| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
(੨੬) ੬. ਅਟ੍ਠਮਕਸ੍ਸਇਨ੍ਦ੍ਰਿਯਕਥਾ
(26) 6. Aṭṭhamakassaindriyakathā
੩੭੧. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਾਤਿ? ਨ ਹੇવਂ વਤ੍ਤਬ੍ਬੇ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ વੀਰਿਯਿਨ੍ਦ੍ਰਿਯਂ…ਪੇ॰… ਨਤ੍ਥਿ ਸਤਿਨ੍ਦ੍ਰਿਯਂ…ਪੇ॰… ਨਤ੍ਥਿ ਸਮਾਧਿਨ੍ਦ੍ਰਿਯਂ…ਪੇ॰… ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਞਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
371. Aṭṭhamakassa puggalassa natthi saddhindriyanti? Āmantā. Aṭṭhamakassa puggalassa natthi saddhāti? Na hevaṃ vattabbe. Aṭṭhamakassa puggalassa natthi vīriyindriyaṃ…pe… natthi satindriyaṃ…pe… natthi samādhindriyaṃ…pe… natthi paññindriyanti? Āmantā. Aṭṭhamakassa puggalassa natthi paññāti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ વੀਰਿਯਂ…ਪੇ॰… ਅਤ੍ਥਿ ਸਤਿ… ਅਤ੍ਥਿ ਸਮਾਧਿ… ਅਤ੍ਥਿ ਪਞ੍ਞਾਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi saddhāti? Āmantā. Aṭṭhamakassa puggalassa atthi saddhindriyanti? Na hevaṃ vattabbe…pe… aṭṭhamakassa puggalassa atthi vīriyaṃ…pe… atthi sati… atthi samādhi… atthi paññāti? Āmantā. Aṭṭhamakassa puggalassa atthi paññindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਅਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਅਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi mano, atthi manindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸੋਮਨਸ੍ਸਂ, ਅਤ੍ਥਿ ਸੋਮਨਸ੍ਸਿਨ੍ਦ੍ਰਿਯਂ, ਅਤ੍ਥਿ ਜੀવਿਤਂ, ਅਤ੍ਥਿ ਜੀવਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਜੀવਿਤਂ, ਅਤ੍ਥਿ ਜੀવਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ…ਪੇ॰… ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi somanassaṃ, atthi somanassindriyaṃ, atthi jīvitaṃ, atthi jīvitindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… aṭṭhamakassa puggalassa atthi jīvitaṃ, atthi jīvitindriyanti? Āmantā. Aṭṭhamakassa puggalassa…pe… atthi paññā, atthi paññindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਨਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi mano, natthi manindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸੋਮਨਸ੍ਸਂ, ਨਤ੍ਥਿ ਸੋਮਨਸ੍ਸਿਨ੍ਦ੍ਰਿਯਨ੍ਤਿ…ਪੇ॰… ਅਤ੍ਥਿ ਜੀવਿਤਂ, ਨਤ੍ਥਿ ਜੀવਿਤਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਨਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਅਤ੍ਥਿ ਸੋਮਨਸ੍ਸਂ, ਨਤ੍ਥਿ ਸੋਮਨਸ੍ਸਿਨ੍ਦ੍ਰਿਯਨ੍ਤਿ? ਅਤ੍ਥਿ ਜੀવਿਤਂ, ਨਤ੍ਥਿ ਜੀવਿਤਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi saddhā, natthi saddhindriyanti? Āmantā. Aṭṭhamakassa puggalassa atthi somanassaṃ, natthi somanassindriyanti…pe… atthi jīvitaṃ, natthi jīvitindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Aṭṭhamakassa puggalassa atthi mano, natthi manindriyanti? Atthi somanassaṃ, natthi somanassindriyanti? Atthi jīvitaṃ, natthi jīvitindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕੋ ਪੁਗ੍ਗਲੋ ਅਸ੍ਸਦ੍ਧੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ વੀਰਿਯਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕੋ ਪੁਗ੍ਗਲੋ ਕੁਸੀਤੋ ਹੀਨવੀਰਿਯੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕੋ ਪੁਗ੍ਗਲੋ ਮੁਟ੍ਠਸ੍ਸਤਿ ਅਸਮ੍ਪਜਾਨੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਮਾਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕੋ ਪੁਗ੍ਗਲੋ ਅਸਮਾਹਿਤੋ વਿਬ੍ਭਨ੍ਤਚਿਤ੍ਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕੋ ਪੁਗ੍ਗਲੋ ਦੁਪ੍ਪਞ੍ਞੋ ਏਲਮੂਗੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa natthi saddhindriyanti? Āmantā. Aṭṭhamako puggalo assaddhoti? Na hevaṃ vattabbe…pe… aṭṭhamakassa puggalassa natthi vīriyindriyanti? Āmantā. Aṭṭhamako puggalo kusīto hīnavīriyoti? Na hevaṃ vattabbe…pe… aṭṭhamakassa puggalassa natthi satindriyanti? Āmantā. Aṭṭhamako puggalo muṭṭhassati asampajānoti? Na hevaṃ vattabbe…pe… aṭṭhamakassa puggalassa natthi samādhindriyanti? Āmantā. Aṭṭhamako puggalo asamāhito vibbhantacittoti? Na hevaṃ vattabbe…pe… aṭṭhamakassa puggalassa natthi paññindriyanti? Āmantā. Aṭṭhamako puggalo duppañño elamūgoti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਸਾ ਚ ਸਦ੍ਧਾ ਨਿਯ੍ਯਾਨਿਕਾਤਿ? ਆਮਨ੍ਤਾ। ਹਞ੍ਚਿ ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਸਾ ਚ ਸਦ੍ਧਾ ਨਿਯ੍ਯਾਨਿਕਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਿਨ੍ਦ੍ਰਿਯ’’ਨ੍ਤਿ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ વੀਰਿਯਂ, ਤਞ੍ਚ વੀਰਿਯਂ ਨਿਯ੍ਯਾਨਿਕਂ; ਅਤ੍ਥਿ ਸਤਿ, ਸਾ ਚ ਸਤਿ ਨਿਯ੍ਯਾਨਿਕਾ; ਅਤ੍ਥਿ ਸਮਾਧਿ, ਸੋ ਚ ਸਮਾਧਿ ਨਿਯ੍ਯਾਨਿਕੋ; ਅਤ੍ਥਿ ਪਞ੍ਞਾ, ਸਾ ਚ ਪਞ੍ਞਾ ਨਿਯ੍ਯਾਨਿਕਾਤਿ? ਆਮਨ੍ਤਾ । ਹਞ੍ਚਿ ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਸਾ ਚ ਪਞ੍ਞਾ ਨਿਯ੍ਯਾਨਿਕਾ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਞਿਨ੍ਦ੍ਰਿਯ’’ਨ੍ਤਿ।
Aṭṭhamakassa puggalassa atthi saddhā, sā ca saddhā niyyānikāti? Āmantā. Hañci aṭṭhamakassa puggalassa atthi saddhā, sā ca saddhā niyyānikā, no ca vata re vattabbe – ‘‘aṭṭhamakassa puggalassa natthi saddhindriya’’nti. Aṭṭhamakassa puggalassa atthi vīriyaṃ, tañca vīriyaṃ niyyānikaṃ; atthi sati, sā ca sati niyyānikā; atthi samādhi, so ca samādhi niyyāniko; atthi paññā, sā ca paññā niyyānikāti? Āmantā . Hañci aṭṭhamakassa puggalassa atthi paññā, sā ca paññā niyyānikā, no ca vata re vattabbe – ‘‘aṭṭhamakassa puggalassa natthi paññindriya’’nti.
੩੭੨. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
372. Sakadāgāmiphalasacchikiriyāya paṭipannassa puggalassa atthi saddhā, atthi saddhindriyanti? Āmantā. Aṭṭhamakassa puggalassa atthi saddhā, atthi saddhindriyanti? Na hevaṃ vattabbe…pe… sakadāgāmiphalasacchikiriyāya paṭipannassa puggalassa atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ… ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਂ…ਪੇ॰… ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi saddhā, atthi saddhindriyaṃ…pe… atthi paññā, atthi paññindriyanti? Āmantā. Aṭṭhamakassa puggalassa atthi paññā, atthi paññindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ। ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi saddhā, natthi saddhindriyanti? Āmantā. Sakadāgāmiphalasacchikiriyāya paṭipannassa puggalassa atthi saddhā, natthi saddhindriyanti? Na hevaṃ vattabbe…pe… aṭṭhamakassa puggalassa atthi paññā, natthi paññindriyanti? Āmantā. Sakadāgāmiphalasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ…ਪੇ॰… ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ । ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ… ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Aṭṭhamakassa puggalassa atthi saddhā, natthi saddhindriyanti…pe… atthi paññā, natthi paññindriyanti? Āmantā . Anāgāmiphalasacchikiriyāya paṭipannassa puggalassa… arahattasacchikiriyāya paṭipannassa puggalassa atthi paññā, natthi paññindriyanti? Na hevaṃ vattabbe…pe….
ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਚਿਨ੍ਦ੍ਰਿਯਾਨੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਪਞ੍ਚਿਮਾਨਿ, ਭਿਕ੍ਖવੇ, ਇਨ੍ਦ੍ਰਿਯਾਨਿ! ਕਤਮਾਨਿ ਪਞ੍ਚ? ਸਦ੍ਧਿਨ੍ਦ੍ਰਿਯਂ, વੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ – ਇਮਾਨਿ ਖੋ, ਭਿਕ੍ਖવੇ, ਪਞ੍ਚਿਨ੍ਦ੍ਰਿਯਾਨਿ। ਇਮੇਸਂ ਖੋ, ਭਿਕ੍ਖવੇ, ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮਤ੍ਤਾ ਪਰਿਪੂਰਤ੍ਤਾ ਅਰਹਾ ਹੋਤਿ। ਤਤੋ ਮੁਦੁਤਰੇਹਿ ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਅਨਾਗਾਮੀ ਹੋਤਿ, ਤਤੋ ਮੁਦੁਤਰੇਹਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਸਕਦਾਗਾਮੀ ਹੋਤਿ, ਤਤੋ ਮੁਦੁਤਰੇਹਿ ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਸੋਤਾਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ। ਯਸ੍ਸ ਖੋ, ਭਿਕ੍ਖવੇ, ਇਮਾਨਿ ਪਞ੍ਚਿਨ੍ਦ੍ਰਿਯਾਨਿ ਸਬ੍ਬੇਨ ਸਬ੍ਬਂ ਸਬ੍ਬਥਾ ਸਬ੍ਬਂ ਨਤ੍ਥਿ, ਤਮਹਂ ‘ਬਾਹਿਰੋ ਪੁਥੁਜ੍ਜਨਪਕ੍ਖੇ ਠਿਤੋ’ਤਿ વਦਾਮੀ’’ਤਿ 1। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਅਟ੍ਠਮਕੋ ਪੁਗ੍ਗਲੋ ਬਾਹਿਰੋ ਪੁਥੁਜ੍ਜਨਪਕ੍ਖੇ ਠਿਤੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਚਿਨ੍ਦ੍ਰਿਯਾਨੀਤਿ।
Aṭṭhamakassa puggalassa natthi pañcindriyānīti? Āmantā. Nanu vuttaṃ bhagavatā – ‘‘pañcimāni, bhikkhave, indriyāni! Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahā hoti. Tato mudutarehi arahattasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti. Yassa kho, bhikkhave, imāni pañcindriyāni sabbena sabbaṃ sabbathā sabbaṃ natthi, tamahaṃ ‘bāhiro puthujjanapakkhe ṭhito’ti vadāmī’’ti 2. Attheva suttantoti? Āmantā. Aṭṭhamako puggalo bāhiro puthujjanapakkhe ṭhitoti? Na hevaṃ vattabbe…pe… tena hi aṭṭhamakassa puggalassa atthi pañcindriyānīti.
ਅਟ੍ਠਮਕਸ੍ਸ ਇਨ੍ਦ੍ਰਿਯਕਥਾ ਨਿਟ੍ਠਿਤਾ।
Aṭṭhamakassa indriyakathā niṭṭhitā.
੩. ਤਤਿਯવਗ੍ਗੋ
3. Tatiyavaggo
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੬. ਅਟ੍ਠਮਕਸ੍ਸ ਇਨ੍ਦ੍ਰਿਯਕਥਾવਣ੍ਣਨਾ • 6. Aṭṭhamakassa indriyakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੬. ਅਟ੍ਠਮਕਸ੍ਸ ਇਨ੍ਦ੍ਰਿਯਕਥਾવਣ੍ਣਨਾ • 6. Aṭṭhamakassa indriyakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੬. ਅਟ੍ਠਮਕਸ੍ਸ ਇਨ੍ਦ੍ਰਿਯਕਥਾવਣ੍ਣਨਾ • 6. Aṭṭhamakassa indriyakathāvaṇṇanā
