| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
(26) 6. адтамагассаинд̣̇рияагат̇аа
(26) 6. Aṭṭhamakassaindriyakathā
371. адтамагасса буг̇г̇аласса над̇т̇и сад̣̇д̇хинд̣̇рияанд̇и? ааманд̇аа. адтамагасса буг̇г̇аласса над̇т̇и сад̣̇д̇хаад̇и? на хзвам̣ вад̇д̇аб̣б̣з. адтамагасса буг̇г̇аласса над̇т̇и вийрияинд̣̇рияам̣…бз… над̇т̇и сад̇инд̣̇рияам̣…бз… над̇т̇и самаад̇хинд̣̇рияам̣…бз… над̇т̇и бан̃н̃инд̣̇рияанд̇и? ааманд̇аа. адтамагасса буг̇г̇аласса над̇т̇и бан̃н̃аад̇и? на хзвам̣ вад̇д̇аб̣б̣з…бз….
371. Aṭṭhamakassa puggalassa natthi saddhindriyanti? Āmantā. Aṭṭhamakassa puggalassa natthi saddhāti? Na hevaṃ vattabbe. Aṭṭhamakassa puggalassa natthi vīriyindriyaṃ…pe… natthi satindriyaṃ…pe… natthi samādhindriyaṃ…pe… natthi paññindriyanti? Āmantā. Aṭṭhamakassa puggalassa natthi paññāti? Na hevaṃ vattabbe…pe….
адтамагасса буг̇г̇аласса ад̇т̇и сад̣̇д̇хаад̇и? ааманд̇аа. адтамагасса буг̇г̇аласса ад̇т̇и сад̣̇д̇хинд̣̇рияанд̇и? на хзвам̣ вад̇д̇аб̣б̣з…бз… адтамагасса буг̇г̇аласса ад̇т̇и вийрияам̣…бз… ад̇т̇и сад̇и… ад̇т̇и самаад̇хи… ад̇т̇и бан̃н̃аад̇и? ааманд̇аа. адтамагасса буг̇г̇аласса ад̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi saddhāti? Āmantā. Aṭṭhamakassa puggalassa atthi saddhindriyanti? Na hevaṃ vattabbe…pe… aṭṭhamakassa puggalassa atthi vīriyaṃ…pe… atthi sati… atthi samādhi… atthi paññāti? Āmantā. Aṭṭhamakassa puggalassa atthi paññindriyanti? Na hevaṃ vattabbe…pe….
адтамагасса буг̇г̇аласса ад̇т̇и мано, ад̇т̇и манинд̣̇рияанд̇и? ааманд̇аа. адтамагасса буг̇г̇аласса ад̇т̇и сад̣̇д̇хаа, ад̇т̇и сад̣̇д̇хинд̣̇рияанд̇и? на хзвам̣ вад̇д̇аб̣б̣з…бз… адтамагасса буг̇г̇аласса ад̇т̇и мано, ад̇т̇и манинд̣̇рияанд̇и? ааманд̇аа. адтамагасса буг̇г̇аласса ад̇т̇и бан̃н̃аа, ад̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
адтамагасса буг̇г̇аласса ад̇т̇и соманассам̣, ад̇т̇и соманассинд̣̇рияам̣, ад̇т̇и ж̇ийвид̇ам̣, ад̇т̇и ж̇ийвид̇инд̣̇рияанд̇и? ааманд̇аа. адтамагасса буг̇г̇аласса ад̇т̇и сад̣̇д̇хаа, ад̇т̇и сад̣̇д̇хинд̣̇рияанд̇и? на хзвам̣ вад̇д̇аб̣б̣з…бз… адтамагасса буг̇г̇аласса ад̇т̇и ж̇ийвид̇ам̣, ад̇т̇и ж̇ийвид̇инд̣̇рияанд̇и? ааманд̇аа. адтамагасса буг̇г̇аласса…бз… ад̇т̇и бан̃н̃аа, ад̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi somanassaṃ, atthi somanassindriyaṃ, atthi jīvitaṃ, atthi jīvitindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi jīvitaṃ, atthi jīvitindriyanti? Āmantā. Aṭṭhamakassa puggalassa…pe… atthi paññā, atthi paññindriyanti? Na hevaṃ vattabbe…pe….
адтамагасса буг̇г̇аласса ад̇т̇и сад̣̇д̇хаа, над̇т̇и сад̣̇д̇хинд̣̇рияанд̇и? ааманд̇аа. адтамагасса буг̇г̇аласса ад̇т̇и мано, над̇т̇и манинд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi mano, natthi manindriyanti? Na hevaṃ vattabbe…pe….
адтамагасса буг̇г̇аласса ад̇т̇и сад̣̇д̇хаа, над̇т̇и сад̣̇д̇хинд̣̇рияанд̇и? ааманд̇аа. адтамагасса буг̇г̇аласса ад̇т̇и соманассам̣, над̇т̇и соманассинд̣̇рияанд̇и…бз… ад̇т̇и ж̇ийвид̇ам̣, над̇т̇и ж̇ийвид̇инд̣̇рияанд̇и? на хзвам̣ вад̇д̇аб̣б̣з…бз… адтамагасса буг̇г̇аласса ад̇т̇и бан̃н̃аа, над̇т̇и бан̃н̃инд̣̇рияанд̇и? ааманд̇аа. адтамагасса буг̇г̇аласса ад̇т̇и мано, над̇т̇и манинд̣̇рияанд̇и? ад̇т̇и соманассам̣, над̇т̇и соманассинд̣̇рияанд̇и? ад̇т̇и ж̇ийвид̇ам̣, над̇т̇и ж̇ийвид̇инд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi somanassaṃ, natthi somanassindriyanti…pe… atthi jīvitaṃ, natthi jīvitindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Aṭṭhamakassa puggalassa atthi mano, natthi manindriyanti? Atthi somanassaṃ, natthi somanassindriyanti? Atthi jīvitaṃ, natthi jīvitindriyanti? Na hevaṃ vattabbe…pe….
адтамагасса буг̇г̇аласса над̇т̇и сад̣̇д̇хинд̣̇рияанд̇и? ааманд̇аа. адтамаго буг̇г̇ало ассад̣̇д̇ход̇и? на хзвам̣ вад̇д̇аб̣б̣з…бз… адтамагасса буг̇г̇аласса над̇т̇и вийрияинд̣̇рияанд̇и? ааманд̇аа. адтамаго буг̇г̇ало гусийд̇о хийнавийрияод̇и? на хзвам̣ вад̇д̇аб̣б̣з…бз… адтамагасса буг̇г̇аласса над̇т̇и сад̇инд̣̇рияанд̇и? ааманд̇аа. адтамаго буг̇г̇ало мудтассад̇и асамбаж̇аанод̇и? на хзвам̣ вад̇д̇аб̣б̣з…бз… адтамагасса буг̇г̇аласса над̇т̇и самаад̇хинд̣̇рияанд̇и? ааманд̇аа. адтамаго буг̇г̇ало асамаахид̇о виб̣бханд̇ажид̇д̇од̇и? на хзвам̣ вад̇д̇аб̣б̣з…бз… адтамагасса буг̇г̇аласса над̇т̇и бан̃н̃инд̣̇рияанд̇и? ааманд̇аа. адтамаго буг̇г̇ало д̣̇уббан̃н̃о зламууг̇од̇и? на хзвам̣ вад̇д̇аб̣б̣з…бз….
Aṭṭhamakassa puggalassa natthi saddhindriyanti? Āmantā. Aṭṭhamako puggalo assaddhoti? Na hevaṃ vattabbe…pe… aṭṭhamakassa puggalassa natthi vīriyindriyanti? Āmantā. Aṭṭhamako puggalo kusīto hīnavīriyoti? Na hevaṃ vattabbe…pe… aṭṭhamakassa puggalassa natthi satindriyanti? Āmantā. Aṭṭhamako puggalo muṭṭhassati asampajānoti? Na hevaṃ vattabbe…pe… aṭṭhamakassa puggalassa natthi samādhindriyanti? Āmantā. Aṭṭhamako puggalo asamāhito vibbhantacittoti? Na hevaṃ vattabbe…pe… aṭṭhamakassa puggalassa natthi paññindriyanti? Āmantā. Aṭṭhamako puggalo duppañño elamūgoti? Na hevaṃ vattabbe…pe….
адтамагасса буг̇г̇аласса ад̇т̇и сад̣̇д̇хаа, саа жа сад̣̇д̇хаа нияяаанигаад̇и? ааманд̇аа. хан̃жи адтамагасса буг̇г̇аласса ад̇т̇и сад̣̇д̇хаа, саа жа сад̣̇д̇хаа нияяаанигаа, но жа вад̇а рз вад̇д̇аб̣б̣з – ‘‘адтамагасса буг̇г̇аласса над̇т̇и сад̣̇д̇хинд̣̇рияа’’нд̇и. адтамагасса буг̇г̇аласса ад̇т̇и вийрияам̣, д̇ан̃жа вийрияам̣ нияяаанигам̣; ад̇т̇и сад̇и, саа жа сад̇и нияяаанигаа; ад̇т̇и самаад̇хи, со жа самаад̇хи нияяааниго; ад̇т̇и бан̃н̃аа, саа жа бан̃н̃аа нияяаанигаад̇и? ааманд̇аа . хан̃жи адтамагасса буг̇г̇аласса ад̇т̇и бан̃н̃аа, саа жа бан̃н̃аа нияяаанигаа, но жа вад̇а рз вад̇д̇аб̣б̣з – ‘‘адтамагасса буг̇г̇аласса над̇т̇и бан̃н̃инд̣̇рияа’’нд̇и.
Aṭṭhamakassa puggalassa atthi saddhā, sā ca saddhā niyyānikāti? Āmantā. Hañci aṭṭhamakassa puggalassa atthi saddhā, sā ca saddhā niyyānikā, no ca vata re vattabbe – ‘‘aṭṭhamakassa puggalassa natthi saddhindriya’’nti. Aṭṭhamakassa puggalassa atthi vīriyaṃ, tañca vīriyaṃ niyyānikaṃ; atthi sati, sā ca sati niyyānikā; atthi samādhi, so ca samādhi niyyāniko; atthi paññā, sā ca paññā niyyānikāti? Āmantā . Hañci aṭṭhamakassa puggalassa atthi paññā, sā ca paññā niyyānikā, no ca vata re vattabbe – ‘‘aṭṭhamakassa puggalassa natthi paññindriya’’nti.
372. сагад̣̇ааг̇аамипаласажчигирияааяа бадибаннасса буг̇г̇аласса ад̇т̇и сад̣̇д̇хаа, ад̇т̇и сад̣̇д̇хинд̣̇рияанд̇и? ааманд̇аа. адтамагасса буг̇г̇аласса ад̇т̇и сад̣̇д̇хаа, ад̇т̇и сад̣̇д̇хинд̣̇рияанд̇и? на хзвам̣ вад̇д̇аб̣б̣з…бз… сагад̣̇ааг̇аамипаласажчигирияааяа бадибаннасса буг̇г̇аласса ад̇т̇и бан̃н̃аа, ад̇т̇и бан̃н̃инд̣̇рияанд̇и? ааманд̇аа. адтамагасса буг̇г̇аласса ад̇т̇и бан̃н̃аа, ад̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
372. Sakadāgāmiphalasacchikiriyāya paṭipannassa puggalassa atthi saddhā, atthi saddhindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… sakadāgāmiphalasacchikiriyāya paṭipannassa puggalassa atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
анааг̇аамипаласажчигирияааяа бадибаннасса буг̇г̇аласса… арахад̇д̇асажчигирияааяа бадибаннасса буг̇г̇аласса ад̇т̇и сад̣̇д̇хаа, ад̇т̇и сад̣̇д̇хинд̣̇рияам̣…бз… ад̇т̇и бан̃н̃аа, ад̇т̇и бан̃н̃инд̣̇рияанд̇и? ааманд̇аа. адтамагасса буг̇г̇аласса ад̇т̇и бан̃н̃аа, ад̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi saddhā, atthi saddhindriyaṃ…pe… atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
адтамагасса буг̇г̇аласса ад̇т̇и сад̣̇д̇хаа, над̇т̇и сад̣̇д̇хинд̣̇рияанд̇и? ааманд̇аа. сагад̣̇ааг̇аамипаласажчигирияааяа бадибаннасса буг̇г̇аласса ад̇т̇и сад̣̇д̇хаа, над̇т̇и сад̣̇д̇хинд̣̇рияанд̇и? на хзвам̣ вад̇д̇аб̣б̣з…бз… адтамагасса буг̇г̇аласса ад̇т̇и бан̃н̃аа, над̇т̇и бан̃н̃инд̣̇рияанд̇и? ааманд̇аа. сагад̣̇ааг̇аамипаласажчигирияааяа бадибаннасса буг̇г̇аласса ад̇т̇и бан̃н̃аа, над̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi saddhā, natthi saddhindriyanti? Āmantā. Sakadāgāmiphalasacchikiriyāya paṭipannassa puggalassa atthi saddhā, natthi saddhindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Sakadāgāmiphalasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
адтамагасса буг̇г̇аласса ад̇т̇и сад̣̇д̇хаа, над̇т̇и сад̣̇д̇хинд̣̇рияанд̇и…бз… ад̇т̇и бан̃н̃аа, над̇т̇и бан̃н̃инд̣̇рияанд̇и? ааманд̇аа . анааг̇аамипаласажчигирияааяа бадибаннасса буг̇г̇аласса… арахад̇д̇асажчигирияааяа бадибаннасса буг̇г̇аласса ад̇т̇и бан̃н̃аа, над̇т̇и бан̃н̃инд̣̇рияанд̇и? на хзвам̣ вад̇д̇аб̣б̣з…бз….
Aṭṭhamakassa puggalassa atthi saddhā, natthi saddhindriyanti…pe… atthi paññā, natthi paññindriyanti? Āmantā . Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
адтамагасса буг̇г̇аласса над̇т̇и бан̃жинд̣̇рияаанийд̇и? ааманд̇аа. нану вуд̇д̇ам̣ бхаг̇авад̇аа – ‘‘бан̃жимаани, бхигкавз, инд̣̇рияаани! гад̇амаани бан̃жа? сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣ – имаани ко, бхигкавз, бан̃жинд̣̇рияаани. имзсам̣ ко, бхигкавз, бан̃жаннам̣ инд̣̇рияаанам̣ самад̇д̇аа барибуурад̇д̇аа арахаа ход̇и. д̇ад̇о муд̣̇уд̇арзхи арахад̇д̇асажчигирияааяа бадибанно ход̇и, д̇ад̇о муд̣̇уд̇арзхи анааг̇аамий ход̇и, д̇ад̇о муд̣̇уд̇арзхи анааг̇аамипаласажчигирияааяа бадибанно ход̇и, д̇ад̇о муд̣̇уд̇арзхи сагад̣̇ааг̇аамий ход̇и, д̇ад̇о муд̣̇уд̇арзхи сагад̣̇ааг̇аамипаласажчигирияааяа бадибанно ход̇и, д̇ад̇о муд̣̇уд̇арзхи сод̇аабанно ход̇и, д̇ад̇о муд̣̇уд̇арзхи сод̇аабад̇д̇ипаласажчигирияааяа бадибанно ход̇и. яасса ко, бхигкавз, имаани бан̃жинд̣̇рияаани саб̣б̣зна саб̣б̣ам̣ саб̣б̣ат̇аа саб̣б̣ам̣ над̇т̇и, д̇амахам̣ ‘б̣аахиро бут̇уж̇ж̇анабагкз тид̇о’д̇и вад̣̇аамий’’д̇и 1. ад̇т̇зва суд̇д̇анд̇од̇и? ааманд̇аа. адтамаго буг̇г̇ало б̣аахиро бут̇уж̇ж̇анабагкз тид̇од̇и? на хзвам̣ вад̇д̇аб̣б̣з…бз… д̇зна хи адтамагасса буг̇г̇аласса ад̇т̇и бан̃жинд̣̇рияаанийд̇и.
Aṭṭhamakassa puggalassa natthi pañcindriyānīti? Āmantā. Nanu vuttaṃ bhagavatā – ‘‘pañcimāni, bhikkhave, indriyāni! Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahā hoti. Tato mudutarehi arahattasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti. Yassa kho, bhikkhave, imāni pañcindriyāni sabbena sabbaṃ sabbathā sabbaṃ natthi, tamahaṃ ‘bāhiro puthujjanapakkhe ṭhito’ti vadāmī’’ti 2. Attheva suttantoti? Āmantā. Aṭṭhamako puggalo bāhiro puthujjanapakkhe ṭhitoti? Na hevaṃ vattabbe…pe… tena hi aṭṭhamakassa puggalassa atthi pañcindriyānīti.
адтамагасса инд̣̇рияагат̇аа нидтид̇аа.
Aṭṭhamakassa indriyakathā niṭṭhitā.
3. д̇ад̇ияаваг̇г̇о
3. Tatiyavaggo
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 6. адтамагасса инд̣̇рияагат̇ааван̣н̣анаа • 6. Aṭṭhamakassa indriyakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. адтамагасса инд̣̇рияагат̇ааван̣н̣анаа • 6. Aṭṭhamakassa indriyakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. адтамагасса инд̣̇рияагат̇ааван̣н̣анаа • 6. Aṭṭhamakassa indriyakathāvaṇṇanā
