| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
адтамахаавибаагажид̇д̇аван̣н̣анаа
Aṭṭhamahāvipākacittavaṇṇanā
498. вибаагад̇хаммаанам̣ гаммад̣̇ваарам̣ вуд̇д̇ам̣ д̣̇ваарагат̇ааяам̣ ‘‘д̇збхуумагагусалаагусало згуунад̇им̣савид̇хо мано’’д̇и (д̇ха. са. адта. маногаммад̣̇ваарагат̇аа). баяог̇знаад̇и ад̇д̇анаа барзхи ваа гад̇зна уссааханабаяог̇зна. гусалаагусалаани вияа язсам̣ д̇ам̣ д̇ад̣̇аарамман̣ам̣ ануб̣анд̇хабхууд̇ам̣. батамабан̃жамажид̇д̇аанам̣ ан̃н̃аман̃н̃аб̣алавад̣̇уб̣б̣алабхаававижаарзна д̣̇уд̇ияачадтаад̣̇ийнамби со вижаарид̇о ход̇ийд̇и ‘‘зд̇зсу б̣алавам̣ д̣̇уб̣б̣алан̃жа вижаарзд̇у’’нд̇и вуд̇д̇ам̣. яат̇аа саалиаад̣̇ийнам̣ т̇ад̣̇д̇хамуд̣̇убхуумивасзна д̇ин̣аад̣̇ийнам̣ анийхаран̣анийхаран̣авасзна уд̇уаад̣̇иавасзсабажжаяаанам̣ вибад̇д̇исамбад̇д̇ивасзна жа палависзсаяог̇о, звам̣ гаммасса суг̇ад̇ид̣̇уг̇г̇ад̇ивасзна ависуд̣̇д̇хависуд̣̇д̇хабаяог̇авасзна убабад̇д̇ияаа вибад̇д̇исамбад̇д̇ивасзна жа висидтапалад̇ааяа барин̣аманам̣, звамзва г̇имхавассагаалаад̣̇ийсу б̣ийж̇аанам̣ палависзсаяог̇о вияа д̇ам̣д̇ам̣гаалависзсзна гаммасса палависзсаяог̇о ход̇ийд̇и ааха ‘‘гаалавасзна барин̣амад̇ий’’д̇и. суггасон̣ид̇абажжаяаананд̇и гаммависзсабарибхаавид̇асанд̇аануббаннад̇ааяа суггасон̣ид̇аанам̣ ааяувисзсахзд̇убхаавамааха суггасон̣ид̇авасзнаби ван̣н̣аад̣̇ивисзсад̣̇ассанад̇о, язна ‘‘бид̇уунам̣ аагаарам̣ буд̇д̇о анувид̣̇ахад̇ий’’д̇и вужжад̇и. д̇ам̣муулагаананд̇и аббааяугасам̣вад̇д̇анияагаммамуулагаанам̣. аахаараад̣̇ийд̇и аад̣̇и-сад̣̇д̣̇зна висамуубаггамаад̣̇аяо бариг̇г̇ан̣хаад̇и.
498. Vipākadhammānaṃ kammadvāraṃ vuttaṃ dvārakathāyaṃ ‘‘tebhūmakakusalākusalo ekūnatiṃsavidho mano’’ti (dha. sa. aṭṭha. manokammadvārakathā). Payogenāti attanā parehi vā katena ussāhanapayogena. Kusalākusalāni viya yesaṃ taṃ tadārammaṇaṃ anubandhabhūtaṃ. Paṭhamapañcamacittānaṃ aññamaññabalavadubbalabhāvavicārena dutiyachaṭṭhādīnampi so vicārito hotīti ‘‘etesu balavaṃ dubbalañca vicāretu’’nti vuttaṃ. Yathā sāliādīnaṃ thaddhamudubhūmivasena tiṇādīnaṃ anīharaṇanīharaṇavasena utuādiavasesapaccayānaṃ vipattisampattivasena ca phalavisesayogo, evaṃ kammassa sugatiduggativasena avisuddhavisuddhapayogavasena upapattiyā vipattisampattivasena ca visiṭṭhaphalatāya pariṇamanaṃ, evameva gimhavassakālādīsu bījānaṃ phalavisesayogo viya taṃtaṃkālavisesena kammassa phalavisesayogo hotīti āha ‘‘kālavasena pariṇamatī’’ti. Sukkasoṇitapaccayānanti kammavisesaparibhāvitasantānuppannatāya sukkasoṇitānaṃ āyuvisesahetubhāvamāha sukkasoṇitavasenapi vaṇṇādivisesadassanato, yena ‘‘pitūnaṃ ākāraṃ putto anuvidahatī’’ti vuccati. Taṃmūlakānanti appāyukasaṃvattaniyakammamūlakānaṃ. Āhārādīti ādi-saddena visamūpakkamādayo pariggaṇhāti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / аб̣яаагад̇авибааго • Abyākatavipāko
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / адтамахаавибаагажид̇д̇аван̣н̣анаа • Aṭṭhamahāvipākacittavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / адтамахаавибаагажид̇д̇аван̣н̣анаа • Aṭṭhamahāvipākacittavaṇṇanā
