| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
(26) 6. அட்ட²மகஸ்ஸஇந்த்³ரியகதா²
(26) 6. Aṭṭhamakassaindriyakathā
371. அட்ட²மகஸ்ஸ புக்³க³லஸ்ஸ நத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ நத்தி² ஸத்³தா⁴தி? ந ஹேவங் வத்தப்³பே³. அட்ட²மகஸ்ஸ புக்³க³லஸ்ஸ நத்தி² வீரியிந்த்³ரியங்…பே॰… நத்தி² ஸதிந்த்³ரியங்…பே॰… நத்தி² ஸமாதி⁴ந்த்³ரியங்…பே॰… நத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ நத்தி² பஞ்ஞாதி? ந ஹேவங் வத்தப்³பே³…பே॰….
371. Aṭṭhamakassa puggalassa natthi saddhindriyanti? Āmantā. Aṭṭhamakassa puggalassa natthi saddhāti? Na hevaṃ vattabbe. Aṭṭhamakassa puggalassa natthi vīriyindriyaṃ…pe… natthi satindriyaṃ…pe… natthi samādhindriyaṃ…pe… natthi paññindriyanti? Āmantā. Aṭṭhamakassa puggalassa natthi paññāti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தி⁴ந்த்³ரியந்தி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ அத்தி² வீரியங்…பே॰… அத்தி² ஸதி… அத்தி² ஸமாதி⁴… அத்தி² பஞ்ஞாதி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi saddhāti? Āmantā. Aṭṭhamakassa puggalassa atthi saddhindriyanti? Na hevaṃ vattabbe…pe… aṭṭhamakassa puggalassa atthi vīriyaṃ…pe… atthi sati… atthi samādhi… atthi paññāti? Āmantā. Aṭṭhamakassa puggalassa atthi paññindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² மனோ, அத்தி² மனிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ அத்தி² மனோ, அத்தி² மனிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸோமனஸ்ஸங், அத்தி² ஸோமனஸ்ஸிந்த்³ரியங், அத்தி² ஜீவிதங், அத்தி² ஜீவிதிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ அத்தி² ஜீவிதங், அத்தி² ஜீவிதிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ…பே॰… அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi somanassaṃ, atthi somanassindriyaṃ, atthi jīvitaṃ, atthi jīvitindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi jīvitaṃ, atthi jīvitindriyanti? Āmantā. Aṭṭhamakassa puggalassa…pe… atthi paññā, atthi paññindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² மனோ, நத்தி² மனிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi mano, natthi manindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸோமனஸ்ஸங், நத்தி² ஸோமனஸ்ஸிந்த்³ரியந்தி…பே॰… அத்தி² ஜீவிதங், நத்தி² ஜீவிதிந்த்³ரியந்தி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² மனோ, நத்தி² மனிந்த்³ரியந்தி? அத்தி² ஸோமனஸ்ஸங், நத்தி² ஸோமனஸ்ஸிந்த்³ரியந்தி? அத்தி² ஜீவிதங், நத்தி² ஜீவிதிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi somanassaṃ, natthi somanassindriyanti…pe… atthi jīvitaṃ, natthi jīvitindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Aṭṭhamakassa puggalassa atthi mano, natthi manindriyanti? Atthi somanassaṃ, natthi somanassindriyanti? Atthi jīvitaṃ, natthi jīvitindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ நத்தி² ஸத்³தி⁴ந்த்³ரியந்தி? ஆமந்தா. அட்ட²மகோ புக்³க³லோ அஸ்ஸத்³தோ⁴தி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ நத்தி² வீரியிந்த்³ரியந்தி? ஆமந்தா. அட்ட²மகோ புக்³க³லோ குஸீதோ ஹீனவீரியோதி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ நத்தி² ஸதிந்த்³ரியந்தி? ஆமந்தா. அட்ட²மகோ புக்³க³லோ முட்ட²ஸ்ஸதி அஸம்பஜானோதி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ நத்தி² ஸமாதி⁴ந்த்³ரியந்தி? ஆமந்தா. அட்ட²மகோ புக்³க³லோ அஸமாஹிதோ விப்³ப⁴ந்தசித்தோதி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ நத்தி² பஞ்ஞிந்த்³ரியந்தி? ஆமந்தா. அட்ட²மகோ புக்³க³லோ து³ப்பஞ்ஞோ ஏலமூகோ³தி? ந ஹேவங் வத்தப்³பே³…பே॰….
Aṭṭhamakassa puggalassa natthi saddhindriyanti? Āmantā. Aṭṭhamako puggalo assaddhoti? Na hevaṃ vattabbe…pe… aṭṭhamakassa puggalassa natthi vīriyindriyanti? Āmantā. Aṭṭhamako puggalo kusīto hīnavīriyoti? Na hevaṃ vattabbe…pe… aṭṭhamakassa puggalassa natthi satindriyanti? Āmantā. Aṭṭhamako puggalo muṭṭhassati asampajānoti? Na hevaṃ vattabbe…pe… aṭṭhamakassa puggalassa natthi samādhindriyanti? Āmantā. Aṭṭhamako puggalo asamāhito vibbhantacittoti? Na hevaṃ vattabbe…pe… aṭṭhamakassa puggalassa natthi paññindriyanti? Āmantā. Aṭṭhamako puggalo duppañño elamūgoti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, ஸா ச ஸத்³தா⁴ நிய்யானிகாதி? ஆமந்தா. ஹஞ்சி அட்ட²மகஸ்ஸ புக்³க³லஸ்ஸ அத்தி² ஸத்³தா⁴, ஸா ச ஸத்³தா⁴ நிய்யானிகா, நோ ச வத ரே வத்தப்³பே³ – ‘‘அட்ட²மகஸ்ஸ புக்³க³லஸ்ஸ நத்தி² ஸத்³தி⁴ந்த்³ரிய’’ந்தி. அட்ட²மகஸ்ஸ புக்³க³லஸ்ஸ அத்தி² வீரியங், தஞ்ச வீரியங் நிய்யானிகங்; அத்தி² ஸதி, ஸா ச ஸதி நிய்யானிகா; அத்தி² ஸமாதி⁴, ஸோ ச ஸமாதி⁴ நிய்யானிகோ; அத்தி² பஞ்ஞா, ஸா ச பஞ்ஞா நிய்யானிகாதி? ஆமந்தா . ஹஞ்சி அட்ட²மகஸ்ஸ புக்³க³லஸ்ஸ அத்தி² பஞ்ஞா, ஸா ச பஞ்ஞா நிய்யானிகா, நோ ச வத ரே வத்தப்³பே³ – ‘‘அட்ட²மகஸ்ஸ புக்³க³லஸ்ஸ நத்தி² பஞ்ஞிந்த்³ரிய’’ந்தி.
Aṭṭhamakassa puggalassa atthi saddhā, sā ca saddhā niyyānikāti? Āmantā. Hañci aṭṭhamakassa puggalassa atthi saddhā, sā ca saddhā niyyānikā, no ca vata re vattabbe – ‘‘aṭṭhamakassa puggalassa natthi saddhindriya’’nti. Aṭṭhamakassa puggalassa atthi vīriyaṃ, tañca vīriyaṃ niyyānikaṃ; atthi sati, sā ca sati niyyānikā; atthi samādhi, so ca samādhi niyyāniko; atthi paññā, sā ca paññā niyyānikāti? Āmantā . Hañci aṭṭhamakassa puggalassa atthi paññā, sā ca paññā niyyānikā, no ca vata re vattabbe – ‘‘aṭṭhamakassa puggalassa natthi paññindriya’’nti.
372. ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியந்தி? ந ஹேவங் வத்தப்³பே³…பே॰… ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
372. Sakadāgāmiphalasacchikiriyāya paṭipannassa puggalassa atthi saddhā, atthi saddhindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… sakadāgāmiphalasacchikiriyāya paṭipannassa puggalassa atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
அனாகா³மிப²லஸச்சி²கிரியாய படிபன்னஸ்ஸ புக்³க³லஸ்ஸ… அரஹத்தஸச்சி²கிரியாய படிபன்னஸ்ஸ புக்³க³லஸ்ஸ அத்தி² ஸத்³தா⁴, அத்தி² ஸத்³தி⁴ந்த்³ரியங்…பே॰… அத்தி² பஞ்ஞா, அத்தி² பஞ்ஞிந்த்³ரியந்தி? ஆமந்தா. அட்ட²மகஸ்ஸ புக்³க³லஸ்ஸ அத்தி² பஞ்ஞா, அத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi saddhā, atthi saddhindriyaṃ…pe… atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ஆமந்தா. ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி? ந ஹேவங் வத்தப்³பே³…பே॰… அட்ட²மகஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ஆமந்தா. ஸகதா³கா³மிப²லஸச்சி²கிரியாய படிபன்னஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi saddhā, natthi saddhindriyanti? Āmantā. Sakadāgāmiphalasacchikiriyāya paṭipannassa puggalassa atthi saddhā, natthi saddhindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Sakadāgāmiphalasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ அத்தி² ஸத்³தா⁴, நத்தி² ஸத்³தி⁴ந்த்³ரியந்தி…பே॰… அத்தி² பஞ்ஞா, நத்தி² பஞ்ஞிந்த்³ரியந்தி? ஆமந்தா . அனாகா³மிப²லஸச்சி²கிரியாய படிபன்னஸ்ஸ புக்³க³லஸ்ஸ… அரஹத்தஸச்சி²கிரியாய படிபன்னஸ்ஸ புக்³க³லஸ்ஸ அத்தி² பஞ்ஞா, நத்தி² பஞ்ஞிந்த்³ரியந்தி? ந ஹேவங் வத்தப்³பே³…பே॰….
Aṭṭhamakassa puggalassa atthi saddhā, natthi saddhindriyanti…pe… atthi paññā, natthi paññindriyanti? Āmantā . Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
அட்ட²மகஸ்ஸ புக்³க³லஸ்ஸ நத்தி² பஞ்சிந்த்³ரியானீதி? ஆமந்தா. நனு வுத்தங் ப⁴க³வதா – ‘‘பஞ்சிமானி, பி⁴க்க²வே, இந்த்³ரியானி! கதமானி பஞ்ச? ஸத்³தி⁴ந்த்³ரியங், வீரியிந்த்³ரியங், ஸதிந்த்³ரியங், ஸமாதி⁴ந்த்³ரியங், பஞ்ஞிந்த்³ரியங் – இமானி கோ², பி⁴க்க²வே, பஞ்சிந்த்³ரியானி. இமேஸங் கோ², பி⁴க்க²வே, பஞ்சன்னங் இந்த்³ரியானங் ஸமத்தா பரிபூரத்தா அரஹா ஹோதி. ததோ முது³தரேஹி அரஹத்தஸச்சி²கிரியாய படிபன்னோ ஹோதி, ததோ முது³தரேஹி அனாகா³மீ ஹோதி, ததோ முது³தரேஹி அனாகா³மிப²லஸச்சி²கிரியாய படிபன்னோ ஹோதி, ததோ முது³தரேஹி ஸகதா³கா³மீ ஹோதி, ததோ முது³தரேஹி ஸகதா³கா³மிப²லஸச்சி²கிரியாய படிபன்னோ ஹோதி, ததோ முது³தரேஹி ஸோதாபன்னோ ஹோதி, ததோ முது³தரேஹி ஸோதாபத்திப²லஸச்சி²கிரியாய படிபன்னோ ஹோதி. யஸ்ஸ கோ², பி⁴க்க²வே, இமானி பஞ்சிந்த்³ரியானி ஸப்³பே³ன ஸப்³ப³ங் ஸப்³ப³தா² ஸப்³ப³ங் நத்தி², தமஹங் ‘பா³ஹிரோ புது²ஜ்ஜனபக்கே² டி²தோ’தி வதா³மீ’’தி 1. அத்தே²வ ஸுத்தந்தோதி? ஆமந்தா. அட்ட²மகோ புக்³க³லோ பா³ஹிரோ புது²ஜ்ஜனபக்கே² டி²தோதி? ந ஹேவங் வத்தப்³பே³…பே॰… தேன ஹி அட்ட²மகஸ்ஸ புக்³க³லஸ்ஸ அத்தி² பஞ்சிந்த்³ரியானீதி.
Aṭṭhamakassa puggalassa natthi pañcindriyānīti? Āmantā. Nanu vuttaṃ bhagavatā – ‘‘pañcimāni, bhikkhave, indriyāni! Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahā hoti. Tato mudutarehi arahattasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti. Yassa kho, bhikkhave, imāni pañcindriyāni sabbena sabbaṃ sabbathā sabbaṃ natthi, tamahaṃ ‘bāhiro puthujjanapakkhe ṭhito’ti vadāmī’’ti 2. Attheva suttantoti? Āmantā. Aṭṭhamako puggalo bāhiro puthujjanapakkhe ṭhitoti? Na hevaṃ vattabbe…pe… tena hi aṭṭhamakassa puggalassa atthi pañcindriyānīti.
அட்ட²மகஸ்ஸ இந்த்³ரியகதா² நிட்டி²தா.
Aṭṭhamakassa indriyakathā niṭṭhitā.
3. ததியவக்³கோ³
3. Tatiyavaggo
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 6. அட்ட²மகஸ்ஸ இந்த்³ரியகதா²வண்ணனா • 6. Aṭṭhamakassa indriyakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 6. அட்ட²மகஸ்ஸ இந்த்³ரியகதா²வண்ணனா • 6. Aṭṭhamakassa indriyakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 6. அட்ட²மகஸ்ஸ இந்த்³ரியகதா²வண்ணனா • 6. Aṭṭhamakassa indriyakathāvaṇṇanā
