| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
адтамахаавибаагажид̇д̇аван̣н̣анаа
Aṭṭhamahāvipākacittavaṇṇanā
498. алобхо аб̣яаагад̇амууланд̇иаад̣̇ийсу гусалабагкз д̇аава алобхаад̣̇осаанам̣ нид̣̇д̣̇зсзсу ‘‘яо д̇асмим̣ самаяз алобхо алуб̣бханаа…бз… алобхо гусаламуула’’нд̇и (д̇ха. са. 32), ‘‘яо д̇асмим̣ самаяз ад̣̇осо ад̣̇уссанаа…бз… ад̣̇осо гусаламуула’’нд̇и (д̇ха. са. 33) жа вуд̇д̇ад̇д̇аа ид̇хааби д̇ам̣нид̣̇д̣̇зсзсу ‘‘алобхо аб̣яаагад̇амуула’’нд̇и ‘‘ад̣̇осо аб̣яаагад̇амуула’’нд̇и важанам̣ яуж̇ж̇зяяа. бан̃н̃инд̣̇рияаад̣̇инид̣̇д̣̇зсзсу бана ‘‘бан̃н̃аарад̇анам̣ амохо д̇хаммавижаяо саммаад̣̇идтий’’д̇и (д̇ха. са. 34, 37) звам̣ д̇ад̇т̇аби вуд̇д̇ам̣, на вуд̇д̇ам̣ ‘‘амохо гусаламуула’’нд̇и. д̇асмаа ид̇хааби ‘‘амохо аб̣яаагад̇амуула’’нд̇и баатзна на бхавид̇аб̣б̣ам̣ сияаа. алобхаад̣̇осаанам̣ вияа амохассаби аб̣яаагад̇амуулад̣̇ассанад̇т̇ам̣ банзд̇ам̣ вуд̇д̇анд̇и взд̣̇ид̇аб̣б̣ам̣. авин̃н̃ад̇д̇иж̇анагад̇од̇и гааяаважийгаммад̣̇вааранивааран̣ам̣ гарод̇и. авибаагад̇хаммад̇од̇и маногаммад̣̇вааранивааран̣ан̃жа. вибаагад̇хаммаанан̃хи гаммад̣̇ваарам̣ вуд̇д̇анд̇и. д̇ат̇аа аббавад̇д̇ид̇од̇и д̣̇аанаад̣̇ибун̃н̃агирияабхаавзна аббавад̇д̇ид̇о. зд̇зна бун̃н̃агирияавад̇т̇убхзд̣̇амзва ниваарзд̇и.
498. Alobhoabyākatamūlantiādīsu kusalapakkhe tāva alobhādosānaṃ niddesesu ‘‘yo tasmiṃ samaye alobho alubbhanā…pe… alobho kusalamūla’’nti (dha. sa. 32), ‘‘yo tasmiṃ samaye adoso adussanā…pe… adoso kusalamūla’’nti (dha. sa. 33) ca vuttattā idhāpi taṃniddesesu ‘‘alobho abyākatamūla’’nti ‘‘adoso abyākatamūla’’nti vacanaṃ yujjeyya. Paññindriyādiniddesesu pana ‘‘paññāratanaṃ amoho dhammavicayo sammādiṭṭhī’’ti (dha. sa. 34, 37) evaṃ tatthapi vuttaṃ, na vuttaṃ ‘‘amoho kusalamūla’’nti. Tasmā idhāpi ‘‘amoho abyākatamūla’’nti pāṭhena na bhavitabbaṃ siyā. Alobhādosānaṃ viya amohassapi abyākatamūladassanatthaṃ panetaṃ vuttanti veditabbaṃ. Aviññattijanakatoti kāyavacīkammadvāranivāraṇaṃ karoti. Avipākadhammatoti manokammadvāranivāraṇañca. Vipākadhammānañhi kammadvāraṃ vuttanti. Tathā appavattitoti dānādipuññakiriyabhāvena appavattito. Etena puññakiriyavatthubhedameva nivāreti.
б̣алавабажжаязхийд̇и баяог̇зна винаа нибпаннзхи аарамман̣аад̣̇ибажжаязхи. асан̇кааригаад̣̇ийсу хи язна гзнажи жид̇д̇зна гаммз ааяуухид̇з асан̇каарзна аббаяог̇зна гаммагамманимид̇д̇аг̇ад̇инимид̇д̇абажжубадтаанз бадисанд̇хи уббаж̇ж̇амаанаа асан̇кааригаа ход̇и, сасан̇каарзна саббаяог̇зна гаммаад̣̇ибажжубадтаанз сасан̇кааригаа. бхаван̇г̇ажуд̇ияо бана бадисанд̇хисад̣̇исаава. д̇ад̣̇аарамман̣ан̃жа гусалаагусалаани вияа асан̇кааригам̣ сасан̇каариган̃жа д̣̇адтаб̣б̣анд̇и. зд̇зсу б̣алавам̣ д̣̇уб̣б̣алан̃жа вижаарзд̇ум̣ ‘‘д̇ад̇т̇а саб̣б̣зби саб̣б̣ан̃н̃уб̣од̇хисад̇д̇аа’’д̇иаад̣̇имааха. гаалавасзна бана барин̣амад̇ийд̇и аббааяугасам̣вад̇д̇анигагаммаб̣ахулз гаалз д̇ам̣гаммасахид̇асанд̇аанаж̇анид̇асуггасон̣ид̇абажжаяаанам̣ д̇ам̣муулагаанам̣ жанд̣̇асуурияависамабаривад̇д̇аад̣̇иж̇анид̇ауд̇аахаараад̣̇ивисамабажжаяаанан̃жа васзна барин̣амад̇и.
Balavapaccayehīti payogena vinā nipphannehi ārammaṇādipaccayehi. Asaṅkhārikādīsu hi yena kenaci cittena kamme āyūhite asaṅkhārena appayogena kammakammanimittagatinimittapaccupaṭṭhāne paṭisandhi uppajjamānā asaṅkhārikā hoti, sasaṅkhārena sappayogena kammādipaccupaṭṭhāne sasaṅkhārikā. Bhavaṅgacutiyo pana paṭisandhisadisāva. Tadārammaṇañca kusalākusalāni viya asaṅkhārikaṃ sasaṅkhārikañca daṭṭhabbanti. Etesu balavaṃ dubbalañca vicāretuṃ ‘‘tattha sabbepi sabbaññubodhisattā’’tiādimāha. Kālavasena pana pariṇamatīti appāyukasaṃvattanikakammabahule kāle taṃkammasahitasantānajanitasukkasoṇitapaccayānaṃ taṃmūlakānaṃ candasūriyavisamaparivattādijanitautāhārādivisamapaccayānañca vasena pariṇamati.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аб̣яаагад̇авибааго • Abyākatavipāko
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / адтамахаавибаагажид̇д̇аван̣н̣анаа • Aṭṭhamahāvipākacittavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / адтамахаавибаагажид̇д̇аван̣н̣анаа • Aṭṭhamahāvipākacittavaṇṇanā
