| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੫. ਅਟ੍ਠਮਕਕਥਾવਣ੍ਣਨਾ
5. Aṭṭhamakakathāvaṇṇanā
੩੬੮. ਇਦਾਨਿ ਅਟ੍ਠਮਕਕਥਾ ਨਾਮ ਹੋਤਿ। ਤਤ੍ਥ ਯੇਸਂ ਅਨੁਲੋਮਗੋਤ੍ਰਭੁਮਗ੍ਗਕ੍ਖਣੇ ਕਿਲੇਸਾਨਂ ਸਮੁਦਾਚਾਰਾਭਾવਤੋ ਅਟ੍ਠਮਕਸ੍ਸ ਸੋਤਾਪਤ੍ਤਿਮਗ੍ਗਟ੍ਠਪੁਗ੍ਗਲਸ੍ਸ ਦ੍વੇ ਪਰਿਯੁਟ੍ਠਾਨਾ ਪਹੀਨਾਤਿ ਲਦ੍ਧਿ, ਸੇਯ੍ਯਥਾਪਿ ਏਤਰਹਿ ਅਨ੍ਧਕਾਨਞ੍ਚੇવ ਸਮ੍ਮਿਤਿਯਾਨਞ੍ਚ; ਤੇਸਂ ਅਞ੍ਞਤਰਂ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਮਗ੍ਗਕ੍ਖਣਤੋ ਪਟ੍ਠਾਯ ਦਿਟ੍ਠਿਯਾ ਅਨੁਪ੍ਪਤ੍ਤਿਂ ਸਨ੍ਧਾਯ ਪਟਿਞ੍ਞਾ ਇਤਰਸ੍ਸ। ਤਤੋ ਯਸ੍ਮਾ ਦਿਟ੍ਠਿ ਨਾਮੇਸਾ ਸੋਤਾਪਨ੍ਨਸ੍ਸੇવ ਪਹੀਨਾ, ਨ ਮਗ੍ਗਟ੍ਠਸ੍ਸ, ਤਸ੍ਮਾ ਅਟ੍ਠਮਕੋ ਪੁਗ੍ਗਲੋ ਸੋਤਾਪਨ੍ਨੋਤਿ ਅਨੁਯੋਗੋ ਸਕવਾਦਿਸ੍ਸ। વਿਚਿਕਿਚ੍ਛਾਪਞ੍ਹੇਪਿ ਏਸੇવ ਨਯੋ। ਅਨੁਸਯਪਞ੍ਹੇ ਪਰਿਯੁਟ੍ਠਾਨਤੋ ਅਞ੍ਞੋ ਅਨੁਸਯੋਤਿ ਤੇਸਂ ਲਦ੍ਧਿ, ਤਸ੍ਮਾ ‘‘ਨ ਹੇવ’’ਨ੍ਤਿ ਪਟਿਕ੍ਖਿਤ੍ਤਂ।
368. Idāni aṭṭhamakakathā nāma hoti. Tattha yesaṃ anulomagotrabhumaggakkhaṇe kilesānaṃ samudācārābhāvato aṭṭhamakassa sotāpattimaggaṭṭhapuggalassa dve pariyuṭṭhānā pahīnāti laddhi, seyyathāpi etarahi andhakānañceva sammitiyānañca; tesaṃ aññataraṃ sandhāya pucchā sakavādissa, maggakkhaṇato paṭṭhāya diṭṭhiyā anuppattiṃ sandhāya paṭiññā itarassa. Tato yasmā diṭṭhi nāmesā sotāpannasseva pahīnā, na maggaṭṭhassa, tasmā aṭṭhamako puggalo sotāpannoti anuyogo sakavādissa. Vicikicchāpañhepi eseva nayo. Anusayapañhe pariyuṭṭhānato añño anusayoti tesaṃ laddhi, tasmā ‘‘na heva’’nti paṭikkhittaṃ.
ਸੀਲਬ੍ਬਤਪਰਾਮਾਸਪਞ੍ਹੇਪਿ ਸੀਲਬ੍ਬਤਪਰਾਮਾਸਪਰਿਯੁਟ੍ਠਾਨਨ੍ਤਿ વੋਹਾਰਂ ਨ ਪਸ੍ਸਤਿ, ਤਸ੍ਮਾ ਪਟਿਕ੍ਖਿਪਤਿ। ਪਰਿਯੁਟ੍ਠਾਨਮੇવਸ੍ਸ ਪਹੀਨਨ੍ਤਿ ਲਦ੍ਧਿ।
Sīlabbataparāmāsapañhepi sīlabbataparāmāsapariyuṭṭhānanti vohāraṃ na passati, tasmā paṭikkhipati. Pariyuṭṭhānamevassa pahīnanti laddhi.
੩੬੯. ਮਗ੍ਗੋ ਭਾવਿਤੋਤਿ ਪਞ੍ਹੇ ਤਸ੍ਮਿਂ ਖਣੇ ਭਾવੇਤਿ, ਨ ਭਾવਿਤੋ। ਤਸ੍ਮਾ ਪਟਿਕ੍ਖਿਪਤਿ। ਅਮਗ੍ਗੇਨਾਤਿਆਦਿਅਨੁਯੋਗੇ ਪਠਮਮਗ੍ਗੇਨੇવ ਪਹੀਨਭਾવਂ ਸਨ੍ਧਾਯ ਪਟਿਕ੍ਖਿਪਤਿ। ਯਦਿ ਹਿ ਅਮਗ੍ਗੇਨ ਪਹੀਯੇਥ, ਗੋਤ੍ਰਭੁਪੁਗ੍ਗਲਾਦੀਨਮ੍ਪਿ ਪਹੀਯੇਥਾਤਿ ਆਪਜ੍ਜਨਤੋ। ਉਪ੍ਪਜ੍ਜਿਸ੍ਸਤੀਤਿ ਪੁਚ੍ਛਾ ਪਰવਾਦਿਸ੍ਸ, વਿਸ੍ਸਜ੍ਜਨਂ ਸਕવਾਦਿਸ੍ਸ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
369. Maggo bhāvitoti pañhe tasmiṃ khaṇe bhāveti, na bhāvito. Tasmā paṭikkhipati. Amaggenātiādianuyoge paṭhamamaggeneva pahīnabhāvaṃ sandhāya paṭikkhipati. Yadi hi amaggena pahīyetha, gotrabhupuggalādīnampi pahīyethāti āpajjanato. Uppajjissatīti pucchā paravādissa, vissajjanaṃ sakavādissa. Sesaṃ sabbattha uttānatthamevāti.
ਅਟ੍ਠਮਕਕਥਾવਣ੍ਣਨਾ।
Aṭṭhamakakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੫) ੫. ਅਟ੍ਠਮਕਕਥਾ • (25) 5. Aṭṭhamakakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਅਟ੍ਠਮਕਕਥਾવਣ੍ਣਨਾ • 5. Aṭṭhamakakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਅਟ੍ਠਮਕਕਥਾવਣ੍ਣਨਾ • 5. Aṭṭhamakakathāvaṇṇanā
