| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੮. ਅਟ੍ਠਮਸਙ੍ਘਾਦਿਸੇਸਸਿਕ੍ਖਾਪਦਂ
8. Aṭṭhamasaṅghādisesasikkhāpadaṃ
੭੧੫. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਚਣ੍ਡਕਾਲ਼ੀ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਦੇਤਿ – ‘‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ, ਦੋਸਗਾਮਿਨਿਯੋ ਚ ਭਿਕ੍ਖੁਨਿਯੋ, ਮੋਹਗਾਮਿਨਿਯੋ ਚ ਭਿਕ੍ਖੁਨਿਯੋ, ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’’ਤਿ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਚਣ੍ਡਕਾਲ਼ੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਕ੍ਖਤਿ – ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਚਣ੍ਡਕਾਲ਼ੀ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਦੇਤਿ – ‘‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਚਣ੍ਡਕਾਲ਼ੀ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਕ੍ਖਤਿ – ‘‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’’ਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
715. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena caṇḍakāḷī bhikkhunī kismiñcideva adhikaraṇe paccākatā kupitā anattamanā evaṃ vadeti – ‘‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo’’ti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā caṇḍakāḷī kismiñcideva adhikaraṇe paccākatā kupitā anattamanā evaṃ vakkhati – chandagāminiyo ca bhikkhuniyo…pe… bhayagāminiyo ca bhikkhuniyo’’ti…pe… saccaṃ kira, bhikkhave, caṇḍakāḷī bhikkhunī kismiñcideva adhikaraṇe paccākatā kupitā anattamanā evaṃ vadeti – ‘‘chandagāminiyo ca bhikkhuniyo…pe… bhayagāminiyo ca bhikkhuniyo’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, caṇḍakāḷī bhikkhunī kismiñcideva adhikaraṇe paccākatā kupitā anattamanā evaṃ vakkhati – ‘‘chandagāminiyo ca bhikkhuniyo…pe… bhayagāminiyo ca bhikkhuniyo’’ti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੭੧੬. ‘‘ਯਾ ਪਨ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਦੇਯ੍ਯ – ‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ, ਦੋਸਗਾਮਿਨਿਯੋ ਚ ਭਿਕ੍ਖੁਨਿਯੋ, ਮੋਹਗਾਮਿਨਿਯੋ ਚ ਭਿਕ੍ਖੁਨਿਯੋ, ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’ਤਿ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏવਮਸ੍ਸ વਚਨੀਯਾ – ‘ਮਾਯ੍ਯੇ, ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ ਅવਚ – ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ ਦੋਸਗਾਮਿਨਿਯੋ ਚ ਭਿਕ੍ਖੁਨਿਯੋ ਮੋਹਗਾਮਿਨਿਯੋ ਚ ਭਿਕ੍ਖੁਨਿਯੋ ਭਯਗਾਮਿਨਿਯੋ ਚ ਭਿਕ੍ਖੁਨਿਯੋਤਿ। ਅਯ੍ਯਾ ਖੋ ਛਨ੍ਦਾਪਿ ਗਚ੍ਛੇਯ੍ਯ, ਦੋਸਾਪਿ ਗਚ੍ਛੇਯ੍ਯ, ਮੋਹਾਪਿ ਗਚ੍ਛੇਯ੍ਯ, ਭਯਾਪਿ ਗਚ੍ਛੇਯ੍ਯਾ’ਤਿ। ਏવਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ વੁਚ੍ਚਮਾਨਾ ਤਥੇવ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾવਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ। ਯਾવਤਤਿਯਞ੍ਚੇ ਸਮਨੁਭਾਸੀਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾવਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸ’’ਨ੍ਤਿ।
716.‘‘Yā pana bhikkhunī kismiñcideva adhikaraṇe paccākatā kupitā anattamanā evaṃ vadeyya – ‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo’ti, sā bhikkhunī bhikkhunīhi evamassa vacanīyā – ‘māyye, kismiñcideva adhikaraṇe paccākatā kupitā anattamanā evaṃ avaca – chandagāminiyo ca bhikkhuniyo dosagāminiyo ca bhikkhuniyo mohagāminiyo ca bhikkhuniyo bhayagāminiyo ca bhikkhuniyoti. Ayyā kho chandāpi gaccheyya, dosāpi gaccheyya, mohāpi gaccheyya, bhayāpi gaccheyyā’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsīyamānā taṃ paṭinissajjeyya, iccetaṃ kusalaṃ; no ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesa’’nti.
੭੧੭. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
717.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਕਿਸ੍ਮਿਞ੍ਚਿਦੇવ ਅਧਿਕਰਣੇਤਿ ਅਧਿਕਰਣਂ ਨਾਮ ਚਤ੍ਤਾਰਿ ਅਧਿਕਰਣਾਨਿ – વਿવਾਦਾਧਿਕਰਣਂ, ਅਨੁવਾਦਾਧਿਕਰਣਂ, ਆਪਤ੍ਤਾਧਿਕਰਣਂ, ਕਿਚ੍ਚਾਧਿਕਰਣਂ।
Kismiñcideva adhikaraṇeti adhikaraṇaṃ nāma cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ.
ਪਚ੍ਚਾਕਤਾ ਨਾਮ ਪਰਾਜਿਤਾ વੁਚ੍ਚਤਿ।
Paccākatā nāma parājitā vuccati.
ਕੁਪਿਤਾ ਅਨਤ੍ਤਮਨਾਤਿ ਅਨਭਿਰਦ੍ਧਾ ਆਹਤਚਿਤ੍ਤਾ ਖਿਲਜਾਤਾ।
Kupitā anattamanāti anabhiraddhā āhatacittā khilajātā.
ਏવਂ વਦੇਯ੍ਯਾਤਿ – ‘‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’’ਤਿ।
Evaṃ vadeyyāti – ‘‘chandagāminiyo ca bhikkhuniyo…pe… bhayagāminiyo ca bhikkhuniyo’’ti.
ਸਾ ਭਿਕ੍ਖੁਨੀਤਿ ਯਾ ਸਾ ਏવਂવਾਦਿਨੀ ਭਿਕ੍ਖੁਨੀ।
Sābhikkhunīti yā sā evaṃvādinī bhikkhunī.
ਭਿਕ੍ਖੁਨੀਹੀਤਿ ਅਞ੍ਞਾਹਿ ਭਿਕ੍ਖੁਨੀਹਿ।
Bhikkhunīhīti aññāhi bhikkhunīhi.
ਯਾ ਪਸ੍ਸਨ੍ਤਿ ਯਾ ਸੁਣਨ੍ਤਿ ਤਾਹਿ વਤ੍ਤਬ੍ਬਾ – ‘‘ਮਾਯ੍ਯੇ, ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ ਅવਚ – ‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’ਤਿ। ਅਯ੍ਯਾ ਖੋ ਛਨ੍ਦਾਪਿ ਗਚ੍ਛੇਯ੍ਯ…ਪੇ॰… ਭਯਾਪਿ ਗਚ੍ਛੇਯ੍ਯਾ’’ਤਿ। ਦੁਤਿਯਮ੍ਪਿ વਤ੍ਤਬ੍ਬਾ। ਤਤਿਯਮ੍ਪਿ વਤ੍ਤਬ੍ਬਾ। ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੁਤ੍વਾ ਨ વਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾ ਭਿਕ੍ਖੁਨੀ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍વਾ વਤ੍ਤਬ੍ਬਾ – ‘‘ਮਾਯ੍ਯੇ, ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ ਅવਚ – ‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’ਤਿ। ਅਯ੍ਯਾ ਖੋ ਛਨ੍ਦਾਪਿ ਗਚ੍ਛੇਯ੍ਯ…ਪੇ॰… ਭਯਾਪਿ ਗਚ੍ਛੇਯ੍ਯਾ’’ਤਿ। ਦੁਤਿਯਮ੍ਪਿ વਤ੍ਤਬ੍ਬਾ। ਤਤਿਯਮ੍ਪਿ વਤ੍ਤਬ੍ਬਾ। ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾ ਭਿਕ੍ਖੁਨੀ ਸਮਨੁਭਾਸਿਤਬ੍ਬਾ। ਏવਞ੍ਚ ਪਨ, ਭਿਕ੍ਖવੇ, ਸਮਨੁਭਾਸਿਤਬ੍ਬਾ। ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
Yā passanti yā suṇanti tāhi vattabbā – ‘‘māyye, kismiñcideva adhikaraṇe paccākatā kupitā anattamanā evaṃ avaca – ‘chandagāminiyo ca bhikkhuniyo…pe… bhayagāminiyo ca bhikkhuniyo’ti. Ayyā kho chandāpi gaccheyya…pe… bhayāpi gaccheyyā’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sutvā na vadanti, āpatti dukkaṭassa. Sā bhikkhunī saṅghamajjhampi ākaḍḍhitvā vattabbā – ‘‘māyye, kismiñcideva adhikaraṇe paccākatā kupitā anattamanā evaṃ avaca – ‘chandagāminiyo ca bhikkhuniyo…pe… bhayagāminiyo ca bhikkhuniyo’ti. Ayyā kho chandāpi gaccheyya…pe… bhayāpi gaccheyyā’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sā bhikkhunī samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
੭੧੮. ‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਦੇਤਿ – ‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’ਤਿ। ਸਾ ਤਂ વਤ੍ਥੁਂ ਨ ਪਟਿਨਿਸ੍ਸਜ੍ਜਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮਨੁਭਾਸੇਯ੍ਯ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਏਸਾ ਞਤ੍ਤਿ।
718. ‘‘Suṇātu me, ayye, saṅgho. Ayaṃ itthannāmā bhikkhunī kismiñcideva adhikaraṇe paccākatā kupitā anattamanā evaṃ vadeti – ‘chandagāminiyo ca bhikkhuniyo…pe… bhayagāminiyo ca bhikkhuniyo’ti. Sā taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuniṃ samanubhāseyya tassa vatthussa paṭinissaggāya. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇવ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏવਂ વਦੇਤਿ – ‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ…ਪੇ॰… ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’ਤਿ। ਸਾ ਤਂ વਤ੍ਥੁਂ ਨ ਪਟਿਨਿਸ੍ਸਜ੍ਜਤਿ। ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮਨੁਭਾਸਤਿ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਸਮਨੁਭਾਸਨਾ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Ayaṃ itthannāmā bhikkhunī kismiñcideva adhikaraṇe paccākatā kupitā anattamanā evaṃ vadeti – ‘chandagāminiyo ca bhikkhuniyo…pe… bhayagāminiyo ca bhikkhuniyo’ti. Sā taṃ vatthuṃ na paṭinissajjati. Saṅgho itthannāmaṃ bhikkhuniṃ samanubhāsati tassa vatthussa paṭinissaggāya. Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa; yassā nakkhamati, sā bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰…।
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘ਸਮਨੁਭਟ੍ਠਾ ਸਙ੍ਘੇਨ ਇਤ੍ਥਨ੍ਨਾਮਾ ਭਿਕ੍ਖੁਨੀ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Samanubhaṭṭhā saṅghena itthannāmā bhikkhunī tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
ਞਤ੍ਤਿਯਾ ਦੁਕ੍ਕਟਂ। ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ। ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤਿਯਾ ਞਤ੍ਤਿਯਾ ਦੁਕ੍ਕਟਂ। ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ।
Ñattiyā dukkaṭaṃ. Dvīhi kammavācāhi thullaccayā. Kammavācāpariyosāne āpatti saṅghādisesassa. Saṅghādisesaṃ ajjhāpajjantiyā ñattiyā dukkaṭaṃ. Dvīhi kammavācāhi thullaccayā paṭippassambhanti.
ਅਯਮ੍ਪੀਤਿ ਪੁਰਿਮਾਯੋ ਉਪਾਦਾਯ વੁਚ੍ਚਤਿ।
Ayampīti purimāyo upādāya vuccati.
ਯਾવਤਤਿਯਕਨ੍ਤਿ ਯਾવਤਤਿਯਂ ਸਮਨੁਭਾਸਨਾਯ ਆਪਜ੍ਜਤਿ, ਨ ਸਹ વਤ੍ਥੁਜ੍ਝਾਚਾਰਾ।
Yāvatatiyakanti yāvatatiyaṃ samanubhāsanāya āpajjati, na saha vatthujjhācārā.
ਨਿਸ੍ਸਾਰਣੀਯਨ੍ਤਿ ਸਙ੍ਘਮ੍ਹਾ ਨਿਸ੍ਸਾਰੀਯਤਿ।
Nissāraṇīyanti saṅghamhā nissārīyati.
ਸਙ੍ਘਾਦਿਸੇਸੋਤਿ…ਪੇ॰… ਤੇਨਪਿ વੁਚ੍ਚਤਿ ਸਙ੍ਘਾਦਿਸੇਸੋਤਿ।
Saṅghādisesoti…pe… tenapi vuccati saṅghādisesoti.
੭੧੯. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਾ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸ੍ਸ। ਧਮ੍ਮਕਮ੍ਮੇ વੇਮਤਿਕਾ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਾ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
719. Dhammakamme dhammakammasaññā na paṭinissajjati, āpatti saṅghādisessa. Dhammakamme vematikā na paṭinissajjati, āpatti saṅghādisesassa. Dhammakamme adhammakammasaññā na paṭinissajjati, āpatti saṅghādisesassa.
ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ વੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਾ ਆਪਤ੍ਤਿ ਦੁਕ੍ਕਟਸ੍ਸ।
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā āpatti dukkaṭassa.
੭੨੦. ਅਨਾਪਤ੍ਤਿ ਅਸਮਨੁਭਾਸਨ੍ਤਿਯਾ, ਪਟਿਨਿਸ੍ਸਜ੍ਜਨ੍ਤਿਯਾ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ ।
720. Anāpatti asamanubhāsantiyā, paṭinissajjantiyā, ummattikāya, ādikammikāyāti .
ਅਟ੍ਠਮਸਙ੍ਘਾਦਿਸੇਸਸਿਕ੍ਖਾਪਦਂ ਨਿਟ੍ਠਿਤਂ।
Aṭṭhamasaṅghādisesasikkhāpadaṃ niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੮. ਅਟ੍ਠਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 8. Aṭṭhamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਸਤ੍ਤਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 7. Sattamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਅਟ੍ਠਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 8. Aṭṭhamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਅਟ੍ਠਮਸਙ੍ਘਾਦਿਸੇਸਸਿਕ੍ਖਾਪਦਂ • 8. Aṭṭhamasaṅghādisesasikkhāpadaṃ
