฎฺฐนฺนํ ปจฺจุฎฺฐาตพฺพํฯ อฎฺฐนฺนํ อาสนํ ทาตพฺพํฯ อุปาสิกา อฎฺฐ วรานิ ยาจติฯ อฎฺฐหเงฺคหิ สมนฺนาคโต ภิกฺขุ ภิกฺขุโนวาทโก สมฺมนฺนิตโพฺพ 2ฯ อฎฺฐานิสํสา วินยธเรฯ อฎฺฐ ปรมานิฯ ตสฺสปาปิยสิกกมฺมกเตน ภิกฺขุนา อฎฺฐสุ ธเมฺมสุ สมฺมา วตฺติตพฺพํฯ อฎฺฐ อธมฺมิกานิ ปาติโมกฺขฎฺฐปนานิ อฎฺฐ ธมฺมิกานิ ปาติโมกฺขฎฺฐปนานีติฯ
328. Aṭṭhānisaṃse sampassamānena na so bhikkhu āpattiyā adassane ukkhipitabbo. Aṭṭhānisaṃse sampassamānena paresampi saddhāya sā āpatti desetabbā. Aṭṭha yāvatatiyakā. Aṭṭhahākārehi kulāni dūseti. Aṭṭha mātikā cīvarassa uppādāya. Aṭṭha mātikā kathinassa ubbhārāya. Aṭṭha pānāni. 3 Aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho . Aṭṭha lokadhammā. Aṭṭha garudhammā. Aṭṭha pāṭidesanīyā. Aṭṭhaṅgiko musāvādo . Aṭṭha uposathaṅgāni. Aṭṭha dūteyyaṅgāni. Aṭṭha titthiyavattāni. Aṭṭha acchariyā abbhutadhammā mahāsamudde. Aṭṭha acchariyā abbhutadhammā imasmiṃ dhammavinaye. Aṭṭha anatirittā. Aṭṭha atirittā. Aṭṭhame aruṇuggamane nissaggiyaṃ hoti. Aṭṭha pārājikā. Aṭṭhamaṃ vatthuṃ paripūrentī nāsetabbā. Aṭṭhamaṃ vatthuṃ paripūrentiyā desitāpi adesitā hoti. Aṭṭhavācikā upasampadā. Aṭṭhannaṃ paccuṭṭhātabbaṃ. Aṭṭhannaṃ āsanaṃ dātabbaṃ. Upāsikā aṭṭha varāni yācati. Aṭṭhahaṅgehi samannāgato bhikkhu bhikkhunovādako sammannitabbo 4. Aṭṭhānisaṃsā vinayadhare. Aṭṭha paramāni. Tassapāpiyasikakammakatena bhikkhunā aṭṭhasu dhammesu sammā vattitabbaṃ. Aṭṭha adhammikāni pātimokkhaṭṭhapanāni aṭṭha dhammikāni pātimokkhaṭṭhapanānīti.
อฎฺฐกํ นิฎฺฐิตํฯ
Aṭṭhakaṃ niṭṭhitaṃ.
ตสฺสุทฺทานํ –
Tassuddānaṃ –
น โส ภิกฺขุ ปเรสมฺปิ, ยาวตติยทูสนา;
Na so bhikkhu paresampi, yāvatatiyadūsanā;
มาติกา กถินุพฺภารา, ปานา อภิภูเตน จฯ
Mātikā kathinubbhārā, pānā abhibhūtena ca.
โลกธมฺมา ครุธมฺมา, ปาฎิเทสนียา มุสา;
Lokadhammā garudhammā, pāṭidesanīyā musā;
อุโปสถา จ ทูตงฺคา, ติตฺถิยา สมุเทฺทปิ จฯ
Uposathā ca dūtaṅgā, titthiyā samuddepi ca.
อพฺภุตา อนติริตฺตํ, อติริตฺตํ นิสฺสคฺคิยํ;
Abbhutā anatirittaṃ, atirittaṃ nissaggiyaṃ;
ปาราชิกฎฺฐมํ วตฺถุ, อเทสิตูปสมฺปทาฯ
Pārājikaṭṭhamaṃ vatthu, adesitūpasampadā.
ปจฺจุฎฺฐานาสนเญฺจว, วรํ โอวาทเกน จ;
Paccuṭṭhānāsanañceva, varaṃ ovādakena ca;
อานิสํสา ปรมานิ, อฎฺฐธเมฺมสุ วตฺตนา;
Ānisaṃsā paramāni, aṭṭhadhammesu vattanā;
อธมฺมิกา ธมฺมิกา จ, อฎฺฐกา สุปฺปกาสิตาติฯ
Adhammikā dhammikā ca, aṭṭhakā suppakāsitāti.
Footnotes:
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / อฎฺฐกวารวณฺณนา • Aṭṭhakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อฎฺฐกวารวณฺณนา • Aṭṭhakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อฎฺฐกวารวณฺณนา • Aṭṭhakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ฉกฺกวาราทิวณฺณนา • Chakkavārādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / เอกุตฺตริกนโย อฎฺฐกวารวณฺณนา • Ekuttarikanayo aṭṭhakavāravaṇṇanā
