| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੮. ਅਟ੍ਠਕવਾਰੋ
8. Aṭṭhakavāro
੩੨੮. ਅਟ੍ਠਾਨਿਸਂਸੇ ਸਮ੍ਪਸ੍ਸਮਾਨੇਨ ਨ ਸੋ ਭਿਕ੍ਖੁ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਪਿਤਬ੍ਬੋ। ਅਟ੍ਠਾਨਿਸਂਸੇ ਸਮ੍ਪਸ੍ਸਮਾਨੇਨ ਪਰੇਸਮ੍ਪਿ ਸਦ੍ਧਾਯ ਸਾ ਆਪਤ੍ਤਿ ਦੇਸੇਤਬ੍ਬਾ। ਅਟ੍ਠ ਯਾવਤਤਿਯਕਾ। ਅਟ੍ਠਹਾਕਾਰੇਹਿ ਕੁਲਾਨਿ ਦੂਸੇਤਿ। ਅਟ੍ਠ ਮਾਤਿਕਾ ਚੀવਰਸ੍ਸ ਉਪ੍ਪਾਦਾਯ। ਅਟ੍ਠ ਮਾਤਿਕਾ ਕਥਿਨਸ੍ਸ ਉਬ੍ਭਾਰਾਯ। ਅਟ੍ਠ ਪਾਨਾਨਿ। 1 ਅਟ੍ਠਹਿ ਅਸਦ੍ਧਮ੍ਮੇਹਿ ਅਭਿਭੂਤੋ ਪਰਿਯਾਦਿਨ੍ਨਚਿਤ੍ਤੋ ਦੇવਦਤ੍ਤੋ ਆਪਾਯਿਕੋ ਨੇਰਯਿਕੋ ਕਪ੍ਪਟ੍ਠੋ ਅਤੇਕਿਚ੍ਛੋ । ਅਟ੍ਠ ਲੋਕਧਮ੍ਮਾ। ਅਟ੍ਠ ਗਰੁਧਮ੍ਮਾ। ਅਟ੍ਠ ਪਾਟਿਦੇਸਨੀਯਾ। ਅਟ੍ਠਙ੍ਗਿਕੋ ਮੁਸਾવਾਦੋ । ਅਟ੍ਠ ਉਪੋਸਥਙ੍ਗਾਨਿ। ਅਟ੍ਠ ਦੂਤੇਯ੍ਯਙ੍ਗਾਨਿ। ਅਟ੍ਠ ਤਿਤ੍ਥਿਯવਤ੍ਤਾਨਿ। ਅਟ੍ਠ ਅਚ੍ਛਰਿਯਾ ਅਬ੍ਭੁਤਧਮ੍ਮਾ ਮਹਾਸਮੁਦ੍ਦੇ। ਅਟ੍ਠ ਅਚ੍ਛਰਿਯਾ ਅਬ੍ਭੁਤਧਮ੍ਮਾ ਇਮਸ੍ਮਿਂ ਧਮ੍ਮવਿਨਯੇ। ਅਟ੍ਠ ਅਨਤਿਰਿਤ੍ਤਾ। ਅਟ੍ਠ ਅਤਿਰਿਤ੍ਤਾ। ਅਟ੍ਠਮੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ। ਅਟ੍ਠ ਪਾਰਾਜਿਕਾ। ਅਟ੍ਠਮਂ વਤ੍ਥੁਂ ਪਰਿਪੂਰੇਨ੍ਤੀ ਨਾਸੇਤਬ੍ਬਾ। ਅਟ੍ਠਮਂ વਤ੍ਥੁਂ ਪਰਿਪੂਰੇਨ੍ਤਿਯਾ ਦੇਸਿਤਾਪਿ ਅਦੇਸਿਤਾ ਹੋਤਿ। ਅਟ੍ਠવਾਚਿਕਾ ਉਪਸਮ੍ਪਦਾ। ਅਟ੍ਠਨ੍ਨਂ ਪਚ੍ਚੁਟ੍ਠਾਤਬ੍ਬਂ। ਅਟ੍ਠਨ੍ਨਂ ਆਸਨਂ ਦਾਤਬ੍ਬਂ। ਉਪਾਸਿਕਾ ਅਟ੍ਠ વਰਾਨਿ ਯਾਚਤਿ। ਅਟ੍ਠਹਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਭਿਕ੍ਖੁਨੋવਾਦਕੋ ਸਮ੍ਮਨ੍ਨਿਤਬ੍ਬੋ 2। ਅਟ੍ਠਾਨਿਸਂਸਾ વਿਨਯਧਰੇ। ਅਟ੍ਠ ਪਰਮਾਨਿ। ਤਸ੍ਸਪਾਪਿਯਸਿਕਕਮ੍ਮਕਤੇਨ ਭਿਕ੍ਖੁਨਾ ਅਟ੍ਠਸੁ ਧਮ੍ਮੇਸੁ ਸਮ੍ਮਾ વਤ੍ਤਿਤਬ੍ਬਂ। ਅਟ੍ਠ ਅਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ ਅਟ੍ਠ ਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨੀਤਿ।
328. Aṭṭhānisaṃse sampassamānena na so bhikkhu āpattiyā adassane ukkhipitabbo. Aṭṭhānisaṃse sampassamānena paresampi saddhāya sā āpatti desetabbā. Aṭṭha yāvatatiyakā. Aṭṭhahākārehi kulāni dūseti. Aṭṭha mātikā cīvarassa uppādāya. Aṭṭha mātikā kathinassa ubbhārāya. Aṭṭha pānāni. 3 Aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho . Aṭṭha lokadhammā. Aṭṭha garudhammā. Aṭṭha pāṭidesanīyā. Aṭṭhaṅgiko musāvādo . Aṭṭha uposathaṅgāni. Aṭṭha dūteyyaṅgāni. Aṭṭha titthiyavattāni. Aṭṭha acchariyā abbhutadhammā mahāsamudde. Aṭṭha acchariyā abbhutadhammā imasmiṃ dhammavinaye. Aṭṭha anatirittā. Aṭṭha atirittā. Aṭṭhame aruṇuggamane nissaggiyaṃ hoti. Aṭṭha pārājikā. Aṭṭhamaṃ vatthuṃ paripūrentī nāsetabbā. Aṭṭhamaṃ vatthuṃ paripūrentiyā desitāpi adesitā hoti. Aṭṭhavācikā upasampadā. Aṭṭhannaṃ paccuṭṭhātabbaṃ. Aṭṭhannaṃ āsanaṃ dātabbaṃ. Upāsikā aṭṭha varāni yācati. Aṭṭhahaṅgehi samannāgato bhikkhu bhikkhunovādako sammannitabbo 4. Aṭṭhānisaṃsā vinayadhare. Aṭṭha paramāni. Tassapāpiyasikakammakatena bhikkhunā aṭṭhasu dhammesu sammā vattitabbaṃ. Aṭṭha adhammikāni pātimokkhaṭṭhapanāni aṭṭha dhammikāni pātimokkhaṭṭhapanānīti.
ਅਟ੍ਠਕਂ ਨਿਟ੍ਠਿਤਂ।
Aṭṭhakaṃ niṭṭhitaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਨ ਸੋ ਭਿਕ੍ਖੁ ਪਰੇਸਮ੍ਪਿ, ਯਾવਤਤਿਯਦੂਸਨਾ।
Na so bhikkhu paresampi, yāvatatiyadūsanā;
ਮਾਤਿਕਾ ਕਥਿਨੁਬ੍ਭਾਰਾ, ਪਾਨਾ ਅਭਿਭੂਤੇਨ ਚ॥
Mātikā kathinubbhārā, pānā abhibhūtena ca.
ਲੋਕਧਮ੍ਮਾ ਗਰੁਧਮ੍ਮਾ, ਪਾਟਿਦੇਸਨੀਯਾ ਮੁਸਾ।
Lokadhammā garudhammā, pāṭidesanīyā musā;
ਉਪੋਸਥਾ ਚ ਦੂਤਙ੍ਗਾ, ਤਿਤ੍ਥਿਯਾ ਸਮੁਦ੍ਦੇਪਿ ਚ॥
Uposathā ca dūtaṅgā, titthiyā samuddepi ca.
ਅਬ੍ਭੁਤਾ ਅਨਤਿਰਿਤ੍ਤਂ, ਅਤਿਰਿਤ੍ਤਂ ਨਿਸ੍ਸਗ੍ਗਿਯਂ।
Abbhutā anatirittaṃ, atirittaṃ nissaggiyaṃ;
ਪਾਰਾਜਿਕਟ੍ਠਮਂ વਤ੍ਥੁ, ਅਦੇਸਿਤੂਪਸਮ੍ਪਦਾ॥
Pārājikaṭṭhamaṃ vatthu, adesitūpasampadā.
ਪਚ੍ਚੁਟ੍ਠਾਨਾਸਨਞ੍ਚੇવ, વਰਂ ਓવਾਦਕੇਨ ਚ।
Paccuṭṭhānāsanañceva, varaṃ ovādakena ca;
ਆਨਿਸਂਸਾ ਪਰਮਾਨਿ, ਅਟ੍ਠਧਮ੍ਮੇਸੁ વਤ੍ਤਨਾ।
Ānisaṃsā paramāni, aṭṭhadhammesu vattanā;
ਅਧਮ੍ਮਿਕਾ ਧਮ੍ਮਿਕਾ ਚ, ਅਟ੍ਠਕਾ ਸੁਪ੍ਪਕਾਸਿਤਾਤਿ॥
Adhammikā dhammikā ca, aṭṭhakā suppakāsitāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਅਟ੍ਠਕવਾਰવਣ੍ਣਨਾ • Aṭṭhakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਟ੍ਠਕવਾਰવਣ੍ਣਨਾ • Aṭṭhakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਟ੍ਠਕવਾਰવਣ੍ਣਨਾ • Aṭṭhakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਕ੍ਕવਾਰਾਦਿવਣ੍ਣਨਾ • Chakkavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਅਟ੍ਠਕવਾਰવਣ੍ਣਨਾ • Ekuttarikanayo aṭṭhakavāravaṇṇanā
