| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೮. ಅಟ್ಠಕವಾರೋ
8. Aṭṭhakavāro
೩೨೮. ಅಟ್ಠಾನಿಸಂಸೇ ಸಮ್ಪಸ್ಸಮಾನೇನ ನ ಸೋ ಭಿಕ್ಖು ಆಪತ್ತಿಯಾ ಅದಸ್ಸನೇ ಉಕ್ಖಿಪಿತಬ್ಬೋ। ಅಟ್ಠಾನಿಸಂಸೇ ಸಮ್ಪಸ್ಸಮಾನೇನ ಪರೇಸಮ್ಪಿ ಸದ್ಧಾಯ ಸಾ ಆಪತ್ತಿ ದೇಸೇತಬ್ಬಾ। ಅಟ್ಠ ಯಾವತತಿಯಕಾ। ಅಟ್ಠಹಾಕಾರೇಹಿ ಕುಲಾನಿ ದೂಸೇತಿ। ಅಟ್ಠ ಮಾತಿಕಾ ಚೀವರಸ್ಸ ಉಪ್ಪಾದಾಯ। ಅಟ್ಠ ಮಾತಿಕಾ ಕಥಿನಸ್ಸ ಉಬ್ಭಾರಾಯ। ಅಟ್ಠ ಪಾನಾನಿ। 1 ಅಟ್ಠಹಿ ಅಸದ್ಧಮ್ಮೇಹಿ ಅಭಿಭೂತೋ ಪರಿಯಾದಿನ್ನಚಿತ್ತೋ ದೇವದತ್ತೋ ಆಪಾಯಿಕೋ ನೇರಯಿಕೋ ಕಪ್ಪಟ್ಠೋ ಅತೇಕಿಚ್ಛೋ । ಅಟ್ಠ ಲೋಕಧಮ್ಮಾ। ಅಟ್ಠ ಗರುಧಮ್ಮಾ। ಅಟ್ಠ ಪಾಟಿದೇಸನೀಯಾ। ಅಟ್ಠಙ್ಗಿಕೋ ಮುಸಾವಾದೋ । ಅಟ್ಠ ಉಪೋಸಥಙ್ಗಾನಿ। ಅಟ್ಠ ದೂತೇಯ್ಯಙ್ಗಾನಿ। ಅಟ್ಠ ತಿತ್ಥಿಯವತ್ತಾನಿ। ಅಟ್ಠ ಅಚ್ಛರಿಯಾ ಅಬ್ಭುತಧಮ್ಮಾ ಮಹಾಸಮುದ್ದೇ। ಅಟ್ಠ ಅಚ್ಛರಿಯಾ ಅಬ್ಭುತಧಮ್ಮಾ ಇಮಸ್ಮಿಂ ಧಮ್ಮವಿನಯೇ। ಅಟ್ಠ ಅನತಿರಿತ್ತಾ। ಅಟ್ಠ ಅತಿರಿತ್ತಾ। ಅಟ್ಠಮೇ ಅರುಣುಗ್ಗಮನೇ ನಿಸ್ಸಗ್ಗಿಯಂ ಹೋತಿ। ಅಟ್ಠ ಪಾರಾಜಿಕಾ। ಅಟ್ಠಮಂ ವತ್ಥುಂ ಪರಿಪೂರೇನ್ತೀ ನಾಸೇತಬ್ಬಾ। ಅಟ್ಠಮಂ ವತ್ಥುಂ ಪರಿಪೂರೇನ್ತಿಯಾ ದೇಸಿತಾಪಿ ಅದೇಸಿತಾ ಹೋತಿ। ಅಟ್ಠವಾಚಿಕಾ ಉಪಸಮ್ಪದಾ। ಅಟ್ಠನ್ನಂ ಪಚ್ಚುಟ್ಠಾತಬ್ಬಂ। ಅಟ್ಠನ್ನಂ ಆಸನಂ ದಾತಬ್ಬಂ। ಉಪಾಸಿಕಾ ಅಟ್ಠ ವರಾನಿ ಯಾಚತಿ। ಅಟ್ಠಹಙ್ಗೇಹಿ ಸಮನ್ನಾಗತೋ ಭಿಕ್ಖು ಭಿಕ್ಖುನೋವಾದಕೋ ಸಮ್ಮನ್ನಿತಬ್ಬೋ 2। ಅಟ್ಠಾನಿಸಂಸಾ ವಿನಯಧರೇ। ಅಟ್ಠ ಪರಮಾನಿ। ತಸ್ಸಪಾಪಿಯಸಿಕಕಮ್ಮಕತೇನ ಭಿಕ್ಖುನಾ ಅಟ್ಠಸು ಧಮ್ಮೇಸು ಸಮ್ಮಾ ವತ್ತಿತಬ್ಬಂ। ಅಟ್ಠ ಅಧಮ್ಮಿಕಾನಿ ಪಾತಿಮೋಕ್ಖಟ್ಠಪನಾನಿ ಅಟ್ಠ ಧಮ್ಮಿಕಾನಿ ಪಾತಿಮೋಕ್ಖಟ್ಠಪನಾನೀತಿ।
328. Aṭṭhānisaṃse sampassamānena na so bhikkhu āpattiyā adassane ukkhipitabbo. Aṭṭhānisaṃse sampassamānena paresampi saddhāya sā āpatti desetabbā. Aṭṭha yāvatatiyakā. Aṭṭhahākārehi kulāni dūseti. Aṭṭha mātikā cīvarassa uppādāya. Aṭṭha mātikā kathinassa ubbhārāya. Aṭṭha pānāni. 3 Aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho . Aṭṭha lokadhammā. Aṭṭha garudhammā. Aṭṭha pāṭidesanīyā. Aṭṭhaṅgiko musāvādo . Aṭṭha uposathaṅgāni. Aṭṭha dūteyyaṅgāni. Aṭṭha titthiyavattāni. Aṭṭha acchariyā abbhutadhammā mahāsamudde. Aṭṭha acchariyā abbhutadhammā imasmiṃ dhammavinaye. Aṭṭha anatirittā. Aṭṭha atirittā. Aṭṭhame aruṇuggamane nissaggiyaṃ hoti. Aṭṭha pārājikā. Aṭṭhamaṃ vatthuṃ paripūrentī nāsetabbā. Aṭṭhamaṃ vatthuṃ paripūrentiyā desitāpi adesitā hoti. Aṭṭhavācikā upasampadā. Aṭṭhannaṃ paccuṭṭhātabbaṃ. Aṭṭhannaṃ āsanaṃ dātabbaṃ. Upāsikā aṭṭha varāni yācati. Aṭṭhahaṅgehi samannāgato bhikkhu bhikkhunovādako sammannitabbo 4. Aṭṭhānisaṃsā vinayadhare. Aṭṭha paramāni. Tassapāpiyasikakammakatena bhikkhunā aṭṭhasu dhammesu sammā vattitabbaṃ. Aṭṭha adhammikāni pātimokkhaṭṭhapanāni aṭṭha dhammikāni pātimokkhaṭṭhapanānīti.
ಅಟ್ಠಕಂ ನಿಟ್ಠಿತಂ।
Aṭṭhakaṃ niṭṭhitaṃ.
ತಸ್ಸುದ್ದಾನಂ –
Tassuddānaṃ –
ನ ಸೋ ಭಿಕ್ಖು ಪರೇಸಮ್ಪಿ, ಯಾವತತಿಯದೂಸನಾ।
Na so bhikkhu paresampi, yāvatatiyadūsanā;
ಮಾತಿಕಾ ಕಥಿನುಬ್ಭಾರಾ, ಪಾನಾ ಅಭಿಭೂತೇನ ಚ॥
Mātikā kathinubbhārā, pānā abhibhūtena ca.
ಲೋಕಧಮ್ಮಾ ಗರುಧಮ್ಮಾ, ಪಾಟಿದೇಸನೀಯಾ ಮುಸಾ।
Lokadhammā garudhammā, pāṭidesanīyā musā;
ಉಪೋಸಥಾ ಚ ದೂತಙ್ಗಾ, ತಿತ್ಥಿಯಾ ಸಮುದ್ದೇಪಿ ಚ॥
Uposathā ca dūtaṅgā, titthiyā samuddepi ca.
ಅಬ್ಭುತಾ ಅನತಿರಿತ್ತಂ, ಅತಿರಿತ್ತಂ ನಿಸ್ಸಗ್ಗಿಯಂ।
Abbhutā anatirittaṃ, atirittaṃ nissaggiyaṃ;
ಪಾರಾಜಿಕಟ್ಠಮಂ ವತ್ಥು, ಅದೇಸಿತೂಪಸಮ್ಪದಾ॥
Pārājikaṭṭhamaṃ vatthu, adesitūpasampadā.
ಪಚ್ಚುಟ್ಠಾನಾಸನಞ್ಚೇವ, ವರಂ ಓವಾದಕೇನ ಚ।
Paccuṭṭhānāsanañceva, varaṃ ovādakena ca;
ಆನಿಸಂಸಾ ಪರಮಾನಿ, ಅಟ್ಠಧಮ್ಮೇಸು ವತ್ತನಾ।
Ānisaṃsā paramāni, aṭṭhadhammesu vattanā;
ಅಧಮ್ಮಿಕಾ ಧಮ್ಮಿಕಾ ಚ, ಅಟ್ಠಕಾ ಸುಪ್ಪಕಾಸಿತಾತಿ॥
Adhammikā dhammikā ca, aṭṭhakā suppakāsitāti.
Footnotes:
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಅಟ್ಠಕವಾರವಣ್ಣನಾ • Aṭṭhakavāravaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅಟ್ಠಕವಾರವಣ್ಣನಾ • Aṭṭhakavāravaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅಟ್ಠಕವಾರವಣ್ಣನಾ • Aṭṭhakavāravaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಛಕ್ಕವಾರಾದಿವಣ್ಣನಾ • Chakkavārādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಏಕುತ್ತರಿಕನಯೋ ಅಟ್ಠಕವಾರವಣ್ಣನಾ • Ekuttarikanayo aṭṭhakavāravaṇṇanā
